സംഘടിത കുറ്റകൃ​ത്യം തഴച്ചു​വ​ള​രു​ന്നത്‌ എന്തു​കൊണ്ട്‌?

യു.എസ്‌. നിരോ​ധന കാലഘ​ട്ട​ത്തി​ലെ [U.S. Prohibition Era] (1920-33) കുപ്ര​സിദ്ധ കുറ്റകൃ​ത്യ​സം​ഘാം​ഗ​മാ​യി​രുന്ന ആൽ കപോൺ, നിയമം—പ്രദാന ചോദന നിയമം [law of supply and demand]—അനുസരിച്ചു പ്രവർത്തി​ക്കുന്ന വെറു​മൊ​രു വ്യാപാ​രി​യാ​ണു താനെന്ന്‌ അവകാ​ശ​പ്പെട്ടു. ജപ്പാനി​ലെ ഏറ്റവും വലിയ യാക്കൂസാ സംഘത്തി​ന്റെ ഒരു അഭിഭാ​ഷകൻ പറഞ്ഞു: “[ലൈം​ഗി​കത, മയക്കു​മ​രുന്ന്‌, ചൂതാട്ടം തുടങ്ങിയ] നടപടി​കൾക്കു ശക്തമാ​യൊ​രു പ്രിയ​മു​ണ്ടെ​ന്നു​ള്ളതു നിഷേ​ധി​ക്കാ​നാ​വില്ല.” ആ പ്രിയം സംഘടിത കുറ്റകൃ​ത്യ​ത്തെ പരി​പോ​ഷി​പ്പി​ക്കു​ന്നു. കുറ്റകൃ​ത്യ​ത്തി​ന്റെ ഇരയാ​കാൻ ആരും ആഗ്രഹി​ക്കു​ന്നി​ല്ലെ​ങ്കി​ലും ചിലർ കുറ്റകൃ​ത്യ സംഘട​ന​ക​ളി​ലേക്കു തിരിഞ്ഞ്‌ അവരുടെ സേവനങ്ങൾ പ്രയോ​ജ​ന​പ്പെ​ടു​ത്തു​ന്നു.

ദൃഷ്ടാ​ന്ത​ത്തിന്‌, അനേക രാജ്യ​ങ്ങ​ളിൽ കുറ്റകൃ​ത്യ സംഘങ്ങ​ളു​ടെ ഒരു വരുമാന മാർഗ​മായ, നിയമ​വി​രുദ്ധ സ്ഥാപന​ങ്ങൾക്കു സംരക്ഷണം നൽകുന്ന പരിപാ​ടി​യു​ടെ കാര്യ​മെ​ടു​ക്കുക. ചില​പ്പോൾ അവർ സത്യസ​ന്ധ​രായ കടയു​ട​മ​കളെ ലക്ഷ്യമാ​ക്കു​ന്നു​വെ​ങ്കി​ലും, അപകീർത്തി​ക​ര​മായ ബിസി​ന​സു​കൾ നടത്തു​ന്ന​വ​രെ​യാണ്‌ അവർ സാധാ​ര​ണ​മാ​യി ഇരയാ​ക്കു​ന്നത്‌. ടോക്കി​യോ​യി​ലെ ഷിൻജൂ​ക്കൂ​വിൽ ഒരു വിനോദ പാർല​റി​ന്റെ മറവിൽ തന്റെ ബിസി​നസ്‌ നടത്തുന്ന ഒരു ചൂതാ​ട്ട​ശാ​ല​യു​ടെ ഉടമ പറഞ്ഞു: “ഒരു ക്ലർക്കിനെ കത്തി​കൊ​ണ്ടു കുത്തി​യിട്ട്‌ അയാളു​ടെ പക്കൽനിന്ന്‌ 20 ലക്ഷം [യെൻ (20,000 ഡോളർ)] കൊള്ള​യ​ടി​ച്ചു. എന്നാൽ ഞങ്ങൾ പൊലീ​സി​നെ വിളി​ക്കില്ല.” എന്തു​കൊ​ണ്ടില്ല? “ഞങ്ങൾ നിയമ​ര​ഹിത പ്രവർത്ത​ന​ത്തിൽ (ചൂതാട്ടം) ഏർപ്പെ​ട്ടി​രി​ക്കു​ന്ന​തി​നാൽ പൊലീ​സു​മാ​യി ബന്ധപ്പെ​ടാൻ ഞങ്ങൾ ആഗ്രഹി​ക്കു​ന്നില്ല. ഇടപാ​ടു​കാ​രാ​രെ​ങ്കി​ലും ഞങ്ങളുടെ കടയിൽ തെമ്മാ​ടി​ത്തരം കാട്ടി​യാൽ ഞങ്ങൾ യാക്കൂ​സാ​യെ വിളി​ക്കും.” ചൂതാ​ട്ട​ശാല നടത്തുന്ന ഇയാൾ യാക്കൂ​സാ​യ്‌ക്കു പ്രതി​മാ​സം 4,000 ഡോളർ നൽകുന്നു. എന്നാൽ, ആ കാലഘ​ട്ടം​കൊണ്ട്‌ തന്റെ നിയമ​വി​രുദ്ധ പ്രവർത്ത​ന​ത്തി​ലൂ​ടെ അയാൾ കൊയ്‌തു​കൂ​ട്ടുന്ന 3,00,000 ഡോള​റി​ന്റെ ലാഭ​ത്തോ​ടു താരത​മ്യ​പ്പെ​ടു​ത്തു​മ്പോൾ അതൊരു ചെറിയ തുകയാണ്‌. ആ പണം എവി​ടെ​നി​ന്നാ​ണു കിട്ടു​ന്നത്‌? നിയമ​വി​രുദ്ധ ചൂതാട്ടം ആസ്വദി​ക്കു​ന്ന​വ​രു​ടെ കീശയിൽനിന്ന്‌.

