प्रश्न पेटी
▪ टेलिफोनवरून साक्ष कार्य करताना, दान देण्याच्या व्यवस्थेबद्दल आपण सांगावे का?
आपण एखाद्या व्यक्तीला प्रत्यक्ष साक्ष देतो तेव्हा तिला समजावून सांगू शकतो, की यहोवाच्या साक्षीदारांचे संपूर्ण जगभरात चाललेले बायबल शिक्षणाचे कार्य पूर्णपणे दानांवरच चालत असल्यामुळे आपण लोकांकडून दान स्वीकारतो. परंतु, टेलिफोनवरून साक्ष कार्य करताना, दानांबद्दलचा किंवा दान देण्याच्या व्यवस्थेचा उल्लेख करू नये; नाहीतर, हा टेलिफोन व्यापाराचा प्रकार आहे असा गैरसमज होऊ शकतो. यहोवाच्या साक्षीदारांची सेवा ही कोणत्याही प्रकारे व्यापारी स्वरूपाची नाही.—२ करिंथ. २:१७.
▪ टेलिफोनवरून साक्ष कार्य करत असताना, समजा एखाद्या व्यक्तीने यहोवाच्या साक्षीदारांनी आपल्याला पुन्हा फोन करू नये अशी विनंती केली तर मग अशा वेळी आपण काय करावे?
त्या व्यक्तीच्या इच्छेचा आपण आदर करावा. क्षेत्राच्या पाकीटात, तारीख व त्या व्यक्तीचे नाव लिहिलेला एक छोटासा चिटोरा ठेवावा जेणेकरून भविष्यात प्रचारक त्या व्यक्तीला पुन्हा फोन करणार नाहीत. आपल्याला फोन करू नये अशी विनंती करणाऱ्या लोकांची यादी वर्षातून एकदा तपासून पाहावी. सेवा पर्यवेक्षकांचे मार्गदर्शन घेऊन, अनुभवी व व्यवहार चातुर्याचा उपयोग करणाऱ्या प्रचारकांना, अशा लोकांचा अजूनही तोच विचार आहे का, याची विचारपूस करण्यास नेमले जावे.—आमची राज्य सेवा मे १९९८, प्रश्न पेटी पाहा.