ആരോഗ്യ പുരോ​ഗതി ആഗോ​ള​വ്യാ​പകം—പക്ഷേ എല്ലാവർക്കു​മല്ല

ആഗോ​ള​വ്യാ​പ​ക​മാ​യി ഇന്ന്‌ ആളുക​ളു​ടെ ആയുർ​ദൈർഘ്യം വർധി​ച്ചു​കൊ​ണ്ടി​രി​ക്കു​ന്ന​താ​യും ആരോ​ഗ്യം മെച്ച​പ്പെ​ട്ടു​കൊ​ണ്ടി​രി​ക്കു​ന്ന​താ​യും ലോകാ​രോ​ഗ്യ സംഘടന പ്രസി​ദ്ധീ​ക​രിച്ച ലോകാ​രോ​ഗ്യ റിപ്പോർട്ട്‌ 1998 (ഇംഗ്ലീഷ്‌) പറയുന്നു. അതിനുള്ള ചില തെളി​വു​ക​ളും അതു നിരത്തി.

മുമ്പെ​ന്ന​ത്തെ​യും അപേക്ഷിച്ച്‌ കൂടുതൽ ആളുകൾക്ക്‌ ഇന്ന്‌ ശുചിത്വ സൗകര്യ​ങ്ങ​ളും ശുദ്ധജ​ല​വും അത്യാ​വ​ശ്യ​ത്തി​നുള്ള ആരോഗ്യ സംരക്ഷ​ണോ​പാ​ധി​ക​ളും ലഭ്യമാണ്‌. കൂടാതെ, ലോക​ത്തി​ലെ കുട്ടി​ക​ളിൽ മിക്കവ​രും ഇന്ന്‌ ആറു പ്രധാന ശിശു​രോ​ഗ​ങ്ങൾക്കെ​തി​രെ പ്രതി​രോ​ധ​ശേഷി ആർജി​ച്ചി​രി​ക്കു​ന്നു.a ഇതുമൂ​ലം കുട്ടി​ക​ളു​ടെ മരണനി​രക്ക്‌ കുറഞ്ഞി​രി​ക്കു​ന്നു. 1955-ൽ അഞ്ചു വയസ്സിനു താഴെ​യുള്ള 2.1 കോടി കുട്ടികൾ മരി​ച്ചെ​ങ്കിൽ 1997-ൽ അത്‌ ഏതാണ്ട്‌ ഒരു കോടി​യാ​യി കുറഞ്ഞി​രി​ക്കു​ന്നു. മാത്രമല്ല, സമീപ ദശകങ്ങ​ളിൽ, ഒട്ടേറെ വ്യവസാ​യ​വ​ത്‌കൃത രാജ്യ​ങ്ങ​ളിൽ ഹൃ​ദ്രോ​ഗം മൂലം ഉണ്ടാകുന്ന മരണങ്ങ​ളും ഗണ്യമാ​യി കുറഞ്ഞി​രി​ക്കു​ന്നു.

എങ്കിലും എല്ലാവ​രു​ടെ​യും കാര്യ​ത്തിൽ ആരോ​ഗ്യം മെച്ച​പ്പെ​ട്ടി​ട്ടു​ണ്ടെന്നു പറയാ​നാ​വി​ല്ലെന്നു റിപ്പോർട്ട്‌ കൂട്ടി​ച്ചേർക്കു​ന്നു. എച്ച്‌ഐവി/എയ്‌ഡ്‌സ്‌ ഇന്നും മരണ ഭീഷണി മുഴക്കു​ന്നു. 1981-നു മുമ്പ്‌ അറിയ​പ്പെ​ടാ​തി​രുന്ന സാം​ക്ര​മിക രോഗ​മായ എയ്‌ഡ്‌സ്‌ തേർവാഴ്‌ച നടത്താൻ തുടങ്ങി​യ​തിൽപ്പി​ന്നെ 1.17 കോടി ആളുക​ളു​ടെ ജീവൻ കവർന്നെ​ടു​ത്തി​രി​ക്കു​ന്ന​താ​യി കണക്കുകൾ കാണി​ക്കു​ന്നു. അടു​ത്തെ​ങ്ങും ഈ രോഗ​ത്തിന്‌ ഒരു പ്രതി​വി​ധി കണ്ടെത്താ​നാ​കു​മെ​ന്നും തോന്നു​ന്നില്ല. 1996-ൽ 15 വയസ്സിനു താഴെ​യുള്ള 4,00,000 കുട്ടികൾ എച്ച്‌ഐവി ബാധി​ത​രാ​യി. 1997-ൽ ഇതേ പ്രായ​പ​രി​ധി​യിൽ പെട്ട 6,00,000-ത്തോളം കുട്ടികൾ കൂടെ എച്ച്‌ഐവി-യുടെ പിടി​യി​ല​മർന്നു.

