E nafea ia pûpû i te buka Bibilia haapii

Te vai ra i roto i teie api hau e rave rau manaˈo tauturu no te pûpû i te buka Bibilia haapii. No te hoê faaohiparaa maitai roa o te reira, a faahiti atu na roto i ta outou iho mau taˈo, a faatano atu i nia i te mau taata o ta outou tuhaa fenua, e a haamatau i te aparau i te tahi mau manaˈo o te buka. E nehenehe atoa e faaohipa i te tahi atu mau faaiteraa e tano i ta outou tuhaa fenua.—A hiˈo i Ta tatou taviniraa i te Basileia no Tenuare 2005, api 8.

Aramagedo

◼ “Ia faaroo te mau taata i te parau ra ‘Aramagedo,’ e manaˈo e rave rahi i te hoê haamouraa rahi. E maere anei oe i te ite e o Aramagedo, o te hoê ïa mea e tia ia tiaihia ma te ru? [A vaiiho i te taata ia pahono. E a taio i te Apokalupo 16:14, 16.] A tapao na i teie manaˈo no nia i te huru oraraa i muri aˈe ia Aramagedo.” A huri i te mau api 82-4, e a taio i te paratarafa 21.

Ati/Mauiui

◼ “Ia tupu te hoê ati, e rave rahi o te ui nei e te haapao mau ra anei te Atua i te mau taata e te ite ra anei oia i to ratou mauiui. Ua uiui aˈena anei oe no nia i te reira? [A vaiiho i te taata ia pahono. E a taio i te Petero 1, 5:7 e te paratarafa 11 i te api 11.] Te faataa ra teie buka e nafea te Atua e faaore roa ˈi i te mauiui o te huitaata.” A faaite i te mau uiraa faaomuaraa i te api 106.

Bibilia

◼ “E pinepine te mau taata i te hiˈo i te Bibilia mai te Parau a te Atua. Ua uiui aˈena anei oe e nafea te hoê buka i papaihia e te mau taata e nehenehe ai e parauhia, ma te tano, te Parau a te Atua? [A vaiiho i te taata ia pahono. E a taio i te Petero 2, 1:21 e te paratarafa 5 i te mau api 19-20.] Te horoa ra teie buka i ta te Bibilia mau pahonoraa i tera mau uiraa.” A faaite i te mau uiraa i te api 6.

◼ “I teie mahana, te fanaˈo nei te mau taata i te haamaramaramaraa hau atu i tei mutaaiho ra. Tera râ, ia manaˈo oe, ihea tatou e nehenehe ai e ite i te aˈoraa paari o te nehenehe e tauturu ia tatou ia ora ma te oaoa e te manuïa? [A vaiiho i te taata ia pahono. E a taio i te Timoteo 2, 3:16, 17 e te paratarafa 12 i te api 23.] Te faataa ra teie buka e nafea tatou e nehenehe ai e ora ma te auhia mai e te Atua e ma te huru e faufaahia ˈi tatou.” A faaite i te tapura e te hohoˈa i te mau api 122-3.

Haapaoraa

◼ “E rave rahi taata e haamata ra i te hiˈo i te mau haapaoraa na te ao nei mai te hoê tumu o te mau fifi o te huitaata eiaha râ mai te hoê ravea e afaro ai te fifi. Ia manaˈo oe, te aratai ra anei te haapaoraa i te mau taata i nia i te eˈa tia? [A vaiiho i te taata ia pahono. E a taio i te Mataio 7:13, 14 e te paratarafa 5 i te mau api 145-6.] Te hiˈopoa ra teie pene e ono tuhaa o te tauturu ia tatou ia ite i te haamoriraa ta te Atua e farii.” A faaite i te tapura i te api 147.

Iehova

◼ “E hinaaro e rave rahi taata o te tiaturi ra i te Atua e haafatata roa ˈtu â ia ˈna. Ua ite anei oe e te titau manihini ra te Bibilia ia tatou ia haafatata ˈtu ia ˈna? [A vaiiho i te taata ia pahono. E a taio i te Iakobo 4:8a e te paratarafa 20 i te api 16.] Ua faaineinehia teie buka no te tauturu i te taata ia haapii hau atu â no nia i te Atua ma te faaohipa i ta ratou iho Bibilia.” A faaite i te mau uiraa faaomuaraa i te api 8.

◼ “Te pure nei e rave rahi taata e ia haamoˈahia, aore ra ia raa, to te Atua iˈoa. Ua uiui aˈena anei oe eaha taua iˈoa ra? [A vaiiho i te taata ia pahono. E a taio i te Salamo 83:18 e te mau paratarafa 2-3 i te api 195.] Te faataa ra teie buka eaha ta te Bibilia e haapii mau ra no nia i te Atua ra o Iehova e ta ˈna opuaraa no te huitaata.”

