ഭൂമി​യിൽ സമാധാ​നം—ഒരു സ്വപ്‌നം മാത്ര​മോ?

രണ്ടാം ലോക മഹായു​ദ്ധ​ത്തി​ന്റെ ഭീകര​ത​കളെ അതിജീ​വി​ച്ച​തി​നെ​ത്തു​ടർന്ന്‌ എങ്ങുമുള്ള ആളുകൾ സമാധാ​ന​ത്തി​നു​വേണ്ടി അതിയാ​യി ആശിച്ചു. “നമ്മുടെ അവസാന അവസര​വും നാം പിന്നി​ട്ടി​രി​ക്കു​ന്നു” എന്ന്‌ പ്രഖ്യാ​പി​ച്ചു​കൊണ്ട്‌ ജനറൽ ഡഗ്ലസ്സ്‌ മക്‌ ആർതർ ഇങ്ങനെ തുടർന്നു: “നാം മിക​വേ​റി​യ​തും കൂടുതൽ നീതി​പൂർവ്വ​ക​വു​മായ ഒരു സംവി​ധാ​ന​ത്തി​നു രൂപം നൽകി​യി​ല്ലെ​ങ്കിൽ അർമ്മ​ഗെ​ദ്ദോൻ നമ്മുടെ പടിവാ​തിൽക്കൽ ആയിരി​ക്കും.”

അതേ വർഷം തന്നെ ഐക്യ​രാ​ഷ്‌ട്ര​ങ്ങ​ളു​ടെ ചാർട്ടർ ഒപ്പിട​പ്പെട്ടു. “ഐക്യ​രാ​ഷ്‌ട്ര​ങ്ങ​ളി​ലെ ജനതക​ളായ ഞങ്ങൾ” എന്നു തുടങ്ങുന്ന ചാർട്ടി​ന്റെ ആമുഖം ഇങ്ങനെ തുടങ്ങു​ന്നു: “യുദ്ധത്തി​ന്റെ പീഢയിൽ നിന്നും അനന്തര തലമു​റ​കളെ രക്ഷിക്കു​ന്ന​തി​നും . . . അന്തർദ്ദേ​ശീയ സമാധാ​ന​വും സുരക്ഷി​ത​ത്വ​വും നിലനിർത്താൻ ഞങ്ങളുടെ ശക്തി ഏകീക​രി​ക്കു​ന്ന​തി​നും ഞങ്ങൾ പ്രതി​ജ്ഞാ​ബ​ദ്ധ​രാണ്‌.”

ഐക്യ​രാ​ഷ്‌ട്ര​ങ്ങളെ രാഷ്‌ട്രീയ നേതാ​ക്ക​ളും മതനേ​താ​ക്ക​ളും ഒരു​പോ​ലെ വാഴ്‌ത്തി​യി​ട്ടുണ്ട്‌. ഐക്യ​നാ​ടു​ക​ളു​ടെ പ്രസി​ഡൻറാ​യി​രുന്ന ജോൺ എഫ്‌. കെന്നഡി 1961-ൽ അതിനെ “യുദ്ധോ​പ​ക​ര​ണങ്ങൾ സമാധാ​നോ​പ​ക​ര​ണ​ങ്ങളെ ബഹുദൂ​രം പിന്നി​ലാ​ക്കി​യി​രി​ക്കുന്ന ഒരു യുഗത്തി​ലെ നമ്മുടെ അവസാ​നത്തെ ഉത്തമ ആശാ​കേ​ന്ദ്രം” എന്ന്‌ വിളിച്ചു. (ഇറ്റാ​ലിക്‌ ഞങ്ങളു​ടേത്‌) കൂടാതെ 1965-ൽ പോൾ ആറാമൻ പാപ്പ ഇങ്ങനെ പറഞ്ഞു: “സമാധാ​ന​ത്തി​ന്റെ​യും ഐക്യ​ത്തി​ന്റെ​യും അവസാന ആശാ​കേ​ന്ദ്രം എന്നനി​ല​യിൽ ഭൂമി​യി​ലെ ജനതകൾ ഐക്യ​രാ​ഷ്‌ട്ര​ങ്ങ​ളി​ലേക്ക്‌ തിരി​യു​ന്നു.”

പക്ഷെ സമാധാ​നം ഉണ്ടായി​രു​ന്നി​ട്ടില്ല. പിന്നെ​യോ കോടി​ക്ക​ണ​ക്കി​നാ​ളു​കൾ ലോക​മൊ​ട്ടാ​കെ​യുള്ള ഏറ്റു​മു​ട്ട​ലു​ക​ളിൽ അന്നുമു​തൽ മരിച്ചു​കൊ​ണ്ടി​രി​ക്കു​ന്നു, യു. എൻ. ലുള്ള നിരാശ വളരു​ക​യും ചെയ്യുന്നു. ആയിര​ത്തി​ത്തൊ​ള്ളാ​യി​രത്തി എൺപത്താ​റി​നെ സമാധാന വർഷമാ​യി പ്രഖ്യാ​പി​ച്ചു​കൊ​ണ്ടുള്ള ഐക്യ​രാ​ഷ്‌ട്ര നടപടി ഉണ്ടായി​രു​ന്നി​ട്ടും യഥാർത്ഥ​സ​മാ​ധാ​നം എന്നെങ്കി​ലും സാക്ഷാ​ത്‌ക​രി​ക്കാ​നാ​വു​മോ എന്ന്‌ എങ്ങുമുള്ള ആളുകൾ സംശയി​ക്കു​ന്നു.

