Mwolela Puspis Su Kom Ku in Lalalfongi

MET palu lun God pangpang Maika el etu la pal nu kemwa kom tia ku in lalafongi mwolela. In len lal, fwinne mwolela lun kamwuk futoto kom tia ku in lalalfongi na paye. Ke ma inge Maika el sang kas in sensen: “Nik komwos lalalfongi sie met tulan. Nik komwos insese yurin sie met kamwuk. Srukye srungal lun oalum lukel su oan in imwom.”​—Maika 7:5.

Ya Maika el oru luma a oiye koluk inmaslon met in len lal in sang alollo nu sel ke mwolela nu kemwa? Mo! El akkalemye lalalfongi fukoko ke mwolela lun God lal, Jeova. “A fono keik,” Maika el simusla, “Nga fwa nget nu sin Jeova. Nga fwa sano ke God lun lango luk.”​—Maika 7:7.

Efu ku oasr kain in lalalfongi inge lal Maika? Meyen el etu la Jeova el akpayeye pal nu kemwa ma el fwak. Ma nu kemwa God el mwolela nu sin papa matu tumal Maika akpayeye nu fon. (Maika 7:20) Oaru lun Jeova in pal meeta sang nu sel Maika sripe nu kemwa in lalalfongi la God el oru ma nu kemwa el mwolela ke pal fwasru.

“Wangin Kutena Kas . . . Tula”

Ke sie me pupulyuk, Maika el etu tari la Jeova el molela met Israel liki an Ijipt ke pal in kos lalos. (Maika 7:15) Josua, su liye akmwuk in molela inge, el akkye met Israel wiel nu kemwa in lalalfongi ke mwolela nu kemwa lun God. Mea paenang elos ku in lalalfongi? “A komwos etu in insiomwos kemwa a in ngunomwos kemwa,” Josua el akismakinyelos, “tu wangin ma tula liki ma mwo nu kemwa su Jeova God lomwos el fwak keyumwos. Ma nu kemwa akpayeyuk tari nu sumwos, wangin sie ma tula ka.”​—Josua 23:14.

Met Israel nu kemwa elos etu tari la Jeova el oru ma sakuruk puspis nu selos. El akpayeye mwolela lal nu sin papa matu tumalos pangpang Ebream ke tulik nutul su fwa ekla piselos oanu itue in kosrao a srukye an Kenan nu fon. Jeova el fwak pa nu sel Ebream la tulik nutul nu fon e fwa sun keok ke lusen yiu 400 tusruktu tokin ma inge elos e fwa foloko nu ke an Kenan “in fwil se akakosr.” Ma inge nu kemwa akpayeye.​—Genesis 15:5-16; Exodus 3:6-8.

Met Ijipt elos paeng met Israel in an Ijipt in pal lal Josef mwen nutul Jekob. Tusruktu, ke saflaiye met Ijit elos akpusisilyelos a pakiye nu selos sie orekma upa lun met kos, tusruktu fwal nu ke ma God el mwolela, ke lusen fwil akosr na tokin elos ilyuk nu ke an Ijipt, tulik nutul Ebream inge nu kemwa fwa aksukosokyeyukla liki kos lalos in an Ijipt.a

Ke lusen yia 40 toko, met Israel elos eis me akpayeye puspis su akkalemye la Jeova el akpayeye mwolela nu kemwa lal. Ke pal se met Amalek elos meuni met Israel fwinne wangin kutena sesumwos elos oru, God el kasru met lal a kurunginelos. El akfwalye me enenu lalos nu kemwa in ikwe ke pal in fwafwasyesr lalos ke yen mwesis ke lusen yiu 40 a ke saflaiye el wiselosla nu ke Fwal Mwolela. Ke pal se Josua el kalweni me sramsram nu kemwa ke orekma lun Jeova nu sin tulik nutul Ebream, el ku in fwak kas inge ke inkanek sumwos: “A tia tula kutusrisrik sin kutena ma mwo su Jeova el kaskas ka nu ke loom sin Israel; ma nu kemwa akpayeyuk tari.”​—Josua 21:45.

Musaiyuk Lalalfongi ke Mwolela nu Kemwa lun God

Fuka kom ku in musaiyuk lalalfongi nu ke mwolela nu kemwa lun Jeova oanu Maika a Josua elos oru meet? Fuka kom ku in akkapye lalalfongi lom nu sin kutu met? Kom kaifweung na paye meet in etelos. Ke sie me pupulyuk, saap kom ku in liye lupan kaifweung lalos fuka elos ku in akpayeye ma elos mwolela nu kemwa ke oaru. Ke kom liye la etauk lom ke met inge yokyokelik, na kom mutamwauk in akkapye lalalfongi lom nu sel. Kom ku in oru pa ou inge ke pal se kom musaiyuk lalalfongi lom nu ke mwolela lun God.

Sie inkanek in oru ou inge pa ke kom nunku ke ma orekla a ke ma sap su elos akos. Met scientist elos filiye lalalfongi lalos ke ma sap inge, oanu ma sap su kurungin kitelik lun cell lun met mutamwauk ke sie nu pal el kitakatelik nu ke trillion puspis su orala monum. Aok, kut ku in lalalfongi la ma sap nu kemwa su kurunganang ma puspis in kosrao a ku nu kemwa in kosrao a fwalu ma inge oakiyuki sin sin Met Su Orala ma sap sumwos inge. Paye, kom ku in lalalfongi na paye mwolela lal, oanu ma kom oru ke ma sap su kurunganang ma orekla lal nu kemwa.​—Sam 139:14-16; Isaia 40:26; Hibru 3:4.

