Mɔɔ Yɛbaha ye Magazine ne Anwo

The Watchtower May 1

“Esiane mɔɔ ɛlɛkɔ ɔ nyunlu la ɛmaa menli dɔɔnwo ɛlɛsuzu nwo kɛ saa Nyamenle ɛlɛtwe yɛ nzo a. Kɛzi ɛdwenle nwo ɛ? [Maa ɔbua. Akee kenga 1 Dwɔn 4:8.] Edwɛkɛ ɛhye kilehile deɛmɔti Nyamenle ɛnli amaneɛnwunlɛ mɔɔ esiane fa ba la anwo ɛzonle la anu.” Fa edwɛkɛ ne mɔɔ wɔ mukelɛ 30 la kile ye.

Awake! May

Kenga Mateyu 6:10. Na akee biza kɛ: “Asoo wɔzuzu Nyamenle ɛhulolɛdeɛ mɔɔ ɔlɛ ɔmaa azɛlɛ ye la anwo? [Maa ɔbua.] Kɛmɔ Baebolo ne kile la, mɔlebɛbo ne ɛnee Nyamenle lɛ bodane maa azɛlɛ ye, na zɔhane bodane ne ɛtɛkakyile. Bɛhilehile nuhua wɔ ɛke.” Fa edwɛkɛ ne mɔɔ wɔ mukelɛ 10 la kile ye.

The Watchtower June 1

“Nowa nee azuyilɛ ne le Baebolo ne anu edwɛkɛ mɔɔ menli dɔɔnwo ze la anu ko. Ɛdwenle kɛ azuyilɛ ne zile amgba ɔ? [Maa ɔbua.] Gyisɛse hanle nwolɛ edwɛkɛ kɛ ɔzile amgba. [Kenga Luku 17:26, 27.] Magazine ɛhye kile kɛzi yɛkola yɛdie azuyilɛ ne anwo edwɛkɛ yɛdi la, na ɔkilehile ɛzukoalɛdeɛ mɔɔ hyia mɔɔ wɔ nu la anu.”

Awake! June

“Kakula ɛtetelɛ ɛnla aze, titile wɔ mekɛ mɔɔ ɔlɛnyi na ɔkɛnwu nzenzaleɛ wɔ ɔ nwonane ne anu la. Nienwu a ɛsuzu kɛ awovolɛ bahola anyia folɛdulɛ kpalɛ avi a? [Maa ɔbua. Akee kenga Ayezaya 48:17, 18.] Magazine ɛhye fa folɛdulɛ kpalɛ mɔɔ baboa awovolɛ yeamaa bɛava ndelebɛbo nee nrɛlɛbɛ bɛali gyima la maa.”