ലോക​ശ​ക്തി​ക​ളു​ടെ ദീർഘ​മായ അഭിഗ​മനം അവസാ​ന​ത്തോ​ട​ടു​ക്കു​ന്നു

ബൈബിൾ ഏഴ്‌ ലോക​ശ​ക്തി​ക​ളെ​ക്കു​റി​ച്ചു പറയുന്നു. അവ ലോക​ച​രി​ത്ര​ത്തി​ലെ ആയിര​ക്ക​ണ​ക്കി​നു വർഷങ്ങ​ളിൽ ഒന്നിനു​പി​റകേ ഒന്നായി വന്ന ശക്തമായ സാമ്രാ​ജ്യ​ങ്ങ​ളാ​യി​രു​ന്നു. നാം അവയിൽ അവസാ​ന​ത്തേ​തി​ന്റെ—നമ്മുടെ നാളിലെ ആംഗ്ലോ അമേരി​ക്കൻലോ​ക​ശ​ക്തി​യു​ടെ—കാലത്താണ്‌ ജീവി​ക്കു​ന്ന​തെന്ന്‌ ഈ പരമ്പര​യി​ലെ മുൻ ലേഖനങ്ങൾ പ്രകട​മാ​ക്കി​യി​രി​ക്കു​ന്നു.a—വെളിപ്പാട്‌17:9, 10.

ഇതേ ആംഗ്ലോ-അമേരി​ക്കൻ ലോക​ശക്തി വെളി​പ്പാ​ടു​പു​സ്‌ത​ക​ത്തിൽ നേരത്തെ “രണ്ടു കൊമ്പുള്ള” ഒരു മൃഗമാ​യി വർണ്ണി​ക്ക​പ്പെ​ട്ടി​രി​ക്കു​ന്നു. രണ്ടു ഭാഗങ്ങ​ളുള്ള ഈ ശക്തി ഏഴു ലോക​ശ​ക്തി​ക​ളെ​യും പ്രതി​നി​ധാ​നം​ചെ​യ്യുന്ന രാഷ്‌ട്രീ​യ​മൃ​ഗ​ത്തിന്‌ “ഒരു പ്രതിമ ഉണ്ടാക്കാൻ ഭൂവാ​സി​ക​ളോ​ടു പറയുന്നു.”—വെളിപ്പാട്‌13:11, 14.

ഈ പ്രവച​ന​ങ്ങൾക്ക്‌ എങ്ങനെ നിവൃ​ത്തി​യു​ണ്ടാ​യി, അവ നമുക്കിന്ന്‌ എന്തർത്ഥ​മാ​ക്കു​ന്നു? തുടർന്നു​വ​രുന്ന ലേഖന​ത്തി​ന്റെ വിഷയം രസകര​മായ ഉത്തരം നൽകുന്നു.

ഒന്നാം ലോക​മ​ഹാ​യു​ദ്ധ​ത്തി​ന്റെ നാലു​വർഷത്തെ ഭീകരത അവസാ​നി​ച്ച​പ്പോൾ അമേരി​ക്കൻ പ്രസി​ഡ​ണ്ടായ വുഡ്രോ വിൽസ​നും ബ്രിട്ടീഷ്‌ പ്രധാ​ന​മ​ന്ത്രി​യാ​യി​രുന്ന ഡേവിഡ്‌ ലോയിഡ്‌ ജോർജ്ജും ഒരു സർവരാ​ജ്യ​സ​ഖ്യം സ്ഥാപി​ക്ക​ണ​മെന്നു നിർദ്ദേ​ശി​ച്ചു. അതിന്റെ ലക്ഷ്യം “അന്തർദ്ദേ​ശീയ സമാധാ​ന​വും സുരക്ഷി​ത​ത്വ​വും നേടുക”യും തദ്വാരാ അത്തര​മൊ​രു യുദ്ധത്തി​ന്റെ ഭീകരത വീണ്ടു​മൊ​രി​ക്ക​ലും സംഭവി​ക്കാ​തെ തടയു​ക​യെ​ന്ന​തു​മാ​യി​രു​ന്നു.

