E nafea ia pûpû i te mau vea

Te Pare Tiairaa 1 no Tetepa

“E hinaaro mâua e ite i to oe manaˈo i teie mau parau a Iesu. [A taio i te Mataio 5:5.] I to oe manaˈo, ia tupu teie parau fafau, e ite anei tatou i te mau huru tupuraa i nia i te fenua mai ta tatou e ite nei i teie mahana? [A vaiiho i te taata ia pahono.] Te faaite ra teie vea na roto i te Bibilia eaha te mau tauiraa ta Iesu e rave i nia i te fenua. Te faataa atoa ra teie vea ia vai ma e riro ai te fenua.”

Réveillez-vous! Atete

“I to oe manaˈo, e farerei faahou anei tatou i to tatou feia here i pohe? [A vaiiho i te taata ia pahono.] A hiˈo na i ta Iesu i fafau no nia i te feia pohe. [A taio i te Ioane 5:28, 29.] Te faataa ra teie tumu parau eaha te tupu ia pohe tatou ia au i te Bibilia.” A faaite i te tumu parau e haamata i te api 28.

La Tour de Garde 1 no Tetepa

“Mea rahi te taata i teie mahana aita e anaanatae faahou ra i te haapaoraa. Ia manaˈo oe, e tauturu anei te haapaoraa i te hoê taata ia riro ei taata maitai aˈe? [A vaiiho i te taata ia pahono.] A tapao na e ua tohu te Bibilia eaha ta te tahi mau taata e imi i roto i te haapaoraa i te anotau hopea. [A taio i te Timoteo 2, 4:3, 4.] Te faataa ra teie vea e nafea te haamoriraa mau e faahanahana ˈi i te Atua e e haamaitai ai ia tatou.”

Réveillez-vous! Tetepa

“Mea rahi te taata e ui nei e e tuati anei te tiaturiraa i te Atua i te ihi. Eaha to oe manaˈo? [A vaiiho i te taata ia pahono. E a taio i te Hebera 3:4.] Te hiˈopoa ra teie numera taa ê o te Réveillez-vous! i te mau haapapuraa i turai i te tahi mau aivanaa ia tiaturi i te hoê Atua Poiete.”