യഥാർഥ സമാധാ​നം—ഏത്‌ ഉറവിൽനിന്ന്‌?

“[യഹോവ] ഭൂമി​യു​ടെ അറ്റംവ​രെ​യും യുദ്ധങ്ങളെ നിർത്തൽചെ​യ്യു​ന്നു.”—സങ്കീർത്തനം 46:9.

1. യെശയ്യാ​വി​ന്റെ പ്രവച​ന​ത്തിൽ നാം സമാധാ​ന​ത്തെ​ക്കു​റി​ച്ചുള്ള അത്ഭുത​ക​ര​മായ ഏതു പ്രവചനം കാണുന്നു?

“നീതി​യു​ടെ ഫലം സമാധാ​ന​മാ​യി​രി​ക്കും; നീതി​യു​ടെ പരിണ​ത​ഫലം പ്രശാ​ന്ത​ത​യും എന്നേക്കു​മുള്ള പ്രത്യാ​ശ​യും ആയിരി​ക്കും. എന്റെ ജനം സമാധാ​ന​പൂർണ്ണ​മായ വസതി​യിൽ പാർക്കും; സുരക്ഷി​ത​മായ ഭവനങ്ങ​ളി​ലും പ്രശാ​ന്ത​മായ വിശ്ര​മ​സ​ങ്കേ​ത​ങ്ങ​ളി​ലും തന്നെ.” (യെശയ്യാ​വു 32:17, 18, പി.ഒ.സി. ബൈബിൾ) എത്ര മനോ​ഹ​ര​മായ വാഗ്‌ദാ​നം! ദൈവം വരുത്തുന്ന യഥാർഥ സമാധാ​ന​ത്തെ​ക്കു​റി​ച്ചുള്ള വാഗ്‌ദാ​ന​മാ​ണത്‌.

2, 3. യഥാർഥ സമാധാ​നത്തെ വർണി​ക്കുക.

² എന്നാൽ യഥാർഥ സമാധാ​നം എന്താണ്‌? കേവലം യുദ്ധമി​ല്ലാത്ത അവസ്ഥയാ​ണോ? അതോ അടുത്ത യുദ്ധത്തി​നാ​യി രാഷ്‌ട്രങ്ങൾ ഒരുങ്ങുന്ന കാലഘ​ട്ട​മോ? യഥാർഥ സമാധാ​നം ഒരു സ്വപ്‌നം മാത്ര​മാ​ണോ? നമുക്ക്‌ ആശ്രയ​യോ​ഗ്യ​മായ ഉത്തരങ്ങൾ ആവശ്യ​മാ​യി​രി​ക്കുന്ന ചോദ്യ​ങ്ങ​ളാണ്‌ ഇവ. ഒന്ന്‌, യഥാർഥ സമാധാ​നം കേവല​മൊ​രു സ്വപ്‌നമല്ല. ഈ ലോക​ത്തി​നു വിഭാവന ചെയ്യാൻ കഴിയുന്ന എന്തി​നെ​ക്കാ​ളും മഹത്തര​മാണ്‌ ദൈവം വാഗ്‌ദാ​നം ചെയ്‌തി​രി​ക്കുന്ന സമാധാ​നം. (യെശയ്യാ​വു 64:4) ഏതാനും വർഷമോ പതിറ്റാ​ണ്ടു​ക​ളോ മാത്രം നിലനിൽക്കുന്ന സമാധാ​നമല്ല അത്‌. അത്‌ എന്നേക്കും നിലനിൽക്കു​ന്ന​താണ്‌! അനുഗൃ​ഹീ​ത​രായ ചിലയാ​ളു​കൾക്കു മാത്ര​മാ​യു​ള്ളതല്ല ആ സമാധാ​നം—അതു സ്വർഗ​ത്തെ​യും ഭൂമി​യെ​യും ദൂതന്മാ​രെ​യും മനുഷ്യ​രെ​യും ബാധി​ക്കു​ന്ന​താണ്‌. അത്‌ എല്ലാ രാഷ്‌ട്ര​ങ്ങ​ളി​ലും വംശീയ കൂട്ടങ്ങ​ളി​ലും ഭാഷക​ളി​ലും നിറങ്ങ​ളി​ലു​മുള്ള ആളുക​ളി​ലേക്ക്‌ എത്തി​ച്ചേ​രു​ന്നു. അതിന്‌ അതിർവ​ര​മ്പു​ക​ളോ പ്രതി​ബ​ന്ധ​ങ്ങ​ളോ പരാജ​യ​ങ്ങ​ളോ ഇല്ല.—സങ്കീർത്തനം 72:7, 8; യെശയ്യാ​വു 48:18.

³ യഥാർഥ സമാധാ​ന​ത്തി​ന്റെ അർഥം എല്ലാ ദിവസ​വും സമാധാ​ന​മു​ണ്ടാ​യി​രി​ക്കു​മെ​ന്നാണ്‌. യുദ്ധ​ത്തെ​ക്കു​റി​ച്ചുള്ള ചിന്തയി​ല്ലാ​തെ, നിങ്ങളു​ടെ​യോ കുട്ടി​ക​ളു​ടെ​യോ എന്തിനു നിങ്ങളു​ടെ പേരക്കു​ട്ടി​ക​ളു​ടെ​പോ​ലും ഭാവി​യെ​ക്കു​റിച്ച്‌ ഉത്‌ക​ണ്‌ഠ​പ്പെ​ടാ​തെ നിങ്ങൾക്കു ദിവസേന രാവിലെ ഉണരാൻ കഴിയു​മെ​ന്നാണ്‌ അതിന്റെ അർഥം. തികഞ്ഞ മനസ്സമാ​ധാ​നം എന്നർഥം. (കൊ​ലൊ​സ്സ്യർ 3:15) അതിനർഥം മേലാൽ കുറ്റകൃ​ത്യ​ങ്ങ​ളോ അക്രമ​ങ്ങ​ളോ ഛിദ്രിച്ച കുടും​ബ​ങ്ങ​ളോ ഭവനര​ഹി​ത​രോ ഉണ്ടായി​രി​ക്കു​ക​യില്ല എന്നാണ്‌. പട്ടിണി​യി​ലോ കൊടും​ത​ണു​പ്പി​ലോ കിടന്നു മരിക്കു​ന്ന​വ​രില്ല, കൂടാതെ നിരാ​ശ​യോ ആശാഭം​ഗ​മോ ഉണ്ടായി​രി​ക്കു​ക​യില്ല. ഇതിലു​മ​ധി​ക​മാ​യി ദൈവ​സ​മാ​ധാ​നം രോഗ​വും വേദന​യും ദുഃഖ​വും മരണവും ഇല്ലാത്ത ഒരു ലോകത്തെ അർഥമാ​ക്കു​ന്നു. (വെളി​പ്പാ​ടു 21:4) യഥാർഥ സമാധാ​നം എന്നേക്കും ആസ്വദി​ക്കു​ക​യെന്ന എത്ര ഗംഭീര പ്രത്യാ​ശ​യാ​ണു നമുക്കു​ള്ളത്‌! നാം അഭില​ഷി​ക്കു​ന്ന​തരം സമാധാ​ന​വും സന്തുഷ്ടി​യു​മല്ലേ അത്‌? അത്തരം സമാധാ​ന​ത്തി​നു​വേ​ണ്ടി​യല്ലേ നാം പ്രാർഥി​ക്കേ​ണ്ട​തും പ്രയത്‌നി​ക്കേ​ണ്ട​തും?

