ലോകം, 1914-നുശേഷം

ഭാഗം 1: 1920-1928 ഇരച്ചു​ക​യ​റിയ ഇരുപ​തു​കൾ—ഒരു കൊടു​ങ്കാ​റ്റി​നു​മു​മ്പുള്ള പ്രശാന്തത

ഒന്നാം ലോക​മ​ഹാ​യു​ദ്ധം വർണ്ണി​ച്ചു​കൊണ്ട്‌ ഉണരുക! 1983-ൽ മൂന്നു ലേഖനങ്ങൾ പ്രസി​ദ്ധീ​ക​രി​ച്ചു. ഇപ്പോൾ ഞങ്ങൾ ആ യുദ്ധത്തി​നു​ശേഷം നടന്നി​ട്ടുള്ള പ്രധാന സംഭവ​ങ്ങ​ളിൽ ചിലവ ഉൾപ്പെ​ടു​ത്തി​ക്കൊണ്ട്‌ എട്ടു ലേഖന​ങ്ങ​ളു​ടെ ഒരു പരമ്പര ആരംഭി​ക്ക​യാണ്‌. ഈ സംഭവങ്ങൾ ജീവി​ച്ചി​രി​ക്കുന്ന ഓരോ​രു​ത്ത​രെ​യും ബാധി​ച്ചി​ട്ടുണ്ട്‌, അവ നമ്മിൽ അനേക​രും സങ്കല്‌പി​ച്ചേ​ക്കാ​വു​ന്ന​തി​നേ​ക്കാൾ വളരെ​യ​ധി​കം ഗൗരവാ​വ​ഹ​വു​മാണ്‌. തുടർന്നു വരുന്ന ലോകം, 1914-നു ശേഷം എന്നതിന്റെ ഒന്നാം ഭാഗത്തി​ന്റെ വായന നിങ്ങൾ ആസ്വദി​ക്കു​മെന്ന്‌ ഞങ്ങൾക്കു​റ​പ്പുണ്ട്‌

അധികം ആളുക​ളും “തങ്ങൾ ആധുനിക ചരി​ത്ര​ത്തി​ന്റെ വഴിത്തി​രി​വി​നു സാക്ഷ്യം വഹിക്കു​ക​യാ​യി​രു​ന്നു എന്ന്‌ തിരി​ച്ച​റി​ഞ്ഞി​രു​ന്നില്ല,” എന്ന്‌ മനുഷ്യ​ച​രി​ത്ര​ത്തി​ലെ ഒന്നാമത്തെ സാർവ്വ​ത്രിക യുദ്ധമായ 1-ാം ലോക മഹായു​ദ്ധ​ത്തി​ന്റെ ഫലങ്ങളെ സംബന്ധിച്ച്‌ ചരി​ത്ര​കാ​ര​നായ ഹാൻഡ്‌ കോൺ പറയുന്നു. യുദ്ധം തീർന്ന​ശേഷം പോലും, “മുഴു​ഗോ​ള​ത്തി​ലെ​യും ആളുക​ളു​ടെ മനസ്സു​ക​ളിൽ രൂപം പ്രാപിച്ച അവഗാ​ഢ​മായ സമൂല പരിവർത്തനം, അഥവാ ഈ സമൂല പരിവർത്ത​നം​തന്നെ പെട്ടെന്ന്‌ ഒരു നാൾ ദേശീ​യ​വും അന്തർദ്ദേ​ശീ​യ​വു​മായ സമൂഹ​ത്തി​ന്റെ പുനഃ​ക്ര​മീ​ക​രണം പ്രകട​മാ​ക്കു​ന്ന​തി​നെ​ക്കു​റിച്ച്‌ ചുരുക്കം പേരെ മനസ്സി​ലാ​ക്കി​യി​രു​ന്നു​ള്ളു” എന്ന്‌ അദ്ദേഹം വിശദീ​ക​രി​ക്കു​ന്നു. അവർ അങ്ങനെ ആയിരു​ന്ന​തെ​ന്തു​കൊണ്ട്‌? എന്തെല്ലാ​മാ​യാ​ലും, 1910-കൾ അത്തരം ഒരു ക്രിയാ​ത്മക വിജ്ഞാ​പ​ന​ത്തോ​ടെ അവസാ​നി​ക്കു​ന്ന​താ​യി പ്രകട​മാ​ക്കി.

പാരീസ്‌ സമാധാന സമ്മേള​ന​ത്തിൽ വേർസ​യ്‌ൽസ്‌ ഉടമ്പടി 1919-ൽ ഒപ്പിട്ട​തോ​ടെ യുദ്ധത്തി​ന്റെ ഒരു ഔദ്യോ​ഗിക അന്ത്യം ഉണ്ടായി​ല്ലേ? ഈ സമ്മേളനം ലോകത്തെ സമാധാ​ന​ത്തിൽ ഐക്യ​പ്പെ​ടു​ത്തു​ന്ന​തി​നു രൂപക​ല്‌പന ചെയ്യപ്പെട്ട സർവ്വരാ​ജ്യ​സ​ഖ്യ​ത്തി​ന്റെ സ്ഥാപന​ത്തി​നു നിശ്ചയി​ച്ചി​ല്ല​യോ? 1920 ജനുവരി 16-ലെ ഇതിന്റെ ഔദ്യോ​ഗിക ഉൽഘാ​ടനം മറ്റൊ​രു ലോക​യു​ദ്ധം ഇപ്പോൾ ഒഴിവാ​ക്ക​പ്പെ​ടാൻ കഴിയു​മെന്നു വിശ്വ​സി​ക്കാൻ ആവശ്യ​മായ ന്യായം നൽകി​യി​രു​ന്നി​ല്ലേ?

