സംഘടിത കുറ്റകൃ​ത്യം—നിങ്ങളെ ബാധി​ക്കുന്ന വിധം

ജപ്പാനി​ലെ ഉണരുക! ലേഖകൻ

മാഫിയ കുടും​ബ​ത്തി​ന്റെ തലവൻ നവാഗത അംഗത്തി​ന്റെ ഒരു വിരലിൽ കൂർത്ത​മു​ന​കൊ​ണ്ടു കുത്തുന്നു. ഒരു “വിശുദ്ധ”ന്റെ ചിത്ര​ത്തിൻമേൽ രക്തം ഇറ്റിറ്റു​വീ​ഴു​ന്നു. അടുത്ത​താ​യി, ആ ചിത്രം കത്തിച്ചാ​മ്പ​ലാ​കു​ന്നു. ‘സംഘട​ന​യു​ടെ ഏതെങ്കി​ലും രഹസ്യം നീ പുറത്തു​പ​റ​ഞ്ഞാൽ നിന്റെ ശരീരം ഈ വിശു​ദ്ധ​നെ​പ്പോ​ലെ കത്തും’ എന്ന്‌ തലവൻ ആ യുവാ​വി​നോ​ടു പറയുന്നു.

നിശബ്ദ​ത​യു​ടെ വ്യവസ്ഥ—ഇറ്റാലി​യൻ ഭാഷയിൽ ഒമെട്രാ—സംഘടിത കുറ്റകൃ​ത്യ​ത്തെ കൂടു​ത​ലാ​യും അധോ​ലോ​കത്ത്‌ അനേക വർഷം ഒതുക്കി​നിർത്തി. എന്നാൽ ഇന്ന്‌, ചില സംഘാം​ഗങ്ങൾ വിവരങ്ങൾ ചോർത്തി​ക്കൊ​ടു​ക്കു​ന്നവർ ആയിത്തീർന്ന​തോ​ടെ കുറ്റകൃ​ത്യ സംഘങ്ങൾ എല്ലായി​ട​ത്തും വാർത്താ തലക്കെ​ട്ടു​കൾ സൃഷ്ടി​ക്കു​ന്നു. ഈ പെൻറി​റ്റി​ക​ളാൽ അഥവാ മാഫിയ കൂറു​മാ​റ്റ​ക്കാ​രാൽ ആരോ​പ​ണ​വി​ധേ​യ​നായ ഏറ്റവും പ്രമുഖ വ്യക്തി, ഏഴുതവണ ഇറ്റലി​യു​ടെ പ്രധാ​ന​മ​ന്ത്രി​യാ​യി​രുന്ന ജൂലി​യോ ആൻ​ഡ്രേ​യോ​ട്ടി ആയിരു​ന്നു. തന്റെ മാഫിയ ബന്ധങ്ങൾക്ക്‌ അദ്ദേഹം ഇപ്പോൾ വിചാ​ര​ണയെ നേരി​ടു​ക​യാണ്‌.

എല്ലായി​ട​ത്തു​മു​ള്ള കുറ്റകൃ​ത്യ സംഘട​നകൾ ജീവി​ത​ത്തി​ന്റെ എല്ലാ മണ്ഡലങ്ങ​ളി​ലും കടന്നു​ക​യറ്റം നടത്തി​യി​രി​ക്കു​ന്നു. ഇറ്റലി​യി​ലെ​യും ഐക്യ​നാ​ടു​ക​ളി​ലെ​യും, കോസാ നോസ്‌ട്രാ എന്നും വിളി​ക്ക​പ്പെ​ടുന്ന മാഫിയ; തെക്കേ അമേരി​ക്ക​യി​ലെ മയക്കു​മ​രു​ന്നു സംഘങ്ങൾ; ചൈന​യി​ലെ ട്രയാ​ഡ്‌സ്‌; ജപ്പാനി​ലെ യാക്കൂസാ എന്നിവ​യാണ്‌ അവയിൽ ചിലവ. അവരുടെ ദുഷ്‌പ്ര​വൃ​ത്തി​കൾ നമ്മെ​യെ​ല്ലാം ബാധി​ക്കു​ക​യും ജീവി​ത​ച്ചെ​ലവു വർധി​പ്പി​ക്കു​ക​യും ചെയ്യുന്നു.

