Sruokye “Soko Fwu Su Pupla Ke Koa Tolkwe” Ke Moul In Payuk
“Soko fwu pup koa tolkwe tia sa in mwotelik.”—EKKLISIASTIS 4:12.
1. Su orani siyanyen se meet ke akwuk lun payuk?
TOKIN orekla lun fwokunsak a ma mwurakrak, Jeova God el orala met se meet, Adam. Tok God el oral Adam elan motul fulosumwosla, a El orekmakin soko sri in pap kel Adam in orala nu sel sie me kasru mwomwo. Ke el liyel, Adam el fwak: “Ma inge sri in srik, a ikwe in ikuk.” (Genesis 1:27; 2:18, 21-23) Jeova el akkalemye me insemwomwo lal ke orekla lun mutan se meet, a fwalseni siyanyen se meet ke akwuk lun payuk a fwakak me insemwomwo lal nu selos.—Genesis 1:28; 2:24.
2. Fuka Setan el oru kutasrik lal nu sel Adam a If tu in akkolukyela fototo lalos?
2 Sie me asor, meyen tia pat akwuk lun payuk in oana ke God el orala ke mutamwauk el sun me akkoluk. Fuka tu oinge? Oasr sie ngun koluk, su pangpang Setan, el kiapella If elan kangla fwokin sak soko su tia leyukla nu sin siyanyen sa. Tokin ma inge, Adam el wi mutan kiyel ke seakos lal, a in oru ma inge elos lain God ke sumwos lal in kol a ke me kolyuk mwomwo lal. (Genesis 3:1-7) Ke pal se Jeova el siyuk sin siyanyen sa la mea elos oru, arulana kalem la fototo lal Adam a If tia mwo ku oasr ma upa sikyak tari. Adam el sis ma koluk nu fwin mutan kiyel, fwakang: “Mutan se su kom ase nu sik, el se nu sik liki sak soko ingo, a nga mongo.”—Genesis 3:11-13.
3. Kutu met Ju elos akkeye nunak tia sumwos fuka?
3 Ke lusen century puspus Setan el orekmakin inkanek kutasrik puspus in akpusye ma upa inmasrlon siyanyen se inge. Ke sie me pupulyuk, kutu pal el orekmakin met kol lun alu in oakiya ku sapkin kutena kain in nunak nu ke moul in payuk su wangin ke Baibel. Kutu sin met kol lun met Ju elos aksrikyela akwuk puspus lun God, elos lela mokul payuk in sisila mutan kiyelos ke kain in ma su tia arulana yok sripe in oana ke sol fwin itukyang alukela nu ke me mongo. Tusruktu Jisus el akkalemye kalem: “El su fwa sisla mutan kiel, fwin tia ke kosro, a fwa mari siena, el orek kosro, a el su mari mutan sa ke el sisila, el orek kosro.”—Mattu 19:9.
4. Fuka akwuk lun payuk el sun me akkoluk ke pal inge?
4 Setan el srakna kafofo ke kafweang lal in kunausla fototo mwomwo lun siyanyen nukewa. Akwuk in payuk lun mokul nu sin mokul, tukeni muta lun mokul a mutan su tia payuk, a divorce su arulana fusrasr in orek el me akpayeye la Setan el eis kutangla in kunausla akwuk lun payuk lun met puspus. (Rid Hibru 13:4.) Oana met Kristian, mea kut ku in oru tu kut in tia akkolukyeyuk ke nunak su tia mwo lun met puspus ke akwuk lun payuk? Lela kut in akuteye kutu oiya lun moul in payuk mwomwo su insemwomwo.
Oru Jeova in Wi Pal Nukewa Ke Moul in Payuk
5. Mea kas inge “koa tolkwe” el kalmekin nu ke moul in payuk?
5 Fwin siyanyen se lungse in kapkapak ku eis kutangla ke inkanek su Jeova el oakiye, El enenu in oasr ke fototo lalos. Kas lal el akkalemye: “Soko fwu pup koa tolkwe tia sa in mwotelik.” (Ekklisiastis 4:12) “Koa tolkwe” el sie kas in pupulyuk. Fwin kas in pupulyuk inge el orekmakinyuk nu ke moul in payuk, koa lukwe meet inge pa mokul a mutan, su toeni ku kupasr nu ke koa aktolu su yok, Jeova God. Fwin oasr fototo mwomwo lun siyanyen se nu sin God ma inge ku in kasrelos in kutangla ma upa puspus, a pa inge key in eis me insemwomwo yok emeet ke moul in payuk.