ഇരച്ചു​ക​യ​റിയ ഇരുപ​തു​കൾ—ഒരു ഉചിത​മായ പേര്‌

പ്രമോദ തൊണ്ണൂ​റു​ക​ളു​ടെ (1890-കൾക്കു നൽകി​യി​രുന്ന പേര്‌) അല്ലലി​ല്ലാത്ത ലോകം ഏറ്റവും വൈകി​യാൽ 1914-ൽ ആരംഭിച്ച അതിദാ​രു​ണാ​നു​ഭ​വ​ത്തോ​ടെ നശിപ്പി​ക്ക​പ്പെട്ടു. ഇപ്പോൾ യുദ്ധം അവസാ​നി​ച്ചി​രു​ന്നു, മതി​മോഹ വിമു​ക്ത​രായ ആളുകൾ എത്രയും പെട്ടെന്ന്‌ അതു മറക്കാൻ ആഗ്രഹി​ച്ചു. പ്രത്യേ​കിച്ച്‌ യൂറോ​പ്പിൽ സാഹച​ര്യം രാഷ്‌ട്രീയ അനിശ്ചി​ത​ത്വ​ത്താ​ലും സാമ്പത്തിക പ്രതി​സ​ന്ധി​യാ​ലും അടയാ​ള​പ്പെ​ടു​ത്ത​പ്പെട്ടു. “അനേകം ചെറു​പ്പ​ക്കാ​രും തങ്ങളെ തങ്ങളുടെ മൂത്തവ​രാൽ ശിക്ഷി​ക്ക​പ്പെട്ട അനാവ​ശ്യ​മായ യുദ്ധത്തി​ന്റെ അതിജീ​വ​ക​രാ​ണെന്നു കാണ​പ്പെട്ടു” എന്ന്‌ ചരി​ത്ര​കാ​ര​നായ ആർ. ബി. ഗ്രുവർ പറയുന്നു. ഈ വീക്ഷണ​ത്താൽ അവർ പ്രായ​മേ​റിയ തലമു​റ​യു​ടെ മൂല്യ​ങ്ങളെ അത്യന്തം സംശയി​ക്കാൻ തുടങ്ങി. . . . അവർ ഭൗതിക വിജയ​ത്തി​ലും ശാരീ​രിക സുഖത്തി​ലും മുഴു​ശ്ര​ദ്ധ​യും നൽകാൻ തുടങ്ങി.”

ഐക്യ​നാ​ടു​ക​ളി​ലോ? ഗ്രുവർ ഇപ്രകാ​രം പറയുന്നു: “മിക്ക അമേരി​ക്ക​ക്കാ​രും, സാധന​ങ്ങ​ളു​ടെ​യും വസ്‌തു​ക്ക​ളു​ടെ​യും വില അനിശ്ചി​ത​മാ​യി വർദ്ധി​ക്കു​മെ​ന്നും, ഇന്ന്‌ എന്തെങ്കി​ലും സാധനം വാങ്ങുന്ന ഒരു വ്യക്തിക്ക്‌ അത്‌ നാളെ ലാഭത്തി​നു വിൽക്കാൻ കഴിയു​മെ​ന്നും വിശ്വ​സി​ക്കു​ന്ന​താ​യി തോന്നി. . . . വികസി​ച്ചു​കൊ​ണ്ടി​രുന്ന സമ്പദ്‌ വ്യവസ്ഥി​തി​യിൽ പണം ഉണ്ടാക്കു​ന്ന​തി​നു​വേണ്ടി ബാർബർമാ​രും സ്‌റ്റെ​നോ​ഗ്രാ​ഫർമാ​രും എലി​വേ​റ്റർ ബോയ്‌സും തങ്ങളുടെ അവസരം പിടി​ച്ചെ​ടു​ത്ത​തി​നാൽ സ്‌റ്റോ​ക്കു​ക​ളി​ലെ ഊഹക്ക​ച്ച​വടം വിപുല വ്യാപ​ക​മാ​യി​ത്തീർന്നു.”

അറ്റ്‌ലാൻറി​ക്കി​ന്റെ ഇരുക​ര​ക​ളി​ലും അതിന്റെ ധാർമ്മി​ക​ത​ക​ളി​ലും മനോ​ഭാ​വ​ങ്ങ​ളി​ലും സംഗീ​ത​ങ്ങ​ളി​ലും ആ കാലഘ​ട്ട​ത്തി​ന്റെ സന്തുഷ്ട—ഭാഗ്യ—ഉദ്യമ, ഭൗതി​കത്വ ആത്മാവ്‌ പ്രതി​ഫ​ലി​ച്ചി​രു​ന്നു. അന്നത്തെ സംഗീ​ത​ത്തെ​ക്കു​റിച്ച്‌ ഗ്രുവർ ഇപ്രകാ​രം പറയുന്നു: “1920-കളിലെ ജനസമ്മ​തി​യാർജ്ജിച്ച സംഗീതം പാരമ്പ​ര്യ​ത്തി​ന്റെ ഒരു തിരസ്‌ക്ക​ര​ണ​വും അന്തഃ​പ്ര​ചോ​ദ​ന​ത്തി​നും വ്യക്തി പ്രഭാ​വ​ത്തി​നും വിഷയാ​സ​ക്തി​ക്കും ഒരു പുതിയ ഊന്നലും പ്രകട​മാ​ക്കി.” 20-ാം നൂറ്റാ​ണ്ടി​ന്റെ സംഗീ​ത​ത്തി​നു​വേ​ണ്ടി​യുള്ള ഐക്യ​നാ​ടു​ക​ളു​ടെ സംഭാ​വ​ന​യായ ജാസ്സ്‌ ഇപ്പോൾ അംഗീ​ക​രി​ക്ക​പ്പെ​ട്ടി​രു​ന്നു. അത്‌ “അടക്കത്തി​ന്റെ​യും ആദരണീ​യ​ത​യു​ടെ​യും മേലുള്ള ഒരു തലമു​റ​യു​ടെ അവജ്ഞയെ പ്രതി​നി​ധീ​ക​രി​ക്കുന്ന സംഗീത”മായി​രു​ന്നു. ദീർഘ​നാ​ളാ​യി അംഗീ​ക​രി​ക്ക​പ്പെ​ട്ടി​രുന്ന നടത്തയു​ടെ​യും മൂല്യ​ങ്ങ​ളു​ടെ​യും നിലവാ​ര​ങ്ങ​ളു​ടെ ഈ തിരസ്‌ക്ക​രണം എഴുത്തു​കാ​ര​നായ എഫ്‌. സ്‌കോട്ട്‌ ഫിറ്റ്‌സ്‌ ജെറാൾഡ്‌ 1920-കളെ ജാസ്സ്‌ യുഗം എന്നു പരാമർശി​ക്കാൻ ഇടയാക്കി. ജാസ്സിന്‌ അതി​വേഗം ലോക​വ്യാ​പക അംഗീ​ക​രണം ലഭിച്ച​തു​പോ​ലെ​തന്നെ, അതിനാൽ പ്രതി​നി​ധീ​ക​രി​ക്ക​പ്പെട്ട ഉല്ലാസാ​നു​ധാ​വ​ന​ത്തി​നും അംഗീ​കാ​രം ലഭിച്ചു.