ഇതിനു മുൻകൈ എടുത്തത്‌ ആരാ​ണെന്ന്‌ ശ്രദ്ധി​ക്കു​ന്നത്‌ രസാവ​ഹ​മാണ്‌. ഈ രണ്ടു നേതാ​ക്കൻമാർ ബൈബിൾച​രി​ത്ര​ത്തി​ലെ ഏഴാം ലോക​ശ​ക്തി​യായ ഇംഗ്ലീഷ്‌ സംസാ​രി​ക്കുന്ന ആംഗ്ലോ അമേരി​ക്കൻ ലോക​ശ​ക്തി​യു​ടെ രണ്ടു ഭാഗങ്ങ​ളു​ടെ തലവൻമാ​രാ​യി​രു​ന്നു. ഇതും അന്താരാ​ഷ്‌ട്ര സമാധാ​ന​ത്തി​ന്റെ​യും സുരക്ഷി​ത​ത്വ​ത്തി​ന്റെ​യും സ്ഥാപന​ത്തെ​സം​ബ​ന്ധിച്ച മററു വസ്‌തു​ത​ക​ളും, നമ്മുടെ നാളിൽ എഴു​ന്നേൽക്കു​ക​യും വീഴു​ക​യും ചെയ്യുന്ന ഒരു അല്‌പാ​യു​സ്സായ “എട്ടാമത്തെ രാജാ​വി​നെ”ക്കുറിച്ച്‌ ബൈബിൾ പുസ്‌ത​ക​മായ വെളി​പ്പാട്‌ പറയു​ന്ന​തി​നോട്‌ അദ്‌ഭു​ത​ക​ര​മായ ഒരു വിധത്തിൽ യോജി​ക്കു​ന്നു. ഈ രസകര​മായ സമാന്ത​ര​ങ്ങ​ളിൽ ചിലത്‌ എന്തൊ​ക്കെ​യാ​യി​രു​ന്നു?—വെളി​പ്പാട്‌ 17:11.

വെളി​പ്പാ​ടി​ലെ പ്രവചനം കാട്ടു​മൃ​ഗ​ത്തിന്‌ “ഒരു പ്രതി​മ​യു​ണ്ടാ​ക്കാൻ ഭൂവാ​സി​ക​ളോട്‌” “ഒരു കുഞ്ഞാ​ടി​നെ​പ്പോ​ലെ രണ്ടു കൊമ്പുള്ള” ഒരു “മൃഗം” പറയു​മെന്ന്‌ വെളി​പ്പെ​ടു​ത്തി. കാട്ടു​മൃ​ഗ​ത്തി​ന്റെ തലകൾ ബൈബിൾ ചരി​ത്ര​ത്തി​ലെ ഏഴു വൻലോ​ക​ശ​ക്തി​ക​ളാ​യി​രു​ന്നു.

ഇതാണ്‌ കൃത്യ​മാ​യി ആംഗ്ലോ അമേരി​ക്കൻ ലോക​ശക്തി ചെയ്‌തത്‌. അത്‌ വലിയ ഗവൺമെൻറു​ക​ളെ​പ്പോ​ലെ കാണ​പ്പെ​ടു​ക​യും പ്രവർത്തി​ക്കു​ക​യും ചെയ്‌ത ഒരു സഖ്യമു​ണ്ടാ​ക്കാൻ “ഭൂവാ​സി​കളെ” പ്രോ​ത്സാ​ഹി​പ്പി​ച്ചു. എന്നാൽ യഥാർത്ഥ​ത്തിൽ അത്‌ “കാട്ടു​മൃ​ഗ​ത്തി​ന്റെ പ്രതിമ” മാത്ര​മാ​യി​രു​ന്നു. അതിന്‌ അതിന്റെ അംഗരാ​ഷ്‌ട്രങ്ങൾ കൊടു​ത്ത​ത​ല്ലാ​തെ സ്വന്ത അധികാ​ര​മി​ല്ലാ​യി​രു​ന്നു. അത്‌ ലോക​ശ​ക്തി​ക​ളെ​പ്പോ​ലെ ഏതോ വലിയ സൈനി​ക​വി​ജ​യ​ത്താൽ അധികാ​ര​ത്തിൽ വരുന്ന​താ​യി വർണ്ണി​ക്ക​പ്പെ​ട്ടി​ട്ടില്ല. പകരം അത്‌ ഏഴു ലോക​ശ​ക്തി​ക​ളിൽ നിന്ന്‌ ഉത്ഭവി​ക്കു​ന്നു അഥവാ വരുന്നു. അതിന്റെ അസ്‌തി​ത്വ​ത്തിന്‌ അത്‌ കടപ്പെ​ട്ടി​രി​ക്കു​ന്നത്‌ അവയിൽ ഏഴാമ​ത്തേ​തി​നോ​ടു മാത്രമല്ല പിന്നെ​യോ മുമ്പത്തെ ആറി​ന്റെ​യും ശേഷി​പ്പു​കൾ ഉൾപ്പെ​ടുന്ന മററ്‌ അംഗരാ​ഷ്‌ട്ര​ങ്ങ​ളോ​ടു​മാണ്‌. ഈ രാഷ്‌ട്രീയ പ്രതിമ അതിന്റെ സ്ഥാപകർ പ്രത്യാ​ശി​ച്ചി​രുന്ന ഉയർന്ന ലക്ഷ്യങ്ങൾ പ്രാപി​ക്കു​മോ?—വെളി​പ്പാട്‌ 17:11, 14.

