സന്തോ​ഷ​മുള്ള ജനത

സന്തോ​ഷ​മുള്ള ജനത! ഈ വിവരണം ഇന്നത്തെ മനുഷ്യ​വർഗ്ഗ​ത്തി​ലെ ഏതെങ്കി​ലും ജനതക്ക്‌ യോജി​ക്കു​ന്നു​വോ? ഏതെങ്കി​ലും രാഷ്‌ട്ര​ത്തിന്‌ അത്‌ അക്രമം, കുററ​കൃ​ത്യം, ദാരി​ദ്ര്യം, മലിനീ​ക​രണം, വൈക​ല്യം വരുത്തുന്ന വ്യാധി​കൾ, രാഷ്‌ട്രീയ അഴിമതി, മതപര​മായ വിദ്വേ​ഷങ്ങൾ എന്നിവ നിർമ്മാർജ്ജനം ചെയ്‌തി​രി​ക്കു​ന്നു​വെന്ന്‌ അവകാ​ശ​പ്പെ​ടാൻ കഴിയു​മോ? ഏതെങ്കി​ലും രാഷ്‌ട്രം അത്തരം ലക്ഷ്യങ്ങൾ നേടു​മെ​ന്നുള്ള യഥാർത്ഥ പ്രതീക്ഷ നൽകു​ന്നു​വോ? അശേഷം ഇല്ല!

ആഗോള ചിത്രത്തെ സംബന്ധി​ച്ചെന്ത്‌? യു. എസ്സ്‌. എസ്സ്‌. ആർ., പ്രസി​ഡണ്ട്‌ മീഖാ​യേൽ ഗോർബ​ച്ചേവ്‌ കഴിഞ്ഞ ജൂലൈ 16-ാം തീയതി ഇപ്രകാ​രം പ്രസ്‌താ​വി​ച്ചു: “നാം അന്തർദ്ദേ​ശീയ ബന്ധങ്ങളി​ലെ ഒരു യുഗം പിന്നി​ടു​ക​യും ശക്തവും നീണ്ടു​നിൽക്കു​ന്ന​തു​മായ സമാധാ​ന​ത്തി​ന്റെ മറെറാ​രു യുഗത്തിൽ പ്രവേ​ശി​ക്കു​ക​യു​മാണ്‌ എന്ന്‌ ഞാൻ വിചാ​രി​ക്കു​ന്നു.” എന്നിരു​ന്നാ​ലും, അതേ തീയതി​യി​ലെ ടൈം മാസിക, യു​ണൈ​റ​റഡ്‌ സ്‌റേ​റ​റ​റ്‌സ്‌ ഇപ്പോ​ഴും മോസ്‌ക്കോ​യെ ലക്ഷ്യമാ​ക്കി 120 ന്യൂക്ലി​യർ സ്‌ഫോ​ട​ന​ഗോ​ളങ്ങൾ സ്ഥാപി​ച്ചി​ട്ടു​ണ്ടെന്ന്‌ റിപ്പോർട്ടു​ചെ​യ്‌തു, അവയിൽ ഏതെങ്കി​ലും ഒരെണ്ണം ആ നഗരത്തെ മുഴു​വ​നാ​യും തുടച്ചു​നീ​ക്കാൻ പോന്ന​താണ്‌. സോവി​യ​റ​റു​ക​ളും അതേ വിധത്തിൽ മറുപടി കൊടു​ക്ക​ത്ത​ക്ക​വണ്ണം തയ്യാറാ​ണെ​ന്ന​തിന്‌ സംശയ​മില്ല. ഇപ്പോൾ ഐക്യ​രാ​ഷ്‌ട്ര​ങ്ങ​ളു​ടെ അനേകം അംഗങ്ങൾക്ക്‌ ആണവാ​യു​ധങ്ങൾ നിർമ്മി​ക്കു​ന്ന​തി​നുള്ള സാങ്കേ​തി​ക​ജ്ഞാ​നം ഉള്ളതി​നാൽ ആദ്യം കാഞ്ചി​വ​ലി​ച്ചു​വി​ടു​ന്ന​തിൽ സന്തോഷം കണ്ടെത്തു​ന്നത്‌ ആരെന്നുള്ള ചിന്ത അശേഷം സന്തോ​ഷ​പ്ര​ദമല്ല.

