Mɔɔ Yɛbaha Ye Magazine Ne Anwo

The Watchtower July 1

“Yɛ nuhua dɔɔnwo ɛnnwu edwɛkɛ mɔɔ yɛka yɛahile yɛ gɔnwo mɔɔ ɛnde kpɔkɛ fee la a. Kɛzi ɛdwenle folɛdulɛ ɛhye anwo ɛ? [Kenga Gyemise 1:19. Akee maa ɔbua.] Edwɛkɛ ɛhye fa Baebolo ne anu ngyinlazo dɔɔnwo mɔɔ fɛta wɔ nzuzulɛ ɛhye anwo la maa.” Fa edwɛkɛ mɔɔ wɔ mukelɛ 10 la kile ye.

Awake! July

“Kenlensa ye, bɛlɛyɛ mraalɛ ɛsɔfo wɔ asɔne dɔɔnwo anu. Kɛzi ɛdwenle nwo ɛ? [Maa ɔbua.] Tie mɔɔ Baebolo ne ka fane mraalɛ nwo la. [Kenga 1 Kɔlentema 14:34.] Noko akee, ngyehyɛnu fofolɛ ka kɛ, mraalɛ yɛ gyima mɔɔ sonle bolɛ la wɔ asafo ne anu. Edwɛkɛ ɛhye kilehile nu.” Fa edwɛkɛ ne mɔɔ wɔ mukelɛ 28 la kile ye.

The Watchtower August 1

“Menli dɔɔnwo sulo kɛ nukelea konle anzɛɛ maanle nu mɔɔ ɛlɛkakyi la bazɛkye azɛlɛ ye. Asoo wɔdwenle nwolɛ ɛlɛ kɛ ɛhye bazi? [Maa ɔbua.] Yɛ mɔɔ Baebolo ne ka ye wɔ ɛhye anwo la nzonlɛ. [Kenga Yekile 11:18.] Magazine ɛhye ye kpuyia nna mɔɔ fane ewiade awieleɛ ne anwo la anloa.”

Awake! August

“Bie a Gyihova Alasevolɛ nee wɔ ɛdendɛ ɛlɛ. Asoo wɔdwenle deɛmɔti yɛkɔ azua azua nu la anwo, titile wɔ mekɛ mɔɔ menli anye ɛnlie yɛ nwo bɔbɔ la ɔ? [Maa ɔbua. Akee kenga Mateyu 24:14.] Yɛnwu ye kɛ menli dɔɔnwo ɛtɛtele deɛmɔti yɛyɛ ye zɔhane la abo. Magazine ɛhye kilehile kɛzi Gyihova Alasevolɛ de la anu.”