മറ്റൊ​രാ​ശ

ക്രിസ്‌തു​വി​ന്റെ ജനനത്തി​ങ്കൽ ‘ഭൂമി​യി​ലെ സമാധാന’ത്തെ ചൊല്ലി ദൂതൻമാർ നടത്തിയ ഉത്‌ഘോ​ഷം സംബന്ധി​ച്ചെന്ത്‌? (ലൂക്കോസ്‌ 2:14) റ്റോം ഹാർപ്പർ എന്ന മത പത്രാ​ധി​പർ ഇങ്ങനെ എഴുതി: “ദൂതൻമാർ പാടിയ വിധത്തി​ലുള്ള സമാധാ​നം ‘യേശു​വിൻ—കൈക​ളിൽ—സുരക്തി​തം’ എന്ന വിധമുള്ള കേവലം വ്യക്തി​പ​ര​മായ ആന്തരിക ശാന്തിയല്ല. . . . അതിന്റെ അർത്ഥം. നീതി ജയിക്കു​ക​യും ഭയം ഇല്ലായ്‌മ ചെയ്യ​പ്പെ​ടു​ക​യും യുദ്ധം എന്നത്‌ മേലാൽ ചിന്തി​ക്ക​പ്പെ​ടു​ക​പോ​ലും ഇല്ലാതി​രി​ക്കു​ക​യും ചെയ്യു​മ്പോൾ വരുന്ന സമാധാ​നം ആണ്‌.”

ഒരു മാനുഷ നിലപാ​ടിൽ നിന്ന്‌ നോക്കു​മ്പോൾ അത്തരം സമാധാ​നം സാദ്ധ്യ​മാ​യി തോന്നി​യെ​ന്നി​രി​ക്കില്ല. പക്ഷേ ആരുടെ ജനനത്തി​ങ്കൽ ദൂതൻമാർ പാടി​യോ ആ ഒരുവനെ സംബന്ധിച്ച്‌ ബൈബിൾ ഇങ്ങനെ വാഗ്‌ദാ​നം ചെയ്യുന്നു: “അവന്റെ നാളു​ക​ളിൽ നീതി​മാൻ തഴക്കും. ചന്ദ്രനി​ല്ലാ​താ​കും വരെ സമാധാന സമൃദ്ധി ഉണ്ടാകും അവന്‌ സമുദ്രം മുതൽ സമുദ്രം വരെയും നദി മുതൽ ഭൂമി​യു​ടെ അറ്റങ്ങൾ വരെയും പ്രജക​ളു​ണ്ടാ​യി​രി​ക്കും.—”സങ്കീർത്തനം 72:7, 8.

അതെ, ഇവിടെ മുൻകൂ​ട്ടി​പ്പ​റ​യ​പ്പെ​ട്ടി​രി​ക്കു​ന്നത്‌ ദൈവ​പു​ത്ര​നായ യേശു​ക്രി​സ്‌തു​വി​ന്റെ ഭൂവ്യാ​പ​ക​മായ ഭരണമാണ്‌. മറിയക്ക്‌ അവളുടെ ശിശു​വായ യേശു​വി​നെ​ക്കു​റിച്ച്‌ ദൂതൻമാർ നൽകിയ ഉറപ്പിന്റെ നിവൃത്തി എന്നവണ്ണം ഇത്‌ സംഭവി​ക്കും എന്നു വാഗ്‌ദത്തം ചെയ്യ​പ്പെ​ട്ടി​രി​ക്കു​ന്നു. അത്‌ ഇങ്ങനെ​യാ​യി​രു​ന്നു: “അവൻ രാജാ​വാ​യി ഭരിക്കും, അവന്റെ രാജ്യ​ത്തിന്‌ അവസാനം ഉണ്ടാകു​ക​യും ഇല്ല!”—ലൂക്കോസ്‌ 1:32, 33.

‘ക്രിസ്‌ത്യാ​നി​കൾ യുദ്ധത്തി​ലേർപ്പെ​ടാ​നും അന്യോ​ന്യം കൊല്ലാ​നും മടിക്കാ​ത്ത​പ്പോൾ ഇതെങ്ങനെ സാദ്ധ്യ​മാ​കും? എന്നു വിശ്വ​സി​ക്കു​ന്ന​തിന്‌ നമുക്ക്‌ എന്തടി​സ്ഥാ​ന​മാ​ണു​ള്ളത്‌?’ എന്നിങ്ങനെ നിങ്ങൾ ചോദി​ച്ചേ​ക്കാം.

ക്രിസ്‌ത്യാ​നി​ക​ള​ല്ലാത്ത “ക്രിസ്‌ത്യാ​നി​കൾ”

ഒന്നാമ​താ​യി ക്രിസ്‌ത്യാ​നി​ത്വം എന്താണ്‌ എന്നും എന്തല്ല എന്നും വ്യക്തമാ​ക്കുക മർമ്മ​പ്ര​ധാ​ന​മാണ്‌. ഒരു വ്യക്തി താൻ ക്രിസ്‌ത്യാ​നി ആണ്‌ എന്നു പറയു​ന്ന​തു​കൊണ്ട്‌ അയാൾ അങ്ങനെ ആയിരി​ക്ക​ണ​മെ​ന്നില്ല എന്ന്‌ യേശു​തന്നെ പറഞ്ഞു. അവൻ മുന്നറി​യി​പ്പു നൽകി: “കുഞ്ഞാ​ടി​ന്റെ മൂടു​പ​ട​വു​മാ​യി നിങ്ങളു​ടെ അടു​ത്തേക്ക്‌ വരുന്ന കള്ളപ്ര​വാ​ച​കൻമാ​രെ​ക്കു​റിച്ച്‌ നിങ്ങൾ ജാഗ്രത പാലി​ക്കുക.” യേശു ഇങ്ങനെ​യും പറഞ്ഞു: “അന്നാളിൽ പലരും എന്നോട്‌ ‘കർത്താവേ, കർത്താവേ നിന്റെ നാമത്തിൽ . . . അനേക വീര്യ​പ്ര​വൃ​ത്തി​കൾ ചെയ്‌തി​ല്ല​യോ?’ എന്നു പറയും. എങ്കിലും ഞാനവ​രോട്‌ ഇങ്ങനെ ഏറ്റു​പ​റ​യും. ഞാൻ നിങ്ങളെ ഒരു നാളും അറിഞ്ഞി​ട്ടില്ല! അധർമ്മം പ്രവൃ​ത്തി​ക്കു​ന്ന​വരെ, എന്നെ വിട്ടു പോകു​വിൻ.”—മത്തായി 7:15, 21-23.