യഥാർത്ഥ​ത്തിൽ സന്തുഷ്ട​മായ ഒരു ജനത

ചരി​ത്ര​ത്തിൽ ഒരു കാലത്ത്‌—ഉദ്ദേശം 3,500 വർഷം​മുമ്പ്‌—യഥാർത്ഥ​ത്തിൽ സന്തുഷ്ട​മായ ഒരു ജനത ഉണ്ടായി​രു​ന്നു. അത്‌ പുരാതന ഇസ്രാ​യേൽ ആയിരു​ന്നു. ദൈവം ആ ജനതയെ ഈജി​പ്‌റ​റി​ന്റെ മർദ്ദന​ത്തിൽ നിന്ന്‌ വിടു​വി​ച്ച​പ്പോൾ അവർ ഒരു വിജയാ​ഹ്ലാദ ഗീതം പാടു​ന്ന​തിൽ മോശ​യോട്‌ ചേർന്നു, അവർ തങ്ങളുടെ ദൈവ​വും വിമോ​ച​ക​നു​മാ​യ​വനെ അനുസ​രി​ച്ച​ട​ത്തോ​ളം കാലം സന്തോ​ഷി​ക്കു​ന്ന​തിൽ തുടരു​ക​യും ചെയ്‌തു.—പുറപ്പാട്‌ 15:1-21; ആവർത്തനം 28:1, 2, 15, 47.

ശലോ​മോ​ന്റെ ഭരണത്തിൻകീ​ഴിൽ, “യഹൂദ​യും ഇസ്രാ​യേ​ലും പെരു​പ്പ​ത്തിൽ കടൽക്ക​ര​യി​ലെ മണൽത്ത​രി​കൾ പോലെ അനേക​രാ​യി, തിന്നു​ക​യും കുടി​ക്കു​ക​യും സന്തോ​ഷി​ക്കു​ക​യും ചെയ്‌തി​രു​ന്നു.” അത്‌ ഒരുപക്ഷേ ചരി​ത്ര​ത്തി​ലെ അതിമ​ഹ​ത്തായ സൗധമായ, യരുശ​ലേ​മി​ലെ യഹോ​വ​യു​ടെ ആരാധ​നാ​ല​യ​ത്തി​ന്റെ പണി​യോ​ടെ പാരമ്യ​ത്തി​ലെ​ത്തിയ വലിയ സന്തോ​ഷ​ത്തി​ന്റെ ഒരു സമയമാ​യി​രു​ന്നു.—1 രാജാ​ക്കൻമാർ 4:20; 6:11-14.

ആധുനി​ക​കാ​ലത്തെ സന്തുഷ്ട ജനത

പുരാതന ഇസ്രാ​യേൽ ഒരു ആധുനിക ജനതയെ മുൻനി​ഴ​ലാ​ക്കി. ഏതിനെ? മദ്ധ്യപൗ​ര​സ്‌ത്യ​ദേ​ശത്തെ രാഷ്‌ട്രീയ ഇസ്രാ​യേ​ലി​നെ​യോ? പോരാ​ട്ട​ത്തി​ലേർപ്പെ​ട്ടി​രി​ക്കുന്ന ആ ജനത അശേഷം സന്തുഷ്ട​മ​ല്ലെന്ന്‌ വാർത്താ​റി​പ്പോർട്ടു​കൾ സൂചി​പ്പി​ക്കു​ന്നു. ഐക്യ​രാ​ഷ്‌ട്രങ്ങൾ എന്നു വിളി​ക്ക​പ്പെ​ടു​ന്നത്‌ അതിന്റെ അംഗരാ​ഷ്‌ട്ര​ങ്ങൾക്ക്‌ യഥാർത്ഥ സന്തുഷ്ടി കൈവ​രു​ത്തി​യി​ട്ടു​ണ്ടോ? ഇല്ല, യഥാർത്ഥ സന്തുഷ്ടി ഇന്നത്തെ രാഷ്‌ട്രീയ ജനതക​ളി​ലൊ​ന്നി​ലും കാണ​പ്പെ​ടു​ന്നില്ല. അത്യാ​ഗ്ര​ഹ​വും, അഴിമ​തി​യും സത്യസ​ന്ധ​ത​യി​ല്ലാ​യ്‌മ​യും പെരു​കി​യി​രി​ക്കു​ന്നു, കൂടാതെ അനേകം രാജ്യ​ങ്ങ​ളിൽ ജനസാ​മാ​ന്യം കേവലം നിലനിൽപ്പി​നു​വേണ്ടി അസന്തു​ഷ്ട​മാ​യി പോരാ​ടു​ക​യാണ്‌.—സദൃശ​വാ​ക്യ​ങ്ങൾ 28:15; 29:2.

