നിങ്ങൾ ദൈവത്തെ സംബന്ധി​ച്ചു തുറന്ന മനസ്സു​ള്ള​യാ​ളാ​ണോ?

നിങ്ങൾ ദൈവത്തെ സ്‌നേ​ഹി​ക്കു​ന്നു​വോ? നിങ്ങൾ അവനെ മെച്ചമാ​യി അറിയാ​നാ​ഗ്ര​ഹി​ക്കു​ന്നു​വോ? അങ്ങനെ ചെയ്യു​ന്ന​തി​നുള്ള മാർഗ്ഗം 19 നൂറ്റാ​ണ്ടു​കൾക്കു മുമ്പ്‌ കാണി​ക്ക​പ്പെട്ടു. അപ്പോ​സ്‌ത​ല​നായ പൗലോസ്‌ തെസ്സ​ലോ​നീ​ക്യ​യി​ലെ ഒരു യഹൂദ സിന്ന​ഗോ​ഗിൽ യഹൂദൻമാ​രും യവനരും അടങ്ങുന്ന ഒരു മിശ്ര​സ​മൂ​ഹ​ത്തോ​ടു പ്രസം​ഗി​ച്ചു. ചില യഹൂദൻമാ​രും ചില യവനരും വിശ്വ​സി​ക്കു​ക​യും മതം മാറു​ക​യും ചെയ്‌തു. എന്നാൽ യഹൂദൻമാ​രിൽ അനേകർ “നീരസം നിറഞ്ഞ്‌ ചന്തസ്ഥല​ത്തു​നിന്ന്‌ ഒരു സംഘത്തി​ന്റെ സഹായം തേടു​ക​യും ഒരു ജനക്കൂ​ട്ടത്തെ ഇളക്കു​ക​യും പെട്ടെന്ന്‌ മുഴു​ന​ഗ​ര​ത്തെ​യും കൊണ്ട്‌ ബഹളം വെപ്പി​ക്കു​ക​യും ചെയ്‌തു.”

ഇരുട്ടി​ന്റെ മറവിൽ പൗലോസ്‌ ജനക്കൂ​ട്ട​ത്തിൽനിന്ന്‌ രക്ഷപ്പെ​ടു​ക​യും ബെരോ​വ​യി​ലേക്കു പോകു​ക​യും ചെയ്‌തു. പെട്ടെന്ന്‌ യഹൂദൻമാ​രോ​ടും യവന​രോ​ടും പ്രസം​ഗി​ക്കാൻ സിന്ന​ഗോ​ഗി​ലെത്തി. “ഇവിടെ യഹൂദൻമാർ തെസ്സ​ലോ​നീ​ക്യ​യി​ലു​ള്ള​വ​രെ​ക്കാൾ തുറന്ന മനസ്സു​ള്ളവർ ആയിരു​ന്നു, അവർ വളരെ സന്നദ്ധത​യോ​ടെ വചനത്തെ സ്വാഗതം ചെയ്‌തു; ഓരോ ദിവസ​വും അതു സത്യമാ​ണോ​യെന്നു പരി​ശോ​ധി​ക്കാൻ അവർ തിരു​വെ​ഴു​ത്തു പഠിച്ചു. അനേകം യഹൂദൻമാർ വിശ്വാ​സി​ക​ളാ​യി​ത്തീർന്നു. പ്രഭു​വർഗ്ഗ​ത്തിൽപ്പെട്ട അനേകം യവന സ്‌ത്രീ​ക​ളും നിരവധി പുരു​ഷൻമാ​രും അങ്ങനെ ചെയ്‌തു.”—പ്രവൃ​ത്തി​കൾ 17:1-12.