ഈ യുദ്ധാ​നന്തര കാലഘ​ട്ട​ത്തിന്‌ ഇരച്ചു കയറിയ ഇരുപ​തു​കൾ എന്ന്‌ ആദ്യമാ​യി പേർ വിളി​ച്ച​താ​രാ​ണെ​ന്നതു സംബന്ധിച്ച്‌ അഭി​പ്രായ വ്യത്യാ​സം ഉണ്ടായി​രി​ക്കാം. എന്നാൽ ആ പേരിന്റെ ഔചി​ത്യം സംബന്ധിച്ച്‌ അഭി​പ്രായ വ്യത്യാ​സം ഉണ്ടായി​രി​ക്കാൻ സാദ്ധ്യ​ത​യില്ല. “ഇരച്ചു കയറൽ” എന്നതിന്റെ ഒരു നിർവ്വ​ചനം, “സമൃദ്ധി​യാൽ അടയാ​ള​മി​ട​പ്പെ​ടു​ന്നു . . . പ്രത്യേ​കി​ച്ചും ഒരു താല്‌ക്കാ​ലിക പ്രകൃ​തി​യാൽ” എന്നാണ്‌. 1920-കൾക്ക്‌ അത്‌ നിശ്ചയ​മാ​യും അനു​യോ​ജ്യ​മാണ്‌. അവ സമൃദ്ധി​യിൽ അടയാ​ള​പ്പെ​ടു​ത്ത​പ്പെ​ട്ട​തും ഉല്ലാസ​ത്തി​നും സമ്പത്തി​നും സംതൃ​പ്‌തി​ക്കും വേണ്ടി​യുള്ള അനവര​ത​മായ തേട്ടത്താൽ വിശേ​ഷ​വൽക്ക​രി​ക്ക​പ്പെ​ട്ട​തു​മായ ആണ്ടുക​ളാ​യി​രു​ന്നു. എന്നിരു​ന്നാ​ലും ആ പതിറ്റാ​ണ്ടു തീരു​ന്ന​തി​നു വളരെ മുമ്പു​തന്നെ “നല്ല കാലങ്ങൾ” താല്‌ക്കാ​ലിക പ്രകൃതം മാത്രം ഉള്ളതാ​യി​രു​ന്നു എന്നതി​നുള്ള ആപൽസൂ​ച​നകൾ ലഭിച്ചി​രു​ന്നു.

രാഷ്‌ട്രീയ പിരി​മു​റു​ക്ക​ത്തി​ന്റെ കാർമേ​ഘങ്ങൾ ഉരുണ്ടു​കൂ​ടു​ന്നു

സർവ്വരാ​ജ്യ​സ​ഖ്യം 1920-കളി​ലെ​ല്ലാം സമാധാന പുനഃ​സ്ഥാ​പ​ന​ത്തി​നു​വേ​ണ്ടി​യുള്ള അതിന്റെ ലോല​മായ യത്‌നം തുടർന്നു. ഇത്‌ അത്യന്തം പ്രയാ​സ​ക​ര​മാ​യി​രു​ന്നു. ജർമ്മനി​യി​ലെ ടുബിഞ്ചൻ യൂണി​വേ​ഴ്‌സി​റ്റി​യി​ലെ ആധുനിക ചരി​ത്ര​ത്തി​ന്റെ പ്രൊ​ഫ​സ​റായ ഗെർഹാർഡ്‌ ഷൂൾസ്‌ ഇപ്രകാ​രം വിശദീ​ക​രി​ക്കു​ന്നു: “പ്രാരംഭ രാഷ്‌ട്രീയ, ധാർമ്മിക, സാമ്പത്തിക സമാധാ​ന​ത്തി​ന്റെ ഭാരങ്ങൾ, ദേശീ​യ​ത്വം ലോക​യു​ദ്ധത്തെ അതിജീ​വി​ച്ചി​രു​ന്നു, യഥാർത്ഥ​ത്തിൽ വീണ്ടും തീകൊ​ളു​ത്ത​പ്പെ​ടു​ക​പോ​ലും ചെയ്‌തി​രു​ന്നു എന്ന വസ്‌തുത മൂലം വർദ്ധിച്ചു.” ഇറ്റലി​യിൽ ദേശീ​യ​ത്വം ബനി​റ്റോ മുസോ​ളി​നി​യു​ടെ കീഴിലെ ഫാസി​സ​ത്തി​ന്റെ രൂപത്തി​ലും ജപ്പാനിൽ വർദ്ധിച്ച മിലി​റ​റ്റി സ്വാധീ​ന​ത്തി​ന്റെ രൂപത്തി​ലു​മാ​യി​രു​ന്നു വീണ്ടും തീകൊ​ളു​ത്ത​പ്പെ​ട്ടത്‌. റഷ്യയിൽ 1917-ഒക്‌ടോ​ബർ വിപ്ലവത്തെ തുടർന്ന്‌ കമ്മ്യൂ​ണി​സ​ത്തി​ന്റെ ശക്തി ഉറപ്പി​ച്ച​ശേഷം ചൈന​യി​ലേക്ക്‌ അത്‌ അതി​ക്ര​മി​ച്ചു കടന്നു. ഈ എല്ലാ ദേശീ​യ​ത്വ​വും സർവ്വരാ​ജ്യ സഖ്യത്തി​ന്റെ താല്‌പ​ര്യ​ങ്ങൾക്ക്‌ എതിരെ പ്രവർത്തി​ച്ചു.

