നിങ്ങളു​ടെ ജീവി​ത​ശൈലി—അപകടങ്ങൾ എന്തൊ​ക്കെ​യാണ്‌?

പല കാരണ​ങ്ങ​ളാൽ, മുമ്പെ​ന്ന​ത്തെ​യും അപേക്ഷിച്ച്‌ ഇന്നുള്ള ആളുകൾക്ക്‌ ആരോ​ഗ്യ​ത്തോ​ടെ​യി​രി​ക്കാൻ സാധി​ക്കും എന്നതു​പോ​ലെ കാണ​പ്പെ​ടു​ന്നു. ലോകാ​രോ​ഗ്യ സംഘട​ന​യു​ടെ 1998-ലെ ഒരു റിപ്പോർട്ടു പറയുന്നു: “മുമ്പെ​ന്ന​ത്തെ​യും അപേക്ഷിച്ച്‌ കൂടുതൽ ആളുകൾക്ക്‌ ഇന്ന്‌ ആരോഗ്യ സംരക്ഷ​ണ​ത്തിന്‌ ആവശ്യ​മായ സംഗതി​കൾ—ശുദ്ധജല വിതരണ സംവി​ധാ​ന​ങ്ങ​ളും ശുചിത്വ സൗകര്യ​ങ്ങ​ളും—ചുരു​ങ്ങിയ തോതി​ലെ​ങ്കി​ലും ലഭിക്കു​ന്നുണ്ട്‌.” ലോക ജനസം​ഖ്യ​യു​ടെ നല്ലൊരു ഭാഗം ഇപ്പോ​ഴും ശോച​നീ​യ​മായ ചുറ്റു​പാ​ടു​ക​ളി​ലാ​ണു ജീവി​ക്കു​ന്ന​തെ​ങ്കി​ലും ബ്രിട്ടീഷ്‌ ബ്രോ​ഡ്‌കാ​സ്റ്റിങ്‌ കോർപ്പ​റേഷൻ റിപ്പോർട്ടു ചെയ്‌ത​തു​പോ​ലെ, “ലോക​വ്യാ​പ​ക​മാ​യി ദാരി​ദ്ര്യ​ത്തി​ന്റെ തോത്‌ കഴിഞ്ഞ 500 വർഷം കൊണ്ട്‌ കുറഞ്ഞ​തി​ലും അധികം കഴിഞ്ഞ 50 വർഷം കൊണ്ട്‌ കുറഞ്ഞി​രി​ക്കു​ന്നു.”

ആരോഗ്യ സംരക്ഷണ സംവി​ധാ​ന​ങ്ങ​ളിൽ ഉണ്ടായി​ട്ടുള്ള പുരോ​ഗ​തി​കൾ ലോക​മൊ​ട്ടാ​കെ, ജനന സമയത്തെ ശരാശരി ആയുർപ്ര​തീക്ഷ വർധി​പ്പി​ച്ചി​ട്ടുണ്ട്‌. 1955-ൽ ശരാശരി ആയുർപ്ര​തീക്ഷ 48 വയസ്സാ​യി​രു​ന്നു. 1995-ഓടെ അത്‌ 65 ആയി ഉയർന്നി​രി​ക്കു​ന്നു. ശിശു​രോഗ ചികി​ത്സ​യി​ലെ മുന്നേ​റ്റ​ങ്ങ​ളാണ്‌ ഇതിനുള്ള ഒരു കാരണം.

40 വർഷം മുമ്പു​വരെ, മരണമ​ട​യു​ന്ന​വ​രിൽ 40 ശതമാ​ന​വും അഞ്ചു വയസ്സിനു താഴെ​യുള്ള കുട്ടി​ക​ളാ​യി​രു​ന്നു. എന്നാൽ 1998 ആയപ്പോൾ, ലോക​മൊ​ട്ടാ​കെ ജനിക്കുന്ന കുട്ടി​ക​ളിൽ പലരും പ്രതി​രോധ കുത്തി​വെ​പ്പു​ക​ളു​ടെ സഹായ​ത്താൽ മുഖ്യ ശിശു​രോ​ഗ​ങ്ങൾക്കെ​തി​രെ പ്രതി​രോ​ധ​ശേഷി ഉള്ളവർ ആയിത്തീർന്നി​രു​ന്നു. അങ്ങനെ അഞ്ചു വയസ്സിനു താഴെ​യു​ള്ള​വ​രു​ടെ മരണനി​രക്ക്‌ മൊത്തം മരണനി​ര​ക്കി​ന്റെ 21 ശതമാ​ന​മാ​യി കുറഞ്ഞു. ലോകാ​രോ​ഗ്യ സംഘടന പറയുന്ന പ്രകാരം “നിസ്സം​ശ​യ​മാ​യും, ആളുകൾ കൂടുതൽ ആരോ​ഗ്യ​ത്തോ​ടെ കൂടുതൽ കാലം ജീവി​ക്കാ​നുള്ള സാധ്യത” കാണു​ന്നുണ്ട്‌.

ജീവി​ത​ത്തി​ന്റെ ദൈർഘ്യം വർധി​പ്പി​ക്ക​ണ​മെ​ങ്കിൽ അതിന്റെ ഗുണനി​ല​വാ​രം മെച്ച​പ്പെ​ടു​ത്തണം എന്നതു ശരിതന്നെ. ജീവിത സാഹച​ര്യ​ങ്ങൾ മെച്ച​പ്പെ​ടു​ത്താ​നുള്ള വ്യഗ്ര​ത​യിൽ പലരും ഭൗതിക സുഖങ്ങൾക്ക്‌ അമിത​മായ പ്രാധാ​ന്യം കൽപ്പി​ക്കു​ന്നു. എന്നിരു​ന്നാ​ലും, അത്തരം ജീവി​ത​ശൈ​ലിക്ക്‌ അതി​ന്റേ​തായ അപകട​ങ്ങ​ളു​മു​ണ്ടാ​യി​രി​ക്കും.