യേശു ഈ ചട്ടം നൽകി: “അവരുടെ ഫലങ്ങളാൽ നിങ്ങൾ അവരെ തിരി​ച്ച​റി​യും.” (മത്തായി 7:16) ഇത്‌ വാസ്‌ത​വ​മാ​യും അത്യന്തം ലളിത​മായ ഒരു ചട്ടമാണ്‌ അഥവാ യാഥാർത്ഥ്യം ആണ്‌. ദ വാൻകൂ​വർസൺ എന്ന മാസി​ക​യു​ടെ സ്‌റ്റാഫ്‌ ലേഖക​നായ സ്‌റ്റീവ്‌ വൈസാർ പിൻവ​രുന്ന വിശദീ​ക​ര​ണ​ത്തി​ലൂ​ടെ ഇത്‌ ചൂണ്ടി​ക്കാ​ണി​ച്ചു. ക്രിസ്‌ത്യാ​നി​ത്വ​ത്തി​ന്റെ പേരിൽ അത്‌ അല്ലെങ്കിൽ ഇത്‌ എങ്ങനെ ചെയ്യാ​നി​ട​യാ​യി എന്നും അങ്ങനെ ചെയ്യു​ന്നത്‌ എത്ര ഭയങ്കര​മാണ്‌ എന്നും ആളുകൾ സംസാ​രി​ക്കു​ന്നത്‌ നിങ്ങൾ കേട്ടി​രി​ക്കും. കൊള്ളാം, അതെ, അത്‌ ഭയങ്കരം തന്നെ. . . . പക്ഷേ ഈ ഭയങ്കര കാര്യങ്ങൾ ചെയ്‌തവർ ക്രിസ്‌ത്യാ​നി​കൾ ആണ്‌ എന്ന്‌ ആർ പറഞ്ഞു?

“ഓ, വ്യവസ്ഥാ​പിത മതങ്ങൾ അങ്ങനെ പറയുന്നു എന്നു നിങ്ങൾ പറയു​ന്നോ, വ്യവസ്ഥാ​പിത മതങ്ങൾ ക്രിസ്‌തീ​യം ആണ്‌ എന്ന്‌ ആർ പറഞ്ഞു?

ആ വിധം പാപ്പ മുസ്സോ​ളി​നി​യെ അനു​ഗ്ര​ഹി​ച്ചു. മറ്റു പാപ്പാ​മാർ ആകട്ടെ കഴിഞ്ഞ കാലത്ത്‌ കിരാ​ത​മായ കൃത്യങ്ങൾ ചെയ്‌തി​ട്ടുണ്ട്‌ എന്നതിന്‌ തെളി​വു​മുണ്ട്‌. അതു​കൊണ്ട്‌, അവർ ക്രിസ്‌ത്യാ​നി​കൾ ആണ്‌ എന്ന്‌ ആർ പറഞ്ഞു?

“ഒരു മനുഷ്യൻ പോപ്പ്‌ ആയതു​കൊണ്ട്‌ അയാൾ ഒരു ക്രിസ്‌ത്യാ​നി ആയിരി​ക്കണം എന്ന്‌ നിങ്ങൾ കരുതു​ന്നു​വോ? ഒരു വ്യക്തി ‘ഞാനൊ​രു ക്രിസ്‌ത്യാ​നി ആണ്‌’ എന്നു പറയു​ന്ന​തു​കൊണ്ട്‌ അയാൾ ക്രിസ്‌ത്യാ​നി ആയിരി​ക്കണം എന്നില്ല—താനൊ​രു മെക്കാ​നിക്ക്‌ ആണ്‌ എന്നു അവകാ​ശ​പ്പെ​ടുന്ന ഒരാൾ ഒരു മെക്കാ​നിക്ക്‌ ആയിരി​ക്കണം എന്നില്ലാ​ത്തത്‌ പോ​ലെ​തന്നെ.  . . . ”

“വടക്കൻ അയർല​ണ്ടിൽ നടക്കുന്ന പോരാ​ട്ടം ഒരു വിശു​ദ്ധ​യു​ദ്ധ​മാണ്‌ എന്ന്‌ എത്രയാ​ളു​കൾ ചിന്തി​ക്കു​ന്നു​ണ്ടെ​ന്നു​ള്ളത്‌ ആശ്ചര്യം​തന്നെ. അത്‌ ഒരു ഭോഷ്‌ക്‌ ആണ്‌.”

“യാതൊ​രു ക്രിസ്‌ത്യാ​നി​ക്കും മറ്റൊ​രു ക്രിസ്‌ത്യാ​നി​ക്കെ​തി​രെ യുദ്ധം ചെയ്യാൻ സാദ്ധ്യമല്ല—അത്‌ ഒരു മനുഷ്യൻ സ്വയം ആക്രമി​ക്കു​ന്നത്‌ പോലെ ആയിരി​ക്കും. സത്യ​ക്രി​സ്‌ത്യാ​നി​കൾ ക്രിസ്‌തു​വിൻ സഹോ​ദ​രൻമാ​രും സഹോ​ദ​രി​ക​ളും ആണ്‌. അവർ ഒരിക്ക​ലും മനഃപൂർവ്വ​ക​മാ​യി അന്യോ​ന്യം മുറി​വേൽപ്പി​ക്കു​ക​യില്ല.”

ബൈബിൾ സംഗതി വളരെ വ്യക്തമാ​യി അവതരി​പ്പി​ക്കു​ന്നു: “ദൈവ​ത്തി​ന്റെ പുത്രൻമാ​രും പിശാ​ചി​ന്റെ പുത്രൻമാ​രും ആർ എന്ന്‌ ഈ വസ്‌തു​ത​യാൽ തെളി​യും. നീതി​യിൽ നിലനിൽക്കാ​ത്ത​വ​നൊ​രു​വ​നും ദൈവ​ത്തിൽ നിന്നു​ള്ള​വനല്ല, തന്റെ സഹോ​ദ​രനെ സ്‌നേ​ഹി​ക്കാ​ത്ത​വ​നും അങ്ങനെ തന്നെ. എന്തെന്നാൽ ഇതാകു​ന്നു നിങ്ങൾ ആദിമു​തൽ കേട്ട വചനം നമുക്ക്‌ അന്യോ​ന്യം സ്‌നേ​ഹ​മു​ണ്ടാ​യി​രി​ക്കണം എന്നു തന്നെ; ദുഷ്ടനാ​യ​വ​നിൽ നിന്നു​ത്ഭ​വിച്ച്‌ തന്റെ സഹോ​ദ​രനെ കൊന്ന​വ​നായ കയീ​നെ​പ്പോ​ലെ അല്ല.”—1 യോഹ​ന്നാൻ 3:10-12.

