Ia oaoa tatou i te maraaraa ta te Atua e horoa maira
1 Ua riro te mau Kerisetiano o te senekele matamua ei feia poro itoito no te Basileia. Ua oaoa ratou i ‘te tupuraa te mau ekalesia i te rahiraa, aita e mahana tuua.’ (Ohi. 16:5) Ua parare roa ta ratou pororaa itoito i Asia, i Europa, e i Afirika, e rave rahi atura te feia faaroo i ootihia mai.
2 Ua tohu o Iesu e, i roto i te mau mahana hopea, e naeahia te ohipa pororaa ‘e ati noa ˈˈe teie nei ao e te mau fenua atoa’! (Mat. 24:14) I te matahiti taviniraa 1996, ua tae mai te mau tabula no ǒ mai i te mau fenua huru rau o te ao nei, o tei faaite mai i te hoê maraaraa faahiahia e te mau numera teitei apî i te pae no te feia poro. E rave rahi amuiraa o tei haamauhia. No teie maraaraa oioi, ua titauhia ia patuhia te mau hanere Piha no te Basileia e te mau Fare tairururaa, e ia faarahi-atoa-hia te mau fare a te mau amaa e rave rahi.
3 Ua faahiti Te taviniraa o te Basileia no Atete 1996 i te ohipa paturaa rahi e ravehia ra i Afirika. Hoê â huru atoa i teie nei i Marite Latino. No te matahiti taviniraa 1996, ua faatae mai te fenua Mexico i te hoê numera teitei maere mau e 470 098 feia poro e te faito au noa e 600 751 haapiiraa Bibilia, e ua titauhia ˈtura ia haamauhia e 466 mau amuiraa apî! Te manaˈohia ra e e hope te faarahiraa i te mau fare o te amaa no Mexico, i te hopea o te matahiti 1999. I te mea e hoê â huru maraaraa te itehia ra i roto e rave rau fenua ê atu, te ravehia nei te hoê paturaa teotaratia i te mau taime atoa.
4 Na te mau vahi atoa, mea moni roa te mau haamâuˈaraa no te paturaa, e i roto e rave rahi fenua, mea ravai ore to tatou mau taeae i te pae materia. Teie râ, no to ratou itoito puai no te taviniraa ia Iehova, aita e feaaraa e te paari noa ra ratou i te pae varua e te rahi noa atoa ˈtura ratou. Te haapapu maira te Maseli 28:27 e “o tei horoa i te taata rii ra eita oia e ere.” Na roto i te ineineraa i te turu i teie mau ohipa paturaa i te pae moni, te rave nei ïa tatou ia tupu te hoê ‘faafaitoraa’ i te pae materia. No reira, e nehenehe tatou tataitahi e fanaˈo i te oaoaraa ia horoa e ia ite i te maraaraa ta Iehova e horoa maira!—Kor. 2, 8:14, 15; Ohi. 20:35.
[Box on page 4]
Amaa no Paraguay
[Box on page 4]
Amaa no Équateur
[Box on page 4, 5]
Mau fare apî a te amaa no Mexico
[Box on page 4, 5]
Amaa no République dominicaine
[Box on page 4]
Mau fare apî a te amaa no Beresilia
[Box on page 4, 5]
Mau fare a te amaa no Uruguay e patuhia ra
[Pictures on page 5]
Mau Piha no te Basileia mâmâ i Marite Latino
1. Beresilia
2. Nicaragua
3. Tireni
4. Colombia
5. Mexico
6. Beresilia
7. Peru
8. Venezuela
9. Mexico