മനുഷ്യ​വർഗ​ത്തി​ന്റെ വിഫല ശ്രമങ്ങൾ

4. സമാധാ​ന​ത്തി​നു​വേണ്ടി രാഷ്‌ട്രങ്ങൾ എന്തു ശ്രമങ്ങൾ നടത്തി​യി​രി​ക്കു​ന്നു, ഫലങ്ങ​ളെന്ത്‌?

⁴ നൂറ്റാ​ണ്ടു​ക​ളാ​യി മനുഷ്യ​രും രാഷ്‌ട്ര​ങ്ങ​ളും സമാധാ​ന​ത്തെ​ക്കു​റി​ച്ചു സംസാ​രി​ക്കു​ക​യും സമാധാ​ന​ത്തെ​ക്കു​റി​ച്ചു സംവാ​ദങ്ങൾ നടത്തു​ക​യും നൂറു​ക​ണ​ക്കി​നു സമാധാന ഉടമ്പടി​ക​ളിൽ ഒപ്പു​വെ​ക്കു​ക​യും ചെയ്‌തി​ട്ടുണ്ട്‌. ഫലമോ? കഴിഞ്ഞ 80 വർഷത്തിൽ, ഏതെങ്കി​ലു​മൊ​രു രാഷ്‌ട്ര​മോ വിഭാ​ഗ​മോ യുദ്ധത്തി​ലേർപ്പെ​ടാത്ത ഒരു നിമി​ഷം​പോ​ലും ഉണ്ടായി​രു​ന്നി​ട്ടില്ല. വ്യക്തമാ​യും, സമാധാ​നം മനുഷ്യ​വർഗ​ത്തിന്‌ ഒരു മരീചി​ക​യാ​യി​രി​ക്കു​ക​യാണ്‌. അതു​കൊണ്ട്‌ ചോദ്യ​മി​താണ്‌, സാർവ​ദേ​ശീയ സമാധാ​നം കൈവ​രി​ക്കാ​നുള്ള മമനു​ഷ്യ​ന്റെ ശ്രമങ്ങൾ പരാജ​യ​പ്പെ​ട്ടി​രി​ക്കു​ന്ന​തെ​ന്തു​കൊണ്ട്‌, നിലനിൽക്കുന്ന സമാധാ​ന​മായ യഥാർഥ സമാധാ​നം കൈവ​രു​ത്തു​ന്ന​തി​നു മനുഷ്യൻ അപ്രാ​പ്‌ത​നാ​യി​രി​ക്കു​ന്ന​തെ​ന്തു​കൊണ്ട്‌?

5. സമാധാ​ന​ത്തി​നു​വേ​ണ്ടി​യുള്ള മനുഷ്യ​ശ്ര​മങ്ങൾ എന്നും പരാജ​യ​പ്പെ​ട്ടി​രി​ക്കു​ന്നത്‌ എന്തു​കൊണ്ട്‌?

⁵ മനുഷ്യ​വർഗം യഥാർഥ സമാധാ​ന​ത്തി​നുള്ള ശരിയായ ഉറവി​ലേക്കു തിരി​ഞ്ഞി​ട്ടി​ല്ലെ​ന്ന​താ​ണു ലളിത​മായ ഉത്തരം. പിശാ​ചായ സാത്താന്റെ സ്വാധീ​ന​ത്തിൻ കീഴിൽ മനുഷ്യ​വർഗം സംഘട​നകൾ സ്ഥാപിച്ചു. പക്ഷേ അവ അത്യാ​ഗ്രഹം, ദുരാ​ഗ്രഹം, അധികാ​ര​ത്തി​നും പ്രാമു​ഖ്യ​ത​യ്‌ക്കും​വേ​ണ്ടി​യുള്ള ഭ്രാന്ത്‌ എന്നിങ്ങ​നെ​യുള്ള സ്വന്തം ദൗർബ​ല്യ​ങ്ങൾക്കും ദുർഗു​ണ​ങ്ങൾക്കും ഇരയാ​കു​ക​യാ​ണു​ണ്ടാ​യത്‌. അവർ ഉന്നതപ​ഠ​ന​ത്തി​നുള്ള വിദ്യാ​ഭ്യാ​സ സ്ഥാപന​ങ്ങ​ളി​ലേക്കു പോകു​ക​യും ഭാവി​സു​ര​ക്ഷി​ത​ത്വ​ത്തി​നാ​യുള്ള സ്ഥാപന​ങ്ങ​ളും വിദഗ്‌ധ സമിതി​ക​ളും രൂപീ​ക​രി​ക്കു​ക​യും ചെയ്‌തു. എന്നാൽ ഇവ ഞെരു​ക്ക​വും നാശവും വരുത്തു​ന്ന​തി​നുള്ള കൂടു​ത​ലായ ഉപാധി​കൾ ഉണ്ടാക്കു​ന്ന​തി​നെ​ക്കു​റി​ച്ചു മാത്രമേ ചിന്തി​ച്ചു​ള്ളൂ. ഏത്‌ ഉറവി​ലേ​ക്കാണ്‌ മനുഷ്യൻ നയിക്ക​പ്പെ​ട്ടി​രി​ക്കു​ന്നത്‌? അവർ എങ്ങോട്ട്‌ നോക്കി​യി​രി​ക്കു​ന്നു?

6, 7. (എ) സർവരാ​ജ്യ​സ​ഖ്യം എന്തു രേഖയാണ്‌ ഉണ്ടാക്കി​യി​രി​ക്കു​ന്നത്‌? (ബി) ഐക്യ​രാ​ഷ്‌ട്ര​ങ്ങ​ളു​ടെ രേഖ​യെന്ത്‌?

⁶ നിലനിൽക്കുന്ന സമാധാ​നം കൈവ​രു​ത്തു​ന്ന​തി​നാ​യി രാഷ്‌ട്രങ്ങൾ മുമ്പ്‌, 1919-ൽ, സർവരാ​ജ്യ​സ​ഖ്യ​ത്തി​ലേക്കു തിരിഞ്ഞു. പക്ഷേ 1935-ൽ മുസോ​ളി​നി എത്യോ​പ്യ ആക്രമി​ക്കു​ക​യും 1936-ൽ സ്‌പെ​യി​നിൽ ആഭ്യന്ത​ര​യു​ദ്ധം പൊട്ടി​പ്പു​റ​പ്പെ​ടു​ക​യും ചെയ്‌ത​പ്പോൾ ആ പ്രതീക്ഷ അസ്ഥാന​ത്താ​യി. 1939-ൽ രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​തോ​ടെ ആ സഖ്യം മൺമറഞ്ഞു. ആ വ്യാജ​മായ സമാധാ​നം 20 വർഷം​പോ​ലും നിലനി​ന്നില്ല.

