‘Nimwija Kuhurira’ Entaro

“Okuruga obu naaba ow’eby’amakuru emyaka nka 60 enyima, mbaasize kuha ripoota ezirikukwata aha ntaro ezirikurenga 40 ezibaireho omu nsi yoona. Nkareeba emihondano eyaabaire eri ahagati ya United States na Soviet Union erikweyongyera kandi bwanyima, nkareeba oku yaahendiire ahonaaho. Kwonka tinkareebaga omwaka ogurikwerarikiiriza munonga nk’oku ogwa 2025 gubaire. Enshonga emwe n’ahabw’okugira ngu habairemu entaro nyingi kandi endiijo n’ahabw’okugira ngu rumwe aha ntaro ezi nirubaasa kureetaho oburemeezi bw’amaani omu nsi yoona.”—John Simpson, orikushwijuma eby’amakuru g’ensi yoona aha BBC..

Abantu beerarikiriire ahabw’okugira ngu entaro nizeeyongyera omu nsi yoona. Baingi nibeebuuza yaaba entaro nizaija kuhwaho. Yesu akeegyesa ki?

Eki Yesu Yaayegyeise

Yesu akagamba aha bintu ebi turikureeba nibibaho. Akarabura abakuratsi be ati: ‘Nimwija kuhurira engamba [nari entaro] n’okurangaanwa kwazo.’—Matayo 24:6.

N’obu entaro n’obutabanguko ebiriho obunaku biraabe nibitwerarikiiriza, twine enshonga nungi eri kutureetera kugira amatsiko. Ahabw’enki? Ahabw’okugira ngu Yesu akagira ngu entaro n’ebindi ebirikubaho, embeera n’emitwarize y’abantu obunaku obu, bikaba nibiija kuba ‘akamanyiso’ akarikworeka muheru gw’entebeekanisa y’obusingye obu. (Matayo 24:3; Luka 21:7) Eki nikimanyisa ngu obunaku nibwija kuhika obu Yesu arimariraho kimwe entaro. Ata?

Eki Yesu Araije Kukora

Omu bwire butari bwa hare, Yesu, Omugabe w’Obukama bwa Ruhanga, naija ‘kumaraho engamba [nari entaro] okuhika aha muheru gw’ensi.’—Zaaburi 46:9.

Kubaasa kwongyera kumanya ebirikukwata ahari nyentsya nungi egi ey’obusingye, oku eraije kubaho n’oku embeera eraabe eri omu bwire obwo, shoma ekicweka “Oku Entaro n’Obutabanguko Biraahweho.”