ഐക്യ​നാ​ടു​ക​ളിൽ, മാഫിയ ന്യൂ​യോർക്കു നഗരത്തെ അഞ്ചു കുടും​ബ​ങ്ങൾക്കാ​യി വിഭജി​ക്കു​ന്നു​വെന്നു പറയ​പ്പെ​ട്ടി​രി​ക്കു​ന്നു. തട്ടി​യെ​ടു​ക്കൽ, നിയമ​വി​രുദ്ധ സ്ഥാപന​ങ്ങ​ളു​ടെ സംരക്ഷ​ണ​ക്കൂ​ലി, അമിത​പ​ലി​ശ​യ്‌ക്കു പണംനൽകൽ, ചൂതാട്ടം, മയക്കു​മ​രു​ന്നു വിൽപ്പന, വേശ്യാ​വൃ​ത്തി എന്നീ മാർഗ​ങ്ങ​ളി​ലൂ​ടെ അവർ ശതകോ​ടി​ക്ക​ണ​ക്കി​നു ഡോളർ സമ്പാദി​ക്കു​ന്നു. ചപ്പുച​വറു നിർമാർജനം, ചരക്കു കൊണ്ടു​പോ​കൽ, നിർമാ​ണം, ഭക്ഷ്യ വിതരണം, തുണി​വ്യ​വ​സാ​യം എന്നീ മേഖല​ക​ളിൽ മാഫിയ കുടും​ബ​ങ്ങൾക്കു തൊഴി​ലാ​ളി യൂണി​യ​നു​ക​ളു​ടെ​മേൽ ശക്തമായ നിയ​ന്ത്ര​ണ​മു​ണ്ടെന്ന്‌ ആരോ​പി​ക്ക​പ്പെ​ട്ടി​രി​ക്കു​ന്നു. തൊഴി​ലാ​ളി യൂണി​യ​നു​ക​ളു​ടെ​മേ​ലുള്ള അധികാ​രം ഉപയോ​ഗിച്ച്‌ അവർക്കു തൊഴിൽ തർക്കങ്ങൾ പരിഹ​രി​ക്കാ​നോ ഒരു പദ്ധതി അട്ടിമ​റി​ക്കാ​നോ കഴിയും. ഉദാഹ​ര​ണ​ത്തിന്‌ നിർമാ​ണ​സ്ഥ​ലത്ത്‌, ഒരു ദിവസം ബുൾഡോ​സർ പ്രവർത്തി​ക്കു​ക​യില്ല, മറ്റൊരു ദിവസം കുഴിക്കൽ യന്ത്രത്തി​ന്റെ ബ്രേക്കു​കൾ പ്രവർത്തി​ക്കു​ക​യില്ല, യന്ത്രം പ്രവർത്തി​പ്പി​ക്കുന്ന എൻജി​നീ​യർമാർ “മെല്ലെ​പ്പോ​ക്കു” നയം സ്വീക​രി​ക്കു​ന്നു—കുറ്റകൃ​ത്യ സംഘങ്ങ​ളു​ടെ ആവശ്യ​ങ്ങൾക്ക്‌, അവ കൈക്കൂ​ലി​യോ തൊഴിൽ കരാറു​ക​ളോ ആയിരു​ന്നു​കൊ​ള്ളട്ടെ, വഴങ്ങാൻ നിർമാ​താ​വു സമ്മതി​ക്കു​ന്ന​തു​വരെ ഇത്തരം സംഭവങ്ങൾ തുടരു​ന്നു. “കുറ്റകൃ​ത്യ സംഘങ്ങൾക്കു കൈക്കൂ​ലി നൽകു​ന്നത്‌, സാധന​ങ്ങ​ളു​ടെ പെട്ടെ​ന്നുള്ള ലഭ്യത, തൊഴി​ലാ​ളി സമാധാ​നം, കൂലി​കു​റഞ്ഞ തൊഴി​ലാ​ളി​കളെ ഉപയോ​ഗി​ക്കാ​നുള്ള സ്വാത​ന്ത്ര്യം എന്നിവ ബിസി​ന​സു​കാർക്ക്‌ ഉറപ്പു​നൽകു​ന്നു” എന്ന്‌ ടൈം മാഗസിൻ റിപ്പോർട്ടു ചെയ്യുന്നു.