മെച്ചപ്പെട്ട ജീവി​ത​ശൈ​ലി​യോ?

സമീപ​കാ​ലത്ത്‌ ഉണ്ടായി​ട്ടുള്ള സാമൂ​ഹിക-സാമ്പത്തിക പുരോ​ഗ​തി​കൾ ആളുക​ളു​ടെ ജീവി​ത​ശൈ​ലി​യിൽ ഗണ്യമായ മാറ്റം വരുത്തി​യി​ട്ടുണ്ട്‌. വികസിത രാഷ്‌ട്ര​ങ്ങ​ളിൽ, ഒരിക്കൽ സമ്പന്നർക്കു മാത്രം പ്രാപ്യ​മാ​യി​രുന്ന ഉത്‌പ​ന്ന​ങ്ങ​ളും സേവന​ങ്ങ​ളും ഇന്നു പലർക്കും പ്രാപ്യ​മാണ്‌. ഈ മുന്നേ​റ്റ​ങ്ങ​ളിൽ ചിലത്‌ ആയുർ​ദൈർഘ്യ​ത്തി​ലെ വർധന​വി​നുള്ള പ്രത്യാശ നൽകു​ന്നു​ണ്ടെ​ങ്കി​ലും പല ആളുക​ളും ഇന്ന്‌ സ്വവി​നാ​ശ​ക​മായ ഒരു ജീവി​ത​ശൈ​ലി​യു​ടെ വലയത്തി​ലാണ്‌.

ഉദാഹ​ര​ണ​ത്തിന്‌, മയക്കു​മ​രു​ന്നു​കൾ, മദ്യം, പുകയില തുടങ്ങിയ അനാവശ്യ വസ്‌തു​ക്കൾ വാങ്ങി​ക്കൂ​ട്ടാൻ ദശലക്ഷ​ക്ക​ണ​ക്കിന്‌ ആളുകൾ തങ്ങളുടെ ധനം ഉപയോ​ഗി​ക്കു​ന്നു. സങ്കടക​ര​മെന്നു പറയട്ടെ, ഇതിന്റെ ഫലം ദുരന്ത​പൂർണ​മാണ്‌. “ലോക​ത്തിൽ പൊതു​ജ​നാ​രോ​ഗ്യ​ത്തി​നു ഭീഷണി​യാ​യി ഏറ്റവും വേഗത്തിൽ വളർന്നു​കൊ​ണ്ടി​രി​ക്കു​ന്നത്‌ ഒരു രോഗമല്ല, പിന്നെ​യോ ഒരു ഉത്‌പ​ന്ന​മാണ്‌” എന്ന്‌ വേൾഡ്‌ വാച്ച്‌ മാസിക പറയുന്നു. അത്‌ ഇങ്ങനെ കൂട്ടി​ച്ചേർക്കു​ന്നു: “ലോക​മൊ​ട്ടാ​കെ​യുള്ള ആളുക​ളു​ടെ ആരോ​ഗ്യ​ത്തിന്‌ ഇന്ന്‌ പ്രധാ​ന​മാ​യും ഭീഷണി ഉയർത്തു​ന്നത്‌ സാം​ക്ര​മിക രോഗങ്ങൾ ആണെങ്കിൽ 25 വർഷത്തി​നകം ആ സ്ഥാനം പുകയില സംബന്ധ​മായ രോഗങ്ങൾ കയ്യടക്കും.” കൂടാതെ, സയന്റി​ഫിക്‌ അമേരി​ക്കൻ പറയുന്നു: “മാരക​മായ അർബു​ദ​ങ്ങ​ളു​ടെ 30 ശതമാ​ന​വും ഉണ്ടാകു​ന്നത്‌ മുഖ്യ​മാ​യും പുകവലി നിമി​ത്ത​മാണ്‌. മറ്റൊരു 30 ശതമാനം ജീവി​ത​ശൈലി നിമിത്തം, വിശേ​ഷി​ച്ചും ആഹാര​ശീ​ല​ങ്ങ​ളും വ്യായാ​മ​മി​ല്ലാ​യ്‌മ​യും നിമിത്തം ഉണ്ടാകു​ന്നുണ്ട്‌.”

നമ്മുടെ ജീവി​ത​രീ​തി​യു​ടെ ഭാഗമാ​യി നാം തിര​ഞ്ഞെ​ടു​ക്കുന്ന സംഗതി​കൾ ആരോ​ഗ്യ​ത്തെ ഗണ്യമാ​യി ബാധി​ക്കു​മെ​ന്ന​തി​നു സംശയ​മില്ല. അങ്ങനെ​യെ​ങ്കിൽ നമ്മുടെ ആരോ​ഗ്യ​ത്തെ പരിപാ​ലി​ക്കാൻ അല്ലെങ്കിൽ മെച്ച​പ്പെ​ടു​ത്താൻ നമുക്ക്‌ എങ്ങനെ കഴിയും? ആഹാര​ക്ര​മ​വും വ്യായാ​മ​വും മാത്രം മതിയോ? ആരോ​ഗ്യാ​വ​ഹ​മായ ജീവി​ത​ശൈ​ലി​യിൽ മാനസി​ക​വും ആത്മീയ​വു​മായ ഘടകങ്ങൾ എന്തു പങ്കു വഹിക്കു​ന്നു?