పరిచర్యలో నైపుణ్యాలు మెరుగుపర్చుకుందాం ఆసక్తి చూపించిన వాళ్లని కలిసే ముందు ఏమేమి చేయాలి?

ఎందుకు ప్రాముఖ్యం?

సత్యం గురించి మనం నాటిన విత్తనాలకు నీళ్లు పోయాలి అని కోరుకుంటాం. (1 కొరిం 3:6) ఎవరైనా ఆసక్తి చూపిస్తే వాళ్లను ఒక ప్రశ్న అడిగి వస్తే మంచిది. తిరిగి వెళ్లినప్పుడు ఆ ప్రశ్న గురించి మాట్లాడవచ్చు. అప్పుడు వాళ్లు మనం అడిగిన ప్రశ్న గురించి తెలుసుకోవాలని ఎదురుచూస్తారు. మనం మళ్లీ వాళ్లను కలిసినప్పుడు ఏం మాట్లాడాలి అని ఎక్కువ ఆలోచించకుండా ఆ ప్రశ్న గురించే మాట్లాడవచ్చు. ‘పోయినసారి మిమ్మల్ని కలిసినప్పుడు అడిగిన ప్రశ్న గురించి మాట్లాడడానికి వచ్చాము,’ అని చెప్పవచ్చు.

ఎలా చేయాలి?

• ఇంటింటి పరిచర్యలో ఏం మాట్లాడాలో సిద్ధపడేటప్పుడే పునర్దర్శనం కోసం అవసరమైన ప్రశ్న కూడా తయారు చేసుకోండి. అది మీరు ఇస్తున్న పత్రికలో ఉన్న ప్రశ్న కావచ్చు. లేదా మీరు తిరిగి కలిసినప్పుడు చూపించాలనుకుంటున్న స్టడీ పుస్తకంలో ఉన్న ప్రశ్న కూడా కావచ్చు.

• ఆసక్తి చూపించిన వాళ్ల దగ్గర నుండి వచ్చేసే ముందు, వాళ్లతో మళ్లీ మాట్లాడాలని అనుకుంటున్నానని చెప్పి, ముందే తయారు చేసుకున్న ప్రశ్న అడగండి. వీలైతే వాళ్ల ఫోన్‌ నెంబర్‌ లేదా అడ్రస్‌ తీసుకోండి.

• ఫలానా సమయానికి వస్తామని మీరు వాళ్లతో చెప్తే, ఇచ్చిన మాట నిలబెట్టుకోండి.—మత్త. 5:37.