ദാരി​ദ്ര്യം ഇന്നും ആരോ​ഗ്യ​ത്തി​നു ഭീഷണി

ദാരി​ദ്ര്യ​ത്തി​ന്റെ നീരാ​ളി​പ്പി​ടി​ത്ത​ത്തിൽ കഴിയുന്ന കോടി​ക്ക​ണ​ക്കിന്‌ ആളുകളെ സംബന്ധി​ച്ചി​ട​ത്തോ​ളം ആരോ​ഗ്യ​പു​രോ​ഗതി വിശേ​ഷി​ച്ചും ഒരു മരീചി​ക​യാ​യി തുടരു​ന്നു. അവരിൽ മിക്കവ​രും ദരിദ്ര രാജ്യ​ങ്ങ​ളിൽ ജീവി​ക്കു​ന്ന​വ​രാണ്‌. രോഗങ്ങൾ തേർവാഴ്‌ച നടത്തുന്ന, ജീവി​തത്തെ കുറിച്ചു മങ്ങിയ പ്രതീ​ക്ഷകൾ മാത്ര​മുള്ള ഈ രാജ്യ​ങ്ങ​ളിൽ ജനങ്ങളു​ടെ ആയുർ​ദൈർഘ്യം ഹ്രസ്വ​മാണ്‌. ലോകാ​രോ​ഗ്യ സംഘട​ന​യു​ടെ ഡയറക്‌ടർ ജനറൽ ആയിരുന്ന ഡോ. ഹീറോ​ഷി നാകാ​ജിമ പറയുന്നു: “ആരോ​ഗ്യ​നി​ല​യു​ടെ കാര്യ​ത്തിൽ സമ്പന്നർക്കും ദരി​ദ്രർക്കും ഇടയി​ലുള്ള വിടവ്‌ അര നൂറ്റാണ്ടു മുമ്പു​ണ്ടാ​യി​രുന്ന ഏതാണ്ട്‌ അതേ അവസ്ഥയിൽത്ത​ന്നെ​യാണ്‌ ഇപ്പോ​ഴും.” ഖേദക​ര​മെന്നു പറയട്ടെ, ഈ വിടവി​ന്റെ വലിപ്പം കൂടി​വ​രി​ക​യാണ്‌ എന്നും ലോകാ​രോ​ഗ്യ സംഘട​ന​യി​ലെ ഒരു വിദഗ്‌ധൻ പറയുന്നു. കാരണം, “ഇടി​വെ​ട്ടി​യ​വനെ പാമ്പു കടിച്ചു എന്നു പറയു​ന്ന​തു​പോ​ലുള്ള ഒരു അവസ്ഥയാണ്‌ വികസ്വര രാജ്യ​ങ്ങ​ളു​ടേത്‌. ഇപ്പോ​ഴും നിർമാർജനം ചെയ്യ​പ്പെ​ട്ടി​ട്ടി​ല്ലാത്ത ഉഷ്‌ണ​മേ​ഖലാ രോഗ​ങ്ങളെ കൂടാതെ പുതു​താ​യി തലപൊ​ക്കുന്ന ഗുരു​ത​ര​മായ രോഗ​ങ്ങ​ളെ​യും അവർക്കു നേരി​ടേണ്ടി വരുന്നു.”