6, 7. (a) Mea met Kristian ku in oru in etu na paye la God el wi ke moul in payuk lalos? (b) Mea sie sister el aksaokye ke ma akkalemyeyuk sin mokul tumal?
6 Tusruktu mea siyanyen se elos ku in oru in etu na paye la moul in payuk lalos el oana soko fwu su pupla ke koa tolkwe inge? Met sim lun sam Devid el akkalemye kas inge ke on lal: “Nga engun in oru ma lungse lom, O God luk, aok, masap lom on insiuk.” (Sam 40:8) Lungse lasr nu sin God mokle kut in kulansap nu sel ke inse sumwos a paye. Ke ma inge, mokul a mutan payuk elos enenu in akkeye fototo mwomwo lalos nu sin Jeova a fwa koneak insemwomwo yok in oru ma lungse lal. Mokul a mutan payuk nukewa elos enenu pa in kafweang in akkeye lungse lun mokul ku mutan kiyelos nu sin God.—Soakas 27:17.
7 Fwin masap lun God el oan insiesr na paye, kain in oiya inge oana lulalfongi, fwinsrak, a lungse fwa akkalemyeyuk a fwa sang kasru in akkeye me kapur nu ke oiyen moul in payuk. (1 Korint 13:13) Sie met Kristian in el pa Sandra, su el payukyak ke lusen yea 50, el fwak: “Oiya se ma Nga aksaokye yok emeet nu sin mokul tumak pa kas in kasru a kai su el akkalemye nu sik fwal nu ke Baibel a lungse lal nu sin Jeova, su fukoko liki lungse lal nu sik.” Mokul payuk, ya kas mwomwo inge ku in orek keim?
8. Mea eneneyuk in eis “me mol mwo” ke moul in payuk?
8 Oana siyanyen se, ya fototo lom nu sin Jeova a orekma nukewa lom oana met Kristian pa ma yok emeet ke moul lom? Sayen ma inge, ya kom nunku na paye nu sin mokul ku mutan kiyom oana met su wi kom pal nukewa in kulansap nu sin Jeova? (Genesis 2:24) Togusra Solomon sie met lalmetmet el simusla: “Luo mwo liki sie, tu oasr me mol mwo yurolos ke orekma lalos.” (Ekklisiastis 4:9) Aok, mokul a mutan payuk elos enenu in kafweang yok tu in eis “me mol mwo” ke inkanek in moul in payuk mwomwo su oasr me insemwomwo lun God ka.
9. (a) Kain in kunokon fuka oasr yurin mokul payuk? (b) In fwal nu ke Kolosse 3:19, oiya fuka mokul payuk el enenu in akkalemye nu sin mutan kiyel?
9 Sie me akul su akkalemyeyuk fwin God el oasr ke moul in payuk pa kafweang lun mokul a mutan in moulkin moul fwal nu ke akwuk ku masap nukewa Lal. Mokul payuk el oasr kunokon yok emeet lal in sang me enenu lun sou lal ke ma lun ikwe a ngun. (1 Timote 5:8) Elos akkeyeyuk pa in nunku ke ma enenu lun mutan kiyelos ke nunak a pulakin. In Kolosse 3:19, kut rid: “Mokul tuma, komwos in lungse mutan kiomwos, a tia srasrol [“mulat upa,” NW] nu selos.” Sie scholar lun Baibel el akuteye la kas inge “mulat upa” el kalmekin nu ke orekma lalos “in kaskaskin kas upa ke pusran mulat, ku onelos, a tia akkalemye nu selos lungse lalos, me karungin lalos, tia sang ma enenu lalos, a me kasru.” Kalem la, kain in oiya inge fwa tia fwal nu ke sou lun met Kristian. Mokul payuk su orekmakin kunokon lal oana sifwen sou ke inkanek kulang a mwo, mutan kiyel fwa lungse in akpusiselyel nu ke sifwen sou oinge.