തെസ്സ​ലോ​നീ​ക്യ​യി​ലെ യഹൂദൻമാർ ദൈവ​വ​ച​നത്തെ അസാധു​വാ​ക്കിയ വാമൊ​ഴി​യാ​യുള്ള പാരമ്പ​ര്യ​ങ്ങ​ളോ​ടു​കൂ​ടിയ നൂറ്റാ​ണ്ടു​കൾ പഴക്കമുള്ള അവരുടെ മതത്തോ​ടു പറ്റി​നി​ന്നു. (മത്തായി 15:1-9) ബെരോ​വ​യി​ലു​ണ്ടാ​യി​രു​ന്നവർ എത്ര വ്യത്യ​സ്‌ത​രാ​യി​രു​ന്നു—അവർ തുറന്ന മനസ്സോ​ടെ ശ്രദ്ധി​ക്കു​ക​യും പൗലോ​സി​ന്റെ വാക്കുകൾ സത്യമാ​ണോ​യെ​ന്ന​റി​യാൻ തിരു​വെ​ഴു​ത്തു​കൾ പരി​ശോ​ധി​ക്കു​ക​യും മതം മാറു​ക​യും ചെയ്‌തു.

മുൻ ലേഖന​ത്തിൽ ഉദ്ധരി​ക്ക​പ്പെട്ട ഭാഷ്യ​കാ​രൻമാർക്ക്‌ യഹോ​വ​യു​ടെ സാക്ഷി​ക​ളെ​ക്കു​റി​ച്ചു പറയാ​നു​ണ്ടാ​യി​രു​ന്നത്‌ ഇതായി​രു​ന്നു. അവർ “തീക്ത്‌ണത, ഉത്സാഹം, പ്രവർത്തനം എന്നിവ​യിൽ ഒന്നാം​സ്ഥാന”ത്താണ്‌. അവർ “തങ്ങൾ പ്രസം​ഗി​ക്കുന്ന വിശ്വാ​സ​പ്ര​കാ​രം ജീവി​ക്കു​ന്ന​തിൽ മുമ്പരാണ്‌.” അവർ “നിർമ്മ​ല​വും സത്യസ​ന്ധ​വു​മായ ജീവി​ത​രീ​തി പിന്തു​ട​രു​ന്നു.” ഒരുവൻ “സ്‌നേ​ഹോ​ഷ്‌മ​ള​മാ​യും സാഹോ​ദ​ര്യ​ത്തി​ന്റെ​യും ഐക്യ​ദാർഢ്യ​ത്തി​ന്റെ​യും ഒരു ബോധ​ത്തോ​ടെ​യും സ്വാഗതം” ചെയ്യ​പ്പെ​ടു​ന്നു. “അവർക്ക്‌ എപ്പോ​ഴും കൈയിൽ ബൈബി​ളുണ്ട്‌.” അവരുടെ “ബൈബിൾ വായനാ​രീ​തി മറ്റ്‌ ദൈവ​ശാ​സ്‌ത്രങ്ങൾ മേലാൽ നിറ​വേ​റ്റാത്ത യഥാർത്ഥ ആവശ്യങ്ങൾ സാധി​ക്കു​ന്നു.” അവരുടെ സന്ദേശം “ഈ ലോക ദുരി​ത​ങ്ങ​ളിൻമ​ദ്ധ്യേ വ്യക്തി​യു​ടെ ഉൽക്കണ്‌ഠയെ തരണം ചെയ്യു​ന്ന​തിന്‌ സഹായി​ക്കു​ന്നു.” ഇതെല്ലാം മാത്രമല്ല, ഇതില​ധി​ക​വും കത്തോ​ലി​ക്കാ വൈദി​ക​രും ഭാഷ്യ​കാ​രൻമാ​രും പറയു​ന്നുണ്ട്‌. ഇതെല്ലാം യഹോ​വ​യു​ടെ സാക്ഷി​കൾക്ക്‌ ഉയർന്ന പ്രശം​സ​യല്ലേ?