എന്നിരു​ന്നാ​ലും, ഇന്ന്‌ അത്യന്തം സന്തോ​ഷ​മുള്ള ശ്രദ്ധേ​യ​മായ ഒരു ജനതയുണ്ട്‌. അത്‌ ഒരു രാഷ്‌ട്രീ​യ​ജ​ന​തയല്ല, എന്തു​കൊ​ണ്ടെ​ന്നാൽ അതിന്റെ ശിരസ്സായ യേശു​ക്രി​സ്‌തു അതിലെ ജനത്തെ സംബന്ധിച്ച്‌ ഇപ്രകാ​രം പറഞ്ഞു: “നിങ്ങൾ ഈ ലോക​ത്തി​ന്റെ ഭാഗമല്ല.” (യോഹ​ന്നാൻ 15:19) ഐക്യ​രാ​ഷ്‌ട്രങ്ങൾ പേരിൽ മാത്രം ഐക്യ​ത്തി​ലാ​യി​രി​ക്കു​മ്പോൾ ഈ സന്തുഷ്ട ജനത “എല്ലാ ജനതക​ളിൽനി​ന്നും ഗോ​ത്ര​ങ്ങ​ളിൽനി​ന്നും ജനങ്ങളിൽനി​ന്നും ഭാഷക​ളിൽനി​ന്നും” സമാധാ​ന​പ്രി​യ​രായ അനുയാ​യി​കളെ ആകർഷി​ക്കു​ന്നു. (വെളി​പ്പാട്‌ 7:4, 9) ഇപ്പോൾ അതിന്റെ സംഖ്യ നാൽപ്പ​തു​ല​ക്ഷ​ത്തിൽ അധിക​മാ​യി​രി​ക്കു​ന്ന​തി​നാൽ അതിന്റെ ജനസംഖ്യ യുഎൻ-ന്റെ 159 അംഗരാ​ഷ്‌ട്ര​ങ്ങ​ളിൽ 60 എണ്ണത്തിന്റെ ജനസം​ഖ്യ​യെ​ക്കാൾ അധിക​മാ​യി​രി​ക്കു​ന്നു. ഈ നാൽപ്പ​തു​ലക്ഷം ആളുക​ളു​ടെ മാതൃ​ഭാ​ഷ​ക​ളു​ടെ എണ്ണം ഏതാണ്ട്‌ 200 ആണ്‌; എന്നിരു​ന്നാ​ലും അവരെ​ല്ലാം “നിർമ്മ​ല​ഭാഷ” സംസാ​രി​ക്കു​ന്ന​തിൽ ഐക്യ​പ്പെ​ട്ടി​രി​ക്കു​ന്നു.—സെഫന്യാവ്‌ 3:9.

ഇത്രയ​ധി​കം വ്യത്യസ്‌ത സംസ്‌കാ​ര​ങ്ങ​ളിൽപ്പെ​ട്ടവർ ഒരു പൊതു​ഭാഷ സംസാ​രി​ക്കു​ന്നത്‌ ആശ്ചര്യ​മല്ലേ? യഥാർത്ഥ​ത്തി​ലല്ല, കാരണം ഈ ഐക്യ​പ്പെ​ടു​ത്തുന്ന ഏക ഭാഷയിൽ ആസന്നമാ​യി​രി​ക്കുന്ന ദൈവ​ത്തി​ന്റെ നീതി​യുള്ള രാജ്യ​ത്തി​ന്റെ ദൂത്‌ ഉൾപ്പെ​ടു​ന്നു. ഈ സന്തുഷ്ട ജനത “ഭൂമി​യു​ടെ അറുതി​യിൽ നിന്ന്‌” വരുന്നു, ലോക​വി​സ്‌തൃ​ത​മാ​യി ‘യഹോ​വ​യു​ടെ സാക്ഷികൾ’ എന്ന്‌ അറിയ​പ്പെ​ടു​ക​യും ചെയ്യുന്നു. (യെശയ്യാവ്‌ 43:5-7, 10; സെഖര്യാവ്‌ 8:23) നിങ്ങൾ ഈ ഗോള​ത്തി​ന്റെ ഉപരി​ത​ലത്ത്‌ എവി​ടെ​ത്തന്നെ സഞ്ചരി​ച്ചാ​ലും നിങ്ങൾ അവരെ കണ്ടെത്തും.