⁷ ഐക്യ​രാ​ഷ്‌ട്ര​ങ്ങ​ളു​ടെ കാര്യ​മോ? ഭൂവ്യാ​പ​ക​മാ​യി നിലനിൽക്കുന്ന സമാധാ​നം സംബന്ധിച്ച്‌ എന്തെങ്കി​ലും പ്രതീ​ക്ഷ​യു​ണർത്താൻ അതിനു കഴിഞ്ഞി​ട്ടു​ണ്ടോ? അശേഷ​മില്ല. അതു സ്ഥാപി​ത​മായ 1945-നുശേഷം 150-ലധികം യുദ്ധങ്ങ​ളും സായുധ പോരാ​ട്ട​ങ്ങ​ളു​മാണ്‌ നടന്നി​രി​ക്കു​ന്നത്‌! യുദ്ധ​ത്തെ​യും അതിന്റെ ഉത്ഭവ​ത്തെ​യും കുറിച്ചു പഠനം നടത്തുന്ന ഒരു കനേഡി​യൻ ഗവേഷ​ക​നായ ഗ്വിൻ ഡയർ, ഐക്യ​രാ​ഷ്‌ട്ര​ങ്ങളെ വർണി​ച്ചത്‌ അത്‌ “വിശു​ദ്ധ​ന്മാ​രു​ടെ ഒരു സമൂഹമല്ല” എന്നും മറിച്ച്‌ “മൃഗസം​ര​ക്ഷ​ക​രാ​യി മാറിയ മൃഗ​വേ​ട്ട​ക്കാ​രു​ടെ ഒരു സംഘടന”യാണെ​ന്നും “ശക്തി നഷ്ടപ്പെട്ട ഒരു സംസാ​ര​വേദി”യാണെ​ന്നു​മാണ്‌.—യിരെ​മ്യാ​വു 6:14-ഉം 8:15-ഉം താരത​മ്യം ചെയ്യുക.

8. സമാധാ​ന​ത്തെ​ക്കു​റി​ച്ചു സംസാ​രി​ക്കാ​റു​ണ്ടെ​ങ്കി​ലും, രാഷ്‌ട്രങ്ങൾ എന്തു ചെയ്‌തു​കൊ​ണ്ടി​രി​ക്കു​ന്നു? (യെശയ്യാ​വു 59:8)

⁸ സമാധാ​ന​ത്തെ​ക്കു​റി​ച്ചു സംസാ​രി​ക്കു​മ്പോൾത്തന്നെ രാഷ്‌ട്രങ്ങൾ ആയുധങ്ങൾ കണ്ടുപി​ടി​ക്കു​ക​യും നിർമി​ക്കു​ക​യും ചെയ്യു​ന്ന​തിൽ തുടരു​ന്നു. സമാധാ​ന​ത്തി​നാ​യി ചർച്ചകൾ നടത്തുന്ന അതേ രാജ്യ​ങ്ങൾത​ന്നെ​യാണ്‌ ആയുധ​നിർമാ​ണ​ത്തിൽ മുൻപ​ന്തി​യിൽ നിൽക്കു​ന്ന​തും. ഈ രാജ്യ​ങ്ങ​ളി​ലെ ശക്തമായ വാണി​ജ്യ​താ​ത്‌പ​ര്യ​ങ്ങൾനി​മി​ത്തം സംഹാ​രാ​യു​ധ​ങ്ങ​ളു​ടെ നിർമാ​ണം തഴയ്‌ക്കു​ക​യാണ്‌. ഓരോ വർഷവും ഏതാണ്ട്‌ 26,000 പൗരജ​ന​ങ്ങ​ളെ​യും കുട്ടി​ക​ളെ​യും കൊ​ന്നൊ​ടു​ക്കു​ക​യോ മുറി​വേൽപ്പി​ക്കു​ക​യോ ചെയ്യുന്ന ഭീതി​ദ​മായ മൈനു​ക​ളും അതിൽ ഉൾപ്പെ​ടും. ഇതിന്റെ പ്രേര​ക​ശക്തി അത്യാ​ഗ്ര​ഹ​വും അഴിമ​തി​യു​മാണ്‌. കൈക്കൂ​ലി​യും കമ്മീഷ​നും അന്താരാ​ഷ്‌ട്ര ആയുധ വ്യാപാ​ര​ത്തിൽ സർവസാ​ധാ​ര​ണ​മാ​യി​രി​ക്കു​ന്നു. ഈ വിധത്തി​ലാണ്‌ ചില രാഷ്‌ട്രീ​യ​ക്കാർ സമ്പന്നരാ​കു​ന്നത്‌.

9, 10. യുദ്ധങ്ങ​ളെ​യും മനുഷ്യ​ശ്ര​മ​ങ്ങ​ളെ​യും കുറിച്ച്‌ ലൗകിക വിദഗ്‌ധർ എന്തു നിരീ​ക്ഷി​ച്ചി​രി​ക്കു​ന്നു?

⁹ 1995 ഡിസം​ബ​റിൽ, പോളീഷ്‌ ഭൗതി​ക​ശാ​സ്‌ത്ര​ജ്ഞ​നും സമാധാ​ന​ത്തി​നുള്ള നോബൽ സമ്മാന ജേതാ​വു​മായ ജോസഫ്‌ റോട്ട്‌ബ്ലാറ്റ്‌ ആയുധ​മ​ത്സരം അവസാ​നി​പ്പി​ക്കാൻ രാഷ്‌ട്ര​ങ്ങ​ളോട്‌ ആഹ്വാനം ചെയ്‌തു. അദ്ദേഹം പറഞ്ഞു: “[ഒരു പുതിയ ആയുധ​മ​ത്സരം] തടയു​ന്ന​തി​നുള്ള ഒരേ​യൊ​രു മാർഗം യുദ്ധത്തെ അപ്പാടെ നിരോ​ധി​ക്ക​ലാണ്‌.” ഇതു സംഭവി​ക്കാ​നുള്ള സാധ്യ​ത​യു​ണ്ടെന്നു നിങ്ങൾ വിചാ​രി​ക്കു​ന്നു​ണ്ടോ? ഭിന്നതകൾ പരിഹ​രി​ക്കു​ന്ന​തി​നുള്ള ഒരു മാർഗമല്ല യുദ്ധം എന്നു പറഞ്ഞ്‌ 1928 മുതൽ 62 രാഷ്‌ട്രങ്ങൾ കെല്ലോഗ്‌-ബ്രിയൻഡ്‌ ഉടമ്പടി​യിൽ ഒപ്പു​വെച്ചു. എന്നാൽ ആ ഉടമ്പടിക്ക്‌ അത്‌ എഴുതിയ കടലാ​സി​ന്റെ വില​പോ​ലു​മി​ല്ലാ​യി​രു​ന്നു​വെന്ന​തി​നു തെളി​വാണ്‌ രണ്ടാം ലോക​മ​ഹാ​യു​ദ്ധം.

