Indonate A Awm Zêl Chhan

SUAL

Pathian chuan kan nu leh pa hmasa ber Evi leh Adama te chu ama anpuiin a siam a. (Genesis 1:27) An tân remna leh hmangaihna pawh tiamin, Pathian miziate lantîr chu thil pângngai tak a ni dâwn a ni. (1 Korinth 14:33; 1 Johana 4:8) Mahse, Pathian thu awih lovin thil an ti sual a. Kan zavaiin sual leh thihna chu kan lo rochung ta a. (Rom 5:12) Chu kan rochun sual chuan thil ṭha lo tih duhna leh tharum thawh duhna min neihtîr ṭhîn a ni.—Genesis 6:5; Marka 7:21, 22.

MIHRING SAWRKAR

Pathian chuan mahnia ro inrêl tûrin min siam lo va. Bible chuan: “Tungchhova kal mihringah hian, a pheikhai hruai tûr a awm lo,” tiin a sawi a ni. (Jeremia 10:23) Chuvângin, mihring sawrkârte chuan indona leh tharum thawhna chu an ti bo hlen thei ngai lo vang.

SETANA LEH A RAMHUAITE

Bible chuan “khawvêl pumhlûm hi mi sual thû thûin a awm” tih a sawi a. (1 Johana 5:19) Chu “mi sual” chu Diabol Setana tia koh a ni a; ani chu tualthattu râwng tak a ni. (Johana 8:44) Amah leh thlarau suaksual dangte chu indo tûr leh tharum thawh tûra hmuh theih lohva mite chêttîrtu an ni.—Thu Puan 12:9, 12.