ആ സ്ഥിതിക്ക്‌, അവർ നിങ്ങളു​ടെ വീട്ടു​വാ​തിൽക്കൽ സന്ദർശി​ക്കു​മ്പോൾ അവരുടെ ബൈബി​ള​ധി​ഷ്‌ഠിത സംഭാ​ഷ​ണങ്ങൾ ശ്രദ്ധി​ക്കു​ന്നത്‌ ബുദ്ധി​പൂർവ്വ​ക​മാ​യി​രി​ക്കു​ക​യി​ല്ലേ? അവരുടെ മതം അവജ്ഞാ​പൂർവ്വം “ഒരു മതവി​ഭാ​ഗം” എന്നു വിളി​ക്ക​പ്പെ​ടു​ന്നു​വെന്ന വസ്‌തുത അതിനെ വ്യാജ​മാ​ക്കു​ന്നി​ല്ലെ​ന്നോർക്കുക. ആദ്യ ക്രിസ്‌ത്യാ​നി​കൾ “നസറായ മതവി​ഭാ​ഗം” എന്നു വിളി​ക്ക​പ്പെട്ടു. “സകലവും പരി​ശോ​ധി​ക്കുക: നല്ലതിനെ മുറുകെ പിടി​ക്കുക” എന്ന്‌ ബൈബിൾ നമ്മെ​യെ​ല്ലാം ബുദ്ധി​യു​പ​ദേ​ശി​ക്കു​ന്നു. (പ്രവൃ​ത്തി​കൾ 24:5; 1 തെസ്സ​ലോ​നീ​ക്യർ 5:21, ഡുവേ ഭാഷാ​ന്തരം) ദൈവത്തെ സ്‌നേ​ഹി​ക്കു​ക​യും അവനെ അറിയാ​നാ​ഗ്ര​ഹി​ക്കു​ക​യും ചെയ്യുന്ന സകലരും ഈ ദിവ്യ​ബു​ദ്ധി​യു​പ​ദേശം അനുസ​രി​ക്കേ​ണ്ട​തല്ലേ? (g87 3/22)

[9-ാം പേജിലെ ചതുരം/ചിത്രങ്ങൾ]

നിങ്ങൾ ഒരു കത്തോ​ലി​ക്ക​നാ​ണെ​ങ്കിൽ, ദൈവ​ത്തെ​ക്കു​റിച്ച്‌ മെച്ചമാ​യി അറിയാൻ ആഗ്രഹ​വു​മു​ണ്ടെ​ങ്കിൽ, ഒരു തുറന്ന മനസ്സോ​ടെ നിങ്ങളു​ടെ സ്വന്തം ബൈബിൾ ഉപയോ​ഗിച്ച്‌, സൂചി​പ്പി​ച്ചി​രി​ക്കുന്ന തിരു​വെ​ഴു​ത്തു​ക​ളോ​ടു​കൂ​ടെ ഈ ചോദ്യ​ങ്ങൾ പരിചി​ന്തി​ക്കുക:

ദേഹി മരിക്കു​ന്നു എന്ന്‌ കാത്തലിക്ക്‌ ഡുവേ വേർഷൻ ബൈബിൾ പഠിപ്പി​ക്കു​ന്നു—അത്‌ അമർത്ത്യ​മാ​ണെന്ന്‌ നിങ്ങളു​ടെ സഭ പഠിപ്പി​ക്കു​ന്നു​വോ?—യെഹെ​സ്‌ക്കേൽ 18:4; പ്രവൃ​ത്തി​കൾ 3:23; വെളി​പ്പാട്‌ 16:3.

പാപം കൊടു​ക്കുന്ന ശമ്പളം മരണമാ​ണെന്ന്‌ അതു പഠിപ്പി​ക്കു​ന്നു—പാപികൾ നരകത്തി​ലോ ശുദ്ധീ​ക​ര​ണ​സ്ഥ​ല​ത്തോ ദണ്ഡിപ്പി​ക്ക​പ്പെ​ടു​ന്നു​വെന്ന്‌ നിങ്ങളു​ടെ സഭ പഠിപ്പി​ക്കു​ന്നു​വോ?—സഭാ​പ്ര​സം​ഗി 9:5, 10; റോമർ 6:23.

