Mɔɔ Yɛbaha ye Magazine ne Anwo

The Watchtower August 1

“Menli dɔɔnwo suzu kɛ menli kpalɛ kɔsɔɔti bahɔ anwuma. Ɛdie ɛdi kɛ ɔle zɔ ɔ? [Maa ɔbua.] Tie mɔɔ ɛhye ka ye wɔ azɛlɛ ye anwo la. [Kenga Edwɛndolɛ 37:11, 29.] Edwɛkɛ ɛhye maa yɛnwu mɔɔ Gyisɛse hanle vale alesama kenlebie wɔ azɛlɛ ye azo la anwo.” Fa edwɛkɛ ne mɔɔ wɔ mukelɛ 22 la kile ye.

Awake! August

“Awovolɛ wu a, ɔyɛ nyane ɔtɛla debie biala. Ɛdie ɛto nu ɔ? [Maa ɔbua.] Baebolo ngyehyɛnu ɛhye ɛkyekye menli dɔɔnwo arɛle. [Kenga Yekile 21:4.] Edwɛkɛ ɛhye kilehile kɛzi kakula titile kola gyinla nganeɛdelɛ dɔɔnwo mɔɔ ɔfa ɔba anloa la anu.” Fa edwɛkɛ ne mɔɔ wɔ mukelɛ 10 la kile ye.

The Watchtower September 1

“Bie mɔ ka kɛ saa ɛdi nɔhalɛ ɛmaa Nyamenle a, ɔbava anwonyia dɔɔnwo yeayila wɔ, na saa awie le ehyianli a, ɔkile kɛ Nyamenle ɛnlie ye ɛndo nu. Kɛzi ɛdwenle nwo ɛ? [Maa ɔbua.] Mɔɔ yɛ anyelielɛ la a le kɛ ɛnee Gyisɛse ɛnle sukoavolɛ. [Kenga Luku 9:58.] Magazine ɛhye ka nyilalɛ holɛ ko mɔɔ Nyamenle azonvolɛ anye bahola ala ye ade la anwo edwɛkɛ.”

Awake! September

“Ɛdwenle kɛ ngakula yia ngyegyelɛ dɔɔnwo ɛnɛ tɛla dɛba ne ɔ? [Maa ɔbua.] Menli dɔɔnwo te nganeɛ kɛ ngyehyɛnu ɛhye ka yɛ mekɛ ɛhye anwo edwɛkɛ mɔɔ le nɔhalɛ la. [Kenga 2 Temɔte 3:1.] Magazine ɛhye kile Baebolo ngyinlazo kpalɛ bie mɔ mɔɔ baboa awovolɛ nee ngakula yeamaa bɛagyinla ɔ nloa la.”