1993-ൽ മെഡലിൻ സംഘത്തി​ന്റെ തലവനായ പാബ്ലോ എസ്‌കോ​ബ​റി​നു വെടി​യേൽക്കു​ന്ന​തു​വരെ കൊളം​ബി​യ​യിൽ രണ്ടു മയക്കു​മ​രു​ന്നു സംഘങ്ങൾ തമ്മിൽ പരസ്‌പരം മത്സരിച്ചു. അതേത്തു​ടർന്ന്‌, ലോക​ത്തി​ലെ കൊ​ക്കെയ്‌ൻ കള്ളക്കട​ത്തി​ന്റെ കുത്തകാ​ധി​കാ​രം കാലി സംഘം നേടി. 1994-ൽ, ഐക്യ​നാ​ടു​ക​ളിൽ മാത്ര​മാ​യി 700 കോടി ഡോളർ വരുമാ​ന​മു​ണ്ടാ​ക്കി​ക്കൊണ്ട്‌ അതു സാധ്യ​ത​യ​നു​സ​രി​ച്ചു ലോക​ത്തി​ലെ ഏറ്റവും വലിയ സംഘടിത കുറ്റകൃ​ത്യ സംഘമാ​യി​ത്തീർന്നു. എന്നാൽ അതിന്റെ സൂത്ര​ധാ​ര​നാ​യി​രുന്ന ഹോസേ സാന്താ​ക്രൂസ്‌ ലോ​ണ്ടോ​നി​യോ 1995-ൽ അറസ്റ്റു​ചെ​യ്യ​പ്പെ​ട്ടത്‌ സംഘത്തെ സംബന്ധി​ച്ചി​ട​ത്തോ​ളം ഒരു ദുരന്ത​മാ​യി​രു​ന്നു. എന്നാൽ, അടുത്ത നേതാ​വാ​യി സ്ഥാന​മേൽക്കാൻ ആകാം​ക്ഷ​യോ​ടെ കാത്തി​രി​ക്കുന്ന ഒരു പിൻഗാ​മി എല്ലായ്‌പോ​ഴു​മുണ്ട്‌.

ഇരുമ്പു​മറ തകർന്ന​തോ​ടെ റഷ്യൻ മാഫിയ സാർവ​ദേ​ശീയ രംഗ​ത്തേക്കു കടന്നു​വന്നു. തത്‌ഫ​ല​മാ​യി, “റഷ്യയി​ലെ എല്ലാ വ്യാപാ​ര​സം​രം​ഭ​ത്തി​നും മാഫി​യ​യു​മാ​യി ബന്ധപ്പെ​ടേ​ണ്ടി​വന്നു”വെന്ന്‌ ന്യൂസ്‌വീ​ക്കിൽ ഉദ്ധരി​ക്ക​പ്പെട്ട ഒരു ബാങ്കു​ന​ട​ത്തി​പ്പു​കാ​രൻ പറയുന്നു. ന്യൂ​യോർക്കി​ലെ ബ്രൈടൺ ബീച്ചിൽപോ​ലും റഷ്യൻ മാഫിയ പെ​ട്രോ​ളി​യം ഉത്‌പ​ന്നങ്ങൾ ഉൾപ്പെ​ടുന്ന സങ്കീർണ​മായ വ്യാജ​പ​ദ്ധ​തി​ക​ളിൽനി​ന്നു ലാഭം കൊയ്യു​ന്ന​താ​യി റിപ്പോർട്ടു ചെയ്യ​പ്പെ​ട്ടി​രി​ക്കു​ന്നു. കാറു​ട​മകൾ പെ​ട്രോ​ളി​നു​വേണ്ടി കൂടുതൽ പണം മുടക്കു​ന്ന​തി​ലും ഗവൺമെൻറിന്‌ നികുതി നഷ്ടപ്പെ​ടു​ന്ന​തി​ലും ഇതു കലാശി​ക്കു​ന്നു. റഷ്യൻ സംഘങ്ങൾ പൂർവ യൂറോ​പ്പിൽ വേശ്യാ​ല​യ​ങ്ങ​ളും നടത്തുന്നു. മിക്ക കുറ്റകൃ​ത്യ​ങ്ങൾക്കും അവർ ശിക്ഷി​ക്ക​പ്പെ​ടു​ന്നില്ല. മാരകാ​യു​ധ​മേ​ന്തിയ മുൻ കായി​കാ​ഭ്യാ​സി​ക​ളെ​യും അഫ്‌ഗാൻ യുദ്ധ​പ്പോ​രാ​ളി​ക​ളെ​യും നേരി​ടാൻ ആരാണു ധൈര്യ​പ്പെ​ടുക?

