(1) Uiraa, (2) irava bibilia, e (3) pene

Teie te hoê raveraa ohie no te faaite Eaha ta te Bibilia e haapii mau ra?, (1) te tuuraa i te hoê uiraa manaˈo, (2) te taioraa i te hoê irava bibilia tano, e (3) te faaiteraa i te hoê pene o te buka o te faahiti ra i tera tumu parau ma te taio i te mau uiraa faaomuaraa i raro aˈe i te upoo parau o te pene. Mai te peu e e faaite te fatu fare i te anaanatae, e nehenehe outou e faaite i te tereraa o te hoê haapiiraa bibilia ma te faaohipa i te mau paratarafa matamua o tera pene. E nehenehe tera huru raveraa e faaohipahia no te haamata i te hoê haapiiraa i te farereiraa matamua aore ra i te farerei-faahou-raa.

◼ “Ia manaˈo oe, e nehenehe anei te taata haihai e haapii no nia i to tatou Atua Poiete mana hope, mai tei faahitihia i ǒ nei i roto i te Bibilia?” A taio i te Ohipa 17:26, 27, e a vaiiho i te taata ia pahono. E a faaite i te pene 1.

◼ “Ia hiˈohia te mau fifi ta tatou e faaruru nei i teie mahana, ia manaˈo oe, e nehenehe anei e ite i te tamahanahanaraa e te tiaturiraa e faataahia ra i ǒ nei?” A taio i te Roma 15:4, e a vaiiho i te taata ia pahono. E a faaite i te pene 2.

◼ “Ahiri e mana to oe, e faatupu anei oe i teie mau tauiraa?” A taio i te Apokalupo 21:4, e a vaiiho i te taata ia pahono. E a faaite i te pene 3.

◼ “Ia manaˈo oe, e nehenehe anei ta tatou mau tamarii i te hoê mahana e fanaˈo i te mau huru tupuraa i faataahia i roto i teie himene no tahito?” A taio i te Salamo 37:10, 11, e a vaiiho i te taata ia pahono. E a faaite i te pene 3.

◼ “Ia manaˈo oe, e tupu mau anei teie mau parau i te hoê mahana?” A taio i te Isaia 33:24, e a vaiiho i te taata ia pahono. E a faaite i te pene 3.

◼ “Ua uiui aˈena anei oe mai te peu e te ite ra te feia pohe i te ohipa ta te feia ora e rave ra?” A vaiiho i te taata ia pahono. E a taio i te Koheleta 9:5, e a faaite i te pene 6.

◼ “Ia manaˈo oe, e nehenehe anei e ite faahou i te hoê mahana i te feia pohe tei herehia e tatou, mai ta Iesu i parau i roto i teie mau irava?” A taio i te Ioane 5:28, 29, e a vaiiho i te taata ia pahono. E a faaite i te pene 7.

◼ “I to oe manaˈo, e nafea to te Atua hinaaro e nehenehe ai e tupu i nia i te fenua nei mai tei tupu i te raˈi ra, mai tei faahitihia i roto i teie pure tuiroo?” A taio i te Mataio 6:9, 10, e a vaiiho i te taata ia pahono. E a faaite i te pene 8.

◼ “Ia manaˈo oe, te ora ra anei tatou i te anotau i faataahia i roto i teie parau tohu?” A taio i te Timoteo 2, 3:1-4, e a vaiiho i te taata ia pahono. E a faaite i te pene 9.

◼ “E rave rahi taata o te uiui nei no te aha to te huitaata mau fifi e ino roa ˈi. Ua feruri aˈena anei oe e peneiaˈe teie te tumu?” A taio i te Apokalupo 12:9, e a vaiiho i te taata ia pahono. E a faaite i te pene 10.

◼ “Ua hinaaro aˈena anei oe e ite i te pahonoraa i te hoê uiraa mai teie?” A taio i te Ioba 21:7, e a vaiiho i te taata ia pahono. E a faaite i te pene 11.

◼ “Ia manaˈo oe, e tauturu anei te faaohiparaa i teie aˈoraa no roto mai i te Bibilia i te taata ia fanaˈo i te hoê oraraa utuafare oaoa?” A taio i te Ephesia 5:33, e a vaiiho i te taata ia pahono. E a faaite i te pene 14.

E nehenehe te haapiiraa bibilia e tapaohia ua faaterehia anaˈe te reira e piti taime i muri aˈe i te faaiteraahia te tereraa o te haapiiraa e mai te peu iho â e e tumu no te tiaturi e e tamau noâ te haapiiraa.