वल्हांडण—आपल्यासाठी त्याचं महत्त्व

१२:५-७, १२, १३, २४-२७

दहाव्या पीडेपासून वाचण्यासाठी इस्राएली लोकांना यहोवाने दिलेल्या सूचना पाळणं महत्त्वाचं होतं. (निर्ग १२:२८) निसान १४ च्या रात्री प्रत्येक कुटुंबाने आपापल्या घरात एकत्र यायचं होतं. त्यांनी कोणताही दोष नसलेलं, एक वर्षाचं मेंढरू किंवा बकरीचं पिल्लू कापायचं होतं. त्याचं रक्‍त त्यांनी आपल्या दाराच्या डाव्या, उजव्या आणि वरच्या बाजूला शिंपडायचं होतं. मग तो संपूर्ण प्राणी भाजून त्याचं मांस घाईघाईने खायचं होतं. आणि सकाळपर्यंत कोणीही घराबाहेर पडायचं नव्हतं.—निर्ग १२:९-११, २२.

आज्ञा पाळल्यामुळे आज कोणकोणत्या मार्गांनी आपलं संरक्षण होतं?