ایک خاص دعوت
1. ہم 2014ء کے علاقائی اِجتماع کے لیے دعوت دینا کب شروع کریں گے؟
1 اگر آپ اپنے دوستوں یا رشتےداروں کے لیے کوئی خاص کھانا بناتے ہیں جس پر بہت محنت لگتی ہے اور بہت پیسہ خرچ ہوتا ہے تو آپ یقیناً اُنہیں بڑی خوشی سے بلائیں گے۔ اِسی طرح 2014ء کے علاقائی اِجتماعوں پر پیش کی جانے والی روحانی خوراک کو تیار کرنے میں بہت محنت لگی ہے۔ اپنے اِجتماع سے تین ہفتے پہلے ہم لوگوں کو اِس پر آنے کی دعوت دینا شروع کریں گے۔ آئیں، کچھ ایسی باتوں پر غور کریں جن سے ہمیں اِس مہم میں خوشی اور جوش کے ساتھ حصہ لینے کی ترغیب ملے گی۔
2. ہم مہم میں بڑھچڑھ کر حصہ کیوں لینا چاہتے ہیں؟
2 جب ہم اِس بات پر غور کرتے ہیں کہ ہمارے اِجتماعوں پر پیش کی جانے روحانی خوراک سے ہمیں ذاتی طور پر کیا فائدے ہوتے ہیں تو یقیناً ہم اِس مہم میں بڑھچڑھ کر حصہ لینا چاہیں گے۔ (یسع 65:13، 14) ہمیں یہ بھی یاد رکھنا چاہیے کہ ہر سال اِس مہم کے بڑے اچھے نتائج سامنے آتے ہیں۔ لیکن ہمارے علاقائی اِجتماعوں پر حاضری کم ہو یا زیادہ، اِس مہم کے دوران ہم جو کوششیں کرتے ہیں، اُن سے یہوواہ کی بڑائی ہوتی ہے اور اُس کی فراخدلی ظاہر ہوتی ہے۔—زبور 145:3، 7؛ مکا 22:17۔
3. دعوتنامے کیسے بانٹے جائیں گے؟
3 ہر کلیسیا میں بزرگوں کی جماعت کو اِس بات پر غور کرنا چاہیے کہ کلیسیا کے علاقے میں زیادہ سے زیادہ دعوتنامے کیسے بانٹے جا سکتے ہیں۔ وہ یہ طے کر سکتے ہیں کہ کیا مبشر اُن گھروں میں دعوتنامے چھوڑیں گے جن میں اُن کی ملاقات صاحبِخانہ سے نہیں ہوتی یا کیا وہ اپنے علاقے میں عوامی جگہوں پر دعوتنامے بانٹیں گے۔ ہفتے اور اِتوار کے دن اگر موقع ملے تو دعوتناموں کے ساتھ رسالے بھی پیش کیے جانے چاہئیں۔ اگر مہینے کا پہلا ہفتہ اِس مہم کے دوران آتا ہے تو بائبل کا مطالعہ شروع کرنے کی بجائے دعوتنامے بانٹنے کو ترجیح دیں۔ اِس مہم کے آخر میں ہمیں اِس بات سے بڑی خوشی ہوگی کہ ہم نے اِس میں پوری لگن سے حصہ لیا اور زیادہ سے زیادہ لوگوں کو اُس روحانی ضیافت میں شریک ہونے کے لیے بلایا جو یہوواہ خدا نے تیار کی تھی۔