ప్రపంచంలో పరిస్థితులు బాలేనప్పుడు బంధాల్ని కాపాడుకోవడానికి ఇలా చేయండి
మీ భర్తకు లేదా భార్యకు మరింత దగ్గరవ్వండి
మీ భర్తకు లేదా భార్యకు మరింత దగ్గరవ్వండి
బైబిలు ఇలా చెప్తుంది: “ఒక్కరి కన్నా ఇద్దరు ఉండడం మంచిది, ఎందుకంటే . . . వాళ్లలో ఒకరు పడిపోతే, తోటివ్యక్తి అతన్ని పైకి లేపుతాడు.” (ప్రసంగి 4:9, 10) భార్యాభర్తలు ఒకే టీంలో ఆడే ప్లేయర్స్లా ఒకరికొకరు సహకరించుకుంటూ ఉండాలి. అంతేగానీ, వేర్వేరు టీముల్లో ఉంటూ ఒకరితో ఒకరు పోటీపడే ప్లేయర్స్లా ఉండకూడదు.
ఎవరిమీదో కోపం మీ భార్య మీదగానీ, భర్త మీదగానీ చూపించకండి. ఓర్పుగా ఉండండి.
మీ మధ్యవున్న సమస్యల గురించి కనీసం వారంలో ఒక్కసారైనా కూర్చుని మాట్లాడుకోండి. ఒకరితో ఒకరు పోట్లాడుకునే బదులు, ఇద్దరూ కలిసి సమస్యతో పోరాడండి.
ఇద్దరికీ ఇష్టమైన పనుల్ని కలిసి చేయడానికి ప్రయత్నించండి.
మీ ఇద్దరూ కలిసి గడిపిన ఆనందక్షణాల్ని గుర్తుచేసుకోండి. అందుకోసం మీ పెళ్లి ఫోటోల్ని చూడవచ్చు లేదా వేరే తీపి జ్ఞాపకాల గురించి మాట్లాడుకోవచ్చు.
“భార్యాభర్తల మధ్య కూడా భేదాభిప్రాయాలు వస్తాయి. అంతమాత్రాన వాళ్ల ఆలోచనలు ఎప్పటికీ కలవవు అనికాదు. అలాంటివాళ్లు కూడా కలిసి ఒక నిర్ణయానికి రాగలరు, అనుకున్న పనిని కలిసి పూర్తి చేయగలరు.”—డేవిడ్.
మీ స్నేహితుల్ని వదులుకోకండి
మీ స్నేహితుల్ని వదులుకోకండి
మీ స్నేహితులు మీకు అండగా ఉన్నారనుకుంటే సరిపోదు. మీరు కూడా వాళ్లకు ఏవిధంగా అండగా ఉండవచ్చో ఆలోచించండి. వేరేవాళ్లకు ధైర్యం చెప్పినప్పుడు మీ ధైర్యం కూడా పెరుగుతుంది.
ప్రతీరోజు మీ ఫ్రెండ్స్లో కొంతమందికి ఫోన్చేసి పలకరించండి.
మీలాంటి సమస్యలు మీ స్నేహితులకు వచ్చుంటే, వాటిని వాళ్లెలా తట్టుకున్నారో అడిగి తెలుసుకోండి.
“సమస్యల సుడిగుండంలో చిక్కుకున్నప్పుడు, స్నేహితులు మన చేయి పట్టుకుని పైకి లాగుతారు. ఏం చేయాలో తెలియని అయోమయంలో ఉన్నప్పుడు, మర్చిపోయిన విషయాల్ని మనకు ఒకసారి గుర్తుచేసి సరిగ్గా ఆలోచించేందుకు సహాయపడతారు. వాళ్లు మన గురించి ఆలోచిస్తారు, మనం కూడా వాళ్ల గురించి ఆలోచిస్తామని నమ్ముతారు.”—నిఖిల.
మీ పిల్లల ఫీలింగ్స్ని పట్టించుకోండి
మీ పిల్లల ఫీలింగ్స్ని పట్టించుకోండి
బైబిలు ఇలా చెప్తుంది: “వినడానికి త్వరపడాలి, మాట్లాడడానికి తొందరపడకూడదు.” (యాకోబు 1:19) మొదట్లో మీ పిల్లలు వాళ్ల మనసులోని భయాల్ని, ఆందోళనల్ని మీకు చెప్పడానికి ఇష్టపడకపోవచ్చు. కానీ మీరు ఓర్పుతో వింటే వాళ్లే మెల్లగా అన్నీ చెప్తారు.
చాలామంది పిల్లలు వాళ్లను కూర్చోబెట్టి అడిగినప్పుడు కన్నా, రిలాక్స్గా ఉన్నప్పుడే ఫ్రీగా మాట్లాడతారు. అంటే, సరదాగా అలా కారులో బయటికి వెళ్లినప్పుడో, వాకింగ్కు వెళ్లినప్పుడో ఓపెన్గా అన్ని విషయాలు చెప్తుంటారు. కాబట్టి, మీ పిల్లలు ఫ్రీగా మాట్లాడాలంటే ఏం చేయాలో ఆలోచించండి.
మీ పిల్లల్ని కంగారుపెట్టే వార్తలను ఎక్కువగా చూడనివ్వకండి.
మీ కుటుంబం సేఫ్గా ఉండడానికి మీరు ఎలాంటి జాగ్రత్తలు తీసుకున్నారో మీ పిల్లలకు చెప్పండి.
అత్యవసర పరిస్థితుల్లో ఏం చేయాలో ముందే ఆలోచించి పెట్టుకోండి. దాన్ని మీ పిల్లలతో ప్రాక్టీస్ చేయండి.
“మీ పిల్లలతో మాట్లాడుతూ ఉండండి. వాళ్ల మనసులో ఉన్న భయం, కంగారు, కోపం ఇలా ఏదైనా గానీ బయటికి చెప్పమనండి. మీకు కూడా అలాంటి ఫీలింగ్సే ఉన్నాయని వాళ్లకు తెలియనివ్వండి. వాటినుండి బయటపడడానికి ఏం చేశారో కూడా వాళ్లకు చెప్పండి.”—బెతనీ.