പൗരസ്‌ത്യ​ദേ​ശ​ത്തും സാഹച​ര്യം വ്യത്യ​സ്‌തമല്ല. ജപ്പാനിൽ, പ്രാ​ദേ​ശിക യാക്കൂസാ സംഘത്തെ ആദരി​ക്കു​ക​യും അവർക്കു കപ്പം നൽകു​ക​യും ചെയ്‌തി​ല്ലെ​ങ്കിൽ കലാ​പ്ര​ദർശന വ്യവസാ​യ​രം​ഗ​ത്തു​ള്ളവർ എല്ലാത്തരം പ്രശ്‌ന​ങ്ങ​ളും പ്രതീ​ക്ഷി​ക്കേ​ണ്ട​താണ്‌. ഇവി​ടെ​യും, മദ്യശാ​ല​ക​ളിൽനി​ന്നും തെരു​വു​വേ​ശ്യ​ക​ളിൽനി​ന്നു​പോ​ലും അവർ സംരക്ഷ​ണ​ക്കൂ​ലി ആവശ്യ​പ്പെ​ടു​ന്നു. അതിനു​പു​റമേ, സ്വന്തം കമ്പനികൾ സംഘടി​പ്പി​ച്ചു​കൊ​ണ്ടും വൻകിട വ്യാപാര സംഘങ്ങ​ളിൽനി​ന്നു പണം തട്ടി​യെ​ടു​ത്തും വിദേശ കുറ്റകൃ​ത്യ സംഘട​ന​ക​ളു​മാ​യി ബന്ധം സ്ഥാപി​ച്ചു​കൊ​ണ്ടും യാക്കൂസാ ജാപ്പനീസ്‌ സമ്പദ്‌വ്യ​വ​സ്ഥ​യിൽ ആഴത്തിൽ വളർന്നി​റ​ങ്ങി​യി​രി​ക്കു​ന്നു.

ഹോ​ങ്കോം​ഗും തയ്‌വാ​നും കേന്ദ്രീ​ക​രി​ച്ചുള്ള കുറ്റകൃ​ത്യ സംഘട​ന​ക​ളും ലോക​മാ​സ​കലം തങ്ങളുടെ ശൃംഖല വ്യാപി​പ്പി​ക്കു​ന്നു. ട്രയാ​ഡ്‌സ്‌ എന്ന അവരുടെ പേരി​നെ​ക്കു​റി​ച്ച​ല്ലാ​തെ, അവർ സംഘടി​ത​മാ​യി പ്രവർത്തി​ക്കുന്ന വിധം സംബന്ധി​ച്ചു കാര്യ​മാ​യൊ​ന്നും അറിവില്ല. ചൈന​യു​ടെ നിയ​ന്ത്രണം പിടി​ച്ചെ​ടുത്ത മഞ്ചൂറി​യ​ക്കാർക്കെ​തി​രെ ചൈനീസ്‌ സന്ന്യാ​സി​കൾ ഒരുമി​ച്ചു​കൂ​ടിയ 17-ാം നൂറ്റാ​ണ്ടി​ലാണ്‌ അവരുടെ ചരി​ത്ര​മാ​രം​ഭി​ക്കു​ന്നത്‌. അവരുടെ അംഗങ്ങൾ എണ്ണത്തിൽ പതിനാ​യി​ര​ക്ക​ണ​ക്കി​നു വരു​മെ​ങ്കി​ലും, ഹോ​ങ്കോം​ഗി​ലെ ട്രയാ​ഡ്‌സ്‌ ഒരു പ്രത്യേക കുറ്റകൃ​ത്യ​ത്തി​നോ കുറ്റകൃ​ത്യ പരമ്പര​യ്‌ക്കോ​വേണ്ടി താത്‌കാ​ലിക സംഘങ്ങൾ രൂപീ​ക​രി​ക്കു​ന്നു​വെന്നു പറയ​പ്പെ​ടു​ന്നു. അതു​കൊണ്ട്‌ അവർ ആരാ​ണെന്നു തിരി​ച്ച​റി​യുക പൊലീ​സി​നു ബുദ്ധി​മു​ട്ടാണ്‌. ഹെറോ​യിൻ കള്ളക്കട​ത്തി​ലൂ​ടെ ശതകോ​ടി​ക്ക​ണ​ക്കി​നു ഡോളർ സമ്പാദി​ക്കുന്ന അവർ ഹോ​ങ്കോം​ഗി​നെ വ്യാജ ക്രെഡിറ്റ്‌ കാർഡ്‌ നിർമാണ കേന്ദ്ര​മാ​ക്കി​യി​രി​ക്കു​ന്നു.