ഇതിനി​ട​യിൽ, ജർമ്മനി​യിൽ നാഷനൽ സോഷ്യ​ലി​സ്‌റ്റു​കൾ, ആരംഭ​ത്തിൽ “നാസികൾ” എന്ന്‌ അധി​ക്ഷേ​പി​ച്ചു​വി​ളി​ക്ക​പ്പെട്ട പരിഹാ​സ​പേ​രി​നാൽ പിന്നീട്‌ അറിയ​പ്പെ​ടാ​നി​ട​യാ​യി​ത്തീർന്ന​വർക്ക്‌ പിൻതുണ ലഭിച്ചു. 1928-ൽ അവരുടെ അത്യാ​ഡം​ബ​രി​യായ നേതാ​വാ​യി​രുന്ന അഡോൾഫ്‌ ഹിറ്റ്‌ലർ ഇപ്രകാ​രം പറഞ്ഞ​പ്പോൾ ദേശീ​യ​ത്വ​ത്തിന്‌ വീണ്ടും തീകൊ​ളു​ത്തു​ന്ന​തി​നു​വേണ്ടി വാദിച്ചു: “നമ്മുടെ ജനതയെ ഒന്നാമ​താ​യി സാർവ്വ​ദേ​ശീ​യ​ത്വ​ത്തി​ന്റെ പ്രത്യാ​ശ​യി​ല്ലാത്ത കുഴപ്പ​ത്തിൽനിന്ന്‌ സ്വത​ന്ത്ര​രാ​ക്കു​ക​യും മനഃപൂർവ്വ​മാ​യും ക്രമീ​കൃ​ത​മാ​യും അതീവ​മായ ദേശീ​യ​ത്വ​ത്തിൽ പരിശീ​ലി​പ്പി​ക്ക​യും വേണം. . . . ഈ ലോക​ത്തിൽ ഒരു ന്യായ​മേ​യു​ള്ളു, അത്‌ ഒരുവന്റെ സ്വന്തം ശക്തിയിൽ സ്ഥിതി​ചെ​യ്യു​ക​യും ചെയ്യുന്നു.”

ഐക്യ​നാ​ടു​ക​ളിൽ ദേശീ​യ​ത്വം ഒറ്റ​പ്പെ​ട്ടു​നിൽക്കുന്ന രാഷ്‌ട്രീയ നയത്തിന്റെ രൂപത്തിൽ പ്രത്യ​ക്ഷ​പ്പെ​ട്ടും അധിക​മ​ധി​കം അമേരി​ക്ക​ക്കാർ, യൂറോപ്പ്‌ അതിന്റെ സ്വയം​കൃ​ത​മായ കുഴപ്പ​ത്തി​ന്റെ ഫലം അനുഭ​വി​ക്കു​ന്ന​തിന്‌ അനുവ​ദി​ക്കു​ന്ന​തി​ന​നു​കൂ​ല​മാ​യി​രു​ന്നു. അവർ, “വിശുദ്ധ നാമ​ത്തോ​ടു​കൂ​ടിയ ദുഷിച്ച വസ്‌തു” എന്നു ചിലർ വിളിച്ച സർവ്വരാ​ജ്യ​സ​ഖ്യ​ത്തി​നും എതിരാ​യി​രു​ന്നു. പ്രസി​ഡൻറ്‌ വിൽസന്റെ അഭ്യർത്ഥ​നകൾ ഉണ്ടായി​രു​ന്നി​ട്ടും കോൺഗ്രസ്സ്‌ ആ കാലത്തു നിലവി​ലി​രുന്ന ആത്മാവി​നു കീഴ്‌പ്പെ​ടു​ക​യും 1920-ൽ ഐക്യ​രാ​ഷ്‌ട്ര​ത്തി​ലെ അംഗത്വ​ത്തി​നെ​തി​രെ​വോ​ട്ടു ചെയ്യു​ക​യും ചെയ്‌തു.

ഈ ഉരുണ്ടു​കൂ​ടിയ രാഷ്‌ട്രീയ പിരി​മു​റു​ക്ക​ത്തിൽ ഒളിഞ്ഞു​കി​ടന്ന സ്വതസി​ദ്ധ​മായ അപകടങ്ങൾ, അവ അധിക​മാ​യും ശ്രദ്ധി​ക്ക​പ്പെ​ടാ​തെ പോവു​ക​യോ അഥവാ കേവലം അവഗണി​ക്ക​പ്പെ​ടു​ക​യോ ചെയ്‌തു എന്ന വസ്‌തു​ത​യാൽ സ്‌പഷ്ട​മാ​ക്ക​പ്പെട്ടു. എന്നിട്ടും, ആരും ഒരിക്ക​ലും അനുഭ​വി​ക്കാഞ്ഞ കൂടുതൽ ഭയാന​ക​വും വിനാ​ശ​ക​ര​വു​മായ ഒരു കൊടു​ങ്കാ​റ്റിന്‌ അടിത്തറ പാകു​മാ​യി​രു​ന്നു.

സാമൂ​ഹ്യ​മാ​റ്റ​ത്തി​ന്റെ കൊടു​ങ്കാ​റ്റു​കൾ

ഭീഷണി​പ്പെ​ടു​ത്തിയ രാഷ്‌ട്രീയ കാർമേ​ഘ​ങ്ങ​ളോ​ടൊത്ത്‌ സാമൂ​ഹ്യ​മാ​റ്റ​ത്തി​ന്റെ കൊടു​ങ്കാ​റ്റു​ക​ളും വന്നു. ആളുകൾ അതുവരെ അറിയ​പ്പെ​ടാ​തി​രുന്ന ഒരു കൺസ്യൂ​മർ മാർക്ക​റ്റി​നാൽ പിടി​ക്ക​പ്പെ​ട്ട​തി​നാൽ മനോ​ഭാ​വ​ങ്ങ​ളും നിലവാ​ര​ങ്ങ​ളും വ്യത്യാ​സ​പ്പെട്ടു. ആദ്യമാ​യി, യാന്ത്രി​ക​വാ​ഹ​നങ്ങൾ, റേഡി​യോ​കൾ, റഫ്രി​ജ​റ്റേ​റ്റു​കൾ മുതലായ ആധുനിക സൗകര്യ​ങ്ങൾ ആവശ്യ​മായ അളവിൽ ഓരോ​രു​ത്തർക്കും വിതരണം ചെയ്യത്ത​ക്ക​വണ്ണം ഉല്‌പാ​ദി​പ്പി​ക്കാൻ കഴിഞ്ഞു. അവയുടെ വില്‌പ​നയെ ത്വരി​ത​പ്പെ​ടു​ത്തു​ന്ന​തിന്‌ പരസ്യ വ്യവസാ​യം ഒരു കോടി​ക്ക​ണ​ക്കി​നു രൂപയു​ടെ ബിസ്സി​ന​സ്സാ​യി അതി​വേഗം വികസി​ച്ചു. അത്‌, ആളുകൾക്ക്‌ സാദ്ധ്യ​ത​യ​നു​സ​രിച്ച്‌ ആവശ്യ​മി​ല്ലാ​ഞ്ഞ​തോ ചില​പ്പോൾ ആഗ്രഹി​ക്കാ​ഞ്ഞ​തോ പോലു​മോ ആയതും പലപ്പോ​ഴും തങ്ങൾക്ക്‌ അങ്ങനെ ചെയ്യാൻ ഇല്ലാഞ്ഞ​പണം കൊണ്ട്‌ വസ്‌തു​ക്കൾ വാങ്ങു​ന്ന​തിന്‌ ബോദ്ധ്യ​പ്പെ​ടു​ത്തു​ന്ന​തി​നും കഠിന​ശ്രമം ചെയ്യു​ന്ന​തി​നും കടം കിട്ടാ​നുള്ള എളുപ്പ​മാർഗ്ഗ​ങ്ങ​ളും ഇൻസ്‌റ്റാൾമെൻറ്‌ പദ്ധതി​ക​ളും ആനയിച്ചു.a റേഡി​യോ​യിൽ അത്‌ അതിന്റെ ലക്ഷ്യം നേടു​ന്ന​തിന്‌ ഒരു ശക്തമായ മാദ്ധ്യമം കണ്ടെത്തി, അത്‌ അതിന്റെ മുഴു പ്രയോ​ജ​ന​വും എടുക്കു​ക​യും ചെയ്‌തു.