10. Mutan Kristian payuk nukewa elos enenu in akkalemye kain in oiya fuka?
10 Mutan Kristian payuk nukewa su kafweang in orekmakin akwuk lun Jeova ke moul in payuk lalos elos enenu pa in moulkin moul fwal nu ke akwuk ku masap nukewa lun God. Met sap Poul el simusla: “Mutan kie, komwos in akpusiselye komwos nu sin mokul tumomwos, oana nu sin Leum. Tu mokul el sifwen mutan kiel, oana Kraist el ouyepa sifwen surs [“congregation,” NW].” (Efesus 5:22, 23) Setan el kiapella If, in akkeye ke ma kikiap mu moul sukosok liki God fwa use me insemwomwo ma patpat. Kalem la, oiyen moul sukosok pa liyeyuk ke pal inge ke moul in payuk puspus. Tusruktu, nu sin mutan su oasr nunak lun God ke moul in payuk a ke oiyen pusisel nu sin sifwe lalos su kulang a mwo el tia me srungeyuk. Elos ku in esam la Jeova el srusrngilye If in “sie me kasru” nu sin mokul tumal, su God el nunku ka oana sie kunokon na mwomwo. (Genesis 2:18) Sie mutan Kristian payuk su insemwomwo in eis kunokon su God el sang nu sel el “sie tefuro” na paye nu sin mokul tumal.—Soakas 12:4.
11. Mea sie brother el fwak mu sang kasru nu ke moul in payuk lal?
11 Siepa me kasru in oasr Jeova ke moul in payuk pa ke siyanyen se in tukeni lutlutkin Kas lun God. Gerald, su insemwomwo ke moul in payuk ke lusen yea 55, el fwak, “Ma se su yok emeet nu ke moul in payuk su insemwomwo pa in tukeni rid a lutlutkin Baibel.” El tafwela, “In tukeni oru orekma, yok na ke ma puspus su kupasr nu ke orekma in alu lasr, pa oru mokul a mutan payuk in oasr fototo mwomwo nu sin sie sin sie a nu sin Jeova.” In tukeni lutlutkin Baibel el kasru sou in esam akwuk nukewa lun Jeova ke nunak, in akkeye fototo lalos nu Sel, a kasrelos in tu ku a in tafwela in kapkapak yok ke ma mwo puspus.
12, 13. (a) Efu ku in tukeni pre el arulana yok sripe nu sin siyanyen se? (b) Mea kutu orekma lun met Kristian ku in akkeye moul in payuk?
12 Siyanyen se su insemwomwo elos ouyepa tukeni pre. Ke pal se mokul payuk se el ‘fwakak insiel’ ke me siyuk puspus su tia oana sie nu ke luma a ma siyuk nu selos, ma inge el akkeye me kapur lun moul in payuk. (Sam 62:8) Ke sie me pupulyuk, arulana fusrasr in aksumwosye kutena kain in akukuin inmasrlon mokul ku mutan payuk tokin elos tukeni siyuk Met su Fulatlana ke me kasru a me kolyuk! (Mattu 6:14, 15) In fwal nu ke pre, arulana fwal ma inge nu sin mokul ku mutan in orala sulela mwo lalos la elos in sang kasru nu sin sie sin sie a in “Muteng nu sin sie sin sie, a nunak munas nu sin sie sin sie.” (Kolosse 3:13) Esam pal nukewa la pre el akkalemye lulalfongi nu sin God. Togusra Devid el fwak: “Mutun met nukewa tupan kom.” (Sam 145:15) Ke kut tupan God ke pre, me fosrnga lasr ku in srikeni, meyen kut etu la ‘el karungin kut.’—1 Piter 5:7.
13 Siepa inkanek yok in oasr Jeova ke moul in payuk pa in tukeni wi meeting nukewa a tukeni oru orekma in luti. Ke meeting lasr nukewa, siyanyen se ku in lotela la fuka in lain “orekma kutasrik nukewa” su Setan el orekmakin in oru sou puspus in musalelik. (Efesus 6:11, ftn., NW) A nu sin mokul a mutan payuk se su elos tukeni oru orekma in luti pal nukewa elos lotela in “tu ku, tia mukuikui.”—1 Korint 15:58.