വർഗീയ അടിസ്ഥാ​ന​ത്തി​ലുള്ള പുതിയ കുറ്റകൃ​ത്യ സംഘങ്ങൾ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ഐക്യ​നാ​ടു​ക​ളി​ലെ കുറ്റകൃ​ത്യ​ത്തെ​ക്കു​റിച്ച്‌ വില്യം ക്ലൈൻക്‌നെ​ക്‌റ്റ്‌ പ്രസ്‌താ​വി​ക്കു​ന്നു: “സംഘടിത കുറ്റകൃ​ത്യ​മെന്ന പുതിയ ലോക​ത്തിൽ ചൈന​ക്കാ​രെ​ക്കാൾ വലിയ ഭാവി മറ്റൊരു വർഗത്തിൽപ്പെട്ട സംഘങ്ങൾക്കു​മില്ല. . . . ചൈനീസ്‌ കുറ്റകൃ​ത്യ സംഘങ്ങൾ രാജ്യ​ത്തെ​ങ്ങു​മുള്ള നഗരങ്ങ​ളിൽ അതി​വേഗം നിയ​ന്ത്രണം നേടു​ക​യാണ്‌. . . . ന്യൂ​യോർക്കി​ലെ മാഫിയ കഴിഞ്ഞാൽ അടുത്ത സ്ഥാനം അവർക്കാണ്‌.”

ഹോ​ങ്കോം​ഗിൽനിന്ന്‌ ഉത്ഭവി​ക്കുന്ന മറ്റൊരു രൂപത്തി​ലുള്ള കള്ളക്കട​ത്തി​നെ​ക്കു​റിച്ച്‌ യു.എസ്‌. നീതി​ന്യാ​യ വിഭാ​ഗ​ത്തി​ലെ ഒരു ഉദ്യോ​ഗസ്ഥൻ പറയുന്നു: “വിദേ​ശി​കളെ ഒളിച്ചു​ക​ട​ത്തു​ന്നതു സംഘടിത കുറ്റകൃ​ത്യ​ത്തി​നുള്ള ശക്തിയു​ടെ ഒരു പ്രകട​ന​മാണ്‌.” ഓരോ വർഷവും 1,00,000 ചൈന​ക്കാർ നിയമ​വി​രു​ദ്ധ​മാ​യി ഐക്യ​നാ​ടു​ക​ളിൽ പ്രവേ​ശി​ക്കു​ന്ന​താ​യി ചില ഉദ്യോ​ഗസ്ഥർ കണക്കാ​ക്കു​ന്നു. ഒളിച്ചു​ക​ട​ത്ത​പ്പെട്ട ഒരു സാധാരണ കുടി​യേ​റ്റ​ക്കാ​രൻ, ഒരു സമ്പന്ന രാഷ്‌ട്ര​ത്തി​ലേക്കു തന്നെ കൊണ്ടു​വ​ന്ന​തിന്‌ ഏറ്റവും കുറഞ്ഞത്‌ 15,000 ഡോളർ നൽകേ​ണ്ട​തുണ്ട്‌. അതിൽ ഭൂരി​ഭാ​ഗ​വും അയാൾ തന്റെ ലക്ഷ്യസ്ഥാ​നത്ത്‌ എത്തി​ച്ചേർന്ന ശേഷമാ​യി​രി​ക്കും നൽകു​ന്നത്‌. അങ്ങനെ, ഒട്ടുമിക്ക കുടി​യേ​റ്റ​ക്കാർക്കും തങ്ങളുടെ സ്വപ്‌ന​ദേ​ശത്തെ ജീവിതം, കുറഞ്ഞ വേതന​ത്തി​നു കൂടുതൽ സമയം പണി​യെ​ടു​ക്കേ​ണ്ടി​വ​രുന്ന കടകളി​ലെ​യും വേശ്യാ​ല​യ​ങ്ങ​ളി​ലെ​യും നിർബ​ന്ധിത തൊഴിൽ എന്ന പേടി​സ്വ​പ്‌ന​മാ​യി​ത്തീ​രു​ന്നു.

