20 УРОКЫР
Зэхуэсыр зэрызэгъэпэща щІыкІэр
Иеговэ фІэфІщ дэтхэнэ зы Іуэхури зэтеухуауэ икІи зэгъэпэщауэ щыщытым деж (1 Коринф 14:33). Абы и лъэпкъри зэгъэпэщауэ щытыну зэрыхуейр гурыІуэгъуэщ. Дапхуэдэу зэхуэсыр зэрызэгъэпэщар? Зэхуэсым мамырыгъэ илъу икІи абы и Іуэху псори зэтеухуауэ щытын щхьэкІэ, дэтхэнэ зыми сыт тщІэ хъунур?
1. Хэт зэхуэсым и щхьэу щытыр?
«Мэссихь... зэхуэсым и щхьэу» щытщ (Ефес 5:23). Алыхьым и лъэпкъым дуней псом щригъэкІуэкІ лэжьыгъэм кІэлъыплъыр Хьисэ Мэссихьщ. Зэхуэсым и нэхъыжьу куэд щІауэ лажьэ къуэшхэм щыщ Хьисэ къыхихри «зэхэщІыкІ зиІэ, узыщыгугъ хъуну унэІуту» тригъэуващ. Абыхэм иджыри УнафэщІ гупкІэ йоджэ. (Къеджэ Маттэ 24:45—47.) Япэ лІэщІыгъуэм щыІа зэхуэсхэр Ерусалим дэса апостолхэмрэ зэхуэсым и нэхъыжьхэмрэ я жыІэм щІэтт. Ноби зэхуэсхэр УнафэщІ гупым и унафэм щІэтщ (Апостолхэм 15:2). Ауэ абы къикІкъым а цІыхухъухэр ди организацэм и пашэу щыту. Абыхэм Библиер куууэ ядж Алыхьым и еплъыкІэр къащІэн щхьэкІэ икІи ахэр Хьисэ и жыІэм щІэтщ.
2. Хэт хъуну зэхуэсым и нэхъыжьхэр икІи сыт абыхэм я къалэныр?
Зэхуэсым и нэхъыжьу лажьэхэр ар Алыхьым и еплъыкІэ зиІэ къуэшхэращ. Абыхэм Алыхьым и лъэпкъыр Библием хурагъаджэ икІи зэхуэсыр ягъэгушхуэ. Абыхэм ирахьэкІ лэжьыгъэм щхьэкІэ лэжьапщІэ къраткъым. Зэхуэсым и нэхъыжьхэм я фейдэ къамылъыхъуэу, я гум къыбгъэдэкІыу, псэемыблэжу я лэжьыгъэр ягъэзащІэ (1 Петр 5:1, 2). Зэхуэсым и дэІэпыкъуэгъухэр абыхэм доІэпыкъу икІи а дэІэпыкъуэгъухэри иужькІэ зэхуэсым и нэхъыжь хъуфынущ.
УнафэщІ гупым языныкъуэ зэхуэсым и нэхъыжьхэр районым и нэхъыжьу трегъэувэ. Ахэр зэхуэсхэм макІуэ УнафэщІ гупым и унафэхэр абыхэм лъагъэІэсын икІи къуэш, шыпхъухэр ягъэгушхуэн щхьэкІэ. Районым и нэхъыжьхэм зэхуэсым и нэхъыжьхэмрэ зэхуэсым и дэІэпыкъуэгъухэмрэ къыхах. Апхуэдэ къалэн зратыр Библием итым тету псэу къуэшхэращ (1 Тимофей 3:1—10, 12; Тит 1:5—9).
3. Иеговэ и Щыхьэт дэтхэнэ зыми сыт хуэдэ къалэн иІэр?
Зэхуэсым щыщ дэтхэнэ зыми «Иеговэ и цІэр егъэлъапІэ» ди зэІущІэхэм щыхэтым деж икІи хъыбарыфІыр зэрыхузэфІэкІкІэ щигъэІум деж. (Къеджэ Псалом 148:12, 13.)
НЭХЪ КУУУЭ ХЭПЛЪЭ
КъащІэ Хьисэ сыт хуэдэ пашэу щытми, зэхуэсым и нэхъыжьхэм абы дапхуэдэу щапхъэ трахми икІи дэтхэнэ зыри Хьисэрэ зэхуэсым и нэхъыжьхэмрэ дапхуэдэу дадэлэжьэфынуми.
4. Хьисэ лъагъуныгъэшхуэ зыхэлъ пашэщ
Хьисэ мы псалъэ дахэхэмкІэ зыкъытхуегъазэ. Маттэ 11:28—30 итым фыкъеджи мы упщІэхэм фегупсыс:
Хьисэ сыт хуэдэ пашэу щыт икІи сыт хуэдэ гурыщІэхэр диІэу абы и лъабжьэ дыщІэтыну ар хуей?
Зэхуэсым и нэхъыжьхэм Хьисэ щапхъэ сыткІэ трахрэ? ВИДЕОМ феплъ.