സഖ്യത്തി​ന്റെ പരാജയം

സർവ്വരാ​ജ്യ​സ​ഖ്യം സാമൂ​ഹ്യ​മ​ണ്ഡ​ല​ങ്ങ​ളിൽ വളരെ​യ​ധി​കം നേട്ടമു​ണ്ടാ​ക്കി. എന്നിരു​ന്നാ​ലും അതിന്റെ യഥാർത്ഥ ലക്ഷ്യം ഔദ്യോ​ഗിക “സർവ്വരാ​ജ്യ​സഖ്യ ഉടമ്പടി”യിൽ പ്രസ്‌താ​വി​ച്ചി​രുന്ന പ്രകാരം “അന്താരാ​ഷ്‌ട്ര സഹകര​ണ​ത്തിന്‌ പ്രോ​ത്സാ​ഹി​പ്പി​ക്കു​ക​യും അന്തർദ്ദേ​ശീയ സമാധാ​ന​വും സുരക്ഷി​ത​ത്വ​വും നേടു​ക​യും ചെയ്യുക” എന്നതാ​യി​രു​ന്നു. ഇതിൽ അതു പരാജ​യ​പ്പെട്ടു.

ആയിര​ത്തി​തൊ​ള്ളാ​യി​രത്തി മുപ്പത്തി​യൊ​ന്നിൽ മഞ്ചൂറി​യാ​യി​ലേക്കു നീങ്ങു​ന്ന​തിൽ നിന്ന്‌ ജപ്പാനെ തടയു​ന്ന​തിൽ അതു വിജയി​ച്ചില്ല. 1933-ൽ യുദ്ധത്തി​ലേർപ്പെ​ടു​ന്ന​തിൽ നിന്ന്‌ അത്‌ ബൊളീ​വി​യാ​യെ​യും പരാ​ഗ്വേ​യെ​യും തടഞ്ഞില്ല. 1936-ലെ എത്യോ​പ്യ​യു​ടെ ജയിച്ച​ട​ക്ക​ലിൽനിന്ന്‌ മുസോ​ളി​നി​യെ തടയു​ന്ന​തിൽ അതു പരാജ​യ​പ്പെട്ടു. എന്നിരു​ന്നാ​ലും സഖ്യത്തി​ന്റെ മരണ​പ്ര​ഹരം 1939 സെപ്‌റ​റം​ബർ 1-ൽ രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​തോ​ടെ സംഭവി​ച്ചു.—സഖ്യം എന്തിനെ തടയാൻ സ്ഥാപി​ക്ക​പ്പെ​ട്ടി​രു​ന്നു​വോ അത്തരം കൂട്ടനാ​ശ​വും ദുരി​ത​വു​മാ​യി​രു​ന്നു അത്‌. ആ യുദ്ധത്തിൽ മരിച്ചവർ എത്രയാ​യി​രു​ന്നു? 1 കോടി 60 ലക്ഷം പടയാ​ളി​ക​ളും 3 കോടി 90 ലക്ഷം പൗരൻമാ​രു​മുൾപ്പെടെ മൊത്തം 5 കോടി 50 ലക്ഷം പേർ കൊല്ല​പ്പെട്ടു, അല്ലെങ്കിൽ ഒന്നാം ലോക​മ​ഹാ​യു​ദ്ധ​ത്തി​ലെ മരണസം​ഖ്യ​യു​ടെ ഏതാണ്ടു നാലി​രട്ടി.