Ke Pal Se Ma Upa Siyuk
14. Ma puspus fuka ku in sang kasru me fosrnga lun moul in payuk?
14 Paye la, kas in kasru su akkalemyeyuk lung inge tia ma sasu, tusruktu efu ku kom tia sramsramkin ma inge pal nukewa nu sin mokul ku mutan kiyom? Nunku fwin kom enenu in orala me aksumwos tu kom fwa ku in orekmakin kutu kas in kasru inge ke inkanek yok nu ke moul in payuk lom. Ke ma inge, Baibel el akkalemye la, fwinne met nukewa su God el oasr ke moul in payuk lalos elos “fwa keok in ikwe.” (1 Korint 7:28) Ke sripen sesumwos lun met, me purakak koluk lun fwal koluk inge, a me sruf lun Devid, fwinne moul in payuk lun met kulansap oaru nukewa lun God ku in sun ku pulakin me fosrnga yok. (2 Korint 2:11) Tusruktu Jeova el ku in oru kut in kutangla kain in me fosrnga inge. Aok, ma inge ku in orek. Sie met oaru Job mise un kosro natul, met kulansap puspus lal, tulik natul, tusruktu Baibel el fwak: “Job el tia orek ma koluk, ku kaskou lain God ke lalfon.”—Job 1:13-22.
15. Oiya fuka metu elos ku in akkalemye fwin elos pulakin me fosrnga yok, a oiya fuka sie mokul ku mutan el enenu in akkalemye fwin sie met el akkalemye oiya su tia mwo?
15 Ke oiya saye, mutan kiyel Job el fwak nu sel: “Ya kom srakna srukye sumwos lom? Pilesru God, a mise!” (Job 2:9) Paye, la fwin ongoiye ku kutupa luma upa sikyuk, me fosrnga su tuku ke ma inge ku in oru sie met in tafongla ke nunak lal. “Paye eis sufwal ma oru sie met lalmetmet in oana sie met lalfon,” met lalmetmet el liye. (Ekklisiastis 7:7) Fwin mokul ku mutan kiyom el arulana mulat a kaskaskin kas upa in sang topuk ma upa ku “orekma koluk,” srike in misla na. In sang me top ke inkanek upa in ou inge ku in oru sie met mwo ku sumwos in fwak a oru kutu orekma su fwa ku in oru ma sikyuk in upala. (Rid Sam 37:8.) Nikmet loang nu ke kutena “kas toasr” su ku in paenang me asor ku me akmunas.—Job 6:3.
16. (a) Fuka kas lal Jisus su koneyukyak in Mattu 7:1-5 el fwal nu ke moul in payuk? (b) Efu ku in srukye nunak mwo arulana yok sripe nu ke moul in payuk?
16 Met su payuk elos enenu in oasr nunak paye nu sin sie sin sie a enenu in tia tupan ke ma el tia ku in oru. Sie sin mokul ku mutan payuk el saap loang nu ke me munas lun met su el payuk nu se a srike in nunku, ‘Nga ku in ekululla.’ Ke oiyen lungse a mongfusesr, kom ku in kasru mokul ku mutan kiyom in kapkapek kais kutu srisrik. Ke ma inge, nik kom mulkunla, la Jisus el pupulyukkin sie met su liye ma tafongla srisrik lun met saye nu sin met su liye “kutkut” in mutun met lili wiyel tusruktu el tia liye “sak lulap” su on in mutal. Jisus el kaifwe: “Nik komwos nununku, tu komwos in tia nununkeyuk.” (Rid Mattu 7:1-5.) Tia kalme pa siyanyen se elos tia enenu in srike in aksumwosye oiyen sesumwos upa lalos. Robert, su payukyak apkuran nu ke lusen yea 40, el fwak: “Oiyen sramsram nu sin sie sin sie ke inkanek sukosok in fwakak ma su oasr ke nunak a fwal nu ke ma eneneyuk a lungse in longyuk ke nunak lun sie sin sie enenu siyanyen payuk se in oru ma in ekyek fwal nu ke moul lalos.” Srukye nunak mwo. Arulana mwo in aksaokye a engunkin oiya mwomwo su oasr yurol ke pal inge, liki na in akkalemye toasr ke sripen kom suk la efu ku mokul ku mutan kiyom el tia akkalemye oiya mwomwo.—Ekklisiastis 9:9.
17, 18. Ke pal se fwin ma upa yokelik, kut ku in forla nu sin su ke me kasru?
