Bhokisi Remibvunzo

◼Fundo dzeBhuku dzeUngano dzinofanira kuitiswa rini?

Kazhinji kazhinji kunoshanda zvikuru uye kwakakodzera kuita kuti mapoka anoverengeka efundo yebhuku asangane munzvimbo dzakapararira mundima yeungano mose panzvimbo pokuita kuti munhu ari wose asangane paHoro yoUmambo. Idzi fundo dzinofanira kuitiswa panguva yakakodzera zvikurusa voruzhinji vakagoverwa kupinda. Kazhinji kazhinji, ikoku kuri pamanheru mukati mevhiki apo kunenge kusina mimwe misangano kana kuti mibato yebasa yakarongwa. Zvisinei, kungava kunobetsera kuronga fundo yebhuku mukati mezuva kuyamura vakweguru vanozengurira kubuda kwasvipa navanoshanda usiku. Muzvinoitika zvishomanene, kungava kunoshanda kuva nefundo zuva risati radoka pakupera kwevhiki.

Vakuru vanogona kubvunza zvakakodzera kuti vazive nguva dzomusangano dzichava “dzakakodzera nokuda kwevoruzhinji vavaparidzi” pamwe chete navanhu vanofarira. (omCA p. 62) Nguva inosarudzwa inofanira kuva pazuva nepanguva isati ichizobonderana nenzira isina kufanira kana kuti kuganhurira gadziriro dzakarongwa dzebasa romumunda.