പ്രശ്‌ന​ങ്ങൾ ഒഴിവാ​ക്കാൻ ആഗ്രഹി​ക്കുന്ന മാന്യ​മായ വ്യാപാ​ര​സം​രം​ഭ​ങ്ങ​ളു​ടെ കാര്യ​ത്തി​ലും അതുതന്നെ സത്യമാണ്‌. പ്രതി​വർഷം 1.5 കോടി ഡോളർ സമ്പാദി​ക്കുന്ന ഒരു പെയിൻറിങ്‌ കോൺട്രാ​ക്ടർ കുറ്റകൃ​ത്യ സംഘങ്ങൾക്കു കൈക്കൂ​ലി കൊടു​ത്തു​കൊണ്ട്‌ 38 ലക്ഷം ഡോളർ ലാഭി​ച്ചു​വെന്നു ന്യൂ​യോർക്കു നഗരത്തി​ലെ ഒരു ആധികാ​രി​ക​കേ​ന്ദ്രം കണക്കാക്കി. അപ്രകാ​രം കൈക്കൂ​ലി കൊടു​ത്തത്‌, കുറഞ്ഞ​വേ​ത​ന​ത്തി​നു പണി​യെ​ടു​ക്കുന്ന തൊഴി​ലാ​ളി​കളെ ഉപയോ​ഗി​ക്കാ​നും കുറ്റകൃ​ത്യ സംഘങ്ങൾ നിയ​ന്ത്രി​ക്കുന്ന തൊഴി​ലാ​ളി യൂണി​യ​നു​ക​ളു​മാ​യുള്ള ഏറ്റുമു​ട്ടൽ അവസാ​നി​പ്പി​ക്കാ​നും പ്രസ്‌തുത കോൺട്രാ​ക്ടറെ സഹായി​ച്ചു. ജപ്പാനിൽ, സാമ്പത്തിക അഭിവൃ​ദ്ധി​യു​ടെ കാലത്തു വൻ പണമി​ട​പാ​ടു​കാർ വസ്‌തു​വ​ക​കൾക്കാ​യി തങ്ങളുടെ പണം വാരി​ക്കോ​രി ചെലവ​ഴി​ച്ചു. ആഡംബ​ര​പൂർണ​മായ കെട്ടി​ടങ്ങൾ നിർമി​ക്കാ​നാ​യി അവർ പഴയ വീടു​ക​ളും കടകളും ഇടിച്ചു​പൊ​ളി​ച്ചു. താമസ​ക്കാർ ഇറങ്ങി​മാ​റാ​തി​രി​ക്കു​ക​യോ തങ്ങളുടെ സ്ഥലം വിൽക്കാ​തി​രി​ക്കു​ക​യോ ചെയ്‌ത​പ്പോൾ അവരെ കുടി​യൊ​ഴി​പ്പി​ക്കു​ന്ന​തി​നാ​യി പണമി​ട​പാ​ടു​കാർ, പ്രധാ​ന​മാ​യും യാക്കൂ​സാ​യു​മാ​യി ബന്ധപ്പെട്ട കമ്പനി​ക​ളായ ജിയാ​ഗ​യാ​യെ വിളി​ച്ചു​വ​രു​ത്തി.

