ख्रिस्ती जीवन
यहोवा आपल्या लोकांचं संरक्षण करतो
पहिलं वल्हांडण ही एक फार महत्त्वाची घटना होती. त्या रात्री, इजिप्तमधले सगळे पहिले जन्मलेले मरण पावले. हे पाहून फारो मोशेला म्हणाला: “तुम्ही व सगळे इस्राएल लोक माझ्या लोकांतून निघून जा; तुम्ही म्हणता त्याप्रमाणे जाऊन परमेश्वराची सेवा करा.” (निर्ग १२:३१) त्या रात्री यहोवाने हे दाखवून दिलं, की तो नेहमी आपल्या लोकांचं रक्षण करतो.
आजही यहोवा आपल्या लोकांचं मार्गदर्शन आणि संरक्षण करत आहे. यहोवाच्या साक्षीदारांचा आधुनिक इतिहास पाहिला तर ही गोष्ट स्पष्टपणे दिसून येते. आणि आपल्या जागतिक मुख्यालयात, “यहोवाच्या नावासाठी निवडलेले लोक” असं शीर्षक असलेल्या एका संग्रहालयातही हीच गोष्ट दाखवण्यात आली आहे.
वॉरविक संग्रहालयांना भेट: “यहोवाच्या नावासाठी निवडलेले लोक” हा व्हिडिओ पाहा आणि मग खाली दिलेल्या प्रश्नांची उत्तरं द्या:
बायबलवर विश्वास मजबूत करण्यासाठी १९१४ पासून बायबल विद्यार्थ्यांनी कोणत्या एका नवीन साधनाचा वापर करायला सुरुवात केली? आणि ते किती परिणामकारक ठरलं?
१९१६ आणि १९१८ मध्ये यहोवाच्या लोकांवर कोणत्या परीक्षा आल्या? आणि यहोवा आपल्या संघटनेचं मार्गदर्शन करत आहे हे त्या वेळी कशावरून दिसून आलं?
विरोधाचा सामना करावा लागला तरीही यहोवाचे लोक कशा प्रकारे विश्वासात खंबीर राहिले?
१९३५ मध्ये यहोवाच्या लोकांना कोणती नवीन समज मिळाली आणि याचा त्यांच्यावर कसा परिणाम झाला?
तुम्ही या संग्रहालयाला भेट दिली असेल, तर तिथे पाहिलेल्या कोणत्या गोष्टीमुळे तुम्हाला खात्री पटली की यहोवा आज आपल्या लोकांचं मार्गदर्शन आणि संरक्षण करत आहे?