ഇപ്പോൾ ലഭ്യമായ എല്ലാത്തരം പുതിയ യന്ത്രോ​പാ​യ​ങ്ങ​ളും സമയവും ഊർജ്ജ​വും ലഭിക്കു​ന്നു എങ്കിലും എപ്പോ​ഴും വിലമ​തി​ക്ക​പ്പെ​ടു​ന്നില്ല; അവ പ്രോ​ത്സാ​ഹി​പ്പി​ച്ചു എന്ന്‌ ചിലർ വിചാ​രിച്ച മടി, അലക്ഷ്യ ജീവിതം, കളങ്കമുള്ള ചായ്‌വു​കൾ എന്നിവ​യും അങ്ങനെ​തന്നെ. ദൃഷ്ടാ​ന്ത​ത്തിന്‌, ഒരു പ്രായ​മുള്ള സ്‌ത്രീ ആദ്യമാ​യി തന്റെ പലചരക്കു കടയിൽ മുറിച്ച റൊട്ടി കണ്ടെത്തി​യ​പ്പോൾ അതിയാ​യി വൈഷ​മ്യ​മ​നു​ഭ​വി​ച്ചു. അവിശ്വാ​സ​ത്താൽ തന്റെ തല കുലു​ക്കി​ക്കൊണ്ട്‌ അവൾ ഇപ്രകാ​രം മുറു​മു​റു​ത്തു: “ആളുകൾ തങ്ങളുടെ സ്വന്തം റൊട്ടി​മു​റി​ക്കാൻ പ്രയാ​സ​മാ​ക​ത്ത​ക്ക​വണ്ണം അത്ര മടിയു​ള്ള​വ​രാ​ണെ​ങ്കിൽ, ലോകം എവിടെ വന്നെത്തി​യി​രി​ക്കു​ന്നു എന്നു നിങ്ങൾ യഥാർത്ഥ​ത്തിൽ അതിശ​യി​ക്കു​ന്നു​ണ്ടാ​യി​രി​ക്കും.” ഇന്ന്‌ അവൾ എന്തു ചിന്തി​ക്കു​ന്നു​ണ്ടാ​യി​രി​ക്കും?

എന്നാൽ സാഹച​ര്യം യഥാർത്ഥ​ത്തിൽ ഇതി​നെ​ക്കാൾ ഗൗരവ​ത​ര​മാ​യി​രു​ന്നു. പരസ്യ​ലോ​കം വളരെ ആകർഷ​ക​മാ​ക്കി​യി​രുന്ന ഉല്‌പ​ന്ന​ങ്ങ​ളു​ടെ ലഭ്യത ആളുക​ളു​ടെ ശ്രദ്ധ ആത്മീയ ആവശ്യ​ങ്ങ​ളിൽ നിന്ന്‌ സാവകാ​ശം മാറു​ന്ന​തി​നും ഭൗതിക വസ്‌തു​ക്ക​ളിൽ കേന്ദ്രീ​ക​രി​ക്കു​ന്ന​തി​നും ഇടയാക്കി. വ്യവസ്ഥാ​പി​ത​മതം ആവശ്യ​മായ ആത്മീയ മാർഗ്ഗ​ദർശനം പ്രദാനം ചെയ്യു​ന്ന​തിൽ വളരെ മുമ്പു​തന്നെ പരാജ​യ​പ്പെ​ട്ടു​ക​ഴി​ഞ്ഞി​രു​ന്നു, ദൈവ​ത്തിൽ നിന്നുള്ള ഈ വിട്ടു​പോക്ക്‌ തടയു​ന്ന​തിൽ നിസ്സഹാ​യ​വു​മാ​യി​രു​ന്നു. വർദ്ധിച്ച സംഖ്യ ആളുകൾ മാനുഷ സിദ്ധാ​ന്ത​ങ്ങ​ളും തത്വശാ​സ്‌ത്ര​ങ്ങ​ളും ഉന്നമി​പ്പി​ക്കാൻ തുടങ്ങി. ദൃഷ്ടാ​ന്ത​ത്തിന്‌ ഗ്രുവർ പറഞ്ഞതു​പോ​ലെ, സിഗ്മൺഡ്‌ ഫ്രോ​യി​ഡി​ന്റെ “പുതിയ മാനസി​കാ​പ​ഗ്രഥന ശാസ്‌ത്രം അതിൽ തന്നെയും അതിന്റെ സ്വന്തം അനുഭ​വ​ങ്ങ​ളി​ലും അതീവ തൽപര​രായ ഒരു തലമു​റയെ അതിശ​യി​പ്പി​ച്ചു.”