80-കളിൽ, പണം കടംവാ​ങ്ങു​ന്ന​തും സമ്പാദി​ക്കു​ന്ന​തും വളരെ എളുപ്പ​മാ​ണെന്നു മനസ്സി​ലാ​ക്കി​യ​പ്പോൾ യാക്കൂസാ കമ്പനികൾ രൂപീ​ക​രിച്ച്‌ വസ്‌തു​വ​ക​ക​ളു​ടെ​യും ഓഹരി​ക​ളു​ടെ​യും ഊഹക്ക​ച്ച​വ​ട​ത്തിൽ ഏർപ്പെട്ടു. ബാങ്കു​ക​ളും സാമ്പത്തിക സ്ഥാപന​ങ്ങ​ളും, വ്യക്തമാ​യും ലാഭം ലക്ഷ്യം​വെച്ച്‌ ഈ കമ്പനി​ക​ളിൽ ധാരാളം പണം നിക്ഷേ​പി​ച്ചു. എന്നാൽ ആ സാമ്പത്തി​കാ​ഭി​വൃ​ദ്ധി​ക്കു തിരി​ച്ച​ടി​യേ​റ്റ​പ്പോൾ, തങ്ങളുടെ പണം വീണ്ടെ​ടു​ക്കുക വളരെ ബുദ്ധി​മു​ട്ടാ​ണെന്നു ബാങ്കുകൾ കണ്ടെത്തി. ജപ്പാനി​ലെ സാമ്പത്തി​ക​മാ​ന്ദ്യ​കാ​ല​ത്തെ​ക്കു​റി​ച്ചു സംസാ​രി​ക്കവെ ഒരു മുൻ പൊലീസ്‌ ഓഫീസർ ന്യൂസ്‌വീക്ക്‌ മാഗസി​നിൽ ഇങ്ങനെ പറഞ്ഞു: “സമയത്തു കൊടു​ത്തു​തീർക്കാത്ത വായ്‌പ​ക​ളോ​ടു ബന്ധപ്പെട്ട പ്രശ്‌നങ്ങൾ വേഗത്തിൽ പരിഹ​രി​ക്കാൻ കഴിയാ​ത്ത​തി​ന്റെ യഥാർഥ കാരണം, അതിന്റെ സിംഹ​ഭാ​ഗ​വും സംഘടിത കുറ്റകൃ​ത്യ​വു​മാ​യി ബന്ധപ്പെ​ട്ടി​രി​ക്കു​ന്നു​വെ​ന്ന​താണ്‌.”

തങ്ങളുടെ തൃഷ്‌ണ​കളെ ഏതു വിധേ​ന​യും തൃപ്‌തി​പ്പെ​ടു​ത്താൻ ആളുകൾ ഉത്സാഹി​ക്കു​ന്നി​ടത്ത്‌ സംഘടിത കുറ്റകൃ​ത്യം തീർച്ച​യാ​യും വേരോ​ടു​ക​യും തഴച്ചു​വ​ള​രു​ക​യും ചെയ്യുന്നു. ഉല്ലാസ​ത്തി​നും ലൈം​ഗി​ക​ത​യ്‌ക്കും പണത്തി​നും വേണ്ടി​യുള്ള അത്യാ​ഗ്രഹം മയക്കു​മ​രു​ന്നു വ്യാപാ​രം, വേശ്യാ​വൃ​ത്തി, ചൂതാട്ടം, അമിത​പ​ലി​ശ​യ്‌ക്കു കടം​കൊ​ടു​ക്കൽ എന്നിവ​യു​ടെ വളർച്ച​യ്‌ക്കാ​വ​ശ്യ​മായ സാഹച​ര്യം സൃഷ്ടി​ക്കു​ന്നു. അത്തരം പ്രവർത്ത​ന​ങ്ങ​ളിൽ ഉൾപ്പെ​ടു​ന്നതു മിക്ക​പ്പോ​ഴും സംഘടിത കുറ്റകൃ​ത്യ​ത്തെ ഉന്നമി​പ്പി​ക്കു​ന്ന​തി​നേ ഉതകൂ. തങ്ങളുടെ ജഡികാ​ഭി​ലാ​ഷ​ങ്ങളെ തൃപ്‌തി​പ്പെ​ടു​ത്താൻ കച്ചകെ​ട്ടി​യി​റ​ങ്ങി​യി​രി​ക്കു​ന്ന​വ​രു​ടെ ആവശ്യങ്ങൾ സംഘടിത കുറ്റകൃ​ത്യം സാധി​ച്ചു​കൊ​ടു​ക്കു​ന്നു​വെ​ന്നത്‌ എത്ര സത്യമാണ്‌!

വ്യാജ കുടുംബ സമ്പ്രദാ​യം

അവിഹിത പ്രവർത്ത​ന​ങ്ങൾക്കുള്ള ആവശ്യ​ത്തി​നു പുറമേ, സംഘടിത കുറ്റകൃ​ത്യം തഴച്ചു​വ​ള​രാൻ ഇടയാ​ക്കുന്ന മറ്റൊരു ആവശ്യ​വും ഇന്നുണ്ട്‌. ജപ്പാനി​ലെ ഏറ്റവും വലിയ യാക്കൂസാ സംഘങ്ങ​ളിൽ ഒന്നിന്റെ അടുത്ത​യി​ടെ മരിച്ചു​പോയ തലവൻ, താൻ നിയമ​നി​ഷേ​ധി​കളെ കൈ​ക്കൊണ്ട്‌ അവർക്കു​വേണ്ടി കരുതൽ ചെയ്യു​ക​വഴി ദുഷി​ച്ച​വ​രാ​യി​ത്തീ​രു​ന്ന​തിൽനിന്ന്‌ അവരെ തടയു​ന്നു​വെന്നു തറപ്പി​ച്ചു​പ​റഞ്ഞു. താൻ സംഘാം​ഗ​ങ്ങൾക്ക്‌ ഒരു പിതാ​വി​നെ​പ്പോ​ലെ​യാ​ണെന്ന്‌ അദ്ദേഹം അവകാ​ശ​പ്പെട്ടു. ദേശീയത എന്തായി​രു​ന്നാ​ലും, മിക്ക കുറ്റകൃ​ത്യ സംഘങ്ങ​ളും അത്തരം വ്യാജ കുടുംബ ബന്ധങ്ങളു​ടെ​മേൽ തങ്ങളുടെ സംഘട​നകൾ കെട്ടി​പ്പ​ടു​ക്കു​ന്നു.