എന്നിരു​ന്നാ​ലും സഖ്യത്തി​ന്റെ ഉടമ്പടി പ്രാബ​ല്യ​ത്തി​ലാ​കു​ന്ന​തി​നു മുമ്പ്‌ 1919-ൽതന്നെ യഹോ​വ​യു​ടെ സാക്ഷികൾ (അന്ന്‌ ബൈബിൾ വിദ്യാർത്ഥി​കൾ എന്നാണ്‌ അറിയ​പ്പെ​ട്ടി​രു​ന്നത്‌) സഖ്യം പരാജ​യ​പ്പെ​ടേ​ണ്ട​താ​ണെന്ന്‌ പരസ്യ​മാ​യി പ്രഖ്യാ​പി​ച്ചു, എന്തു​കൊ​ണ്ടെ​ന്നാൽ അങ്ങനെ​യുള്ള മനുഷ്യ ശ്രമങ്ങ​ളാൽ സമാധാ​നം വരാൻ കഴിയു​മാ​യി​രു​ന്നില്ല. പിന്നീട്‌ വെളി​പ്പാട്‌ 17 അനുസ​രിച്ച്‌ ലോക​ശ​ക്തി​ക​ളു​ടെ നിരയു​ടെ പരിസ​മാ​പ്‌തി​യാ​യി “എട്ടാമത്തെ രാജാവ്‌” പ്രത്യ​ക്ഷ​പ്പെ​ടു​ന്നു എന്ന്‌ ഇംഗ്ലണ്ട്‌ ലണ്ടനിലെ അവരുടെ 1926-ലെ കൺ​വെൻ​ഷ​നിൽ ചൂണ്ടി​ക്കാ​ണി​ക്ക​പ്പെട്ടു. പ്രസം​ഗകൻ ചൂണ്ടി​ക്കാ​ണി​ച്ച​തു​പോ​ലെ “കർത്താവ്‌ അതിന്റെ ജനന​ത്തെ​യും അതിന്റെ ഹ്രസ്വ​മായ അസ്‌തി​ത്വ​ത്തെ​യും അതിന്റെ നിത്യ​മായ അവസാ​ന​ത്തെ​യും മുൻകൂ​ട്ടി​പ്പ​റ​ഞ്ഞി​രു​ന്നു.

അതു തിരികെ വരുന്നു!

ഈ എട്ടാമത്തെ രാജാ​വി​നെ​ക്കു​റിച്ച്‌ നിശ്വസ്‌ത പ്രവചനം ഇങ്ങനെ പറഞ്ഞി​രു​ന്നു: “നീ കണ്ട കാട്ടു​മൃ​ഗം ഉണ്ടായി​രു​ന്ന​തും, എന്നാൽ ഇല്ലാത്ത​തും ഇനി അഗാധ​ത്തിൽ നിന്ന്‌ കയറാ​നി​രി​ക്കു​ന്ന​തു​മാ​കു​ന്നു, അതു നാശത്തി​ലേക്കു പോ​കേ​ണ്ട​തു​മാണ്‌.”—വെളി​പ്പാട്‌ 17:8.

അന്ന്‌ ഉറങ്ങി​ക്കി​ട​ന്നി​രുന്ന സമാധാന സുരക്ഷി​തത്വ സ്ഥാപനം അതിന്റെ പ്രവർത്ത​ന​രാ​ഹി​ത്യ​മാ​കുന്ന അഗാധ​ത്തിൽ നിന്ന്‌ കയറി​വ​രു​മെന്ന്‌ 1942 എന്ന യുദ്ധമദ്ധ്യ വർഷം മുതൽ യഹോ​വ​യു​ടെ സാക്ഷികൾ തിരി​ച്ച​റി​ഞ്ഞു. വച്ച്‌ടവർ സൊ​സൈ​റ​റി​യു​ടെ പ്രസി​ഡണ്ട്‌ ആ വർഷത്തിൽ 52 നഗരങ്ങ​ളി​ലെ ഒരു സദസ്സി​നോട്‌ ഇങ്ങനെ പറഞ്ഞു: “ഇപ്പോ​ഴും നാൽപ്പ​തം​ഗങ്ങൾ സഖ്യ​ത്തോ​ടു പററി​നിൽക്കു​ന്ന​താ​യി അവകാ​ശ​പ്പെ​ടു​ന്നെ​ങ്കി​ലും അതു ഫലത്തിൽ ജീവൻ നിലച്ച അവസ്ഥയി​ലാണ്‌. . . അത്‌ ‘ഇല്ല.’” എന്നാൽ അത്‌ “അഗാധ​ത്തിൽ നിന്ന്‌ കയറി വരു”മോ? ഈ ബൈബിൾ പ്രവച​ന​ത്തിൽ തന്റെ വാക്കുകൾ അടിസ്ഥാ​ന​പ്പെ​ടു​ത്തി അദ്ദേഹം ഇങ്ങനെ പ്രഖ്യാ​പി​ച്ചു: “ലോക​രാ​ഷ്‌ട്ര​ങ്ങ​ളു​ടെ സംഘടന വീണ്ടും എഴു​ന്നേ​റ​റു​വ​രും.”