ഡാർവി​ന്റെ പരിണാ​മ​വാ​ദ​സി​ദ്ധാ​ന്ത​വും ദൈവ​ത്തി​ലും ബൈബി​ളി​ലു​മുള്ള വിശ്വാ​സത്തെ നഷ്ടപ്പെ​ടു​ത്താൻ സഹായി​ച്ചു. യൂറോ​പ്പാ സ്വിഷെൻ ഡെൻ ക്രിഗെൻ (യുദ്ധങ്ങൾക്കി​ട​യി​ലെ യൂറോപ്പ്‌) എന്ന പുസ്‌തകം പറയു​ന്ന​തു​പോ​ലെ ലോക​ച​രി​ത്ര​ത്തിൽ അതിന്റെ സ്വാധീ​നത്തെ വിലകു​റച്ചു കാണരുത്‌. അർഹത​യു​ള്ള​തി​ന്റെ അതിജീ​വനം പ്രകൃ​തി​യു​ടെ ഒരു നിയമ​മാ​ണെന്നു ദൃഢമാ​യി വിശ്വ​സി​ച്ചി​രുന്ന ഹിറ്റ്‌ലറെ “ഒരു യഥാർത്ഥ സാമൂഹ്യ ഡാർവി​നി​സ്‌റ്റ്‌” എന്ന്‌ അത്‌ വിളിച്ചു. അതിന്റെ എഴുത്തു​കാ​ര​നായ ഹെർമൻ ഗ്രാമൽ, “യുദ്ധം സംബന്ധിച്ച്‌ അയാളു​ടെ വിശ്വാ​സം, അത്‌ രാജ്യ​ത്തി​ന്റെ സ്വന്തം ജനങ്ങളെ ശക്തി​പ്പെ​ടു​ത്തു​ന്ന​തി​നാ​വ​ശ്യ​മാ​യ​തും യഥാർത്ഥ രാജ്യ​ത​ന്ത്ര​ജ്ഞനെ ആവർത്തിച്ച്‌ വെളി​പ്പെ​ടു​ത്തു​ന്ന​തി​നു ശ്രമി​ക്കു​ന്ന​തു​മായ പൂർണ്ണ​മാ​യും സാധാ​ര​ണ​മായ ദേശീയ ഇടപാട്‌ ആയിരു​ന്നു” എന്ന്‌ വിശദീ​ക​രി​ക്കു​ന്നു.

തീർച്ച​യാ​യും എല്ലാവ​രും, സാമൂ​ഹ്യ​മാ​റ്റ​ത്തി​ന്റെ കൊടു​ങ്കാ​റ്റ്‌, ദൈവ​ത്തി​ലും അവന്റെ വചനത്തി​ലു​മുള്ള തങ്ങളുടെ വിശ്വാ​സത്തെ ദുർബ​ല​പ്പെ​ടു​ത്താൻ അനുവ​ദി​ക്ക​യില്ല. ചിലർ ആധുനിക സാങ്കേ​തിക വിദ്യയെ, ദൃഷ്ടാ​ന്ത​ത്തിന്‌ റേഡി​യോ​യെ തങ്ങളുടെ സ്രഷ്ടാ​വി​നു​വേണ്ടി പ്രതി​വാ​ദം നടത്തു​ന്ന​തിന്‌ സഹായ​ക​മാ​യി ഉപയോ​ഗി​ച്ചു. ഇത്‌ സ്വാർത്ഥ വ്യാപാര താല്‌പ​ര്യ​ങ്ങ​ളു​ടെ അനുധാ​വ​ന​ങ്ങൾക്കു​വേ​ണ്ടി​മാ​ത്രം റേഡി​യോ തരംഗ​ങ്ങളെ ഉപയോ​ഗി​ക്കു​ന്ന​തിൽ നിന്ന്‌ തികച്ചും വിഭി​ന്ന​മാ​യി​രു​ന്നു. 1924-ൽ വാച്ച്‌ടവർ സൊ​സൈ​റ്റി​യു​ടെ ക്രിസ്‌തീയ സഹകാ​രി​ക​ളു​ടെ ഒരു കൂട്ടം ന്യൂ​യോർക്ക്‌ സിറ്റി​യി​ലെ ആദ്യത്തെ വ്യാപാ​ര​പ​ര​മ​ല്ലാത്ത റേഡി​യോ സ്‌റ്റേഷൻ ആയിരുന്ന WBBR ഉൽഘാ​ടനം ചെയ്‌തു. അവർ അത്‌ 1957-ൽ മൂന്നു ദശകത്തി​ല​ധി​കം കാലം ദൈവ​രാ​ജ്യ താല്‌പ​ര്യ​ങ്ങൾക്കും ഉദ്ദേശ്യ​ങ്ങൾക്കും​വേണ്ടി പ്രവർത്തി​പ്പി​ച്ച​ശേഷം വിറ്റു.

ഇരച്ചു​ക​യ​റിയ ഇരുപ​തു​ക​ളും “അലറുന്ന ഒരു സിംഹ​വും”

“സ്വസ്‌നേ​ഹി​കൾ, പണസ്‌നേ​ഹി​കൾ, സ്വാഭി​മാ​നി​കൾ. . . . ദൈവ​സ്‌നേ​ഹ​ത്തേ​ക്കാൾ ഉല്ലാസ​പ്രി​യർ, ദൈവ​ഭ​ക്തി​യു​ടെ ഒരു ബാഹ്യ​രൂ​പം എന്നാൽ അതിന്റെ ശക്തി വ്യാജ​മെന്നു തെളി​യി​ക്കു​ന്നു.” ഇരച്ചു​ക​യ​റിയ ഇരുപ​തു​ക​ളു​ടെ ഒരു വിവരണം? ക്രിസ്‌തീയ അപ്പോ​സ്‌ത​ല​നായ പൗലോസ്‌ ഉദ്ദേശം രണ്ടായി​രം വർഷങ്ങൾക്കു​മുമ്പ്‌ എഴുതി​യ​താ​യി​രു​ന്നു ഈ വാക്കുകൾ എങ്കിലും, അതെ, ഇവിടെ പ്രതി​പാ​ദി​ച്ചി​ട്ടുള്ള മാനുഷ ബലഹീ​ന​തകൾ പണോൻമു​ഖ​വും ഉല്ലാസ​ഭ്രാ​ന്തു​പി​ടി​ച്ച​തും ആത്മീയ​മാ​യി ശുഷ്‌ക്കി​ച്ച​തു​മായ ഇരച്ചു​ക​യ​റിയ ഇരുപ​തു​ക​ളി​ലെ സമൂഹ​ത്തിൽ അധികം പ്രകട​മാ​യി​ത്തീർന്നത്‌ ആകസ്‌മി​ക​മ​ല്ലാ​യി​രു​ന്നു. പൗലോസ്‌ “അന്ത്യനാ​ളു​കൾ” എന്നു വിളിച്ച കാലഘ​ട്ട​ത്തി​ലേക്ക്‌ ലോകം നീങ്ങി​യെ​ന്ന​തി​ന്റെ തെറ്റി​ല്ലാത്ത സൂചന​യാണ്‌ അത്‌. “പിശാച്‌ . . . അലറുന്ന ഒരു സിംഹ​ത്തെ​പ്പോ​ലെ” ആളുകളെ തങ്ങളുടെ സ്രഷ്ടാ​വിൽനിന്ന്‌ തിരി​ച്ചു​ക​ള​യാൻ തന്റെ പ്രവർത്ത​നത്തെ വർദ്ധി​പ്പി​ച്ചു എന്നും അതു സൂചി​പ്പി​ക്കു​ന്നു.—2 തിമൊ​ഥെ​യോസ്‌ 3:1-5; 1 പത്രോസ്‌ 5:8.