ഹോ​ങ്കോം​ഗി​ലെ ഒരു ദരിദ്ര കുടും​ബ​ത്തിൽനി​ന്നെ​ത്തിയ ചീ സന്നിന്റെa ദൃഷ്ടാന്തം പരിഗ​ണി​ക്കുക. നിസ്സാര കാരണ​ങ്ങൾക്ക്‌ അവന്റെ പിതാവ്‌ അവനെ മിക്ക​പ്പോ​ഴും അതിക​ഠി​ന​മാ​യി പ്രഹരി​ക്കു​മാ​യി​രു​ന്നു. കുട്ടി​ക്കാ​ല​ത്തു​തന്നെ മത്സരി​യാ​യി​ത്തീർന്ന ചീ സൻ 12-ാം വയസ്സിൽ കുപ്ര​സി​ദ്ധ​മായ ട്രയാ​ഡ്‌സിൽ ചേരു​ന്ന​തിൽ അതു കലാശി​ക്കു​ക​യും ചെയ്‌തു. കുറ്റകൃ​ത്യ സംഘട​ന​യിൽ, തനിക്കു ‘സുഖവും അംഗീ​കാ​ര​വും ലഭിച്ച’ ഒരിടം അവൻ കണ്ടെത്തി. സായു​ധ​പോ​രാ​ട്ട​ത്തി​ലെ അവന്റെ ശൂരത്വം നിമിത്തം, നിരവ​ധി​യാ​ളു​ക​ളു​ടെ​മേൽ അധികാ​ര​മുള്ള ഒരു സ്ഥാന​ത്തേക്ക്‌ അവൻ പെട്ടെന്ന്‌ ഉയർന്നു. ഒടുവിൽ, വെറും 17 വയസ്സു​ള്ള​പ്പോൾ അവൻ ജയിലി​ലാ​യി.

ചീ സന്നി​നെ​പ്പോ​ലെ അനേകർ ഭവനത്തിൽ ലഭ്യമ​ല്ലാത്ത കുടും​ബ​ബന്ധം കണ്ടെത്താ​നാ​യി കുറ്റകൃ​ത്യ സംഘട​ന​ക​ളി​ലേക്കു തിരി​യു​ന്നു. കരുത​ലു​ള്ള​വ​രാ​ണെന്ന്‌ അംഗങ്ങൾ അവകാ​ശ​പ്പെ​ടു​ന്നു. എന്നാൽ ഓരോ അംഗവും തത്‌പ​ര​നാ​യി​രി​ക്കു​ന്നതു പ്രധാ​ന​മാ​യും സ്വന്തം കാര്യ​ത്തി​ലാ​ണെന്നു കണ്ടെത്തു​മ്പോൾ ചെറു​പ്പ​ക്കാർ മിക്ക​പ്പോ​ഴും നിരാ​ശ​രാ​കു​ന്നു.

വെളി​ച്ച​ദൂ​തൻ

1992-ലെ പുതിയ കുറ്റകൃ​ത്യ​സം​ഘ​വി​രുദ്ധ നിയമ​ത്തിൻ കീഴിൽ, ജപ്പാനി​ലെ ഏറ്റവും വലിയ കുറ്റകൃ​ത്യ സംഘത്തെ അക്രമാ​സക്ത സംഘമാ​യി പ്രഖ്യാ​പി​ച്ച​പ്പോൾ, ദുഷ്ടത​യ്‌ക്കെ​തി​രെ പോരാ​ടുന്ന, “ദുർബ​ല​രെ​യും പീഡി​ത​രെ​യും സംരക്ഷി​ക്കുന്ന” സംഘമാ​യി​ട്ടാണ്‌ അതു സ്വയം കണക്കാ​ക്കു​ന്ന​തെന്ന്‌ അതിന്റെ നേതാ​ക്ക​ളിൽ ഒരുവൻ പ്രസ്‌താ​വി​ച്ചു. 1995-ൽ ഭീതി​ദ​മായ ഭൂകമ്പം കോ​ബെയെ പ്രഹരി​ച്ച​പ്പോൾ ആ സംഘം അവരുടെ അയൽവാ​സി​കൾക്ക്‌ ആഹാര​വും വെള്ളവും മറ്റ്‌ അത്യാ​വശ്യ സാധന​ങ്ങ​ളും വിതരണം ചെയ്‌തു. “ആദരവ്‌ അർഹി​ക്കുന്ന നിയമ​നി​ഷേ​ധി​കൾ എന്നനി​ല​യി​ലുള്ള യാക്കൂ​സാ​യു​ടെ ജപ്പാനി​ലെ നിലനിൽക്കുന്ന പ്രതി​ച്ഛായ കൂടുതൽ വർധി​പ്പി​ക്കാ​നാണ്‌ അത്തരം ഔദാ​ര്യ​മ​ന​സ്‌കത” എന്ന്‌ ആസാഹി ഈവനിങ്‌ ന്യൂസ്‌ റിപ്പോർട്ടു ചെയ്‌തു.