സഭകൾ ലോക​മൊ​ട്ടാ​കെ സമാധാ​നം കൊണ്ടു വരും എന്നു വിശ്വ​സി​ക്കാൻ തക്ക യാതൊ​രു അടിസ്ഥാ​ന​വും അവ നൽകു​ന്നില്ല. അവരുടെ രേഖ എന്താണ്‌ കാണി​ക്കു​ന്നത്‌? അവയുടെ അംഗങ്ങൾ തന്നെയാ​യി​രു​ന്നു ലോക​ത്തി​ലെ രണ്ടു മഹായു​ദ്ധ​ങ്ങ​ളി​ലെ മുഖ്യ​പോ​രാ​ളി​കൾ എന്നാണ്‌ അതു കാണി​ക്കു​ന്നത്‌; അവർ അന്യോ​ന്യം കൊല ചെയ്‌തു​വെന്നു മാത്രമല്ല നിരപ​രാ​ധി​ക​ളായ സ്‌ത്രീ​ക​ളെ​യും കുട്ടി​ക​ളെ​യും അവർ കൊ​ന്നൊ​ടു​ക്കി. കൊള്ളാം, ആ സ്ഥിതിക്ക്‌ നിലനിൽക്കുന്ന സമാധാ​നം സാക്ഷാ​ത്‌ക്ക​രി​ക്ക​പ്പെ​ടും എന്ന്‌ ആശിക്കാൻ എന്തെങ്കി​ലും അടിസ്ഥാ​നം ഉണ്ടോ?

യുദ്ധം അസാദ്ധ്യ​മാ​ക്കി​ത്തീർക്കു​ന്നു

തന്റെ യഥാർത്ഥ അനുഗാ​മി​കളെ എങ്ങനെ തിരി​ച്ച​റി​യാൻ കഴിയും എന്നു യേശു വിശദീ​ക​രി​ച്ചു. അവർ “സമാധാന പ്രേമി​കൾ” ആയിരി​ക്കും എന്ന്‌ അവൻ പറഞ്ഞു. (മത്തായി 5:9) അവരെ തിരി​ച്ച​റി​യാ​നുള്ള പിൻവ​രുന്ന മാർഗ്ഗ​വും അവൻ നൽകി: “നിങ്ങൾക്ക്‌ നിങ്ങളു​ടെ ഇടയിൽ തന്നെ സ്‌നേ​ഹ​മു​ണ്ടെ​ങ്കിൽ ഇതിനാൽ നിങ്ങൾ എന്റെ ശിഷ്യൻമാ​രാണ്‌ എന്ന്‌ സകലരും അറിയും.” കൂടു​ത​ലാ​യി അവൻ തന്റെ ശിഷ്യൻമാ​രെ​ക്കു​റിച്ച്‌ ഇങ്ങനെ പ്രസ്‌താ​വി​ച്ചു: “ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ അവരും ലോക​ത്തി​ന്റെ ഭാഗമല്ല.”—യോഹ​ന്നാൻ 13:35; 17:16

ഈ പഠിപ്പി​ക്ക​ലു​ക​ളു​ടെ വീക്ഷണ​ത്തിൽ, ക്രിസ്‌തു​വി​ന്റെ ആദിമ അനുഗാ​മി​കൾ, ജാതി​ക​ളു​ടെ യുദ്ധങ്ങ​ളിൽ പങ്കെടു​ത്തി​രു​ന്നു​വെന്ന്‌ തോന്നു​ന്നു​വോ? ഈ വിഷയം ചർച്ച​ചെ​യ്‌തു​കൊണ്ട്‌ റിയൊ. എം. ക്രിസ്‌റ്റ്യൻസൺ ദ ക്രിസ്‌റ്റ്യൻ സെൻച്യു​റി​യിൽ ഇങ്ങനെ എഴുതി: ആദിമ ക്രിസ്‌ത്യാ​നി​കൾ സായുധ സേനക​ളിൽ സേവി​ച്ചി​രു​ന്നില്ല. ‘പുതിയ നിയമ​കാ​ല​ത്തി​ന്റെ അന്ത്യം മുതൽ ക്രി. വ. 170-180 എന്ന ദശകം വരെ ക്രിസ്‌ത്യാ​നി​കൾ സൈന്യ​ത്തിൽ ചേർന്ന​താ​യി യാതൊ​രു തെളി​വും ഇല്ല . . . സൈന്യ​സേ​വ​ന​ത്തോ​ടുള്ള വിരോ​ധം ക്രിസ്‌ത്യാ​നി​കൾ ഉപേക്ഷി​ച്ചത്‌ ക്രമേണ മാത്ര​മാണ്‌, എന്ന്‌ റോളൻഡ്‌ ബേയ്‌ൻറൻ കുറി​ക്കൊ​ള്ളു​ന്നു.”

അതു​കൊണ്ട്‌ ഒരു ക്രിസ്‌ത്യാ​നി സഹക്രി​സ്‌ത്യാ​നി​ക്കെ​തി​രെ യുദ്ധത്തിന്‌ പോവുക എന്ന ഒരു സംഗതി​യേ ഉണ്ടായി​രു​ന്നില്ല. ഒരു ലോക ഭരണാ​ധി​കാ​രി എന്താജ്ഞാ​പി​ച്ചാ​ലും തങ്ങളുടെ ആത്മീയ സഹോ​ദ​ര​ങ്ങളെ കശാപ്പു ചെയ്‌തു​കൊണ്ട്‌ ക്രിസ്‌തു​വി​ന്റെ അനുഗാ​മി​കൾ പിശാ​ചി​ന്റെ സന്തതി​ക​ളാ​യി​ത്തീ​രു​മാ​യി​രു​ന്നില്ല. അവർ മനുഷ്യ​രെ​ക്കാ​ള​ധി​കം ദൈവത്തെ രാജാ​വാ​യി അനുസ​രി​ച്ചു! (പ്രവൃ​ത്തി​കൾ 5:29) അതു​കൊണ്ട്‌ മുഴു​ലോ​ക​വും സത്യ​ക്രി​സ്‌ത്യാ​നി​ക​ളാൽ മാത്രം നിവസി​ത​മാ​യി​ത്തീർന്നാൽ യുദ്ധം അസാദ്ധ്യം ആയിത്തീ​രും!