¹⁰ ചരി​ത്ര​ത്തിൽ മനുഷ്യ​വർഗ​ത്തി​ന്റെ പാതയിൽ എന്നും യുദ്ധങ്ങൾ ഇടർച്ച​ക്ക​ല്ലാ​യി​രു​ന്നു​വെ​ന്ന​തി​നു തർക്കമില്ല. ഗ്വിൻ ഡയർ എഴുതി​യ​തു​പോ​ലെ, “യുദ്ധം മനുഷ്യ സംസ്‌കാ​ര​ത്തിൽ ചിര​പ്ര​തിഷ്‌ഠ നേടി​യി​രി​ക്കു​ന്നു, അതിനു മാനവ സംസ്‌കാ​ര​ത്തോ​ളം​തന്നെ പഴക്കമുണ്ട്‌.” മിക്കവാ​റും എല്ലാ സംസ്‌കാ​ര​ങ്ങ​ളി​ലും സാമ്രാ​ജ്യ​ങ്ങ​ളി​ലും സർവാ​ദ​ര​ണീ​യ​രായ പടനാ​യ​ക​ന്മാ​രും സ്ഥിരം സേനക​ളും വിഖ്യാ​ത​മായ യുദ്ധങ്ങ​ളും സംപൂ​ജ്യ​മായ സൈനിക അക്കാദ​മി​ക​ളും ആയുധ​ശേ​ഖ​ര​ങ്ങ​ളും ഉണ്ടായി​രു​ന്നു. എന്നാൽ മറ്റേതു നൂറ്റാ​ണ്ടി​നെ​ക്കാ​ളു​മ​ധി​കം യുദ്ധത്താ​ലുള്ള നശീക​ര​ണ​വും ജീവന​ഷ്ട​വും ഉണ്ടായി​രി​ക്കു​ന്നത്‌ നമ്മുടെ നൂറ്റാ​ണ്ടി​ലാണ്‌.

11. സമാധാ​നം തേടു​ന്ന​തിൽ ലോക​നേ​താ​ക്ക​ന്മാർ ഏത്‌ അടിസ്ഥാന സംഗതി അവഗണി​ച്ചി​രി​ക്കു​ന്നു?

¹¹ ലോക​നേ​താ​ക്ക​ന്മാർ യിരെ​മ്യാ​വു 10:23-ലെ അടിസ്ഥാന ജ്ഞാനത്തെ അവഗണി​ച്ചി​രി​ക്കു​ന്നു​വെ​ന്നത്‌ വ്യക്തമാണ്‌: “യഹോവേ, മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല എന്നു ഞാൻ അറിയു​ന്നു.” ദൈവത്തെ അവഗണി​ച്ചു​കൊണ്ട്‌ യഥാർഥ സമാധാ​നം നേടുക സാധ്യമല്ല. സംസ്‌കാ​ര​മുള്ള സമൂഹ​ത്തിൽ യുദ്ധം ഒഴിച്ചു​കൂ​ടാ​നാ​വി​ല്ലെ​ന്നാ​ണോ ഇതി​ന്റെ​യെ​ല്ലാം അർഥം? സമാധാ​നം—യഥാർഥ സമാധാ​നം—അസാധ്യ​മായ ഒരു സ്വപ്‌ന​മാ​ണെന്ന്‌ അർഥമു​ണ്ടോ?

മൂലകാ​രണം കണ്ടെത്തൽ

12, 13. (എ) യുദ്ധത്തി​ന്റെ അടിസ്ഥാ​ന​പ​ര​മായ, അദൃശ കാരണം എന്താ​ണെ​ന്നാണ്‌ ബൈബിൾ വെളി​പ്പെ​ടു​ത്തു​ന്നത്‌? (ബി) ലോക​ത്തി​ന്റെ പ്രശ്‌ന​ങ്ങൾക്കുള്ള യഥാർഥ പരിഹാ​ര​ത്തിൽനി​ന്നു സാത്താൻ മനുഷ്യ​വർഗ​ത്തി​ന്റെ ശ്രദ്ധ തിരി​ച്ചി​രി​ക്കു​ന്ന​തെ​ങ്ങനെ?

¹² ആ ചോദ്യ​ങ്ങൾക്ക്‌ ഉത്തരം കണ്ടെത്തു​ന്ന​തിന്‌, യുദ്ധത്തി​ന്റെ കാരണങ്ങൾ നാം മനസ്സി​ലാ​ക്കേ​ണ്ട​തുണ്ട്‌. മത്സരബു​ദ്ധി കാട്ടിയ ഒരു ദൂതനായ സാത്താൻ ആദ്യ “കുലപാ​തക”നും “ഭോഷ്‌കു പറയു​ന്ന​വ​നും” ആണെന്നും “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു” എന്നും ബൈബിൾ വ്യക്തമാ​യി പ്രസ്‌താ​വി​ക്കു​ന്നു. (യോഹ​ന്നാൻ 8:44; 1 യോഹ​ന്നാൻ 5:19) തന്റെ തന്ത്രങ്ങ​ളു​ടെ വിജയ​ത്തിന്‌ അവൻ എന്തു ചെയ്‌തി​രി​ക്കു​ന്നു? 2 കൊരി​ന്ത്യർ 4:3, 4-ൽ നാമി​ങ്ങനെ വായി​ക്കു​ന്നു: “ഞങ്ങളുടെ സുവി​ശേഷം മറഞ്ഞി​രി​ക്കു​ന്നു എങ്കിൽ നശിച്ചു​പോ​കു​ന്ന​വർക്ക​ത്രേ മറഞ്ഞി​രി​ക്കു​ന്നു. ദൈവ​പ്ര​തി​മ​യായ ക്രിസ്‌തു​വി​ന്റെ തേജസ്സുള്ള സുവി​ശേ​ഷ​ത്തി​ന്റെ പ്രകാ​ശനം ശോഭി​ക്കാ​തി​രി​പ്പാൻ ഈ ലോക​ത്തി​ന്റെ ദൈവം അവിശ്വാ​സി​ക​ളു​ടെ മനസ്സു കുരു​ടാ​ക്കി.” ലോക​ത്തി​ന്റെ പ്രശ്‌ന​ങ്ങ​ളു​ടെ പരിഹാ​ര​മെന്ന നിലയിൽ ദൈവ​രാ​ജ്യ​ത്തിൽനി​ന്നു മനുഷ്യ​വർഗ​ത്തി​ന്റെ ശ്രദ്ധയെ വ്യതി​ച​ലി​പ്പി​ക്കാൻ സാത്താൻ ആകുന്നത്ര ശ്രമി​ക്കു​ന്നു. ഭിന്നി​പ്പി​ക്കുന്ന സാമൂ​ഹി​ക​വും രാഷ്‌ട്രീ​യ​വും മതപര​വു​മായ പ്രശ്‌നങ്ങൾ ഉപയോ​ഗിച്ച്‌ അവൻ ആളുകളെ അന്ധരാ​ക്കു​ക​യും വഴി​തെ​റ്റി​ക്കു​ക​യും ചെയ്യുന്നു. തന്നിമി​ത്തം അവയെ​ല്ലാം ദൈവ​ത്തി​ന്റെ ഭരണ​ത്തെ​ക്കാൾ പ്രധാ​ന​മാ​ണെന്നു തോന്നി​പ്പി​ക്കു​ന്നു. അതിന്റെ ഒരുദാ​ഹ​ര​ണ​മാണ്‌ അടുത്ത​കാ​ല​ത്താ​യി ലോക​വ്യാ​പ​ക​മാ​യി​ത്തന്നെ ശക്തി​പ്രാ​പി​ക്കുന്ന ദേശീ​യ​വാ​ദം.