പരോ​പ​കാ​ര​ത​ത്‌പരർ എന്ന ഭാവം നിലനിർത്താൻ കുറ്റകൃ​ത്യ സംഘങ്ങ​ളു​ടെ തലവൻമാർ മിക്ക​പ്പോ​ഴും ശ്രമി​ച്ചി​ട്ടുണ്ട്‌. കൊളം​ബി​യ​യി​ലെ മെഡലിൻ മയക്കു​മ​രു​ന്നു സംഘത്തി​ന്റെ കുപ്ര​സിദ്ധ തലവനായ പാബ്ലോ ഇസ്‌കോ​ബാർ അദ്ദേഹ​ത്തി​ന്റെ നഗരത്തി​ലെ ചേരി​നി​വാ​സി​കൾക്ക്‌ “ഒരു പൗരാ​ണിക കഥാപാ​ത്രം—മിശിഹാ, റോബിൻ ഹുഡ്‌, ഫ്യൂഡൽ വ്യവസ്ഥ​യി​ലെ പാ​ട്രോ​ണി​ന്റെ അതായത്‌ മേലാ​ളന്റെ ഏതാണ്ട്‌ അർഥം വരുന്ന ഗോഡ്‌ഫാ​ദർ എന്നിവ​രു​ടെ സ്ഥാനം വഹിക്കു​ന്ന​യാൾ—ആയിരു​ന്നു” എന്ന്‌ അനാ കാറി​ഗെൻ ന്യൂസ്‌വീ​ക്കിൽ എഴുതി. അദ്ദേഹം കുട്ടി​കൾക്കു മഞ്ഞിൽ തെന്നി​ക്ക​ളി​ക്കു​ന്ന​തി​നുള്ള സ്ഥലങ്ങളും പാവ​പ്പെ​ട്ട​വർക്ക്‌ അന്തസ്സുറ്റ വീടു​ക​ളും നിർമി​ക്കു​ക​യും തെരുവു കുട്ടി​കൾക്കു ജോലി നൽകു​ക​യും ചെയ്‌തു. അദ്ദേഹ​ത്തി​ന്റെ ഔദാ​ര്യ​ത്തിൽനി​ന്നു പ്രയോ​ജ​ന​മ​നു​ഭ​വി​ച്ച​വർക്ക്‌ അദ്ദേഹ​മൊ​രു വീരനാ​യ​ക​നാ​യി​രു​ന്നു.

എന്നാൽ, തങ്ങളുടെ സംഘട​ന​കൾക്കു പിന്നിൽ പ്രത്യ​ക്ഷ​ത്തിൽ സുരക്ഷി​ത​രാ​യി മറഞ്ഞി​രി​ക്കുന്ന കുറ്റവാ​ളി​കൾ, അതിവി​ദ​ഗ്‌ധ​നായ ഒരു വിശ്വ​കു​റ്റ​വാ​ളി​യു​ടെ കരുക്കൾ മാത്ര​മാണ്‌. അവൻ ആരാ​ണെന്നു ബൈബിൾ വെളി​പ്പെ​ടു​ത്തു​ന്നു. “സാത്താൻ താനും വെളി​ച്ച​ദൂ​തന്റെ വേഷം ധരിക്കു​ന്നു​വ​ല്ലോ. ആകയാൽ അവന്റെ ശുശ്രൂ​ഷ​ക്കാർ നീതി​യു​ടെ ശുശ്രൂ​ഷ​ക്കാ​രു​ടെ വേഷം ധരിച്ചാൽ അതിശ​യമല്ല; അവരുടെ അവസാനം അവരുടെ പ്രവൃ​ത്തി​കൾക്കു ഒത്തതാ​യി​രി​ക്കും.” (2 കൊരി​ന്ത്യർ 11:14, 15) സാത്താൻ ഒരു യഥാർഥ വ്യക്തി​യാ​ണെന്ന്‌ ഇന്നു മിക്കവ​രും വിശ്വ​സി​ക്കു​ന്നില്ല. 19-ാം നൂറ്റാ​ണ്ടി​ലെ ഒരു ഫ്രഞ്ച്‌ കവി പറഞ്ഞു: “പിശാ​ചി​ന്റെ ഏറ്റവും സമർഥ​മായ തന്ത്രം, അവൻ സ്ഥിതി​ചെ​യ്യു​ന്നി​ല്ലെന്ന്‌ നിങ്ങ​ളെ​ക്കൊ​ണ്ടു വിശ്വ​സി​പ്പി​ക്കുക എന്നതാണ്‌.” അവൻ അണിയ​റ​യിൽ ഒളിഞ്ഞി​രുന്ന്‌, കുറ്റകൃ​ത്യ സംഘങ്ങ​ളിൽ മാത്രമല്ല ലോക​ത്തു​ട​നീ​ളം സംഭവി​ക്കുന്ന കാര്യ​ങ്ങളെ നിയ​ന്ത്രി​ക്കു​ന്നു. “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു”വെന്നു ബൈബിൾ വിശദീ​ക​രി​ക്കു​ന്നു. പിശാച്‌ “ആദിമു​തൽ കുലപാ​തകൻ ആയിരു​ന്നു; . . . അവൻ ഭോഷ്‌കു പറയു​ന്ന​വ​നും അതിന്റെ അപ്പനും ആകുന്നു” എന്ന്‌ യേശു വിവരി​ച്ചു.—1 യോഹ​ന്നാൻ 5:19; യോഹ​ന്നാൻ 8:44.