കുറ്റകൃ​ത്യ നടപടി​ക​ളിൽ നിങ്ങൾ ഉൾപ്പെ​ടു​ന്നി​ല്ലാ​ത്ത​തി​നാൽ സംഘടിത കുറ്റകൃ​ത്യം നിങ്ങളെ ബാധി​ക്കു​ന്നി​ല്ലെന്നു നിങ്ങൾ ചിന്തി​ച്ചേ​ക്കാം. എന്നാൽ അതു വാസ്‌ത​വ​മാ​ണോ? പല ഭൂഖണ്ഡ​ങ്ങ​ളി​ലും വസിക്കുന്ന മയക്കു​മ​രു​ന്നാ​സക്തർ, തെക്കേ അമേരി​ക്ക​യി​ലെ മയക്കു​മ​രു​ന്നു സംഘങ്ങൾ വിതരണം ചെയ്യുന്ന മയക്കു​മ​രു​ന്നു​കൾ വാങ്ങാ​നുള്ള പണത്തി​നാ​യി കുറ്റകൃ​ത്യ​ത്തി​ലേക്കു തിരി​യു​ന്നു. പൊതു സേവന​ങ്ങൾക്കു​വേ​ണ്ടി​യുള്ള കരാറു​കൾ തങ്ങളു​മാ​യി ബന്ധപ്പെട്ട കമ്പനി​കൾക്കു ലഭിക്കു​ന്നു​വെന്ന്‌ സംഘടിത കുറ്റകൃ​ത്യ സംഘങ്ങൾ ഉറപ്പു​വ​രു​ത്തു​ന്നു; തത്‌ഫ​ല​മാ​യി പൗരൻമാർ കൂടുതൽ പണം ചെലവ​ഴി​ക്കു​ന്നു. ഐക്യ​നാ​ടു​ക​ളിൽ, “മോഷണം, പിടി​ച്ചു​പറി, കൈക്കൂ​ലി, വില നിശ്ചയി​ക്കൽ, കമ്പോള നിയ​ന്ത്രണം എന്നിവ​യി​ലൂ​ടെ സംഘടിത കുറ്റകൃ​ത്യ സംഘങ്ങൾ വിലയിൽ തിരി​മ​റി​ന​ടത്തു”കയും മാഫി​യ​യ്‌ക്കുള്ള “സർചാർജ്‌ എന്നു വിളി​ക്കാ​വുന്ന ഒരു തുക” നൽകാൻ ഉപഭോ​ക്താ​ക്കൾ നിർബ​ന്ധി​ത​രാ​യി​ത്തീ​രു​ക​യും ചെയ്യു​ന്നു​വെന്നു സംഘടിത കുറ്റകൃ​ത്യം സംബന്ധിച്ച പ്രസി​ഡൻറി​ന്റെ കമ്മീഷൻ ഒരിക്കൽ പ്രസ്‌താ​വി​ച്ചു. അതു​കൊണ്ട്‌, കുറ്റകൃ​ത്യ​ത്തി​ന്റെ അനന്തര​ഫ​ല​ങ്ങ​ളിൽനിന്ന്‌ ആരും രക്ഷപ്പെ​ടു​ന്നില്ല. നാമെ​ല്ലാം സാമ്പത്തി​ക​മാ​യി നഷ്ടമനു​ഭ​വി​ക്കു​ന്നു.