യഹോവ ഏക​ദൈ​വ​മാ​ണെ​ന്നും യേശു അവനോട്‌ സമന​ല്ലെ​ന്നും അതു പഠിപ്പി​ക്കു​ന്നു—ദൈവം മൂന്നാ​ളു​ക​ള​ട​ങ്ങിയ ഒരു ദൈവ​മാ​ണെ​ന്നും യേശു മൂന്നു തുല്യൻമാ​രിൽ ഒരാളാ​ണെ​ന്നും നിങ്ങളു​ടെ സഭ പഠിപ്പി​ക്കു​ന്നു​വോ?—ആവർത്തനം 6:4; യോഹ​ന്നാൻ 14:28.

ദൈവ​ത്തി​ന്റെ സഭ പണിയ​പ്പെ​ട്ടി​രി​ക്കുന്ന പാറ യേശു ആണെന്ന്‌ അതു പഠിപ്പി​ക്കു​ന്നു—അതു പത്രോ​സിൻമേൽ പണിയ​പ്പെ​ട്ടി​രി​ക്കു​ന്നു​വെന്ന്‌ നിങ്ങളു​ടെ സഭ പഠിപ്പി​ക്കു​ന്നു​വോ?—എഫേസ്യർ 2:20, 21; 1 പത്രോസ്‌ 2:4-8.

ദൈവ​ത്തോട്‌ യേശു​ക്രി​സ്‌തു മുഖേന പ്രാർത്ഥി​ക്കു​ന്ന​തി​നെ​ക്കു​റിച്ച്‌ അതു പഠിപ്പി​ക്കു​ന്നു—മറ്റു​ള്ള​വ​രോട്‌ അല്ലെങ്കിൽ മറ്റു​ള്ള​വ​രി​ലൂ​ടെ പ്രാർത്ഥി​ക്കാൻ നിങ്ങളു​ടെ സഭ പഠിപ്പി​ക്കു​ന്നു​വോ?—ഫിലി​പ്യർ 4:6; 1 തിമൊ​ഥെ​യോസ്‌ 2:5.

പാപങ്ങ​ളു​ടെ ഏറ്റു​പ​റ​ച്ചി​ലും ക്ഷമായാ​ച​ന​ങ്ങ​ളും യേശു​ക്രി​സ്‌തു​വി​ന്റെ ശുപാർശ​യോ​ടെ ദൈവത്തെ സംബോ​ധന ചെയ്‌തു നിർവ്വ​ഹി​ക്കാൻ അതു പഠിപ്പി​ക്കു​ന്നു—ഈ അനു​ഗ്ര​ഹങ്ങൾ ഒരു പുരോ​ഹി​ത​നി​ലൂ​ടെ വരുന്നു​വെന്ന്‌ നിങ്ങളു​ടെ സഭ പഠിപ്പി​ക്കു​ന്നു​വോ?—1 യോഹ​ന്നാൻ 1:9; 2:1.

ഈ ലോക​ത്തോ​ടുള്ള സഖിത്വ​വും ഈ ലോക​ത്തി​ലെ രാഷ്‌ട്രീ​യ​ത്തി​ലുള്ള ഉൾപ്പെ​ട​ലും ദൈവ​ത്തോ​ടുള്ള ശത്രു​ത്വ​മാ​ണെന്ന്‌ അതേ കത്തോ​ലി​ക്കാ ബൈബിൾ പഠിപ്പി​ക്കു​ന്നു—ഈ ലോക​ത്തി​ലെ രാഷ്‌ട്രീ​യ​മോ സൈനി​ക​മോ ആയ കാര്യ​ങ്ങ​ളിൽ നിങ്ങളു​ടെ സഭ ഉൾപ്പെ​ടു​ന്നു​വോ?—യോഹ​ന്നാൻ 15:19; 18:36; യാക്കോബ്‌ 1:27; 4:4.

[ചിത്രങ്ങൾ]

നരകാഗ്നിയോ?

ത്രിത്വമോ?

മദ്ധ്യസ്ഥരോ?