¹³ ദേശീ​യ​ത​യെ​യും വർഗീ​യ​ത​യെ​യും, അതായത്‌ ഒരു രാഷ്‌ട്ര​ത്തി​നോ വർഗത്തി​നോ ഗോ​ത്ര​ത്തി​നോ മറ്റുള്ള​വ​യെ​ക്കാൾ ശ്രേഷ്‌ഠ​ത​യു​ണ്ടെ​ന്നുള്ള വിശ്വാ​സത്തെ, സാത്താൻ പ്രോ​ത്സാ​ഹി​പ്പി​ക്കു​ന്നു. നൂറ്റാ​ണ്ടു​ക​ളാ​യി അണകെ​ട്ടി​നിർത്തി​യി​രി​ക്കുന്ന രൂഢമൂല വിദ്വേ​ഷങ്ങൾ തുറന്നു​വിട്ട്‌ അവൻ കൂടുതൽ യുദ്ധങ്ങ​ളും പോരാ​ട്ട​ങ്ങ​ളും ആളിക്ക​ത്തി​ക്കു​ക​യാണ്‌. യുനെ​സ്‌കോ​യു​ടെ ഡയറക്ടർ ജനറലായ ഫെഡറി​ക്കോ മേയർ ഈ പ്രവണ​ത​യ്‌ക്കെ​തി​രെ മുന്നറി​യി​പ്പു നൽകി: “സഹിഷ്‌ണുത പ്രബല​മാ​യി​രു​ന്നി​ട​ത്തു​പോ​ലും, വിദേ​ശീ​യ​രോ​ടുള്ള ഭയം കൂടുതൽ സ്‌പഷ്ട​മാ​യി​ക്കൊ​ണ്ടി​രി​ക്കു​ക​യാണ്‌. കാലഹ​ര​ണ​പ്പെ​ട്ടെന്നു തോന്നിയ അമിത ദേശഭ​ക്തി​പ​ര​മോ വർഗീ​യ​മോ ആയ പ്രഖ്യാ​പ​നങ്ങൾ അത്യന്തം കൂടെ​ക്കൂ​ടെ കേൾക്കു​ന്നു.” ഫലമോ? മുൻ യൂഗോ​സ്ലാ​വി​യ​യിൽ ഭയാന​ക​മായ കൂട്ടക്കു​രു​തി നടന്നു. റുവാ​ണ്ട​യിൽ വർഗീയ രക്തപ്പുഴ ഒഴുകി. എന്നാൽ ഇവ ലോക ശ്രദ്ധയാ​കർഷി​ച്ച​വ​യിൽ രണ്ടെണ്ണം മാത്രമേ ആകുന്നു​ള്ളൂ.

14. വെളി​പ്പാ​ടു 6:4 നമ്മുടെ നാളിലെ യുദ്ധ​ത്തെ​യും അതിന്റെ ഫലത്തെ​യും ചിത്രീ​ക​രി​ക്കു​ന്ന​തെ​ങ്ങനെ?

¹⁴ ഈ വ്യവസ്ഥി​തി​യു​ടെ സമാപ​ന​കാ​ലത്ത്‌, യുദ്ധത്തെ പ്രതീ​ക​പ്പെ​ടു​ത്തുന്ന തീനി​റ​മുള്ള കുതിര ഭൂമി​യി​ലു​ട​നീ​ളം കുതി​ച്ചോ​ട്ടം നടത്തു​മെന്നു ബൈബിൾ മുൻകൂ​ട്ടി​പ്പ​റ​ഞ്ഞി​രു​ന്നു. വെളി​പ്പാ​ടു 6:4-ൽ നാം വായി​ക്കു​ന്നു: “ചുവന്ന​തായ മറെറാ​രു കുതിര പുറ​പ്പെട്ടു; അതിന്റെ പുറത്തു ഇരിക്കു​ന്ന​വന്നു മനുഷ്യർ അന്യോ​ന്യം കൊല്ലു​വാൻ തക്കവണ്ണം ഭൂമി​യിൽനി​ന്നു സമാധാ​നം എടുത്തു​ക​ള​യേ​ണ്ട​തി​ന്നു അധികാ​രം ലഭിച്ചു; ഒരു വലിയ വാളും അവന്നു കിട്ടി.” 1914 മുതൽ ഈ പ്രതീ​കാ​ത്മക കുതി​ര​ക്കാ​രൻ “സമാധാ​നം എടുത്തു​കള”യുന്നതു നാം കണ്ടിരി​ക്കു​ന്നു, രാഷ്‌ട്രങ്ങൾ തമ്മിലുള്ള പോരാ​ട്ട​വും യുദ്ധവും തുടർന്നി​രി​ക്കു​ന്നു.

15, 16. (എ) യുദ്ധങ്ങ​ളി​ലും കുരു​തി​ക​ളി​ലും മതത്തിന്റെ പങ്ക്‌ എന്തായി​രു​ന്നു? (ബി) മതങ്ങൾ ചെയ്‌തി​രി​ക്കു​ന്ന​തി​നെ യഹോവ എങ്ങനെ വീക്ഷി​ക്കു​ന്നു?

¹⁵ ഈ യുദ്ധങ്ങ​ളി​ലും കുരു​തി​ക​ളി​ലും മതം വഹിച്ച പങ്ക്‌ വിസ്‌മ​രി​ച്ചു​കൂ​ടാ. മനുഷ്യ ചരിത്രം രക്തത്തിൽ കുതിർന്നി​രി​ക്കു​ന്ന​തി​നു കാരണം ഏറിയ​കൂ​റും വ്യാജ​മ​ത​ത്തി​ന്റെ വഴി​തെ​റ്റി​ക്കുന്ന സ്വാധീ​ന​മാണ്‌. കത്തോ​ലി​ക്കാ ദൈവ​ശാ​സ്‌ത്ര​ജ്ഞ​നായ ഹാൻസ്‌ ക്യൂങ്‌ എഴുതി: “നിഷേ​ധാ​ത്മ​ക​വും വിനാ​ശ​ക​വു​മായ വിധങ്ങ​ളിൽ [മതങ്ങൾ] വൻ സ്വാധീ​നം പ്രയോ​ഗി​ച്ചി​ട്ടുണ്ട്‌, ഇപ്പോ​ഴും പ്രയോ​ഗി​ക്കു​ന്നു​ണ്ടെ​ന്നത്‌ അനി​ഷേ​ധ്യ​മാണ്‌. അവ അനേകം പോരാ​ട്ട​ങ്ങൾക്കും രക്തപങ്കി​ല​മായ യുദ്ധങ്ങൾക്കും ‘മതയു​ദ്ധങ്ങൾ’ക്കും ഉത്തരവാ​ദി​ത്വം പേറുന്നു; . . . രണ്ടു ലോക​യു​ദ്ധ​ങ്ങ​ളു​ടെ കാര്യ​ത്തി​ലും ഇതു ശരിയാണ്‌.”

