E nafea ia pûpû i te mau vea

Te Pare Tiairaa 1 no Atete

“I to oe manaˈo e ite anei tatou i te hoê faatereraa o te faatitiaifaro i te mau fifi o te huitaata? [A vaiiho i te taata ia pahono.] Ua haapii Iesu i ta ˈna mau pǐpǐ ia pure no taua faatereraa ra i roto i ta ˈna mau parau i papaihia i roto i te Mataio 6:9, 10. [A taio.] Te faataa ra teie vea no te aha te Basileia o te Atua e mea teitei aˈe ai i te mau faatereraa a te taata e te mau haamaitairaa ta te reira e hopoi mai na te huitaata.”

Réveillez-vous! Tiurai

Ia farerei oe i te hoê taurearea, e ui paha oe: “Mea rahi te taata o to oe faito matahiti o te feruri ra i te faaipoiporaa. I to oe manaˈo ihea oe e nehenehe ai e ite i te mau haamaramaramaraa papu no nia i tera tumu parau? [A vaiiho i te taata ia pahono.] A tapao na o vai te tumu o te faaipoiporaa. [A taio i te Mataio 19:6.] Te haamahitihiti ra teie vea i te tahi mau faaueraa tumu bibilia no te tauturu ia tatou ia patu i te hoê faaipoiporaa oaoa.”

La Tour de Garde 1 no Atete

“E peu matauhia i teie mahana ia ite i te mau taata ia hamani ino i te tahi atu. Te manaˈo ra anei oe e e taui te mau mea ia faaohipa te taata e rave rahi aˈe i te mau parau a Iesu? [A taio i te Mataio 7:12. E a vaiiho i te taata ia pahono.] Te faaite ra teie vea niuhia i nia i te Bibilia e nafea te tiaraa tumu o te tura o te taata e tupu ai.”

Réveillez-vous! Atete

“Te anaanatae nei tatou paatoa i te ea maitai. Ua ite anei oe e e rave rahi taote i teie mahana o te haamarirau nei i te pâmu i te toto? [A vaiiho i te taata ia pahono.] Te faataa ra teie vea no te aha. Te faataa atoa ra na roto i te Bibilia no te aha e mea faufaa ˈi te toto no te Atua.” A taio i te Levitiko 17:11.