1914 മുതൽ പിശാ​ചായ സാത്താൻ വിശേ​ഷി​ച്ചും പ്രവർത്ത​ന​നി​ര​ത​നാ​ണെന്നു ബൈബിൾ പ്രവച​നങ്ങൾ വെളി​പ്പെ​ടു​ത്തു​ന്നു. ആ വർഷം​മു​തൽ അവൻ, ദൈവ​ജ​ന​ത്തി​നെ​തി​രായ ഒരു സമഗ്ര​പോ​രാ​ട്ട​ത്തിൽ തന്റെ പിണയാ​ളി​കളെ കൂട്ടി​വ​രു​ത്തി​ക്കൊ​ണ്ടി​രി​ക്കു​ക​യാണ്‌. അവൻ ഇപ്പോൾ മനുഷ്യ​വർഗത്തെ കുഴഞ്ഞു​മ​റിഞ്ഞ അവസ്ഥയു​ടെ ഒരു നീർച്ചു​ഴി​യി​ലേക്കു വലിച്ച​ടു​പ്പി​ക്കു​ക​യാണ്‌. കുറ്റകൃ​ത്യ​വും കുറ്റകൃ​ത്യ പ്രസ്ഥാ​ന​ങ്ങ​ളും ഇന്നു തഴച്ചു​വ​ള​രു​ന്ന​തി​ന്റെ ഏറ്റവും മുഖ്യ കാരണം അവനാണ്‌.—വെളി​പ്പാ​ടു 12:9-12.

ഭൂമി​യി​ലെ കുറ്റകൃ​ത്യ പ്രസ്ഥാ​ന​ങ്ങ​ളു​ടെ പിന്നിലെ ഈ സൂത്ര​ധാ​രൻ എന്നെങ്കി​ലും നശിപ്പി​ക്ക​പ്പെ​ടു​മോ? മനുഷ്യ​വർഗം എന്നെങ്കി​ലും സമാധാ​ന​വും ക്രമനി​ബ​ദ്ധ​ത​യും ആസ്വദി​ക്കു​മോ? സാത്താൻ ഇന്നു ഭൂമി​യിൽ കെട്ടി​പ്പ​ടു​ത്തി​രി​ക്കുന്ന ദുഷ്ട സാമ്രാ​ജ്യ​ത്തിൽനിന്ന്‌ നിങ്ങൾക്കു സ്വത​ന്ത്ര​നാ​കാൻ കഴിയു​മോ?

[അടിക്കു​റിപ്പ്‌]

[7-ാം പേജിലെ ചതുരം]

നിങ്ങളുടെ കുടും​ബത്തെ സംരക്ഷി​ക്കാ​വുന്ന വിധം

ഊഷ്‌മ​ള​മായ ഒരു ഏകീകൃത കുടും​ബാ​ന്ത​രീ​ക്ഷ​ത്തി​ന്റെ അഭാവം ചെറു​പ്പ​ക്കാ​രെ കുറ്റകൃ​ത്യ സംഘങ്ങ​ളു​ടെ അനായാസ ഇരകളാ​ക്കി​യേ​ക്കാം. കൊല​യാ​ളി സംഘങ്ങ​ളിൽ ഉൾപ്പെ​ടുന്ന ഐക്യ​നാ​ടു​ക​ളി​ലെ ചെറു​പ്പ​ക്കാ​രിൽ മിക്കവ​രും പ്രതി​കൂല സാഹച​ര്യ​ങ്ങ​ളു​ള്ള​തോ വിഭജി​ത​മോ ആയ കുടും​ബ​ങ്ങ​ളിൽനി​ന്നു​ള്ള​വ​രാ​ണെന്നു റിപ്പോർട്ടു ചെയ്യ​പ്പെ​ട്ടി​രി​ക്കു​ന്നു. “നേതാ​വും സംഘാം​ഗ​ങ്ങ​ളും തമ്മിലുള്ള ഗാഢമായ ബന്ധത്താ​ലും ഒരു സംഘട​ന​യു​ടെ അംഗ​മെ​ന്ന​നി​ല​യി​ലുള്ള, ജീവി​ത​ത്തിൽ ആദ്യമാ​യി അനുഭ​വി​ക്കുന്ന, ഐകമ​ത്യ​ത്തി​ന്റെ വികാ​ര​ങ്ങ​ളാ​ലും, നിർഭാ​ഗ്യ​ക​ര​മായ അവസ്ഥയിൽ ആയിരി​ക്കുന്ന അവർ അനായാ​സം ആകർഷി​ക്ക​പ്പെ​ടു​ന്നു” എന്ന്‌ ഉത്തര കരോ​ലി​ന​യി​ലുള്ള ഒരു തടവു​കേ​ന്ദ്ര​ത്തി​ലെ ഉദ്യോ​ഗസ്ഥൻ പറയുന്നു.