¹⁶ കുരു​തി​ക​ളി​ലും യുദ്ധങ്ങ​ളി​ലും വ്യാജ​മ​തങ്ങൾ പങ്കെടു​ക്കു​ന്നതു സംബന്ധി​ച്ചു യഹോ​വ​യാം ദൈവം എന്തു വിചാ​രി​ക്കു​ന്നു? വെളി​പ്പാ​ടു 18:5-ൽ രേഖ​പ്പെ​ടു​ത്തി​യി​രി​ക്കുന്ന വ്യാജ​മ​ത​ത്തി​നെ​തി​രെ​യുള്ള ദൈവ​ത്തി​ന്റെ കുറ്റവി​ധി ഇപ്രകാ​രം പ്രസ്‌താ​വി​ക്കു​ന്നു: “അവളുടെ പാപം ആകാശ​ത്തോ​ളം കുന്നി​ച്ചി​രി​ക്കു​ന്നു; അവളുടെ അകൃത്യം ദൈവം ഓർത്തി​ട്ടു​മു​ണ്ടു [“ന്യായ​വി​ധി​യി​ലേക്കു കൊണ്ടു​വ​ന്നി​രി​ക്കു​ന്നു,” NW].” ലോക​ത്തി​ലെ രാഷ്‌ട്രീയ ഭരണാ​ധി​കാ​രി​ക​ളു​മാ​യുള്ള വ്യാജ​മ​ത​ത്തി​ന്റെ കൂട്ടു​കെട്ട്‌ ദൈവ​ത്തിന്‌ അവഗണി​ക്കാ​നാ​വാത്ത അളവോ​ളം കുമി​ഞ്ഞു​കൂ​ടിയ രക്തപാ​ത​ക​ത്തിൽ, വലിയ അളവി​ലുള്ള പാപത്തിൽ, കലാശി​ച്ചി​രി​ക്കു​ന്നു. യഥാർഥ സമാധാ​നം കൊണ്ടു​വ​രു​ന്ന​തി​നുള്ള ഈ പ്രതി​ബ​ന്ധത്തെ അവൻ ഉടനെ​തന്നെ പരിപൂർണ​മാ​യും നശിപ്പി​ക്കും.—വെളി​പ്പാ​ടു 18:21.

സമാധാ​ന​ത്തി​ലേ​ക്കുള്ള വഴി

17, 18. (എ) ശാശ്വത സമാധാ​നം സാധ്യ​മാ​ണെന്നു വിശ്വ​സി​ക്കു​ന്നത്‌ യാഥാർഥ്യ​ബോ​ധ​മി​ല്ലാത്ത സ്വപ്‌ന​മ​ല്ലാ​ത്ത​തെ​ന്തു​കൊണ്ട്‌? (ബി) യഥാർഥ സമാധാ​നം വരു​മെന്ന്‌ ഉറപ്പാ​ക്കാൻ യഹോവ ഇതി​നോ​ടകം എന്തു ചെയ്‌തി​രി​ക്കു​ന്നു?

¹⁷ ഐക്യ​രാ​ഷ്‌ട്ര​ങ്ങൾപോ​ലുള്ള ഏജൻസി​ക​ളി​ലൂ​ടെ നിലനിൽക്കുന്ന യഥാർഥ സമാധാ​നം കൈവ​രു​ത്താൻ മനുഷ്യർക്കു കഴിയു​ന്നി​ല്ലെ​ങ്കിൽ, യഥാർഥ സമാധാ​നം ഏത്‌ ഉറവിൽനി​ന്നു വരും? എങ്ങനെ വരും? ശാശ്വത സമാധാ​നം സാധ്യ​മാ​ണെന്നു വിശ്വ​സി​ക്കു​ന്നത്‌ കേവലം യാഥാർഥ്യ​ബോ​ധ​മി​ല്ലാത്ത ഒരു സ്വപ്‌ന​മാ​ണോ? അല്ല, നാം സമാധാ​ന​ത്തി​ന്റെ ശരിയായ ഉറവി​ലേക്കു തിരി​യു​ക​യാ​ണെ​ങ്കിൽ. അത്‌ ആരാണ്‌? യഹോവ “ഭൂമി​യു​ടെ അറ്റംവ​രെ​യും യുദ്ധങ്ങളെ നിർത്തൽചെ​യ്യു​ന്നു; അവൻ വില്ലൊ​ടി​ച്ചു കുന്തം മുറിച്ചു രഥങ്ങളെ തീയിൽ ഇട്ടു ചുട്ടു​ക​ള​യു​ന്നു” എന്നു നമ്മോടു പറഞ്ഞു​കൊണ്ട്‌ സങ്കീർത്തനം 46:9 ഉത്തരം നൽകുന്നു. യുദ്ധങ്ങൾ അവസാ​നി​പ്പിച്ച്‌ യഥാർഥ സമാധാ​നം സ്ഥാപി​ക്കു​ന്ന​തി​നുള്ള പ്രക്രിയ അവൻ ഇതി​നോ​ട​കം​തന്നെ ആരംഭി​ച്ചു​ക​ഴി​ഞ്ഞു. എങ്ങനെ? 1914-ൽ ക്രിസ്‌തു​യേ​ശു​വി​നെ അവന്റെ അർഹമായ രാജ്യ​സിം​ഹാ​സ​ന​ത്തിൽ വാഴി​ച്ചു​കൊ​ണ്ടും മനുഷ്യ​വർഗ​ത്തി​ന്റെ ചരി​ത്ര​ത്തിൽ സമാധാ​ന​ത്തി​നാ​യി ഏറ്റവും വലിയ വിദ്യാ​ഭ്യാ​സ പരിപാ​ടി​ക്കു പ്രോ​ത്സാ​ഹനം നൽകി​ക്കൊ​ണ്ടും. യെശയ്യാ​വു 54:13-ലെ പ്രാവ​ച​നിക വാക്കുകൾ നമുക്ക്‌ ഈ ഉറപ്പു നൽകുന്നു: “നിന്റെ മക്കൾ എല്ലാവ​രും യഹോ​വ​യാൽ ഉപദേ​ശി​ക്ക​പ്പെ​ട്ട​വ​രും നിന്റെ മക്കളുടെ സമാധാ​നം വലിയ​തും ആയിരി​ക്കും.”