Iesu Mesia

◼ “Ua faarooroo te mau taata e ati aˈe te ao nei i te parau no Iesu Mesia. Te parau ra vetahi e e taata faahiahia noa oia. Te haamori ra te tahi atu ia ˈna ei Atua Mana hope. Ia manaˈo oe, e mea faufaa anei te mea ta tatou e tiaturi ra no nia ia Iesu Mesia?” A vaiiho i te taata ia pahono. E a taio i te Ioane 17:3 e te paratarafa 3 i te mau api 37-8. A huti i te ara-maite-raa i nia i te mau uiraa faaomuaraa i raro aˈe i te upoo parau o te pene.

Nohoraa

◼ “I te vahi e rave rahi, e mea fifi atu â ia itea mai te hoê vahi nohoraa maitai e te mâmâ roa. Ia manaˈo oe, ia tae i te hoê mahana, te vai ra anei te vahi nohoraa au maitai no te mau taata atoa? [A vaiiho i te taata ia pahono. E a taio i te Isaia 65:21, 22 e te paratarafa 20 i te api 34.] Te faataa ra teie buka e nafea tera parau fafau a te Atua e tupu ai.”

Ora mure ore

◼ “Te hinaaro nei te rahiraa o te taata i te ea maitai e te hoê oraraa maoro. Tera râ ahiri e nehenehe, e hinaaro anei oe e ora e a muri noa ˈtu? [A vaiiho i te taata ia pahono. E a taio i te Apokalupo 21:3, 4 e te paratarafa 17 i te mau api 53-4.] Te faaite ra teie buka e nafea e noaa ˈi ia tatou te ora mure ore e eaha te huru o te oraraa ia tupu tera parau fafau.”

Pohe/Tia-faahou-raa

◼ “Te uiui ra e rave rahi taata eaha mau te tupu i muri aˈe i te pohe. Ia manaˈo oe, e nehenehe anei tatou e ite i te reira? [A vaiiho i te taata ia pahono. E a taio i te Koheleta 9:5 e te mau paratarafa 5-6 i te mau api 58-9.] Te faataa atoa ra teie buka i te auraa o te parau fafau bibilia o te hoê tia-faahou-raa no te feia pohe.” A faaite i te hohoˈa i te api 75.

◼ “Ia pohe te hoê o ta tatou e here ra, e mea natura ia hinaaro e ite faahou i tera taata. Te farii ra anei oe i tera manaˈo? [A vaiiho i te taata ia pahono.] E rave rahi tei ite i te tamahanahanaraa i roto i te parau fafau bibilia o te hoê tia-faahou-raa. [A taio i te Ioane 5:28, 29 e te mau paratarafa 16-7 i te mau api 71-2.] Te pahono atoa ra teie pene i tera mau uiraa.” A faaite i te mau uiraa faaomuaraa i te api 66.

Pure

◼ “Ua uiui aˈena anei oe e nafea te Atua e pahono ai i te mau pure? [A vaiiho i te taata ia pahono. E a taio i te Ioane 1, 5:14, 15 e te mau paratarafa 16-8 i te mau api 170-2.] Te faataa atoa ra teie pene no te aha e mea titauhia ˈi ia pure tatou i te Atua e eaha ta tatou e rave e tia ˈi ia faaroohia mai tatou e ana.”

Tamaˈi/Hau

◼ “Te hinaaro rahi nei te mau taata o te mau vahi atoa i te hau. Ia manaˈo oe, e moemoeâ noa anei te tiaturiraa o te hau i te fenua nei? [A vaiiho i te taata ia pahono. E a taio i te Salamo 46:8, 9.] Te faataa ra teie buka e nafea te Atua e faatupu ai i ta ˈna opuaraa e e hopoi mai ai i te hau na te ao atoa nei.” A faaite i te hohoˈa i te api 35, e a hiˈopoa i te mau paratarafa 17-21 i te mau api 33-4.

Utuafare

◼ “Te hinaaro nei tatou pauroa e fanaˈo i te hoê oraraa utuafare oaoa. Te farii ra anei oe i tera manaˈo? [A vaiiho i te taata ia pahono.] Te faahiti ra te Bibilia i te hoê mea ta te melo taitahi o te utuafare e nehenehe e rave ia oaoa te utuafare—te peeraa ïa i te Atua ma te faaite i te here.” A taio i te Ephesia 5:1, 2 e te paratarafa 4 i te api 135.

[Tumu parau tarenihia i te api 5]

Ravea no te faahiti i te faanahoraa o te mau ô

“Mai te peu e e hinaaro oe e horoa i te hoê ô iti i teie mahana no ta matou ohipa na te ao atoa nei, e oaoa roa vau i te farii i te reira.”

“Noa ˈtu e te pûpûhia nei ta matou mau papai ma te tamoni ore, e farii matou i te mau ô haihai no ta matou ohipa na te ao atoa nei.”

“E uiui paha oe e nafea matou e nehenehe ai e turu i teie ohipa. Te turuhia nei ta matou ohipa na te ao atoa nei na roto i te mau ô pûpûhia ma te aau tae. Mai te peu e e hinaaro oe e pûpû i te hoê ô iti i teie mahana, e oaoa vau i te farii i te reira.”