സന്തോ​ഷ​ക​ര​മെന്ന്‌ പറയട്ടെ, അത്തരം സ്ഥിതി​വി​ശേഷം വാസ്‌ത​വ​ത്തിൽ വന്നു​ചേ​രും എന്ന്‌ ബൈബിൾ മുൻകൂ​ട്ടി​പ്പ​റ​യു​ന്നു. അതിങ്ങനെ പ്രസ്‌താ​വി​ക്കു​ന്നു: “അവർ തങ്ങളുടെ വാളു​കളെ കൊഴു​ക്ക​ളാ​യും തങ്ങളുടെ കുന്തങ്ങളെ കോതു​ക​ത്രി​ക​ക​ളാ​യും അടിച്ചു​തീർക്കും: രാഷ്‌ട്രം രാഷ്‌ട്ര​ത്തി​നെ​തി​രെ വാളോ​ങ്ങു​ക​യില്ല. മേലാൽ അവർ യുദ്ധം അഭ്യസി​ക്കു​ക​യും ഇല്ല. (യെശയ്യാവ്‌ 2:4, ജയിംസ്‌ രാജാ​വി​ന്റെ ഭാഷാ​ന്തരം) ന്യൂ​യോർക്ക്‌ നഗരി​യി​ലെ പ്രധാന ഐക്യ​രാ​ഷ്‌ട്ര മന്ദിര​ത്തിൽ നിന്നുള്ള റോഡി​ന​ഭി​മു​ഖ​മാ​യി കാണുന്ന കൻമതി​ലിൻമേൽ ആലേഖം ചെയ്‌തി​രി​ക്കു​ന്ന​താണ്‌ ഈ വാക്കുകൾ. പക്ഷേ യു. എന്നിന്റെ അംഗങ്ങൾ അത്‌ നിവർത്തി​ച്ചി​ട്ടില്ല എന്നത്‌ സ്‌പഷ്ട​മാണ്‌. പക്ഷേ ആദിമ ക്രിസ്‌ത്യാ​നി​കൾ അത്‌ ചെയ്‌തി​രി​ക്കു​ന്നു!

പ്രമുഖ സഭാ ചരി​ത്ര​കാ​ര​നാ​യി​രുന്ന സി. ജെ. കാലെ​ക്‌സ്‌ വിശദീ​ക​രി​ച്ചു: “ആദിമ ക്രിസ്‌ത്യാ​നി​കൾ ക്രിസ്‌തു​വി​നെ അക്ഷരം പ്രതി പിൻപ​റ്റി . . . അവർ തങ്ങളുടെ മതത്തെ സമാധാ​ന​വു​മാ​യി അടുത്ത്‌ താദാ​ത്മ്യ​പ്പെ​ടു​ത്തി, യുദ്ധത്തെ അതിൽ ഉൾപ്പെട്ട രക്തച്ചൊ​രി​ച്ചിൽ നിമിത്തം അവർ രൂക്ഷമാ​യി കുറ്റം​വി​ധി​ച്ചു. യുദ്ധാ​യു​ധ​ങ്ങളെ കൃഷി ആയുധ​ങ്ങ​ളാ​യി പരിവർത്തനം ചെയ്യ​പ്പെ​ടു​ന്നത്‌ മുൻകൂ​ട്ടി​പ്പറഞ്ഞ പഴയനി​യമ പ്രവച​നത്തെ അവർ സ്വാം​ഗീ​ക​രി​ച്ചു.—യെശയ്യാവ്‌ 2:4

അതു​കൊണ്ട്‌ ഭൂമി​യി​ലെ സമാധാ​നം ഒരു അപ്രാ​പ്യ​മായ സ്വപ്‌നമല്ല. ക്രിസ്‌തു​വി​ന്റെ പഠിപ്പി​ക്ക​ലു​ക​ളോ​ടുള്ള പറ്റി​നൽപ്പ്‌ അവന്റെ ആദിമ അനുഗാ​മി​ക​ളു​ടെ ഇടയിൽ യുദ്ധം അസാദ്ധ്യ​മാ​ക്കി​ത്തീർത്ത​തു​കൊണ്ട്‌ ആത്യന്തി​ക​മാ​യി ഭൂവ്യാ​പ​ക​മായ സമാധാ​നം കൈവ​രി​ക്ക​പ്പെ​ടും എന്നു വിശ്വ​സി​ക്കു​ന്ന​തിന്‌ അടിസ്ഥാ​നം പ്രദാനം ചെയ്യ​പ്പെ​ട്ടി​ട്ടുണ്ട്‌. ഭൂമി​യിൽ സമാധാ​നം സാദ്ധ്യ​മാണ്‌ എന്ന്‌ വിശ്വ​സി​ക്കു​ന്ന​തിന്‌ സമാന​മായ അടിസ്ഥാ​നം ഇന്നുണ്ടോ?

ഇന്ന്‌ ആശക്കുള്ള അടിസ്ഥാ​നം

കൊള്ളാം, കനേഡി​യാ​നാ വിജ്ഞാ​ന​കോ​ശം ഇങ്ങനെ നിരീ​ക്ഷി​ക്കു​ന്നു: “യഹോ​വ​യു​ടെ സാക്ഷി​ക​ളു​ടെ പ്രവർത്തനം യേശു​വും അവന്റെ ശിഷ്യൻമാ​രും നമ്മുടെ യുഗത്തി​ന്റെ ഒന്നും രണ്ടും നൂറ്റാ​ണ്ടു​ക​ളിൽ ആചരി​ച്ചി​രുന്ന പ്രാചീന ക്രിസ്‌ത്യാ​നി​ത്വ​ത്തി​ന്റെ പുനരാ​വി​ഷ്‌ക്കാ​രം ആണ്‌. . . . എല്ലാവ​രും സഹോ​ദ​രൻമാർ.”

