E nafea ia pûpû i te mau vea

La Tour de Garde 15 no Tiurai

“E nehenehe te pohe o te feia herehia e haamauiui rahi. Ia manaˈo oe, te tamau ra anei te tahi tuhaa o ratou i te ora? [A vaiiho i te taata ia pahono.] Ua horoa Iesu i teie parau fafau faaitoito. [A taio i te Ioane 5:28, 29.] I te mea e ua parau Iesu e ‘te fatata mai nei’ te hoê tia-faahou-raa, e faataa teie vea na roto i te Bibilia teihea te feia pohe i teie nei.”

Réveillez-vous! Tiurai

“Te ora nei e rave rahi taata i to ratou oraraa ma te ravea maitai roa ˈˈe e tia ia ratou e te manaˈo nei e e mea faufaa ia riro ei taata maitai. Mea na reira anei oe ia hiˈo i te oraraa? [A vaiiho i te taata ia pahono.] A tapao na i te fifi atâta mai te peu e e mea taa ê to tatou manaˈo i to te Atua no nia i te mea maitai. [A taio i te Maseli 14:12.] E tauaparau teie vea i nia i te auraa ia riro ei taata maitai i te aro o te Atua.” A rave i te tumu parau e haamata i te api 20.

La Tour de Garde 1 no Atete

“Te hinaaro nei au e ite i to oe manaˈo no nia i te hoê mea ta Iesu i parau. [A taio i te Mataio 5:3 (MN).] Ia manaˈo oe, e mea faufaa anei te huru pae varua no te oaoa? [A vaiiho i te taata ia pahono.] Te faaite ra teie vea eaha ta te Bibilia e parau ra no nia i te huru pae varua mau e e nafea e roaa ˈi te reira ia tatou.”

Réveillez-vous! Atete

“I to oe manaˈo, ihea e noaa ˈi i te mau metua te aˈoraa o te tauturu mau ia ratou? [A vaiiho i te taata ia pahono.] A tapao na i teie parau fafau i roto i te Bibilia. [A taio i te Timoteo 2, 3:16.] Te faaite ra teie vea e e tauturu mau te Bibilia no te mau metua ia aupuru i te mau tamarii oaoa.”