¹⁸ ഈ പ്രവചനം കാര്യ-കാരണ തത്ത്വത്തെ—അതായത്‌ എല്ലാ കാര്യ​ത്തി​നും ഒരു കാരണ​മുണ്ട്‌ എന്ന തത്ത്വത്തെ—ദൃഷ്ടാ​ന്തീ​ക​രി​ക്കു​ന്നു. ഈ സംഗതി​യിൽ, യഹോ​വ​യു​ടെ പ്രബോ​ധനം—കാരണം—യുദ്ധ​പ്രി​യ​രായ ആളുകളെ സമാധാ​ന​പ്രി​യ​രാ​ക്കി മാറ്റി ദൈവ​വു​മാ​യി സമാധാ​ന​ത്തി​ലാ​ക്കു​ന്നു. ഫലമോ ഹൃദയ​ത്തിൽ സംഭവിച്ച മാറ്റം ആളുകളെ സമാധാ​ന​പ്രി​യ​രാ​ക്കി. “സമാധാ​ന​പ്രഭു”വായ യേശു​ക്രി​സ്‌തു​വി​ന്റെ മാതൃക പിൻപ​റ്റു​ന്ന​തി​നാൽ, ആളുക​ളു​ടെ ഹൃദയ​ങ്ങൾക്കും മനസ്സി​നും മാറ്റം വരുത്തുന്ന ഈ ബോധനം ലോക​വ്യാ​പ​ക​മാ​യി പ്രചരി​ക്കു​ക​യാണ്‌.—യെശയ്യാ​വു 9:6.

19. യഥാർഥ സമാധാ​ന​ത്തെ​ക്കു​റിച്ച്‌ യേശു എന്തു പഠിപ്പി​ച്ചു?

¹⁹ യഥാർഥ സമാധാ​നം സംബന്ധിച്ച്‌ യേശു എന്താണു പഠിപ്പി​ച്ചത്‌? രാഷ്‌ട്രങ്ങൾ തമ്മിലുള്ള സമാധാ​ന​ത്തെ​ക്കു​റി​ച്ചു മാത്രമല്ല, തങ്ങളുടെ ബന്ധങ്ങളിൽ ആളുകൾ പുലർത്തുന്ന സമാധാ​ന​ത്തെ​യും ഒരു നല്ല മനസ്സാ​ക്ഷി​യിൽനിന്ന്‌ ഉത്ഭൂത​മാ​കുന്ന ആന്തരിക സമാധാ​ന​ത്തെ​യും​കു​റി​ച്ചു യേശു സംസാ​രി​ച്ചു. യോഹ​ന്നാൻ 14:27-ൽ, തന്റെ അനുഗാ​മി​ക​ളോ​ടുള്ള യേശു​വി​ന്റെ വാക്കുകൾ നാം വായി​ക്കു​ന്നു: “സമാധാ​നം ഞാൻ നിങ്ങൾക്കു തന്നേച്ചു​പോ​കു​ന്നു; എന്റെ സമാധാ​നം ഞാൻ നിങ്ങൾക്കു തരുന്നു; ലോകം തരുന്ന​തു​പോ​ലെ അല്ല ഞാൻ നിങ്ങൾക്കു തരുന്നതു. നിങ്ങളു​ടെ ഹൃദയം കലങ്ങരു​തു, ഭ്രമി​ക്ക​യും അരുതു.” യേശു​വി​ന്റെ സമാധാ​ന​ത്തി​നു ലോക​ത്തി​ന്റേ​തിൽനി​ന്നും വ്യത്യാ​സ​മു​ണ്ടാ​യി​രു​ന്ന​തെ​ങ്ങനെ?

20. ഏതു വിധത്തിൽ യേശു യഥാർഥ സമാധാ​നം കൈവ​രു​ത്തും?

²⁰ ഒന്ന്‌, യേശു​വി​ന്റെ സമാധാ​നം അവന്റെ രാജ്യ​സ​ന്ദേ​ശ​വു​മാ​യി അടുത്തു ബന്ധപ്പെ​ട്ടി​രു​ന്നു. യേശു​വും 1,44,000 സഹഭര​ണാ​ധി​കാ​രി​ക​ളും ഉൾപ്പെട്ട നീതി​യുള്ള സ്വർഗീയ ഗവൺമെൻറ്‌ യുദ്ധത്തി​നും യുദ്ധ​ക്കൊ​തി​യ​ന്മാർക്കും അന്തം വരുത്തു​മെന്ന്‌ അവന്‌ അറിയാ​മാ​യി​രു​ന്നു. (വെളി​പ്പാ​ടു 14:1, 3) തന്നോ​ടൊ​പ്പം മരിച്ച ദുഷ്‌പ്ര​വൃ​ത്തി​ക്കാ​രനു താൻ വാഗ്‌ദാ​നം ചെയ്‌ത പ്രശാ​ന്ത​മായ പറുദീ​സാ​തു​ല്യ​മായ അവസ്ഥകൾ അതു കൈവ​രു​ത്തു​മെന്ന്‌ അവന്‌ അറിയാ​മാ​യി​രു​ന്നു. സ്വർഗ​രാ​ജ്യ​ത്തി​ലെ ഒരു സ്ഥാനമല്ല യേശു അവനു വാഗ്‌ദാ​നം ചെയ്‌തത്‌. അവൻ പറഞ്ഞത്‌ ഇതാണ്‌: “സത്യമാ​യി ഇന്നു ഞാൻ നിന്നോ​ടു പറയുന്നു, നീ എന്നോ​ടു​കൂ​ടെ പറുദീ​സ​യിൽ ഉണ്ടായി​രി​ക്കും.”—ലൂക്കൊസ്‌ 23:43, NW.

21, 22. (എ) വിസ്‌മ​യ​ക​ര​മാം​വി​ധം താങ്ങായി വർത്തി​ക്കുന്ന എന്തു പ്രത്യാ​ശ​യാണ്‌ യഥാർഥ സമാധാ​ന​ത്തിൽ ഉൾപ്പെ​ടു​ന്നത്‌? (ബി) ആ അനു​ഗ്രഹം കാണു​ന്ന​തി​നു നാമെന്തു ചെയ്യണം?

²¹ തന്നിൽ വിശ്വാ​സം പ്രകട​മാ​ക്കുന്ന, വിലപി​ക്കുന്ന ഏവർക്കും തന്റെ രാജ്യം ആശ്വാസം കൈവ​രു​ത്തു​മെന്ന്‌ യേശു​വി​ന​റി​യാ​മാ​യി​രു​ന്നു. അത്ഭുത​ക​ര​മായ ആശ്വാസം കൈവ​രു​ത്തുന്ന പുനരു​ത്ഥാന പ്രത്യാ​ശ​യും അവന്റെ സമാധാ​ന​ത്തിൽ ഉൾപ്പെ​ടു​ന്നു. യോഹ​ന്നാൻ 5:28, 29-ൽ കാണുന്ന അവന്റെ പ്രോ​ത്സാ​ഹ​ജ​ന​ക​മായ വാക്കുകൾ ഓർമി​ക്കുക: “ഇതിങ്കൽ ആശ്ചര്യ​പ്പെ​ട​രു​തു; കല്ലറക​ളിൽ ഉള്ളവർ എല്ലാവ​രും അവന്റെ ശബ്ദം കേട്ടു, നൻമ ചെയ്‌തവർ ജീവന്നാ​യും തിൻമ ചെയ്‌തവർ ന്യായ​വി​ധി​ക്കാ​യും പുനരു​ത്ഥാ​നം ചെയ്‌വാ​നുള്ള നാഴിക വരുന്നു.”