ഇത്‌ വാസ്‌ത​വ​മാ​യും സത്യം ആണോ? രാഷ്‌ട്രങ്ങൾ രണ്ടാം ലോക​മ​ഹാ​യു​ദ്ധ​ത്തിൽ പങ്കെടു​ത്ത​പ്പോൾ യഹോ​വ​യു​ടെ സാക്ഷികൾ “അന്യോ​ന്യം സ്‌നേ​ഹി​ക്കുക എന്നും സമാധാന സ്‌നേ​ഹി​ക​ളാ​യി നില​കൊ​ള്ളുക എന്നുമുള്ള ക്രിസ്‌തു​വി​ന്റെ കൽപ്പനകൾ അനുസ​രി​ച്ചു​വോ?—യോഹ​ന്നാൻ 13:34; മത്തായി 5:9.

ഉവ്വ്‌, അവർ ചെയ്‌തു. ജെ. എസ്‌. കോൺവേ എഴുതിയ സഭകളു​ടെ മേലുള്ള നാസി പീഡനം 1933-45 എന്ന പുസ്‌തകം ഇങ്ങനെ വിശദീ​ക​രണം നൽകുന്നു: “[യഹോ​വ​യു​ടെ സാക്ഷികൾ] ബൈബിൾ ആജ്ഞ അടിസ്ഥാ​ന​മാ​ക്കി ആയുധങ്ങൾ എടുക്കാൻ വിസമ്മ​തി​ച്ചു.” ക്രിസ്‌തു​വി​ന്റെ നിർദ്ദേ​ശ​ങ്ങ​ളോ​ടുള്ള അവരുടെ പറ്റി​നിൽപ്പി​നെ മറ്റു​ള്ള​വ​രു​ടെ ചെയ്‌തി​ക​ളോട്‌ വിപരീത താരത​മ്യം ചെയ്‌തു​കൊണ്ട്‌ റോമൻ കത്തോ​ലി​ക്കാ പ്രസി​ദ്ധീ​ക​ര​ണ​മായ സെയിൻറ്‌ ആൻറണി മെസഞ്‌ജർ ഇങ്ങനെ നിരീ​ക്ഷണം നടത്തി: “യഹോ​വ​യു​ടെ സാക്ഷികൾ ‘വ്യവസ്ഥാ​പിത മണ്ഡലത്തിന്‌ വെളി​യിൽ നില​കൊ​ള്ളു​ക​യും മതേതര ഭരണകൂ​ടം ചെയ്യാൻ നിശ്ചയി​ക്കുന്ന എന്തി​നെ​യും ആശീർവ​ദി​ക്കു​ന്ന​തി​ന്റെ ഉത്തരവാ​ദി​ത്തം നിശ്ശേഷം ഏൽക്കാ​തി​രി​ക്കു​ക​യും ചെയ്യുന്നു. നല്ലവരായ അനേകാ​യി​രങ്ങൾ രാഷ്‌ട്രീ​യ​വും സാമ്പത്തി​ക​വും ആയ താത്‌പ​ര്യ​ങ്ങ​ളിൽ നിന്നുള്ള ഈ അകന്നു നിൽപ്പ്‌, സഭയും സംസ്ഥാ​ന​വും തമ്മിലി​ന്നുള്ള ലോഹ്യ​ബ​ന്ധ​ങ്ങ​ളെ​ക്കാൾ പുതിയ നിയമ​ത്തി​ന്റെ ആത്മാവി​നോട്‌ ഏറെ അടുത്ത​താ​യി തോന്നു​ന്നു.”

യഹോ​വ​യു​ടെ സാക്ഷികൾ അവരുടെ സമാധാ​ന​പ്ര​ത്യാ​ശ ഐക്യ​രാ​ഷ്‌ട്ര​ങ്ങ​ളി​ലോ മറ്റേ​തെ​ങ്കി​ലും സമാധാന സംരം​ഭ​ങ്ങ​ളി​ലോ അല്ല പിന്നെ​യോ സമാധാന പ്രഭു​വായ യേശു​ക്രി​സ്‌തു​വിൽ ആണ്‌ വയ്‌ക്കു​ന്നത്‌. എല്ലാവ​രും അങ്ങനെ ചെയ്‌തി​രു​ന്നെ​ങ്കിൽ എന്ത്‌? അതെ, “അന്യോ​ന്യം സ്‌നേ​ഹി​ക്കു​ന്ന​തി​നും” “സമാധാന സ്‌നേ​ഹി​ക​ളാ​യി​രി​ക്കു​ന്ന​തി​നും ഉള്ള ക്രിസ്‌തു​വി​ന്റെ ഉപദേശം എല്ലാവ​രും അനുസ​രി​ച്ചി​രു​ന്നു​വെ​ങ്കിൽ എന്തു സംഭവി​ക്കു​മാ​യി​രു​ന്നു എന്ന്‌ സങ്കൽപ്പി​ക്കുക!

ഭൂമി​യിൽ യഥാർത്ഥ സമാധാ​നം—ഉടൻ!

ഭൂമി​യിൽ സമാധാ​നം എന്ന വാക്കുകൾ പുൽത്തൊ​ഴു​ത്തി​ലെ ശിശു​വി​ന്റെ ദൃശ്യ​രൂ​പ​ത്തോട്‌ അനുബ​ന്ധിച്ച്‌ ക്രിസ്‌തു​മസ്സ്‌ കാലങ്ങ​ളിൽ മിക്ക​പ്പോ​ഴും കേൾക്കാ​റുള്ള പദങ്ങളാണ്‌. പക്ഷേ, ഇത്‌ ക്രിസ്‌തു​വി​ന്റെ സ്ഥാനത്തി​ന്റെ യഥാർത്ഥ ചിത്രം ആണോ? അശ്ശേഷം അല്ല. ക്രിസ്‌തു ഒരു രാജശി​ശു​വി​നേ​ക്കാൾ കവിഞ്ഞ​വ​നാണ്‌. പിൻവ​രുന്ന ബൈബിൾ പ്രവച​ന​ത്തി​ന്റെ നിവൃ​ത്തി​യാ​യി അവന്‌ രാജത്വ​വും അധികാ​ര​വും നൽക​പ്പെ​ട്ടി​രി​ക്കു​ന്നു: “രാജാ​ധി​പ​ത്യം അവന്റെ തോളിൽ ഇരിക്കും. സമാധാ​ന​പ്രഭു എന്ന്‌ അവന്‌ പേർ വിളി​ക്ക​പ്പെ​ടും”—യെശയ്യാവ്‌ 9:6.