സമാന​മാ​യി പൗരസ്‌ത്യ​ദേ​ശത്ത്‌, തന്റെ നേതാ​വി​നു​വേണ്ടി ജീവനുള്ള ഒരു പരിച​യാ​യി​രി​ക്കാൻ മനസ്സൊ​രു​ക്ക​മുള്ള ഒരു യുവ യാക്കൂസാ പറയുന്നു: “വീട്ടിൽ ഞാൻ എല്ലായ്‌പോ​ഴും തനിച്ചാ​യി​രു​ന്നു. ഞങ്ങൾ ഒരു കുടും​ബ​മാ​യി​രു​ന്നെ​ങ്കി​ലും ഞങ്ങൾക്കു തുറന്നു സംസാ​രി​ക്കാൻ കഴിയു​മാ​യി​രു​ന്നെന്ന്‌ എനിക്ക്‌ ഒരിക്ക​ലും തോന്നി​യി​ട്ടില്ല. . . . എന്നാൽ ഇപ്പോൾ എനിക്കു സംഘാം​ഗ​ങ്ങ​ളു​മാ​യി തുറന്നു സംസാ​രി​ക്കാൻ കഴിയും.” തങ്ങളെ ഒരു കുടും​ബ​സ​മാന വ്യവസ്ഥ​യി​ലേക്ക്‌ ആകർഷി​ക്കുന്ന, കുറ്റകൃ​ത്യ സംഘട​ന​യി​ലെ അംഗങ്ങ​ളോട്‌ ഏകാന്ത​രായ ചെറു​പ്പ​ക്കാർക്കു കൃതജ്ഞത തോന്നു​ന്നു.

“യാക്കൂസാ ആൾക്കാർ വളരെ​യ​ധി​കം പരിപാ​ല​ന​മ​നോ​ഭാ​വ​മു​ള്ള​വ​രാണ്‌” എന്ന്‌ ഒക്കിനാ​വാ​യി​ലെ ഒരു പെൺസം​ഘ​ത്തി​ന്റെ നേതാവു പറയുന്നു. “അത്‌ അവരുടെ തന്ത്രമാ​യി​രി​ക്കാം; എന്നാൽ ദയാപൂർവ​ക​മായ പെരു​മാ​റ്റം ഞങ്ങൾ ഒരിക്ക​ലും അനുഭ​വി​ച്ചി​ട്ടി​ല്ലാ​ത്ത​തി​നാൽ, ഇതു ഞങ്ങളെ വികാ​ര​ഭ​രി​ത​രാ​ക്കു​ന്നു.” കുറ്റകൃ​ത്യ സംഘട​ന​യി​ലെ അംഗങ്ങൾ, “പെൺകു​ട്ടി​ക​ളു​ടെ ഹൃദയം വശീക​രി​ക്കു​ന്ന​തിൽ തികച്ചും സമർഥ​രാ​ണെന്ന്‌” പെൺകു​ട്ടി​കൾക്കാ​യുള്ള ഒരു ദുർഗു​ണ​പ​രി​ഹാ​ര​പാ​ഠ​ശാ​ല​യു​ടെ സൂപ്രണ്ട്‌ സ്ഥിരീ​ക​രി​ക്കു​ന്നു. അർധരാ​ത്രി​യിൽ ഏകാന്ത​രായ പെൺകു​ട്ടി​കൾ കുറ്റകൃ​ത്യ സംഘത്തി​ലെ അംഗങ്ങളെ വിളി​ക്കു​മ്പോൾ അവർ ഓടി​യെത്തി മിക്ക​പ്പോ​ഴും യാതൊ​രു ലൈം​ഗിക മുന്നേ​റ്റ​ങ്ങ​ളും നടത്താതെ അവർക്കു പറയാ​നു​ള്ളതു ശ്രദ്ധി​ക്കു​ന്നു.