Зэхуэсым и нэхъыжьхэм я къалэнхэр зэрагъэзэщІэн хуей щІыкІэр Библием гурыІуэгъуэу щыжыІащ.
Исайя 32:2, 1 Петр 5:1—3 итым фыкъеджи мы упщІэхэм фегупсыс:
Зэхуэсым и нэхъыжьхэм Хьисэ щапхъэ трахыу цІыхухэм зэрыдэІэпыкъум сыт хуэдэ гурыщІэхэр уэ къыуитрэ?
Зэхуэсым и нэхъыжьхэм сыткІэ иджыри Хьисэ щапхъэ трахрэ?
5. Зэхуэсым и нэхъыжьхэр щапхъэ тхуохъу
Зэхуэсым и нэхъыжьхэм Хьисэ сыткІэ зэрыщыгугъыр? Ахэр я къалэнхэм дапхуэдэу зэрыхущытын хуейр? ВИДЕОМ феплъ.
Зэхуэсым къалэн щызыгъэзащІэхэм Хьисэ щапхъэфІ яхуохъу. Маттэ 23:8—12 итым фыкъеджи мы упщІэм фегупсыс:
Зэхуэсым и нэхъыжьхэр зэрыщытын хуейм теухуауэ Библием итымрэ нобэрей дин пашэхэм я къалэныр зэрагъэзащІэмрэ зэтехуэу пІэрэ?
1. Зэхуэсым и нэхъыжьхэр хущІокъу езыхэми я унагъуэм щыщхэми Иеговэ хуаІэ ныбжьэгъугъэр нэхъ быдэ ящІыну
2. Зэхуэсым и нэхъыжьхэр дэтхэнэ зы къуэш, шыпхъуми доІэпыкъу
3. Зэхуэсым и нэхъыжьхэм псэемыблэжу хъыбарыфІыр ягъэІу
4. Зэхуэсым и нэхъыжьхэм къуэш, шыпхъухэр Библием итым хурагъаджэ. Абыхэм иджыри дыщызэхуэс Унэхэр ягъэкъабзэ, нэгъуэщІ лэжьыгъэхэри ягъэзащІэ
6. Зэхуэсым и нэхъыжьхэм дапхуэдэу узэрыдэлэжьэн хуейр?
Зэхуэсым и нэхъыжьхэм дащІыдэлэжьэн хуейм и щхьэусыгъуэм теухуауэ мыхьэнэшхуэ зиІэ гупсысэ Библием итщ. Еврейхэм 13:17 итым фыкъеджи мы упщІэм фегупсыс:
Зэхуэсым и нэхъыжьхэм дедэІуэну Библием дызэрыхуигъэушым Іущагъ хэлъ? Уэ дауэ уеплърэ?
Лука 16:10 итым фыкъеджи мы упщІэм фегупсыс:
Мыхьэнэ зимыІэу къытщыхъу ІуэхугъуэхэмкІи зэхуэсым и нэхъыжьхэм дедэІуэным мыхьэнэшхуэ щІиІэр сыт?
ЗЫГУЭРЫМ ЖИІЭФЫНУЩ: «Алыхьым ухуэлэжьэн щхьэкІэ Іэмал имыІэу дин гуэрым ухэтын хуейкъым».
Зэхуэсым и гъусэу Алыхьым ухуэлэжьэным сыт хуэдэ сэбэпынагъ хэлъу плъагъурэ?
КЪЭПЩЫТЭЖ
Хьисэ зэхуэсым и щхьэу щытщ. Дэ ди гуапэщ зэхуэсым и нэхъыжьхэм дадэлэжьэну, сыт щхьэкІэ жыпІэмэ дэ ахэр къыддоІэпыкъу икІи сыт и лъэныкъуэкІи Хьисэ щапхъэ трах.
Мы упщІэхэр зэгъусэу зэпкърыфх:
Хэт зэхуэсым и щхьэу щытыр?
Зэхуэсым и нэхъыжьхэр дапхуэдэу зэхуэсым щыщхэм зэрадэІэпыкъур?
Иеговэ и лэжьакІуэ дэтхэнэ зыми сыт хуэдэ къалэн иІэр?
НЭХЪЫБЭ КЪАЩІЭ
УнафэщІ гупымрэ зэхуэсым и нэхъыжьхэмрэ ди къуэш, ди шыпхъу дэтхэнэ зыри лъапІэу зэралъытэр къащІэ.
«Ди лэжьыгъэр щызэхуащІа зэманым къуэшхэм дадоІэпыкъу» (4:22)
Районым и нэхъыжьхэм я гъащІэмрэ я лэжьыгъэмрэ теухуауэ нэхъыбэ къащІэ.
ЦІыхубзхэм зэхуэсым щагъэзащІэ къалэным теухуауэ феджэ.
Зэхуэсым и нэхъыжьхэм къуэш, шыпхъухэр зэрагъэгушхуэр къащІэ.