²² ആ സമയത്തി​നാ​യി നിങ്ങൾ നോക്കി​പ്പാർത്തി​രി​ക്കു​ന്നു​വോ? നിങ്ങളു​ടെ പ്രിയ​പ്പെ​ട്ടവർ മരിച്ചു​പോ​യി​ട്ടു​ണ്ടോ? അവരെ വീണ്ടും കാണാൻ നിങ്ങൾ അതിയാ​യി ആഗ്രഹി​ക്കു​ന്നു​ണ്ടോ? എങ്കിൽ യേശു വാഗ്‌ദാ​നം ചെയ്യുന്ന സമാധാ​നം സ്വീക​രി​ക്കു​വിൻ. “ഒടുക്കത്തെ നാളിലെ പുനരു​ത്ഥാ​ന​ത്തിൽ അവൻ ഉയിർത്തെ​ഴു​ന്നേ​ല്‌ക്കും” എന്നു പറഞ്ഞ ലാസറി​ന്റെ സഹോ​ദരി മാർത്ത​യു​ടേ​തു​പോ​ലുള്ള വിശ്വാ​സം ഉണ്ടായി​രി​ക്കുക. മാർത്ത​യോ​ടുള്ള യേശു​വി​ന്റെ ആഹ്ലാദ​ദാ​യ​ക​മായ മറുപടി ശ്രദ്ധി​ക്കുക: “ഞാൻ തന്നേ പുനരു​ത്ഥാ​ന​വും ജീവനും ആകുന്നു; എന്നിൽ വിശ്വ​സി​ക്കു​ന്നവൻ മരിച്ചാ​ലും ജീവി​ക്കും. ജീവി​ച്ചി​രു​ന്നു എന്നിൽ വിശ്വ​സി​ക്കു​ന്നവൻ ഒരുനാ​ളും മരിക്ക​യില്ല; ഇതു നീ വിശ്വ​സി​ക്കു​ന്നു​വോ?”—യോഹ​ന്നാൻ 11:24-26.

23. യഥാർഥ സമാധാ​നം നേടു​ന്ന​തി​നു ദൈവ​വ​ചനം സംബന്ധിച്ച സൂക്ഷ്‌മ​പ​രി​ജ്ഞാ​നം അത്യന്താ​പേ​ക്ഷി​ത​മാ​യി​രി​ക്കു​ന്നത്‌ എന്തു​കൊണ്ട്‌?

²³ നിങ്ങൾക്കും ആ വാഗ്‌ദാ​ന​ത്തിൽ വിശ്വ​സിച്ച്‌ പ്രയോ​ജനം നേടാ​നാ​കും. എങ്ങനെ? ദൈവ​വ​ച​ന​ത്തി​ന്റെ സൂക്ഷ്‌മ​പ​രി​ജ്ഞാ​നം നേടി​ക്കൊണ്ട്‌. പൗലൊസ്‌ അപ്പോ​സ്‌തലൻ സൂക്ഷ്‌മ​പ​രി​ജ്ഞാ​ന​ത്തി​ന്റെ പ്രാധാ​ന്യം ഊന്നി​പ്പ​റ​ഞ്ഞ​തെ​ങ്ങ​നെ​യെന്നു ശ്രദ്ധി​ക്കുക: ‘നിങ്ങൾ പൂർണ്ണ​പ്ര​സാ​ദ​ത്തി​ന്നാ​യി കർത്താ​വി​ന്നു യോഗ്യ​മാ​കും​വണ്ണം നടന്നു, ആത്മിക​മായ സകല ജ്ഞാനത്തി​ലും വിവേ​ക​ത്തി​ലും അവന്റെ ഇഷ്ടത്തിന്റെ പരിജ്ഞാ​നം​കൊ​ണ്ടു നിറഞ്ഞു​വ​രേ​ണ്ട​തി​നും സകല സൽപ്ര​വൃ​ത്തി​യി​ലും ഫലം കായിച്ചു ദൈവ​ത്തെ​ക്കു​റി​ച്ചുള്ള പരിജ്ഞാ​ന​ത്തിൽ വളരേ​ണ്ട​തി​നും ഞങ്ങൾ നിങ്ങൾക്കു വേണ്ടി ഇടവി​ടാ​തെ പ്രാർത്ഥി​ക്കു​ന്നു.’ (കൊ​ലൊ​സ്സ്യർ 1:9, 10) യഥാർഥ സമാധാ​ന​ത്തി​ന്റെ ഉറവ്‌ യഹോ​വ​യാം ദൈവ​മാ​ണെന്ന്‌ ഈ സൂക്ഷ്‌മ​പ​രി​ജ്ഞാ​നം നിങ്ങളെ ബോധ്യ​പ്പെ​ടു​ത്തും. നിങ്ങളി​പ്പോൾ എന്തു ചെയ്യണ​മെ​ന്നും അതു നിങ്ങ​ളോ​ടു പറയും. അപ്പോൾ സങ്കീർത്ത​ന​ക്കാ​ര​നോ​ടു ചേർന്നു നിങ്ങൾക്കും ഇങ്ങനെ പറയാ​നാ​കും: “ഞാൻ സമാധാ​ന​ത്തോ​ടെ കിടന്നു​റ​ങ്ങും; നീയല്ലോ യഹോവേ, എന്നെ നിർഭയം വസിക്കു​മാ​റാ​ക്കു​ന്നതു.”—സങ്കീർത്തനം 4:8.

നിങ്ങൾക്കു വിശദീ​ക​രി​ക്കാ​മോ?

□ സമാധാ​ന​ത്തി​നാ​യുള്ള മാനു​ഷിക ശ്രമങ്ങൾ എന്നും പരാജ​യ​പ്പെ​ട്ടി​രി​ക്കു​ന്നത്‌ എന്തു​കൊണ്ട്‌?

□ യുദ്ധത്തി​ന്റെ മൂല കാരണ​മെന്ത്‌?

□ ശാശ്വത സമാധാ​നം യാഥാർഥ്യ​ബോ​ധ​മി​ല്ലാത്ത ഒരു സ്വപ്‌ന​മ​ല്ലാ​ത്ത​തെ​ന്തു​കൊണ്ട്‌?

□ യഥാർഥ സമാധാ​ന​ത്തി​ന്റെ ഉറവേത്‌?

[8-ാം പേജിലെ ചിത്രം]

യഥാർഥ സമാധാ​നം ഒരു സ്വപ്‌നമല്ല. അതു ദൈവ​ത്തി​ന്റെ വാഗ്‌ദാ​ന​മാണ്‌

[10-ാം പേജിലെ ചിത്രം]

1914 മുതൽ, തീനി​റ​മുള്ള കുതി​ര​യു​ടെ പ്രതീ​കാ​ത്മക സഞ്ചാരി ഭൂമി​യിൽനി​ന്നു സമാധാ​നം എടുത്തു​ക​ള​ഞ്ഞി​രി​ക്കു​ന്നു

[11-ാം പേജിലെ ചിത്രം]

മതത്തിനും യുഎൻ-നും സമാധാ​നം കൈവ​രു​ത്താ​നാ​കു​മോ?

[കടപ്പാട]

UN photo