എങ്കിലും സാഹച​ര്യം മെച്ച​പ്പെ​ടു​ത്തുക സാധ്യ​മാണ്‌. വാസ്‌ത​വ​ത്തിൽ, ദശലക്ഷ​ക്ക​ണ​ക്കി​നു വരുന്ന അകാല​മ​ര​ണ​ങ്ങ​ളിൽ പലതും ഇപ്പോൾത്തന്നെ തടയാ​വു​ന്ന​വ​യാണ്‌. ഉദാഹ​ര​ണ​ത്തിന്‌, “ഓരോ വർഷവും 20 ലക്ഷം കുട്ടി​ക​ളെ​ങ്കി​ലും പ്രതി​രോധ ഔഷധ​ങ്ങ​ളുള്ള രോഗങ്ങൾ മൂലമാണ്‌ മരണമ​ട​യു​ന്നത്‌” എന്ന്‌ ഡോ. നാകാ​ജിമ പറയുന്നു. ആരോ​ഗ്യ​ത്തി​ന്റെ കാര്യ​ത്തിൽ സമ്പന്നർക്കും ദരി​ദ്രർക്കും ഇടയി​ലുള്ള വിടവു കുറയ്‌ക്കേ​ണ്ടത്‌ അനിവാ​ര്യ​മാ​ണെന്ന അഭി​പ്രാ​യ​ക്കാ​ര​നാണ്‌ അദ്ദേഹം. അതു​കൊണ്ട്‌, “ആരോ​ഗ്യ​ത്തെ ആഗോ​ള​ത​ല​ത്തിൽ പ്രാധാ​ന്യ​മുള്ള ഒരു വിഷയ​മാ​യി കണക്കാ​ക്കേ​ണ്ടി​യി​രി​ക്കു​ന്നു” എന്ന്‌ അദ്ദേഹം കൂട്ടി​ച്ചേർക്കു​ന്നു. ലോക​ത്തിൽ “ആരോഗ്യ സംബന്ധ​മാ​യി, സാമൂ​ഹിക നീതി​യി​ലും സമത്വ​ത്തി​ലും ആദർ​ശൈ​ക്യ​ത്തി​ലും അധിഷ്‌ഠി​ത​മായ ഒരു സാർവ​ദേ​ശീയ സഹകരണം” അടിയ​ന്തി​ര​മാ​യി ഉണ്ടാ​കേ​ണ്ടി​യി​രി​ക്കു​ന്നു.

ഇത്തരം സഹകരണം വളർന്നു​വ​രാൻ സമയ​മെ​ടു​ത്തേ​ക്കാ​മെ​ങ്കി​ലും ഓരോ രാഷ്‌ട്ര​ത്തി​നും സ്വന്തം ജനത്തിന്റെ ആരോ​ഗ്യം മെച്ച​പ്പെ​ടു​ത്താ​നാ​യി ഇപ്പോൾതന്നെ വളരെ​യ​ധി​കം കാര്യങ്ങൾ ചെയ്യാൻ കഴിയും എന്ന്‌ ദ വേൾഡ്‌ ഹെൽത്ത്‌ റിപ്പോർട്ട്‌ 1998 പറയുന്നു. എങ്ങനെ? രോഗത്തെ പ്രതി​രോ​ധി​ക്കു​ക​യോ കുറയ്‌ക്കു​ക​യോ ചെയ്യുന്ന “അതിജീ​വന വൈദ​ഗ്‌ധ്യ​ങ്ങ​ളും ആരോ​ഗ്യാ​വ​ഹ​മായ ജീവി​ത​ശൈ​ലി​ക​ളും” വികസി​പ്പി​ച്ചെ​ടു​ക്കാൻ ജനങ്ങളെ പഠിപ്പി​ച്ചു​കൊണ്ട്‌. ലോകാ​രോ​ഗ്യ സംഘട​ന​യു​ടെ ചാർട്ടർ അതേ കുറിച്ച്‌ ഇങ്ങനെ പറയുന്നു: “ആരോ​ഗ്യ​പു​രോ​ഗ​തിക്ക്‌ പൊതു​ജ​ന​ങ്ങ​ളു​ടെ ഭാഗത്തു​നി​ന്നുള്ള കാര്യ​ജ്ഞാ​ന​വും സജീവ​മായ സഹകര​ണ​വും അനിവാ​ര്യ​മാണ്‌.”

[അടിക്കു​റി​പ്പു​കൾ]