മുഴു​ഭൂ​മി​യു​ടെ​യും മേലുള്ള ദൈവ​ത്തി​ന്റെ നിയമിത രാജാ​വെന്ന നിലയിൽ ക്രിസ്‌തു ഭൂമി​യിൽ സമാധാ​നം കൈവ​രു​ത്തും. പക്ഷെ ഇത്‌ പലരും പ്രതീ​ക്ഷി​ച്ചേ​ക്കാ​വുന്ന വിധത്തിൽ ആയിരി​ക്കു​ക​യില്ല. നിങ്ങളു​ടെ ബൈബിൾ തുറന്ന്‌ വെളി​പ്പാട്‌ പുസ്‌തകം 19-ാം അദ്ധ്യായം 11 മുതൽ 16 വരെയുള്ള വാക്യങ്ങൾ വായി​ക്കുക. ഇവിടെ വിവരി​ച്ചി​രി​ക്കുന്ന ക്രിസ്‌തു​വി​ന്റെ സ്ഥാനം സംബന്ധിച്ച ഒരു ചിത്രം നമുക്ക്‌ ലഭിക്കു​ന്നത്‌ മർമ്മ​പ്ര​ദാ​നം ആണ്‌.—ദൈവ​ത്തി​ന്റെ ദൂത​സൈ​ന്യ​ത്തിൽ ശിരസ്ഥാ​ന​ത്തുള്ള ശക്തനായ രാജാവ്‌ എന്ന സ്ഥാനം. “ദൈവ​വ​ച​ന​മായ” ക്രിസ്‌തു രാഷ്‌ട്ര​ങ്ങളെ പ്രഹരിച്ച്‌, അവരെ ഇരുമ്പ്‌ ദണ്ഡു​കൊണ്ട്‌ മെയി​ക്കും. സമാധാ​ന​ത്തി​ന്റെ ഗവൺമെൻറിന്‌ വഴി​യൊ​രു​ക്കു​ന്ന​തിന്‌ അവയെ നീക്കം ചെയ്‌തു കൊണ്ടു​തന്നെ.

ആ സ്ഥിതിക്ക്‌ ഭൂമി​യിൽ സമാധാ​നം സാക്ഷാ​ത്‌ക​രി​ക്ക​പ്പെ​ടുന്ന വിധം ഇതാണ്‌. ഇത്‌ ഐക്യ​രാ​ഷ​ട്രങ്ങൾ മുഖേ​ന​യോ മറ്റേ​തെ​ങ്കി​ലും മാനുഷ സമാധാന ഏജൻസി മുഖേ​ന​യോ അല്ല വരുന്നത്‌ പിന്നെ​യോ അത്‌ ദൈവ​ത്തി​ന്റെ രാജ്യ​ഗ​വൺമെൻറ്‌ മുഖാ​ന്തരം കൈവ​രി​ക്ക​പ്പെ​ടും പിൻവ​രുന്ന ബൈബിൾ പ്രവചനം നിവൃ​ത്തി​യേ​റുന്ന കാലത്താണ്‌ നാം ഇന്ന്‌ ജീവി​ക്കു​ന്നത്‌: ആ രാജാ​ക്കൻമാ​രു​ടെ കാലത്ത്‌ സ്വർഗ്ഗ​സ്ഥ​നായ ദൈവം ഒരു നാളും നശിച്ചു​പോ​കാത്ത രാജ്യം സ്ഥാപി​ക്കും. ആ രാജ്യം താനും . . . ഈ രാജ്യ​ങ്ങളെ എല്ലാം തകർത്ത്‌ നശിപ്പി​ക്കു​ക​യും, അത്‌ സ്വയം അനിശ്ചിത കാല​ത്തോ​ളം നിലനിൽക്കു​ക​യും ചെയ്യും.”—ദാനി​യേൽ 2:44.

ഇന്നത്തെ ഈ ഗവൺമെൻറു​ക​ളു​ടെ​യും അവയെ പിന്താ​ങ്ങുന്ന മതങ്ങളു​ടെ​യും മുൻകൂ​ട്ടി​പ്പ​റ​യ​പ്പെട്ട ദിവ്യ​നാ​ശ​ത്തി​ന്റെ കാഴ്‌ച​പ്പാ​ടിൽ നാം നമ്മുടെ സ്വന്ത അവസ്ഥ പരി​ശോ​ധി​ക്കു​ന്നത്‌ മർമ്മ​പ്ര​ധാ​ന​മാണ്‌. യുദ്ധത്തി​നർത്ഥം ഇല്ലെന്നു നിങ്ങൾ വിശ്വ​സി​ക്കു​ക​യും സമാധാ​നം സാർവ്വ​ത്രി​കം ആയിത്തീ​രുന്ന കാലത്ത്‌ ഭൂമി​യിൽ വസിക്കാൻ നിങ്ങൾ ആഗ്രഹി​ക്കു​ക​യും ചെയ്യു​ന്നു​വെ​ങ്കിൽ യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടുക. ദൈവ​രാ​ജ്യ​ഭ​ര​ണ​ത്തിൻ കീഴെ ഭൂമി​യിൽ സമാധാ​നം വേഗത്തിൽ എങ്ങനെ സാക്ഷാ​ത്‌ക​രി​ക്ക​പ്പെ​ടും എന്ന്‌ കൂടുതൽ ഗ്രഹി​ക്കാൻ നിങ്ങളെ സഹായി​ക്കു​ന്ന​തിന്‌ അവർ സന്തുഷ്ട​രാണ്‌. (g85 12/22)

ജനങ്ങളായ നിങ്ങൾ വരിക. അവൻ ഭൂമി​യിൽ ആശ്ചര്യ സംഭവങ്ങൾ എങ്ങനെ ഒരുക്കി​യി​രി​ക്കു​ന്നു എന്നിങ്ങനെ അവന്റെ പ്രവൃ​ത്തി​കളെ നോക്കു​വിൻ. അവൻ ഭൂമി​യു​ടെ അറ്റ​ത്തോ​ളം യുദ്ധങ്ങൾക്ക​റു​തി വരുത്തു​ന്നു. അവൻ വില്ലൊ​ടിച്ച്‌ കുന്തം തുണ്ടങ്ങ​ളാ​യി മുറി​ക്കു​ന്നു; രഥങ്ങളെ അവൻ തീയി​ലി​ട്ടു ചുട്ടു​ക​ള​യു​ന്നു.”—സങ്കീർത്ത​നങ്ങൾ 46:8, 9.

