Te turu nei te mau ô no te ohipa a te Taiete na te ao nei i te mau ohipa faarahiraa
Mai tei tohuhia i roto i te Isaia 54:2, 3, te tamau noa ra te haamoriraa viivii ore a te Atua i te parare i nia i te fenua nei. I roto iho â râ i te mau fenua taa ê no Afirika, i roto atoa i te tahi mau motu tapiri. I roto i na ahuru matahiti i mairi aˈenei, ua faaorehia te mau opaniraa i nia i te ohipa o te Basileia i roto i te mau fenua Angola, Cameroun, Etiopia, Guinée équatoriale, Madagascar, Malawi, Mozambique e Togo. I roto i taua mau fenua ra e te tahi atu â i reira ua ineine te mau faaapu no te auhuneraa, ua tonohia te mau mitionare no Gileada, te mau taeae i faatuitehia i te Haapiiraa faaineineraa no te taviniraa, te mau melo o te utuafare o te Betela e te tahi atu feia poro.—Mat. 9:37, 38.
Parau mau, te titau ra te maraaraa o te feia e faaohipa ra i te haamoriraa mau i roto i te faanahonahoraa a Iehova, ia patuhia e mau hanere Piha no te Basileia. Te titau-atoa-hia ra ia hamanihia te mau Fare tairururaa e ia patuhia aore ra ia faarahihia te mau amaa. Te faaohipahia ra te rahiraa o te mau ô e horoahia ra na te Taiete no te ohipa na te ao nei, no te aufau i te mau haamâuˈaraa o teie mau paturaa, e no te faahaere i te ohipa o te Basileia i mua, eiaha i Afirika noa, i roto atoa râ i te tahi atu mau tuhaa o te ao nei.
Na roto i te mau hohoˈa i patahia e te mau hohoˈa i papaihia i nia i na api e piti o teie tumu parau hau, e ite tatou e eaha ta te Taiete e tutava ra i te rave no te fenua Afirika. Te vai ra vetahi mau piha e patuhia ra e te tahi atu e fatata roa i te hamanihia.
Na roto i te hiˈopoaraa i te tabula ohipa na te ao nei i roto i te Annuaire 1996, e ite maitai outou i te taviniraa e ravehia ra e te feia poro i taua mau fenua ra. Te itehia ra i roto e rave rahi fenua i te hoê maraaraa faahiahia, e te faaite ra te rahiraa taata i haere mai i te oroa Haamanaˈoraa e e maraa faahou â. Ia feruri anaˈe tatou i te mea ta te ohipa pororaa e ta te ohipa faariroraa i te taata ei pǐpǐ e nehenehe e faatupu i nia i te tahi atu mau fenua, te taa ra ïa ia tatou e e haamaitairaa taa ê ta tatou e turu i te haamoriraa mau i te pae materia.—Luka 16:9; Tim. 1, 6:18.
[Box on page 3]
Piha no te Basileia patuhia e 9 mahana te maoro i KwaZulu-Natal, i Afirika Apatoa.
[Box on page 3]
Piha no te Basileia mama, i Nigeria.
[Box on page 3]
I Mozambique, Fare tairururaa 1 500 parahiraa, e oti i te hopea matahiti 1996.
[Box on page 3]
Mau fare o te amaa no Mozambique, o te faaohipahia mai te tau auhune 1996.
[Box on page 3]
Amaa no Sierra Leone, o te oti i teie tau veavea.
[Box on page 4]
Maurice: Fare tairururaa faaotihia, aita e paruru na te mau hiti, e e faaotihia te mau fare o te amaa i te tau uaaraa tiare 1997.
[Box on page 4]
Amaa no Zimbabwe, e patuhia ra.
[Box on page 4]
Fare tairururaa aita e paruru na te mau hiti e amaa e patuhia ra i Sénégal.
[Box on page 4]
Amaa apî no Kenya i te oire pu no Nairobi.
[Box on page 4]
Amaa no Madagascar, e faaotihia ra.
[Box on page 4]
Opuaraa no te amaa no Malawi.