17 Me srufwe ku in tuku ke pal se ma luma a ma sikyuk ke moul el ekla. Siyanyen se ku in sun ma upa ke pal se oasr tari tulik natulos. Saap mokul se ku mutan se ku tulik se el sun mas upa. Papa a nine su matou tari enenu me karungin mwomwo. Tulik su matu tari natulos elos som nu ke an loes liki loom ku an selos. Oasr kutupa ma ku in sikyak ke sripen kunokon in karungin ke congregation. Ma ekyek nukewa inge ku in use kutupa ma upa a me fosrnga nu ke moul in fototo nu sin sie sin sie.
18 Fwin oasr ma upa yok ke moul in payuk lom su oru kom in pulakin mu oasr me sensen ku in sikyak, mea kom fwa oru? (Soakas 24:10) Nikmet fuleak! Wangin kutena ma mwo su Setan el lungse sayen elan liye sie sin met kulansap lun God in som liki alu paye. El fwa engankin yok fwin siyanyen se el oru ma inge. Ke ma inge, oru ma nukewa in akpayeye la moul in payuk lom el akwuki ku in oana soko fwu su pupla ke koa tolkwe. Baibel el nenela ke me sramsram puspus lun met puspus su srukye na oaru lalos fwinne elos sun me srufwe upa. Ke sie me pupulyuk, ke sie pal, Devid el akkalemye ma oasr ke insiel nu sin Jeova, fwakang: “Pakomutuk, O God, tu met elos lungse . . . aktoasrye yu.” (Sam 56:1) Ya oasr pal kom pulakin mu kom aktoasryeyuk sin “met”? Fwinne ma upa inge su kom pulakin el ma tuku sin met su tia kawuk lom ku ma tuku sin sou lom, esam: Devid el koneak ku in muteng, a kom ku pa. “Nga suk Jeova a el topuk yu,” Devid el fwak. A tulayula liki sangeng luk nu kemwa.”—Sam 34:4.
Kutupa Me Insemwomwo
19. Ke inkanek fuka kut ku in fwasr liki me akkoluk lal Setan?
19 Ke len safla inge, met payuk elos enenu in “kaifwe nu sin sie sin sie, a musai sie sin sie.” (1 Tessalonika 5:11) Nik kom mwulkunla, Setan el nunku pal nukewa mu kut oaru nu sin Jeova ke sripen rapku. El ku in orekmakin kutena inkanek, wekunang in kunausla moul in payuk, in kunausla oaru lasr nu sin God. In fwasr liki me akkoluk lal Setan in akkolukye kut, kut enenu in lulalfongi Jeova ke inkanek nukewa. (Soakas 3:5, 6) Poul el simusla: “Nga ku in oru ma nu kemwa in el su akkeyeyu.”—Filippai 4:13.
20. Me insemwomwo fuka su tuku ka in oru God lan oasr ke moul in payuk?
20 Oasr me insemwomwo puspus su ku in pulakinyuk ke sripen God el oasr ku wi ke moul in payuk puspus. Ma inge el akpayeye ke ma sikyak nu sel Joel a mutan kiyel ke lusen yea 51. El fwak: “Nga sang kulo nu sin Jeova pal nukewa nu sin mutan kiyuk a asrouki mwomwo a insemwomwo lasr. El sie mutan na mwomwo kiyuk.” Fuka elos sruokye moul in payuk lalos in fukoko? “Kut kafweang pal nukewa in akkalemye kulang, mongfusesr, a lungse nu sin sie sin sie.” Wangin kutena sesr fwa ku in oru ma inge na paye ke akwuk lun ma puspus fwin fwalu. Tusruktu, lela kut in kafweang yok in orekmakin akwuk a masap puspus lun Baibel a oru Jeova in oasr ku wi ke moul in payuk lasr pal nukewa. Kut fwin oru ou inge, moul in payuk lasr fwa oana “soko fwu pup koa tolkwe tia sa in mwotelik.”—Ekklisiastis 4:12.
Ya Kom Esam?
• Mea kalmeyen in oasr Jeova ke moul in payuk?
• Mea siyanyen se elos enenu in oru ke pal se ma upa sikyuk?
• Kut etu fuka fwin God el oasr ke moul in payuk lasr?
[Pictures on page 20]
In tukeni pre el sang kasru nu sin siyanyen se in sun ma sikyuk puspus su arulana upa