പ്രവചനം പ്രസ്‌താ​വി​ച്ചി​രു​ന്ന​തു​പോ​ലെ എട്ടാമത്തെ രാജാവ്‌ 1920 മുതൽ 1939 വരെ “ഉണ്ടായി​രു​ന്നു.” അത്‌ 1939 മുതൽ രണ്ടാം ലോമ​ഹാ​യു​ദ്ധം അവസാ​നിച്ച 1945 വരെ ‘ഇല്ലായി​രു​ന്നു.’ പിന്നീ​ടത്‌ സഖ്യത്തി​ന്റെ പിൻഗാ​മി​യായ ഐക്യ​രാ​ഷ്‌ട്ര​ങ്ങ​ളെന്ന നിലയിൽ പുനരു​ജ്ജീ​വി​പ്പി​ക്ക​പ്പെ​ട്ട​തി​നാൽ “അഗാധ​ത്തിൽനിന്ന്‌” കയറി.

സമുന്നത പ്രത്യാ​ശകൾ നിറ​വേ​റി​യി​ല്ല

അമ്പതു രാഷ്‌ട്ര​ങ്ങ​ളിൽ നിന്നുള്ള പ്രതി​നി​ധി​കൾ 1945 ജൂൺ 26-ാം തീയതി സാൻഫ്രാൻസി​സ്‌കോ​യിൽവെച്ച്‌ ഐക്യ​രാ​ഷ്‌ട്ര ചാർട്ട​റിൽ ഒപ്പു​വെച്ചു. അതിന്റെ ആമുഖം ഇങ്ങനെ​യാ​ണു തുടങ്ങി​യത്‌: “നമ്മുടെ ആയുഷ്‌കാ​ലത്ത്‌ മനുഷ്യ​വർഗ്ഗ​ത്തിന്‌ രണ്ടു​പ്രാ​വ​ശ്യം അവർണ്ണ​നീ​യ​മാ​യി ദുഃഖം കൈവ​രു​ത്തിയ യുദ്ധയാ​ത​ന​യിൽനിന്ന്‌ ഇനിയുള്ള തലമു​റ​കളെ രക്ഷിക്കാൻ ദൃഢനി​ശ്ചയം ചെയ്‌തി​രി​ക്കുന്ന ഐക്യ​രാ​ഷ്‌ട്ര​ങ്ങ​ളി​ലെ ജനങ്ങളാ​യി​രി​ക്കുന്ന നാം. . . ”

യു.എൻ-നു വേണ്ടി കെട്ടി​പ്പ​ടുത്ത പ്രത്യാ​ശകൾ സകല യാഥാർത്ഥ്യ​ത്തി​ലും കവിഞ്ഞ​താ​യി​രു​ന്നു. മുൻ യു. എസ്സ്‌ സ്‌റേ​റ​ററ്‌ സെക്ര​ട്ട​റി​യാ​യി​രുന്ന കോർഡെൽ ഹൾ “നമ്മുടെ നാഗരി​ക​ത​യു​ടെ അതിജീ​വ​ന​ത്തി​ന്റെ തന്നെ” താക്കോൽ അതിലാ​ണു​ള്ളത്‌ എന്ന്‌ പറയു​ക​യു​ണ്ടാ​യി. “ദൈവ​ത്തി​ന്റെ മാർഗ്ഗ​നിർദ്ദേ​ശ​ത്തിൻകീ​ഴിൽ നിലനിൽക്കുന്ന സമാധാ​നം കൈവ​രു​ത്താ​നുള്ള. . . പരമോ​ന്ന​ത​മായ അവസരം” എന്നാണ്‌ യു.എസ്സ്‌. പ്രസി​ഡ​ണ്ടാ​യി​രുന്ന ഹാരി ട്രൂമാൻ അതിനെ വിളി​ച്ചത്‌. “ഒരുപക്ഷേ മനുഷ്യൻ ഉൽപ്പാ​ദി​പ്പി​ച്ചി​ട്ടു​ള്ള​തി​ലേ​ക്കും അതി​പ്ര​ധാ​ന​മായ പ്രമാണം” എന്നും “നാഗരി​ക​ത​യു​ടെ ചരി​ത്ര​ത്തി​ലെ ഒരു വഴിത്തി​രിവ്‌” എന്നും യു.എൻ. ചാർട്ടർ വിളി​ക്ക​പ്പെട്ടു. “ഈ ലക്ഷ്യം അമിത​മാ​യി​രു​ന്നു: നിരാശ അനിവാ​ര്യ​മാ​യി​രു​ന്നു” എന്ന്‌ നാൽപ്പ​തു​വർഷം കഴിഞ്ഞ്‌ യു.എസ്സ്‌ സ്‌റേ​റ​ററ്‌ ഡിപ്പാർട്ടു​മെൻറി​ലെ ഗ്രിഗറി ജെ. നെവൽ പറയു​ക​യു​ണ്ടാ​യി.