തങ്ങൾ ഇരകളാ​ക്കി​ക്കൊ​ണ്ടി​രി​ക്കുന്ന ചെറു​പ്പ​ക്കാ​രെ പൂർണ​മാ​യി വശീക​രി​ക്കു​ന്ന​തു​വരെ മാത്ര​മാണ്‌ അവരുടെ പരിപാ​ല​ന​മ​നോ​ഭാ​വം നിലനിൽക്കു​ന്നത്‌. ചെറു​പ്പ​ക്കാർ ഒരിക്കൽ കെണി​യിൽ അകപ്പെ​ട്ടു​ക​ഴി​ഞ്ഞാൽപ്പി​ന്നെ അവർ ചൂഷണം ചെയ്യ​പ്പെ​ടു​ന്നു—പെൺകു​ട്ടി​കൾ വേശ്യാ​വൃ​ത്തി സംഘങ്ങ​ളി​ലും ആൺകു​ട്ടി​കൾ കുറ്റകൃ​ത്യ സംഘട​ന​ക​ളി​ലും അകപ്പെ​ടു​ന്നു.

നിങ്ങളുടെ പ്രിയ​പ്പെ​ട്ട​വരെ നിങ്ങൾക്ക്‌ എങ്ങനെ സംരക്ഷി​ക്കാ​നാ​കും?

“പിതാ​ക്കൻമാ​രേ, നിങ്ങളു​ടെ മക്കൾ അധൈ​ര്യ​പ്പെ​ടാ​തി​രി​ക്കേ​ണ്ട​തി​ന്നു അവരെ കോപി​പ്പി​ക്ക​രു​തു” എന്നു ബൈബിൾ ഉദ്‌ബോ​ധി​പ്പി​ക്കു​ന്നു. (കൊ​ലൊ​സ്സ്യർ 3:21) അനുവാ​ദാ​ത്മക മനോ​ഭാ​വ​ക്കാ​രാ​യി​രി​ക്കാൻ ഇതു മാതാ​പി​താ​ക്കളെ പ്രോ​ത്സാ​ഹി​പ്പി​ക്കു​ന്നില്ല. ബൈബിൾ സദൃശ​വാ​ക്യം പറയുന്നു: “തന്നിഷ്ട​ത്തി​ന്നു വിട്ടി​രുന്ന ബാലനോ അമ്മെക്കു ലജ്ജ വരുത്തു​ന്നു.” (സദൃശ​വാ​ക്യ​ങ്ങൾ 29:15) മറിച്ച്‌, തങ്ങളുടെ കുട്ടി​ക​ളോ​ടുള്ള പെരു​മാ​റ്റ​ത്തിൽ ന്യായ​യു​ക്ത​രാ​യി​രി​ക്കാ​നും അവരെ ശ്രദ്ധി​ക്കാ​നും അവരു​മാ​യി തുറന്ന ആശയവി​നി​യമം നടത്താ​നും ബൈബിൾ പിതാ​ക്കൻമാ​രെ—മാതാ​ക്ക​ളെ​യും—പ്രോ​ത്സാ​ഹി​പ്പി​ക്കു​ന്നു. അങ്ങനെ​യാ​യാൽ, കടുത്ത വിഷമ​തകൾ അനുഭ​വി​ക്കു​മ്പോൾ തങ്ങളുടെ മാതാ​പി​താ​ക്ക​ളോ​ടു കാര്യങ്ങൾ തുറന്നു​പ​റ​യാൻ കുട്ടികൾ പ്രേരി​ത​രാ​കും.

തുറന്ന ആശയവി​നി​യമം ഉണ്ടായി​രി​ക്കു​ന്ന​തി​നു പുറമേ, മാതാ​പി​താ​ക്കൾ തങ്ങളുടെ കുട്ടി​കൾക്കു ജീവി​ത​ത്തിൽ നിലവാ​രങ്ങൾ നൽകേ​ണ്ട​താണ്‌. ഒരു പിതാ​വിന്‌ എവി​ടെ​യാണ്‌ അത്തരം മാർഗ​നിർദേ​ശങ്ങൾ കണ്ടെത്താ​നാ​കു​ന്നത്‌? ബൈബിൾ പറയുന്നു: “പിതാ​ക്കൻമാ​രേ, നിങ്ങളു​ടെ മക്കളെ കോപി​പ്പി​ക്കാ​തെ കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്തു​വിൻ.” (എഫെസ്യർ 6:4) കുടുംബ ബൈബി​ള​ധ്യ​യ​ന​ങ്ങ​ളി​ലൂ​ടെ നിങ്ങളു​ടെ കുട്ടി​ക​ളു​മൊത്ത്‌ ബൈബിൾ പരിചി​ന്തി​ക്കാൻ സമയ​മെ​ടു​ക്കുക. തങ്ങളു​ടെ​തന്നെ പ്രയോ​ജ​ന​ത്തി​നാ​യി അവർ യഹോ​വ​യു​ടെ മാർഗ​നിർദേശം എല്ലായ്‌പോ​ഴും പിൻപ​റ്റേ​ണ്ട​തിന്‌ യഹോ​വ​യോ​ടുള്ള ആരോ​ഗ്യാ​വ​ഹ​മായ ഭയം അവരുടെ ഹൃദയ​ത്തിൽ നടുക.—യെശയ്യാ​വു 48:17.