Hiˈo-faahou-raa no te Haapiiraa o te Taviniraa Teotaratia

Hiˈo-faahou-raa ma te tapiri i te buka i te mau tumu parau tuatapapahia i roto i te Haapiiraa o te Taviniraa Teotaratia mai te hebedoma o te 6 no Me e tae atu i to te 19 no Atete 1996. A pahono i nia i te hoê papie taa ê i te mau uiraa atoa e nehenehe i roto i te area taime i faataahia.

[Nota: I te taime hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i muri aˈe i te mau uiraa atoa no te faaohie i ta outou mau maimiraa. Aita te mau numera api e paratarapha o Te Pare Tiairaa i faahiti-pauroa-hia.]

A tuu “tano” aore ra “hape” i muri aˈe i te mau pereota i muri nei:

1. Ua mono te tusia otahi o Iesu i te mau tusia atoa i pûpûhia na i raro aˈe i te Ture a Mose. [uw api 33 par. 8]

2. ‘Goga no Magoga,’ o te hoê ïa piiraa taipe i te mau hau no teie nei ao. (Ezek. 38:2) [Taioraa bibilia tahebedoma; hiˈo w91-F 15/8 api 27 par. 2.]

3. I te mea e o Ahola te tuahine matahiapo o Aholiba, ia au i te faatiaraa a te Ezekiela pene 23, o te Ekalesia Katolika atura ïa te tuahine matahiapo o te haapaoraa Porotetani, e ua haaviivii na faanahonahoraa e piti nei ia raua, na roto i te faaturiraa i te pae varua e te mau puai tapihoo e politita o te ao nei. [Taioraa bibilia tahebedoma; hiˈo w89-F 1/4 30.]

4. Ia riro mai oia ei taata moˈa, e tia i te hoê taata ia pohe. [rs api 350 par. 3]

5. Na te Bibilia e tatara ia ˈna iho, te itehia ra te reira i te mea e te haapapu ra te Apokalupo 21:8 i te auraa o te parau e, e hurihia Satani i roto i “te roto auahi e te gopheri,” ia au i te Apokalupo 20:10. [rs api 369 par. 1]

6. Te tuea ra te Iakobo 4:17 e te Ezekiela 33:7-9, e te faaite ra teie na irava e, e titau te ite o te mea ta te Atua e ani ra ia tatou, i te hopoia. [Taioraa bibilia tahebedoma; hiˈo w93-TH 1/4 api 7 par. 1.]

7. Ua faaite Daniela e e peropheta mau oia, na roto i te tatararaa i te auraa o te tii i moemoeâhia, i muri aˈe to te arii ra o Nebukanesa faatiaraa mai ia ˈna. [Taioraa bibilia tahebedoma; hiˈo Daniela 2:7-9, 26.]

8. Te pape no roto mai i te hiero o te orama faatiahia i roto i te Ezekiela 47:1, o te mana ïa o te bapetizoraa no te tamâ. [Taioraa bibilia tahebedoma; hiˈo w88-TH 1/9 api 32 par. 20.]

9. Eiaha e mǎtaˈu i te patoi atu i te pee i te hoê taata e parau mai ia haere “e arearea rii,” noa ˈtu e na te hoê taata o te parau nei e e Kerisetiano oia. (Pet. 2, 2:18, 19) [uw api 43 par. 11]

10. Na te Atua i poiete i te Diabolo. [rs api 366 par. 3]

A pahono i te mau uiraa i muri nei:

11. Eaha ta tatou e taa ra na roto i to Aberahama tamataraa i te pûpû ia Isaaka? (Gen. 22:1-18) [uw api 32 par. 8]

12. No te aha e parauhia ˈi e, e ture te ohipa ta te Atua ra o Iehova i horoa na Adamu raua Eva? (Gen. 1:28; 2:15) [uw api 38 par. 2]

13. E tia i te mau Ite no Iehova faatavaihia e to ratou mau hoa ia riro mai ia Ezekiela i roto i teihea tuhaa? (Ezek. 11:25) [Taioraa bibilia tahebedoma; hiˈo w88-TH 1/9 api 22 par. 3.]

14. O vai tei amuihia i roto i te huaai o te Ophi? [uw api 30 par. 3]

15. Taa ê atu i te pariraa ia Iehova i te haavare, eaha te mea ta Satani i parau e, te faaere ra te Atua i te mau mea ta ˈna i poiete? (Gen. 3:1-5) [uw api 46 par. 1]

16. Eaha te auraa o te iˈoa o te Atua ra o Iehova? [kl api 25 par. 7]

17. Eaha na manaˈo e piti no te parau e ua pohe Adamu raua Eva i “te mahana” raua i amu ai i te maa o te raau e ite ai i te maitai e te ino? (Gen. 2:17) [uw api 56 par. 5]

18. Mea nafea te Tesalonia 2, 1:9 e te Apokalupo 21:8 ia haapapu e, mea hape te haapiiraa ra e ora te mau taata atoa? [rs api 355 par. 3–api 356 mau par. 1, 2]

19. O vai te peropheta tei faahiti e e “hugo” te fenua nei, e ihea tei papairaahia i roto i te mau Papai? [kl api 17 par. 14]