സഖ്യ​ത്തെ​പ്പോ​ലെ യു.എൻ-ഉം സാമൂ​ഹ്യ​മ​ണ്ഡ​ല​ങ്ങ​ളിൽ വളരെ​യ​ധി​കം നേട്ടമു​ണ്ടാ​ക്കി​യി​ട്ടുണ്ട്‌. എന്നാൽ അത്‌ സമാധാ​ന​ത്തി​നു ഉറപ്പു നൽകു​ക​യോ യുദ്ധം നിർത്തു​ക​യൊ ചെയ്‌തി​ട്ടില്ല. “ഐക്യ​രാ​ഷ്‌ട്രങ്ങൾ പണിയ​പ്പെ​ട്ടി​രി​ക്കുന്ന മുഴു അടിസ്ഥാ​ന​ത്തി​നും തുരങ്കം​വെ​ക്ക​പ്പെ​ട്ടി​രി​ക്കു​ന്നു” എന്ന്‌ 1962-ൽ മുൻ ബ്രിട്ടീഷ്‌ പ്രധാ​ന​മ​ന്ത്രി​യാ​യി​രുന്ന ഹാരോൾഡ്‌ മാക്ക്‌മി​ല്ല്യൻ ബ്രിട്ടീഷ്‌ കോമൺസ്‌സ​ഭ​യോട്‌ പറയു​ക​യു​ണ്ടാ​യി.

ആദ്യ​മൊ​ക്കെ അനേകർ മിക്കവാ​റും മതപര​മായ തീക്ഷ്‌ണ​ത​യോ​ടെ ഈ സ്ഥാപനത്തെ വീക്ഷിച്ചു. ദൈവ​രാ​ജ്യ​ത്തി​നു​മാ​ത്രം ചെയ്യാൻ കഴിയു​മെന്ന്‌ ബൈബിൾ പറയു​ന്നത്‌ ഈ “പ്രതിമ” ചെയ്യു​മെന്ന്‌ അവർ വിശ്വ​സി​ച്ചു: നിലനിൽക്കുന്ന സമാധാ​ന​വും നീതി​യും യഥാർത്ഥ​മാ​യി ഏകീകൃ​ത​മായ ഒരു ലോക​വും സ്ഥാപി​ക്കുക എന്നതു​തന്നെ. സമാധാ​ന​ത്തി​ന്റെ യഥാർത്ഥ ഉറവ്‌ മനുഷ്യ​ശ്ര​മ​ങ്ങ​ളാ​യി​രി​ക്കാ​വു​ന്നത​ല്ലെന്ന്‌ കാണി​ച്ചു​ത​രുന്ന ബൈബിൾ പ്രവച​ന​ങ്ങ​ളോട്‌ അവർ ശക്തമായി വിയോ​ജി​ച്ചു. എന്നിരു​ന്നാ​ലും, യു.എന്നിന്‌ 40 വയസ്സാ​യ​പ്പോൾ “അത്‌ നാം 1945-ൽ പ്രത്യാ​ശി​ച്ചി​രു​ന്ന​തി​നെ​ക്കാൾ വളരെ കുറഞ്ഞ​തോ​തി​ലേ ഫലകര​മാ​യി​രി​ക്കു​ന്നു​ള്ളു” എന്ന്‌ ചരി​ത്ര​കാ​ര​നായ തോമസ്‌ എം. ഫ്രാങ്ക്‌ പറയു​ക​യു​ണ്ടാ​യി. യു.എസ്‌ സ്‌റേ​റ​ററ്‌ സെക്ര​ട്ടറി ആയിരുന്ന ജോർജ്ജ്‌ പി. ഷുൽസ്‌ അഭി​പ്രാ​യ​പ്പെ​ട്ട​തു​പോല: “ഐക്യ​രാ​ഷ്‌ട്ര​ങ്ങ​ളു​ടെ ജനനം തീർച്ച​യാ​യും ലോകത്തെ ഒരു പരദീ​സാ​യാ​യി രൂപാ​ന്ത​ര​പ്പെ​ടു​ത്തി​യില്ല.”

സമാധാ​ന​ത്തി​ന്റെ യഥാർഥ തടസ്സങ്ങ​ളായ ദേശീ​യ​ത്വ​ത്തെ​യും അത്യാ​ഗ്ര​ഹ​ത്തെ​യും ദാരി​ദ്ര്യ​ത്തെ​യും വർഗ്ഗീ​യ​ത​യെ​യും സ്വേച്ഛാ​ഭ​ര​ണ​ത്തെ​യും ലോക​ത്തി​ലെ സാത്താന്റെ സ്വാധീ​ന​ത്തെ​യും നീക്കം​ചെ​യ്‌തി​ട്ടി​ല്ലാ​ത്ത​തു​കൊണ്ട്‌ യു.എൻ. വിജയി​ച്ചി​ട്ടില്ല. ഭാവി ശോഭ​ന​മാ​യി​രി​ക്കു​ന്ന​തു​കൊ​ണ്ടല്ല പിന്നെ​യോ അവർക്ക്‌ മെച്ചപ്പെട്ട പ്രത്യാ​ശ​യി​ല്ലാ​ത്ത​തു​കൊ​ണ്ടാണ്‌ ആളുകൾ ഈ ഗവൺമെൻറു​ക​ളോ​ടു പററി​നിൽക്കു​ന്നത്‌.—വെളി​പ്പാട്‌ 12:12.