[8-ാം പേജിലെ ആകർഷ​ക​വാ​ക്യം]

“നമുക്ക്‌ അന്യോ​ന്യം സ്‌നേഹം ഉണ്ടായി​രി​ക്കണം; സഹോ​ദ​രനെ കൊന്ന . . . കയീ​നെ​പ്പോ​ലെയല്ല.”

[9-ാം പേജിലെ ചതുരം]

കൊലയാളിയിൽ നിന്ന്‌ സമാധാന പുരു​ഷ​നി​ലേക്ക്‌

ഐക്യ​നാ​ടു​ക​ളു​ടെ തെക്കു ഭാഗത്തെ യഹോ​വ​യു​ടെ സാക്ഷി​ക​ളു​ടെ ഒരു സഞ്ചാര​മേൽവി​ചാ​രകൻ ഒരു പ്രായ​മുള്ള ജർമ്മൻ സാക്ഷി​യു​മൊത്ത്‌ വീടു​തോ​റു​മുള്ള സന്ദർശ​നങ്ങൾ നടത്തി വരിക​യാ​യി​രു​ന്നു. ഒരു വീട്ടു വാതിൽക്കൽ, ക്രൈ​സ്‌തവ ലോക​സ​ഭ​ക​ളിൽ ഒന്നിന്റെ അംഗമാണ്‌ താനെന്ന്‌ സ്വയം തിരി​ച്ച​റി​യിച്ച ഒരു സ്‌ത്രീ, യഹോ​വ​യു​ടെ സാക്ഷികൾ അവരുടെ രാജ്യ​ത്തിന്‌ വേണ്ടി പോരാ​ടി​യില്ല എന്നതു​കൊണ്ട്‌ തനിക്ക്‌ അവരു​മാ​യി യാതൊ​രു കാര്യ​വും ഇല്ല എന്ന്‌ പറഞ്ഞു. അവൾക്ക്‌ രണ്ടാം​ലോക മഹായു​ദ്ധ​ത്തിൽ വച്ച്‌ ഒരു മകൻ നഷ്ടമാ​യി​രു​ന്നു, സാക്ഷി​ക​ളും ആ യുദ്ധസം​രം​ഭ​ത്തിൽ സഹായി​ക്കേ​ണ്ട​താ​യി​രു​ന്നു എന്നു അവൾക്ക്‌ തോന്നി.

അവർ അവിടം വിട്ടു​പോ​കവേ, പ്രായ​മേ​റിയ ജർമ്മൻ സാക്ഷി, താൻ അവളോട്‌ പറഞ്ഞു​കൊ​ള്ളട്ടെ എന്നു ചോദി​ച്ചു. ‘നിങ്ങള​റി​യു​ന്നു​ണ്ടോ, ഞാനും ആ യുദ്ധത്തിൽ പോരാ​ടി​യി​രു​ന്നു’ എന്നു പറഞ്ഞു​കൊണ്ട്‌ അദ്ദേഹം ഇങ്ങനെ തുടർന്നു. പക്ഷേ ഞാൻ ഐക്യ​നാ​ടു​ക​ളു​ടെ പക്ഷത്താ​യി​രു​ന്നില്ല. ഞാൻ ജർമ്മനി​യു​ടെ പക്ഷത്തു​നി​ന്നാണ്‌ പോരാ​ടി​യത്‌. മുപ്പത്തഞ്ച്‌ അമേരി​ക്കൻ ഭടൻമാ​രെ ഒറ്റക്ക്‌ കൊന്ന​തിന്‌ അഡോൾഫ്‌ ഹിറ്റലർ എന്നെ പതക്കമ​ണി​യി​ച്ചി​ട്ടുണ്ട്‌. ഇതിൽ പലതും ദ്വന്ദയു​ദ്ധ​ങ്ങ​ളിൽ വച്ച്‌ എന്റെ സ്വന്തം കൈകൾ കൊണ്ടാ​യി​രു​ന്നു. ഒരു പക്ഷേ ആ മനുഷ്യ​രിൽ ഒരാൾ നിങ്ങളു​ടെ മകൻ ആയിരു​ന്നി​രി​ക്കാം. എനിക്ക​റി​യില്ല. ഞാൻ ഒരു യഹോ​വ​യു​ടെ സാക്ഷി​യാ​യി​രു​ന്നെ​ങ്കിൽ എന്ന്‌ നിങ്ങൾ പ്രാർത്ഥി​ക്കു​മാ​യി​രു​ന്നു. കാരണം അത്‌ ചെയ്‌ത​പ്പോൾ ഞാൻ നിങ്ങളു​ടെ മതത്തിന്റെ ഒരംഗം ആയിരു​ന്നു.’

അത്‌ ആ സ്‌ത്രീക്ക്‌ തികച്ചും വ്യത്യ​സ്ഥ​മായ ഒരു കാഴ്‌ച്ച​പ്പാട്‌ നൽകി. വാസ്‌ത​വ​ത്തിൽ സത്യ​ക്രി​സ്‌ത്യാ​നി​കൾക്ക്‌ തങ്ങളുടെ സഹവി​ശ്വാ​സി​കളെ അവർ കേവലം ഒരു ഭിന്ന ജാതി​യി​ലോ ദേശത്തി​ലോ ഉള്ളവരാണ്‌ എന്ന കാരണം ചൊല്ലി കൊല ചെയ്യാൻ എങ്ങനെ കഴിയും?

[10-ാം പേജിലെ ചിത്രം]

ഐക്യരാഷ്‌ട്ര പ്ലാസയു​ടെ ഈ കൻമതി​ലിൻമേൽ കൊത്തി​യി​രി​ക്കുന്ന യെശയ്യാവ്‌ 2:4-ലെ ബൈബിൾ പ്രവചനം ആരാണ്‌ നിവർത്തി​ക്കു​ന്നത്‌?