യെശയ്യാവ്‌ 2:2-4-ൽ സകല ജനതക​ളിൽനി​ന്നു​മുള്ള ഒരു പുരു​ഷാ​രം ഇപ്രകാ​രം പറഞ്ഞു​കൊണ്ട്‌ ഒഴുകി​വ​രു​ന്ന​താ​യി ദൈവ​ത്തി​ന്റെ പ്രവാ​ചകൻ വർണ്ണി​ക്കു​ന്നു: “ജനങ്ങളേ വരുവിൻ, നമുക്ക്‌ യഹോ​വ​യു​ടെ പർവത​ത്തി​ലേക്ക്‌, യാക്കോ​ബിൻ ദൈവ​ത്തി​ന്റെ ആലയത്തി​ലേക്ക്‌ കയറി​പ്പോ​കാം; അവൻ നമുക്ക്‌ തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കു​ക​യും ചെയ്യും.” മററു​ള്ളവർ യഹോ​വ​യു​ടെ ഇഷ്ടം ചെയ്യാൻ പഠിക്കു​ന്ന​തിന്‌ അവന്റെ വചനമാ​കുന്ന ബൈബി​ളി​ലൂ​ടെ​യുള്ള അവന്റെ പ്രബോ​ധ​നങ്ങൾ സ്വീക​രി​ക്കു​ന്ന​തിന്‌ ഇവർ ക്ഷണിക്കു​ന്നു. ഈ ഒരു ജനത യഥാർത്ഥ സമാധാ​ന​ത്തി​ന്റെ വഴി പിൻതു​ട​രു​ന്നു, അതിലെ ആളുകൾ ഇപ്പോൾത്തന്നെ ‘മേലാൽ യുദ്ധം അഭ്യസി​ക്കാ​തെ, വാളു​കളെ കൊഴു​ക്ക​ളാ​യും കുന്തങ്ങളെ കോതു​ക​ത്രി​ക​ക​ളാ​യും അടിച്ചു​തീർത്തി​രി​ക്കു​ന്നു.’ നിശ്ചയ​മാ​യും ഒരു സന്തുഷ്ട ജനത!

നിങ്ങൾക്കും ഈ സന്തോ​ഷ​ത്തിൽ പങ്കു​കൊ​ള്ളാം. നിങ്ങൾക്ക്‌ രാജാ​വായ ക്രിസ്‌തു​യേശു നാശകാ​രി​ക​ളായ മനുഷ്യ​രെ​യും ഗവൺമെൻറു​ക​ളെ​യും നീക്കം ചെയ്യു​ക​യും ഭൂമി​യിൽ പറുദീസ പുനഃ​സ്ഥാ​പി​ക്കു​ക​യും ചെയ്യുന്ന, അതിശീ​ഘ്രം അടുത്തു​വ​രുന്ന നാളി​നെ​ക്കു​റിച്ച്‌ പഠിക്കാൻ കഴിയും. (ദാനി​യേൽ 2:44; മത്തായി 6:9, 10) തുടർന്നു​വ​രുന്ന പേജുകൾ കാണി​ക്കു​ന്ന​തു​പോ​ലെ ഇപ്പോൾപോ​ലും, യഥാർത്ഥ​ത്തിൽ ഐക്യ​മുള്ള ഒരു ജനത എന്ന നിലയിൽ യഹോ​വ​യു​ടെ സാക്ഷികൾ യഥാർത്ഥ സമാധാ​ന​ത്തി​ന്റെ ആ മഹത്തായ യുഗത്തി​നു​വേണ്ടി ഒരുങ്ങുന്ന തങ്ങളുടെ വേലയിൽ വലിയ സന്തോഷം കണ്ടെത്തു​ന്നു. (w91 1⁄1)