ഇതിനു വിപരീ​ത​മാ​യി വാച്ച്‌ടവർ സൊ​സൈ​റ്റി​യു​മാ​യി സഹവസി​ച്ചി​രുന്ന ക്രിസ്‌ത്യാ​നി​കൾ സത്യമ​ത​ത്തി​ന്റെ പ്രതി​രോ​ധ​ത്തി​നാ​യി തങ്ങളു​ടെ​തന്നെ പ്രവർത്ത​നത്തെ വർദ്ധി​പ്പി​ക്കാൻ തുടങ്ങി. 1922-ൽ ആസന്നമാ​യി​രി​ക്കുന്ന ദൈവ​രാ​ജ്യ​ത്തെ പ്രസി​ദ്ധ​മാ​ക്കാൻ രൂപകൽപ്പന ചെയ്‌തി​രുന്ന ഒരു പരസ്യ​പ്ര​സ്ഥാ​നത്തെ തീവ്ര​മാ​ക്കി. 1927-ൽ ബൈബിൾ സാഹി​ത്യ​ങ്ങ​ളു​ടെ അച്ചടി​സൗ​ക​ര്യ​ത്തി​നാ​യി ബ്രൂക്ലി​നിൽ തങ്ങളുടെ സ്വന്തം ഫാക്ടറി നിർമ്മി​ച്ചു. “പരസ്യ​പ്പെ​ടു​ത്തു​ന്ന​വ​രു​ടെ” സംഖ്യ അപ്പോ​ഴും ചെറു​താ​യി​രു​ന്നു. എന്നിരു​ന്നാ​ലും 1928-ൽ ഇരച്ചു​ക​യ​റിയ ഇരുപ​തു​കൾ അതിന്റെ അവസാ​ന​ത്തോ​ട​ടു​ത്ത​പ്പോൾ ലോക​ത്തി​നു​ചു​റ്റും 32 രാജ്യ​ങ്ങ​ളി​ലാ​യി അവരിൽ 44,080 പേർ ദൈവ​രാ​ജ്യം പ്രസം​ഗി​ക്കു​ന്നു​ണ്ടാ​യി​രു​ന്നു. “അലറുന്ന സിംഹം” ഇതു തടയു​ന്ന​തിന്‌ അശക്തനാ​യി​രു​ന്നു.

അവരുടെ ദൂത്‌ എല്ലായി​ട​ത്തും ഒന്നുത​ന്നെ​യാ​യി​രു​ന്നു: ദൈവ​രാ​ജ്യ​ത്തിൽ ഒരുവന്റെ ആശ്രയ​ത്വം വെക്കു​ന്ന​തി​നു​പ​കരം ഭൗതി​ക​ത്വ​ത്തി​ലും മാനുഷ സിദ്ധാ​ന്ത​ങ്ങ​ളി​ലും രാഷ്‌ട്രീയ പദ്ധതി​ക​ളി​ലും വെക്കു​ന്ന​തി​ന്റെ വിഡ്‌ഢി​ത്തം. 1926 ജൂലൈ 15 വാച്ച്‌ടവർ ഇപ്രകാ​രം പറഞ്ഞു​കൊണ്ട്‌ സർവ്വരാ​ജ്യ​സ​ഖ്യം ദൈവ​ത്തി​നെ​തി​രാ​ണെന്ന്‌ വ്യക്തമാ​യും പ്രഖ്യാ​പി​ച്ചു: “അത്‌ മശിഹാ​യു​ടെ രാജ്യ​ത്തി​നു​പ​കരം നിൽക്കു​ന്ന​താ​ണെ​ന്നുള്ള പുരോ​ഹി​ത​വൃ​ന്ദ​ത്തി​ന്റെ അംഗീ​കാ​രം ലോക ജനതക​ളു​ടെ​മേൽ ഭയങ്കര അന്ധകാരം നിഴലി​ടാൻ ഇടയാക്കി. . . . കർത്താവ്‌ അതിന്റെ ജനന​ത്തെ​യും അതിന്റെ ചുരു​ങ്ങിയ അസ്‌തി​ത്വ​ത്തെ​യും അതിന്റെ നിത്യ​മായ നാശ​ത്തെ​യും മുൻകൂ​ട്ടി പറഞ്ഞി​രു​ന്നു.—വെളി​പ്പാട്‌ 17:10, 11; യെശയ്യാവ്‌ 8:9, 10.”

ഈ ക്രിസ്‌ത്യാ​നി​കൾക്ക്‌, ദൈവ​ത്തി​ന്റെ ന്യായ​വി​ധി​യു​ടെ കൊടു​ങ്കാ​റ്റ്‌ അതി​വേഗം അടുത്തു​വ​രി​ക​യാ​യി​രു​ന്നു എന്ന്‌ ബോദ്ധ്യ​മു​ണ്ടാ​യി​രു​ന്നു. എന്നാൽ ആദ്യം, ഇരമ്പി​ക്ക​യ​റിയ ഇരുപ​തു​കൾ മറ്റൊ​രു​വി​ധ​ത്തി​ലുള്ള കൊടു​ങ്കാ​റ്റ്‌, ഒരു സാമ്പത്തിക കൊടു​ങ്കാ​റ്റ്‌ അപ്രതീ​ക്ഷിത വേഗത​യിൽ അടിക്കു​ന്ന​തി​നാ​യി അവസാ​നി​ച്ചു. അത്‌ തിരിച്ച്‌, “യുദ്ധം” എന്ന വാക്കിന്‌ പുതിയ അർത്ഥം നൽകി​ക്കൊണ്ട്‌ ഒരു രാഷ്‌ട്രീയ കൊടു​ങ്കാ​റ്റിന്‌ വഴി​യൊ​രു​ക്കി. അടുത്ത ലക്കം ഉണരുക! യിൽ ഈ പരമ്പര​യു​ടെ രണ്ടാം​ഭാ​ഗം: “ലോക​വ്യാ​പക സാമ്പത്തിക മാന്ദ്യം, വീണ്ടും യുദ്ധത്തി​ലേ​ക്കും” വായി​ക്കുക. (g87 3/8)

