E nafea ia pûpû i te mau vea

Te Pare Tiairaa 1 no Atete

“Te ite nei e rave rahi e te imi rahi noa ˈtura te taata i te faataa ê ia ratou. E ohipa maitai anei, ia manaˈo oe? [E vaiiho tatou i te taata ia pahono.] A tapao na i teie faaiteraa paari no nia i te mau maitai o te amuimuiraa. [E taio tatou i te Koheleta 4:9, 10.] Te faataa ra teie vea no te aha tatou e hinaaro ai ia vetahi ê e e nafea ia faaruru i te faataa-ê-raa.”

Réveillez-vous! 22 no Tiurai

“Te peapea nei e rave rahi taata i te maraaraa o te mau peu faufau. Ia manaˈo oe, e mea tia anei ia haapao maite i te reira? [E vaiiho tatou i te taata ia pahono.] Te pûpû nei te Bibilia i te hoê aˈoraa ohie o te nehenehe e paruru ia tatou. [E taio tatou i te Ephesia 5:3, 4.] Te faaite ra teie vea e nafea ia paruru ia tatou i taua ati haavarevare ra.”

La Tour de Garde 1 no Atete

“Ua ite anei oe e ia au i te hoê parau faataa te ora ra hau atu o te afaraa o te huiraatira o te ao nei e te hoê faito moni iti aˈe i te 230 farane i te mahana hoê? E taui anei taua tupuraa ra, ia manaˈo oe? [E vaiiho tatou i te taata ia pahono.] Te huti ra teie vea i te ara-maite-raa i nia i ta te Bibilia ravea no te faaore roa i te veve.”—E taio tatou i te Salamo 72:12, 13, 16.

Réveillez-vous! 8 no Atete

“I te mau matahiti i mahemo, ua faatupu te mau ati i taaihia i te mau tauiuiraa o te ahuaraˈi i te mau pau na te ao nei. I to oe manaˈo, eaha te nehenehe e rave ia iti mai te mau mauiui ta te reira e faatupu? [E vaiiho tatou i te taata ia pahono.] Te hiˈopoa ra teie vea i te tauiuiraa o te ahuaraˈi e te haamataratara ra i te ravea a te Bibilia.”—E taio tatou i te Isaia 35:1.