ഐക്യ​രാ​ഷ്‌ട്ര​ങ്ങ​ളു​ടെ അസ്‌തി​ത്വ​വും അതിനു​വേണ്ടി ആളുകൾ ചെയ്‌തി​ട്ടുള്ള ശ്രമങ്ങ​ളും ഭൂമി​യി​ലെ ജനങ്ങൾ എത്ര അഗാധ​മാ​യി ഒരു മാററ​ത്തി​ന്റെ ആവശ്യം തിരി​ച്ച​റി​യു​ന്നു​ണ്ടെന്ന്‌ പ്രകട​മാ​ക്കു​ന്നു. ആ മാററം വ്യത്യ​സ്‌ത​വും കൂടുതൽ ഫലകര​വു​മായ ഒരു വിധത്തിൽ വരും. ഏതു വിധത്തിൽ?

സ്ഥിരമായ ഭരണാ​ധി​പ​ത്യം

തുടർച്ച​യായ ഏഴ്‌ “രാജാ​ക്കൻമാർ” അഥവാ ലോക​ശ​ക്തി​കൾ മാത്രമേ ഉണ്ടായി​രി​ക്കു​ക​യു​ള്ളു​വെന്ന്‌ ബൈബിൾ പറയു​ന്നു​വെ​ന്നോർക്കുക. അതിനു​ശേ​ഷ​മുള്ള ഒരു വലിയ ലോക​ശ​ക്തി​യെ​ക്കു​റിച്ച്‌ പറഞ്ഞി​ട്ടില്ല. താൽക്കാ​ലി​ക​മായ “എട്ടാമത്തെ രാജാവ്‌. . . നാശത്തി​ലേക്കു പോകു​ന്നു”വെന്നു​പോ​ലും ബൈബിൾ പറയുന്നു.—വെളി​പ്പാട്‌ 17:10, 11.

എന്നാൽ ഒരു മെച്ചമായ പ്രത്യാശ ഉണ്ടെന്നും ബൈബിൾ പറയുന്നു. ആളുകൾ അത്യധി​ക​മാ​യി അന്വേ​ഷി​ക്കുന്ന സമാധാ​ന​വും നീതി​യും ഏകീകൃ​ത​ലോ​ക​വും കൈവ​രു​ത്തു​ന്നത്‌ മറെറാ​ന്നാ​യി​രി​ക്കു​മെന്ന്‌ അതു വാഗ്‌ദാ​നം​ചെ​യ്യു​ന്നു. അതു പറയുന്നു: “ആ രാജാ​ക്കൻമാ​രു​ടെ കാലത്ത്‌ സ്വർഗ്ഗ​ത്തി​ലെ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം സ്ഥാപി​ക്കും. . .  അത്‌ ഈ [പരാജ​യ​പ്പെ​ടുന്ന മനുഷ്യ]രാജ്യ​ങ്ങ​ളെ​യെ​ല്ലാം തകർത്ത​വ​സാ​നി​പ്പി​ക്കും, അതുതന്നെ അനിശ്ചി​ത​കാ​ലം നിൽക്കും.”—ദാനി​യേൽ 2:44.

ഈ ഭരണാ​ധി​പ​ത്യ​ത്തെ​ക്കു​റി​ച്ചാണ്‌ യേശു പറഞ്ഞത്‌, അവന്റെ അനുഗാ​മി​കൾ “നിന്റെ രാജ്യം വരേണമേ” എന്നു പറഞ്ഞ്‌ പ്രാർത്ഥി​ച്ച​തും അതിനു​വേ​ണ്ടി​യാണ്‌. (മത്തായി 6:10) ഈ രാജ്യം മനുഷ്യ​രു​ടെ ഹൃദയ​ത്തി​ലെ നൻമക്കുള്ള ഏതോ സ്വാധീ​നമല്ല. പകരം, അത്‌ ഒരു യഥാർത്ഥ സ്വർഗ്ഗീ​യ​ഭ​ര​ണാ​ധി​പ​ത്യം, ആത്മീയ മണ്ഡലത്തിൽനി​ന്നുള്ള ഭൂമി​യു​ടെ ഭരണം, ആയിരി​ക്കും. അത്‌ ഭൂമി​യി​ലെ നമ്മുടെ ജീവി​ത​രീ​തിക്ക്‌ മാററം വരുത്തും.—വെളിപ്പാട്‌21:1-4.

