Mau Piha a te Basileia—Te haere noa ra te porotarama paturaa i mua
1 I te matahiti 1983, i te mau Hau Amui, i te mau tairururaa mataeinaa “Tahoêhia maoti te Basileia,” ua faaarahia mai e e faataahia te tahi moni taa ê no te turu i te paturaa e te faaapîraa i te mau Piha a te Basileia i te mau Hau Amui e i Kanada. O vai hoi te manaˈo, i taua tau ra, i te mau haamaitairaa atoa e noaa mai na roto i te hoê haamataraa haihai roa? Ua haamata ˈtura tatou i te ite atu â i te tanoraa o te Salamo 92:4 e na ô ra e: “Te faarearea maira oe ia ˈu, e Iehova, i ta oe e rave ra; e oaoa vau i te ohipa a to rima.”
2 Te oaoa rahi nei tatou i te mea e ravehia ra. I teie mahana, ua ineine te hoê porotarama paturaa oioi i te mau Piha a te Basileia i te ao nei. Noa ˈtu eaha te ravea, e fanaˈoraa taa ê ta tatou paatoa e apiti atu. E nehenehe ta tatou na roto i te horoaraa i te mau ô rahi aore ra haihai no te aufau i te paturaa i te tahi atu â mau vahi haamoriraa i te ao atoa nei. Hau atu â, mea rahi te taeae o te horoa noa ra i ta ratou mau taihaa, to ratou taime, to ratou ite e to ratou aravihi no taua ohipa ra. Tei te aratairaa e te turu a Iehova, o te haamaitai rahi ra i ta tatou mau tutavaraa amui, e manuïa ˈi tera faanahoraa.—Salamo 127:1.
3 Mea rahi te amaa o tei pee i te hohoˈa i haamauhia i te omuaraa no te mau amuiraa i te mau Hau Amui. I roto i te mau Piha a te Basileia i te mau fenua e rave rahi, te vai ra te hoê afata ô i faataahia no te Faufaa no te Piha a te Basileia. I te mau Hau Amui, ua faaara mai Ta tatou taviniraa i te Basileia no Mati 1997 i te hoê faatanoraa i roto i teie faanahoraa. Te na ôhia ra e: “Mai te faataaraahia te Faufaa a te Taiete no te Piha a te Basileia i te matahiti 1983 mai, te horoa noa ra te mau taeae i te mau ô, a nehenehe atu ai e horoa tarahu i te moni no te patu i te mau Piha a te Basileia. I ǒ tatou nei, fatata e 2 700 amuiraa tei faufaa-ê-na-hia i teie faanahoraa. Mai te mea aita, eita e maraa i e rave rahi o tera mau amuiraa ia hamani aore ra ia faaapî i te mau fare e tia ia tataîhia. I teie mahana, te hinaaro-ru-hia ra te moni no te horoa tarahu na te mau amuiraa i te mau fenua e fifihia ra i te pae faaravairaa faufaa. Te mauruuru rahi nei te Taiete e te mau amuiraa e fanaˈo ra i ta outou mau ô, i ta outou turu tamau.”
4 Ua riro tera parau faaara ei titau-manihini-raa ia apiti i roto i te porotarama paturaa oioi i te mau Piha a te Basileia. E faaohipa-atoa-hia te Faufaa a te Taiete no te Piha a te Basileia no te haapao i te mau hinaaro o to tatou mau taeae i te tahi atu mau fenua, a tamau noa ˈi i te horoa tarahu i te moni no te patu i te mau Piha a te Basileia i to tatou fenua. I muri aˈe, i roto i te hoê tumu parau o Ta tatou taviniraa i te Basileia no Atete 1997, te na ôhia ra e: “Te hinaaro-rahi-hia ra te Piha a te Basileia i te ao atoa nei. I te matahiti taviniraa i mahemo, e 3 288 amuiraa tei haamauhia, e rave rahi o teie mau amuiraa, tei Afirika ïa, tei Marite no Ropu, tei Marite Apatoa, tei Asia e tei Europa Hitia o te râ.”
5 Eaha te mau faahopearaa mai reira mai â? Te tapao ra te Annuaire 2001 e: “Maoti tera raveraa, e 453 Piha a te Basileia tei oti mai e tae mai i teie nei e e 727 piha ê atu teie e hamanihia nei i roto e 30 fenua. Ua haafaufaahia te hamaniraa i te mau hohoˈa Piha a te Basileia no te fenua taitahi, o te faaohipa i ta ˈna iho mau taihaa e ravea paturaa. I Kenya, e faaohipahia te ofai i heruhia mai; i Togo, e faaohipa-pinepine-hia te piriti; i Cameroun, e ite-pinepine-hia te mau fare tima e patehia i muri iho. Mea na reira ïa te mau taeae no tera mau fenua e ite oioi ai eaha te mau aravihi e titauhia no te rave i te hoê tuhaa faufaa i roto i te porotarama paturaa i ǒ ratou.”
6 I nia i te fenua rahi taatoa o Afirika, mea papu e te haamaitai ra Iehova i tera porotarama. A hiˈo ai outou i te mau hohoˈa o te tahi mau Piha a te Basileia i hamanihia i ǒ, a feruri na i te faahopearaa o to ratou paturaa i nia i te ohipa a te mau Ite no Iehova. Oia mau, ua itehia te faahopearaa i nia e toru tuhaa: te auhoêraa o to tatou fetii taeae i te ao nei, te huiraatira e te maraaraa o te feia e haere ra i te mau putuputuraa. Te faaite noa ra teie tumu parau hau i te mau Piha a te Basileia i patuhia i Afirika, e faataa mai râ te mau numera i mua nei o Ta tatou taviniraa i te Basileia i te mau haereraa i mua a te porotarama paturaa i te mau Piha a te Basileia i te tahi atu mau fenua o te ao.
[Hohoˈa i te api 3]
REPUPIRITA AFIRIKA NO ROPU
Bimbo, Bangui
Begoua, Bangui
[Hohoˈa i te api 4]
Ukonga, Tanzanie
[Hohoˈa i te api 4]
Accra, Ghana
[Hohoˈa i te api 4]
Salala, Liberia
[Hohoˈa i te api 4]
Karoi, Zimbabwe
[Hohoˈa i te mau api 4, 5]
Allada, Bénin—Piha a te Basileia tahito
Allada, Bénin—Piha a te Basileia apî
[Hohoˈa i te api 5]
Kpémé, Togo
[Hohoˈa i te api 5]
Sokodé, Togo
[Hohoˈa i te mau api 4, 5]
Fidjrosse, Bénin
[Hohoˈa i te api 6]
Lyenga, Zambie—Piha a te Basileia tahito
[Hohoˈa i te api 6]
Lyenga, Zambie—Piha a te Basileia apî
[Hohoˈa i te api 6]
Kinshasa, Congo
[Hohoˈa i te api 6]
Musambira, Rwanda