Ke inkanek lun met palu Isaia, su moul pa in len lal Maika, Jeova el orekmakin akmwuk lun pulanpal su tia ekla a ke forfor lun kof in akkalemye la kas lal arulanu paye a kom ku in lalalfongi. Kais sie yiu af el tuku. El aksroksrokye foko a el oru metu in ku in taknelik fute lalos a kosrani ma inge ke pal in kosrani. Ke ma inge, Jeova el fwak: “Tu oanu af kakla a sno in kosrao me, a tia folokla nu we, a aksroksrokye fwalu, a oru tu in fok a fwareng, a sang fute nu sin met taknelik a bred nu sin met mongo, a fwa ou inge ke kas luk su fwala liki oalik. A fwa tia foloko nu yuruk a wangin sripe, a a fwa oru ma Nga lungse, a a fwa kapkapek in ma Nga supala nu ka.”​—Isaia 55:10, 11.

Mwolela Paye ke Paredais

Lutlut ke ma orekla ku in musaiyuk lalalfongi nu sin Met Orekutla, tusruktu, oasr pa ma saye su eneneyuk kut fwin lungse in etu mwolela puspis su “fwala liki oalul.” Kut fwin lungse in etu mwolela puspis inge tu kut in ku in filiye lalalfongi lasr nu ka, na kut enenu in tuni record mutal ke Ma Simusla ke akmwuk lun God nu fwalu a ke orekma lal nu sin metu.​—2 Timote 3:14-17.

Met palu Maika el lalalfongi ke mwolela lun Jeova. Oasr yurom ingenu record mutal su etuku ke ngun lun God yok liki ma oasr in len lal Maika. Ke kom ridi Baibel a nunku ka, kom ku in ouyepa akkapye lalalfongi ke mwolela puspis lun God. Mwolela se inge tia fwal mukena nu sin tulik nutul Ebream, a ma inge fwal nu sin met nu kemwa. Jeova el mwolela nu sin met patriarch inge su sangeng sin God: “A in fute lom mutanfwal nu kemwa fwin fwalu fwa insemwomwo meyen kom akos pusrek.” (Genesis 22:18) Ip yok emeet lun “fute” se inge ku fwako se inge lal Ebream pa Messaia, Jisus Kraist.​—Galetia 3:16.

Ke inkanek lun Jisus Kraist, Jeova el oru na paye me insemwomwo nu kemwa in tuku nu sin met nu kemwa su akos. A mea God el mwolela in oru in len lasr? Maika 4:1, 2 el sang topuk nu ke kas palu inge: “A in len toka a fwa te oru, eol lun loom sin Jeova fwa oakiyuki fwin mangon eolu, a fwa akfulatyeyuk liki toktoku, a mutanfwalu fwa eel nu lu. A mutanfwal puspis fwa som a fwak: ‘Fwasru, a lela kut in utyuk nu ke eol lun Jeova, a nu ke loom sin God lal Jekob; a el fwa luti nu sesr inkanek lal, a kut fwa fwasr inkanek lal.’ ”

Elos nu kemwa su lutlut ke inkanek lun Jeova elos fwa “tuktukye kutlas nutulos nu ke mwusra lun plau, a mwusra nutulos mitmit in pakpuk lesak.” Kutena kena in som nu ke meun e fwa wanginla. Tia pat toko fwalu nu fon nenela ke met sumwosmwos, a wanginla kutena met su ku in aksangengyelos. (Maika 4:3, 4) Aok, Kas lun God el mwolela la ye koko lun Togusrai lun God su muta ye liaung lun Jisus Kraist, Jeova el aknasnasye fwalu liki met koluk nu kemwa.​—Isaia 11:6-9; Daniel 2:44; Revelation 11:18.

Fwinne met nu kemwa su keok a mise in pal meeta ke sripen tunyuna lun met lain God elos e fwa sifwil moulyuk wikin fwinsrak in moul ma patpat fwin fwalu. (Jon 5:28, 29) Setan a dimon lal, su sropon ma koluk, e fwa wanginla, a fwokin ma koluk lal Edam e fwa eyukla ke inkanek lun me kise lango lun Jisus. (Mattu 20:28; Rom 3:23, 24; 5:12; 6:23; Fwakyuk 20:1-3) A mea luman moul lun met nu kemwa su akos? Aok, elos fwa akinsemwomwoyeyuk ke moul ma patpat ke sie moul sumwosmwos in paredais fwin fwalu!​—Sam 37:10, 11; Luk 23:43; Fwakyuk 21:3-5.

Sie kain in mwolela na mwomwo pa inge! Tusruktu, ya kom ku in lalalfongi ma inge? Aok, kom ku. Tia sie mwolela lun met pa inge su srukye nunuk sumwos tusruktu wangin ku lal in akpayeye ma inge. Mwolela lun God Ku Liki Ku pa inge, su koflanu kikiap a “tia patla ke mwoleaung lal.” (2 Piter 3:9; Hibru 6:13-18) Kom ku in lalalfongi mwolela nu kemwa in Baibel, meyen Sropon ma inge nu kmwa pa “Jeova, God lun ma paye.”​—Sa 31:5.

[Footnote]

[Blurb on page 6]

“Tu wangin ma tula liki ma mwo nu kemwa su Jeova God lomwos el fwak keyumwos.”​—JOSUA 23:14

[Pictures on page 4, 5]

Jeova el akpayeye mwolela lal nu sin met Israel ke Mwea Srasra a ke yen mwesis

[Pictures on page 7]

Jeova el akpayeye mwolela lal nu sel Ebream. Fute lal, Jisus Kraist, fwa akinsemwomwoye met nu kemwa