20. Eaha te pu matamua e haapapu ra te vai nei te Diabolo, o vai te taata eita e tia ia faahapahia tei ite mata roa ˈtu e tei faaite mai, e mea nafea te ino rahi na te ao nei ia haapapu e te vai nei Satani? [rs api 364 par. 4–api 365 par. 1]

A faaî i te mau area i roto i te mau pereota i muri nei:

21. Ei faatupuraa i te Ezekiela 21:26, ua ‘faahaehaahia’ te basileia “teitei” o ․․․․․․․․ i to ˈna haamouraahia i te matahiti ․․․․․․․․, e ua ‘faateiteihia’ te mau basileia “haehaa” ․․․․․․․․, inaha ua faatiahia ˈtura ratou ia faatere i te fenua ma te ore ratou e faahuehuehia e te ․․․․․․․․ tahito a te Atua. [Taioraa bibilia tahebedoma; hiˈo w88-TH 1/9 api 25 par. 16.]

22. Hoê tuhaa o te buka a ․․․․․․․․, e ․․․․․․․․ ïa i papai-atea-hia, e tuu ra i te tapao i nia i te aroraa i rotopu i te mau fetii huiarii rarahi no te haru i te mana i te roaraa o te mau senekele. [si api 130 par. 1]

23. Ua papaihia te parau ra “tau tavini nei o Davida” i roto i te Ezekiela 34:23, i muri roa iho i te poheraa o te ․․․․․․․․; e parau ïa teie i tohuhia mai e tano no ․․․․․․․․. [si api 130 par. 31]

24. Te faataa ra te Exodo 34:7 i te mau ohipa e roohia i nia i te mau ati Iseraela ia au i to ratou tiaraa ․․․․․․․․ ia hara noa ˈtu ratou i te Atua e ia hopoi-tîtî-hia ratou, area te Ezekiela 18:4 ra, te faataa ra ïa i te hopoia a ․․․․․․․․ i mua i te Atua. [Taioraa bibilia tahebedoma; hiˈo w88-TH 1/2 api 6.]

25. Ia taio outou i te Bibilia, mea maitai ia aniani outou nafea ia faaohipa i te mea o ta outou e e taio ra ․․․․․․․․, e nafea ia faaohipa no te tauturu ․․․․․․․․. [uw api 26 par. 12 e api 28 par. 12]

A reni i te mau pahonoraa tano i roto i te mau faahitiraa i muri nei:

26. Te tapitapiraa matamua o te hoê Kerisetiano i roto i te oraraa, o (te noaaraa i te mau hopoia i roto i te amuiraa; te oraraa ˈtu i Aramagedo; te fanaˈoraa i te mau auraa maitatai e o Iehova). [uw api 41 par. 9]

27. E rave rahi taata te ore e farii nei e, te mau fifi ta tatou e farerei nei i roto i te oraraa, mea pinepine ïa no (te feia e imi ra i te haamauiui ia tatou; te tau e te mau tupuraa manaˈo-ore-hia; to tatou iho mau hinaaro rave hara e te mau amuimuiraa iino). (Kor. 1, 15:33; Iak. 1:14, 15) [uw api 44 par. 13]

28. E faaite to tatou (ite; aravihi no te haapii; haerea) i to tatou tiaraa i roto i te tumu parau faufaa mau no nia i to tatou taiva-ore-raa i te Atua. [uw api 52 par. 12]

29. Te feia matamua tei riro ei “mau farii o te aroha,” o te mau (Etene; ati Iuda; ati Samaria peritomehia), i muri iho te mau (Etene; ati Iuda; ati Samaria peritomehia), e i te pae hopea, te mau (Etene; ati Iuda; ati Samaria peritomehia). (Roma 9:23, 24) [uw mau api 57-8 mau par. 8, 10]

30. Na (Daniela e Hosea; Ioela e Amosa; Isaia e Ieremia) i tohu i te toparaa o Babulonia. [kl api 18 par. 17]

A faatuati i te mau pereota i muri nei i te mau irava e tano:

Sal. 78:40, 41; Isa. 55:10, 11; Ezek. 18:25; Dan. 1:8, 11-13; Ohi. 8:32-38

31. E turai te mauruuru no te parau mau e no te mea ta Iesu Mesia i rave ei faatupuraa i te mau parau tohu a te Bibilia i te feia aau mehara ia bapetizo. [uw api 32 par. 7]

32. Eiaha te mau taurearea kerisetiano ia haamarirau i te faaite i te mau tia mana e to ratou mau hoa ma te faatura e, eita ratou e ofati i to ratou haava manaˈo i haapiihia e te Atua. [Taioraa bibilia tahebedoma; hiˈo w92-TH 1/11 api 14 par. 17.]

33. E tupu te opuaraa matamua a te Atua no te huitaata e no te fenua nei. [kl api 9 par. 10]

34. E tia i te mau Kerisetiano mau ia ineine noa i te faatano i to ratou feruriraa i te mau eˈa o Iehova, e eiaha roa tatou ia manaˈo e eita te hoê aˈoraa papu a te mau Papai e tano no tatou e e tâuˈa ore atu i te reira. [Taioraa bibilia tahebedoma; hiˈo w90-F 1/11 api 31.]

35. E mau manaˈo hohonu to te Atua e mea faufaa na ˈna te mau faaotiraa ta tatou e rave. [kl api 14 par. 8]