ആ പുതിയ ഭരണാ​ധി​പ​ത്യം പ്രവർത്തി​ക്കുന്ന വിധവും അതു ഉളവാ​ക്കുന്ന സമാധാ​ന​വും നീതി​യും ഏകീകൃ​ത​ലോ​ക​വും സംബന്ധിച്ച്‌ ബൈബിൾ എന്തു പറയു​ന്നു​വെ​ന്ന​താ​യി​രി​ക്കും ഈ പരമ്പര​യി​ലെ അടുത്ത​തും അവസാ​ന​ത്തേ​തു​മായ ലേഖന​ത്തി​ന്റെ വിഷയം. (w88 6/1)

[അടിക്കു​റി​പ്പു​കൾ]

[30-ാം പേജിലെ ചതുരം]

യുദ്ധത്തിന്റെ വ്യാപതി

സർവരാ​ജ്യ​സ​ഖ്യ​ത്തി​ന്റെ മരണത്തെ കുറിച്ച രണ്ടാം ലോക​മ​ഹാ​യു​ദ്ധം അമ്പരപ്പി​ക്കുന്ന തോതിൽ ജീവഹാ​നി വരുത്തി. യുദ്ധസ​മ​യത്തെ സൈനി​ക​മ​ര​ണ​വും വിവി​ധ​രാ​ജ്യ​ങ്ങ​ളി​ലെ 1940-ലെ ജനസം​ഖ്യ​യും തമ്മിലുള്ള അനുപാ​തം നൽകി​ക്കൊണ്ട്‌ ദി എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ (1954-ലെ പതിപ്പ്‌) മരണസം​ഖ്യ​യു​ടെ വ്യാപ്‌തി ചിത്രീ​ക​രി​ച്ചു. സംഖ്യ​ക​ളിൽ ഇവ ഉൾപ്പെ​ടു​ന്നു: ഐക്യ​നാ​ടു​കൾക്ക്‌ അതിന്റെ 1940-ലെ ജനസം​ഖ്യ​യിൽ ഓരോ 500 അംഗത്തി​ലും ഒരു സൈനി​കൻ വീതം യുദ്ധത്തിൽ മരിച്ചു; ചൈനക്ക്‌ 200-ൽ ഒന്ന്‌; യു​ണൈ​റ​റഡ്‌ കിംഗ്‌ഡ​ത്തിന്‌ 150-ൽ ഒന്ന്‌; ഫ്രാൻസിന്‌ 200-ൽ ഒന്ന്‌; ജപ്പാന്‌ 46-ൽ ഒന്ന്‌; ജർമ്മനിക്ക്‌ 25-ൽ ഒന്ന്‌; യു.എസ്‌.എസ്‌. ആർ.ന്‌ 22-ൽ ഒന്ന്‌. പൗരൻമാ​രു​ടെ അപായം മിക്ക​പ്പോ​ഴും സൈനി​ക​ന​ഷ്‌ടത്തെ കവിഞ്ഞു​വെന്ന്‌ നാം പരിഗ​ണി​ക്കു​മ്പോൾ മനുഷ്യ​ശ്ര​മങ്ങൾ തീർച്ച​യാ​യും യഥാർത്ഥ​സ​മാ​ധാ​ന​വും സുരക്ഷി​ത​ത്വ​വും കൈവ​രു​ത്തു​ന്ന​തിൽ എങ്ങനെ പരാജ​യ​പ്പെ​ട്ടി​രി​ക്കു​ന്നു​വെന്ന്‌ നമുക്ക്‌ അനായാ​സം കാണാൻ കഴിയും.

[31-ാം പേജിലെ ചതുരം]

‘യു.എൻ-ന്റെ രൂപവൽക്ക​ര​ണ​ത്തി​നു​ശേഷം 2 കോടി ആളുകൾ യുദ്ധങ്ങ​ളിൽ മരിച്ചി​ട്ടുണ്ട്‌, ആ പരാജ​യ​ത്തി​ന്റെ ചെലവി​നെ സാക്ഷ്യ​പ്പെ​ടു​ത്തുന്ന ഒരു ദുഃഖ​വ​സ്‌തുത തന്നെ.’—തോമസ്‌ എം ഫ്രാങ്ക്‌ എഴുതിയ “നേഷൻ എഗൻസ്‌ററ്‌ നേഷൻ”