[അടിക്കു​റി​പ്പു​കൾ]

[13-ാം പേജിലെ ചതുരം]

വാർത്ത ഉളവാ​ക്കിയ മറ്റ്‌ ഇനങ്ങൾ

1919—ആസ്‌ട്രി​യാ, ഫ്രാൻസ്‌, നെതർലാൻഡ്‌സ്‌, സ്വീഡൻ, സ്‌പെ​യിൻ, യുഗോ​സ്ലാ​വി​യാ എന്നീ രാജ്യങ്ങൾ എട്ടു മണിക്കൂർ ജോലി​സ​മയം സ്വീക​രി​ക്കു​ന്നു

1920—ഇൻഡ്യ​യിൽ മോഹൻദാസ്‌ ഗാന്ധിക്ക്‌ തന്റെ അക്രമ​ര​ഹിത പ്രതി​ഷേ​ധ​പ്ര​സ്ഥാ​ന​ത്തിന്‌ പിൻതുണ ലഭിക്കു​ന്നു

ഐക്യനാടുകൾ സ്‌ത്രീ​കൾക്ക്‌ വോട്ട​വ​കാ​ശം നൽകുന്നു. (ന്യൂസി​ലാൻഡ്‌ ഉൾപ്പെടെ കുറഞ്ഞത്‌ 13 മറ്റു രാജ്യങ്ങൾ നേരത്തെ 1893-ൽ നൽകി​യി​രു​ന്നു)

1921—പ്രമേ​ഹ​രോ​ഗ​ത്തിന്‌ ഇൻസു​ലിൻ ചികി​ത്സ​യു​ടെ കണ്ടുപി​ടു​ത്തം

1922—യൂണിയൻ ഓഫ്‌ സോവി​യ​റ്റ്‌ സോഷ്യ​ലി​സ്‌റ്റ്‌ റിപ്പബ്ലി​ക്ക്‌സി​ന്റെ ഔദ്യോ​ഗിക രൂപീ​ക​ര​ണം

1923—ടോക്കി​യോ ഭൂകമ്പ​ത്തിൽ ശതസഹ​സ്ര​ത്തി​ല​ധി​കം പേരുടെ മരണം

1924—ഡെറ്റ​റോ​യ്‌റ്റ്‌ അസംബ്ലി​ലൈ​നിൽനിന്ന്‌ ഒരു കോടി ഫോർഡ്‌ റോൾസ്‌; അതിന്റെ T മാതൃക 3000 രൂപയിൽ താഴെ വിലയ്‌ക്കു വില്‌ക്കു​ന്നു

1925—ബ്രിട്ട​നി​ലും ജർമ്മനി​യി​ലും ഐക്യ​നാ​ടു​ക​ളി​ലും ആദ്യത്തെ ടെലി​വി​ഷ​നു​വേണ്ടി ശ്രമം നടത്തുന്നു

1926—ആദ്യത്തെ വിജയ​പ്രദ ലിക്വഡ്‌—ഫ്യൂയൽ—റോക്ക​റ്റി​ന്റെ പറക്കൽ; റോക്ക​റ്റ്‌ 2.5 സെക്കൻറു​കൊണ്ട്‌ 56 മീറ്റർ പറക്കുന്നു

1927—ചാൾസ്‌ ലിൻഡ്‌ബേർഗ്‌ തനിച്ച്‌ ന്യൂ​യോർക്കിൽ നിന്ന്‌ പാരീ​സി​ലേക്ക്‌ ആദ്യമാ​യി നിർത്താ​തെ പറക്കുന്നു

ബെൽജിയൻ ജ്യോ​തി​ശാ​സ്‌ത്ര​ജ്ഞ​നായ ജോർജിസ്‌ ലെമാ​റ്റർ അഖിലാ​ണ്ഡ​ത്തി​ന്റെ വികാസം സംബന്ധിച്ച്‌ ബിഗ്‌ ബാംഗ്‌ തിയറി രൂപീ​ക​രി​ക്കു​ന്നു

സംസാരിക്കുന്ന ആദ്യത്തെ ഹോളി​വുഡ്‌ ചലച്ചി​ത്രം ഉല്‌പാ​ദി​പ്പി​ക്കു​ന്നു

1928—പെൻസി​ലിൻ കണ്ടുപി​ടി​ക്ക​പ്പെ​ടു​ന്നു

വാൾട്ട്‌ ഡിസ്‌നി​യു​ടെ ആദ്യത്തെ മിക്കി മൗസ്‌ ഫിലിം

കിംഗ്‌സ്‌ഫോർഡ്‌ സ്‌മി​ത്തും കൂട്ടരും ആദ്യത്തെ ട്രാൻസ്‌—പസഫിക്ക്‌ ഫൈറ്‌ളറ്‌ നടത്തുന്നു

[12-ാം പേജിലെ ചിത്രം]

പകിട്ടും വന്യമായ വികൃ​തി​ചേ​ഷ്ട​ക​ളും ഇരച്ചു​ക​യ​റിയ ഇരുപ​തു​ക​ളു​ടെ സ്വഭാ​വ​മാ​യി​രു​ന്നു

[കടപ്പാട്‌]

The Bettmann Archive

[14-ാം പേജിലെ ചിത്രം]

വാച്ച്‌ടവർ സൊ​സൈ​റ്റി പ്രസി​ഡൻഡ്‌ ജെ. എഫ്‌. റതർഫോർഡ്‌ 1922 മുതൽ ദൈവ​രാ​ജ്യം പ്രഘോ​ഷി​ക്കു​ന്ന​തിന്‌ റേഡി​യോ ഉപയോ​ഗി​ച്ചു.