E nafea ia pûpû i te mau vea

La Tour de Garde 15 no Tiurai

“Ahiri te hoê tupuraa mai teie [tei faahohoˈahia i nia i te api matamua] e faaitehia i roto i te mau vea i teie mahana, e feaa paha te rahiraa o te taata. Eaha to oe manaˈo? [E faaroo tatou i te pahonoraa. E e taio tatou i te Mareko 4:39.] Eaha ta tatou mau haapapuraa e e mea mau te mau semeio i faatupuhia e Iesu? Te pahono ra teie vea La Tour de Garde i teie uiraa.”

Réveillez-vous! 22 no Tiurai

“I roto i te ao i teie mahana, te imi tamau nei te feia ohipa ino i te mau ravea apî no te taviri i te taata haapao ore. Te haapeapea ra anei te reira ia oe? [E faaroo tatou i te pahonoraa.] Te faaite ra teie vea Réveillez-vous! i te tahi mau ravea arairaa e au no te paruru ia tatou i te feia taviri.” E taio tatou i te Maseli 22:3.

Te Pare Tiairaa 1 no Atete

“No te amahamaha rahi o te huitaata, te manaˈo ra vetahi e te ravea noa e tupu ai te hau na te ao nei, mea na roto ïa i te hoê faatereraa no te ao atoa nei. I to oe manaˈo, e nehenehe anei? [E faaroo tatou i te pahonoraa. E e taio tatou i te Daniela 2:44.] Te faaite ra teie vea eaha ta te Basileia o te Atua e faatupu ra i teie nei e e nafea oia e fatata ˈi i te hopoi mai i te hau na te ao nei.”

Réveillez-vous! 8 no Atete

“E peapea roa tatou paatoa ia faaroo tatou i te peu ohiparaa i nia i te tamarii. Ua uiui ê na paha oe e te haapao mai ra anei te Atua. [E faaroo tatou i te pahonoraa. E e taio tatou i te Salamo 72:12-14.] Te faaite ra teie tumu parau i to te Atua manaˈo i te tamarii e te faataa ra e e fatata oia i te hopoi mai i te tamahanahanaraa tamau na te feia atoa e faaruru ra i te rave-ino-raa.”