സംഘടിത കുറ്റകൃ​ത്യം ഇന്ന്‌ തഴച്ചു​വ​ള​രു​ന്ന​തെ​ന്തു​കൊണ്ട്‌?

[5-ാം പേജിലെ ചതുരം]

മാഫിയ—അതിന്റെ ഉത്ഭവം

“മധ്യയു​ഗ​ത്തി​ന്റെ അവസാ​ന​ത്തോ​ട​ടുത്ത്‌ സിസി​ലി​യി​ലാ​ണു മാഫി​യ​യു​ടെ ഉത്ഭവം. സാധ്യ​ത​യ​നു​സ​രിച്ച്‌, ആ ദ്വീപിൽ കടന്നാ​ക്ര​മണം നടത്തിയ നിരവധി വൈ​ദേ​ശിക ജേതാ​ക്കളെ—ഉദാഹ​ര​ണ​മാ​യി, അറേബ്യ​ക്കാർ, നോർമാൻഡി​കൾ, സ്‌പെ​യിൻകാർ തുടങ്ങി​യ​വരെ—തുരത്തുക എന്ന ഉദ്ദേശ്യ​ത്തിൽ രൂപീ​കൃ​ത​മായ രഹസ്യ സംഘട​ന​ക​ളാ​വണം അവ. മാഫിയ അതിന്റെ ആസ്‌തി​കൾ നേടു​ക​യും അംഗങ്ങളെ സംഘടി​പ്പി​ക്കു​ക​യും ചെയ്‌തതു സ്വകാര്യ വ്യക്തി​ക​ളു​ടെ ചെറിയ സേനക​ളിൽ, അല്ലെങ്കിൽ മാഫീ​ക​ളിൽ നിന്നാണ്‌. അന്നാളു​ക​ളിൽ സിസി​ലി​യിൽ പരക്കെ നിലവി​ലു​ണ്ടാ​യി​രുന്ന നിയമ​രാ​ഹി​ത്യം നിറഞ്ഞ അവസ്ഥയിൽ തങ്ങളുടെ ഭൂസ്വത്തു സംരക്ഷി​ക്കു​ന്ന​തി​നു സ്ഥലത്തി​ല്ലാഞ്ഞ ഭൂവു​ട​മകൾ നൂറ്റാ​ണ്ടു​ക​ളി​ലു​ട​നീ​ളം ഇക്കൂട്ടരെ വാടക​യ്‌ക്കെ​ടു​ത്തി​രു​ന്നു. 18, 19 നൂറ്റാ​ണ്ടു​ക​ളിൽ ഈ സ്വകാര്യ സേനക​ളി​ലെ കരുത്ത​രായ റൗഡികൾ സ്വയം സംഘടി​ക്കു​ക​യും തങ്ങളുടെ ഭൂവു​ട​മ​കൾക്കു​നേരെ തിരി​യാൻ മാത്രം ശക്തി സ്വരൂ​പി​ക്കു​ക​യും ചെയ്‌തു. ഭൂവു​ട​മ​ക​ളിൽനിന്ന്‌ അവരുടെ വിളകൾ സംരക്ഷി​ച്ച​തി​നു പണം പിടു​ങ്ങി​ക്കൊണ്ട്‌ അവർ മിക്ക എസ്റ്റേറ്റു​ക​ളു​ടെ​യും കുത്തകാ​ധി​കാ​രി​ക​ളാ​യി​ത്തീർന്നു.” (ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക) സംരക്ഷ​ണ​ക്കൂ​ലി പിടി​ച്ചെ​ടു​ക്കൽ അവരുടെ നടപടി​ക്ര​മ​മാ​യി​ത്തീർന്നു. അവർ തങ്ങളുടെ രീതികൾ ഐക്യ​നാ​ടു​ക​ളിൽ എത്തിച്ചു. അവിടെ അവർ ചൂതാട്ടം, തൊഴി​ലാ​ളി​ക​ളിൽനി​ന്നു പണം അപഹരി​ക്കൽ, അമിത പലിശ​യ്‌ക്കു പണം കടം​കൊ​ടു​ക്കൽ, മയക്കു​മ​രു​ന്നു കള്ളക്കടത്ത്‌, വേശ്യാ​വൃ​ത്തി എന്നിവ​യിൽ ഏർപ്പെട്ടു.