Mɔɔ Yɛbaha ye Magazine ne Anwo

The Watchtower June 1

“Menli dɔɔnwo die di kɛ yɛdua ɛzonlenlɛ ngakyile zo a yɛkɔ Nyamenle ko ne ala ɛkɛ a. Kɛzi ɛdwenle nwo ɛ? [Maa Ɔbua.] Tie mɔɔ Baebolo ne ka la. [Kenga Dwɔhyua 24:15.] Edwɛkɛ ɛhye maa yɛnwu ndelebɛbo ngakyile mɔɔ ɔti ɔwɔ kɛ yɛneɛnlea nuhua kɛ yɛ ɛzonlenlɛ ne ɛlɛkile yɛ adenle ahɔ nɔhalɛ Nyamenle ne ɛkɛ ne la anu.” Fa edwɛkɛ ne mɔɔ wɔ mukelɛ 12 la kile ye.

Awake! June

“Yɛ muala yɛze menli mɔɔ ɛwu la. Ɛdwenle kɛ ɔwɔ kɛ yɛsulo kɛ bɛ nuhua bie mɔ bava yɛ nwo ɛya anzɛɛ agyegye yɛ ɔ? [Maa ɔbua. Akee kenga Nolobɔvo ne 9:5, 6.] Edwɛkɛ ɛhye bakyekye ɛ rɛle.” Fa edwɛkɛ ne mɔɔ wɔ mukelɛ 22 la kile ye.

The Watchtower July 1

“Menli dɔɔnwo mɔɔ lɛ Baebolo la ɛnde edwɛkɛ mɔɔ wɔ nuhua la abo. Bie ɛdo wɔ ɛlɛ ɔ? [Maa ɔbua.] Ngyehyɛnu ɛhye kile kɛ ahenle mɔɔ manle bɛhɛlɛle Baebolo ne la kulo kɛ ɛte ye Edwɛkɛ ne abo na ɛnyia zolɛ nvasoɛ. [Kenga Edwɛndolɛ 119:130.] Magazine ɛhye maa yɛnwu nzuzulɛ nsa mɔɔ baboa yeamaa yɛade Baebolo ne abo la.”

Awake! July

“Nyanelilɛ ɛha menli dɔɔnwo ɛnɛ. Ɛdwenle kɛ Nyamenle anye die menli mɔɔ ɛlɛdi nyane la anwo ɔ? [Maa ɔbua. Akee kenga Edwɛndolɛ 34:18.] Magazine ɛhye kilehile kɛzi menli mɔɔ ɛlɛdi nyane, bɔbɔ mɔɔ bie a ɔhyia kɛ bɛyɛ bɛ ayile la bahola anyia moalɛ avi Nyamenle ɛkɛ la. Eza ɔmaa yɛnwu mɔɔ yɛbahola yɛaha yɛava yɛakyekye bɛ rɛle la.”