16 BARAC E DÉBORAH
“De certo, que irei contigo”
ERAN tempos moi difíciles en Israel. O pobo rebelouse contra Xehová e el permitiu que os seus inimigos os dominasen, tal e como lles advertira. O rei de Canaán era Iabín e o seu xeneral era un home cruel chamado Sísera. Este home lideraba un enorme exército que contaba cuns novecentos carros con fouces de ferro.
Durante vinte anos o exército de Sísera estivera aterrorizando os israelitas. Parece ser que, cando atacaban unha cidade ou unha aldea, adoitaban capturar as mozas e violalas. Como resultado deste reinado de terror, os israelitas tiñan medo a viaxar polos camiños e incluso fuxiron das aldeas para esconderse nos bosques e nos montes. Ademais, a maioría deles non tiña armas para defenderse.
Nese tempo servía como profetisa de Xehová unha muller moi valente chamada Déborah. Tamén se encargaba de xulgar casos difíciles que a xente presentaba diante dela. Xehová usou a Déborah para darlle instrucións a un home chamado Barac, a quen escollera para salvar o seu pobo. Imaxina a sorpresa de Barac cando Déborah lle transmitiu que Xehová quería que xuntase un exército de 10.000 homes e os levase ó monte Tabor. Alí Xehová daríalle a vitoria sobre Sísera e o seu exército!
Era Barac un home orgulloso? Molestaríalle recibir ordes dunha muller? Todo o contrario. Dixo que obedecería, pero só se Déborah o acompañaba. Barac non lle pediu a Déborah que fose con el porque lle faltase fe. De feito o apóstolo Paulo mencionou a Barac entre os homes e mulleres que demostraran moita fe (Heb. 11:1, 2, 32). En realidade Barac estaba expresando fe ó pedirlle a Déborah que o acompañase a el e os seus homes. El sabía que Xehová estaba usando a Déborah para guiar o seu pobo, así que se ía con eles Barac podería recibir máis instrucións de Xehová. Déborah demostrou moito valor e accedeu a ir, dicindo: “De certo, que irei contigo”. Tamén lle dixo a Barac que, aínda que gañaría a batalla, ningún home —nin sequera el mesmo— mataría a Sísera. Deus daríalle ese honor a unha muller.
Barac obedeceu de inmediato. Formou un exército de 10.000 homes valentes e deulles tódalas armas que puido. Despois levounos ó cumio do monte Tabor. Esta impresionante montaña de 562 metros destacaba coma unha enorme cunca boca abaixo no medio da chaira de Iezrael. Dende alí Déborah, Barac e os seus homes podían ver a Sísera e o seu exército de carros de guerra acercándose na distancia.
Que faría Barac? Se pensase coma un estratega militar posiblemente esperaría a que Sísera chegase cos seus carros ata a base do monte Tabor. Ó subir pola ladeira arriba, os carros terían que ir máis amodo e sería máis fácil para os homes de Barac loitar contra eles. Pero Barac sabía que a batalla non era del, senón de Xehová. Así que obedeceu cando Xehová lle dixo a través de Déborah que atacase. Barac e os seus homes correron con valor montaña abaixo para loitar en terra chá contra aqueles terroríficos carros.
Un xuíz e unha profetisa teñen que enfrontarse a un xeneral violento e ós seus carros de combate.
Dende un punto de vista militar non tiñan ningunha oportunidade de gañar. Pero Xehová viu o seu valor e recompensounos. Confundiu o exército cananeo e fixo que caese unha enorme tromba de auga. En pouco tempo o val de Iezrael converteuse nunha lameira e aqueles carros que daban tanto medo quedaron atrapados no lodo. Agora os soldados de Sísera terían que loitar cos israelitas corpo a corpo sen a vantaxe que lles daban os carros. Ningún dos soldados cananeos quedou vivo. E que pasou con Sísera?
Sísera conseguiu fuxir a pé cruzando a lameira como puido ata chegar a unha zona máis alta. Foi un covarde e abandonou os seus homes para salvar a súa propia vida. Barac empezou a perseguilo, pero Xehová estaba observando todo e tiña algo pensado para Sísera.
Le o relato da Biblia:
Xuíces 4:1-16, 23, 24; 5:1-23
Pensa nisto:
De que formas demostraron valor Barac e Déborah?
Afonda máis
1. Como era a vida en Israel baixo o dominio de Sísera? (w15 1/8 páx. 12 par. 6-wcgr).
2. Por que non é habitual que se conte a Déborah entre os 12 xuíces de Israel? (w86 1/6 páx. 31 pars. 6-8).
3. En que sentido foi Déborah “unha nai en Israel”? (Xuí. 4:4, 5; 5:7; w15 1/8 páx. 13 par. 1-wcgr). A
Imaxe A
Imaxe A
4. A que se referían Barac e Déborah cando cantaron que “as estrelas [...] loitaron contra Sísera”? (Xuí. 5:20; w05 15/1 páx. 25 par. 5-wcgr).
Medita no que aprendiches
Cando podería un irmán imitar a Barac e aceptar humildemente a axuda dunha irmá? B
Imaxe B
Por que necesitou Déborah valor para acompañar a Barac? Cando necesitamos nós un valor similar?
De que outras maneiras podes imitar o valor de Barac e Déborah?
Analiza o cadro completo
Que me ensina este relato sobre Xehová?
Como se relaciona este relato co propósito de Xehová?
Que me gustaría preguntarlles a Barac e a Déborah cando resuciten?
Aprende máis
Analiza como este relato nos asegura que os nosos esforzos lle importan a Xehová.
“Que a túa boa disposición louve a Xehová!” (w17.04 páxs. 28-32)
Que nos ensinan Barac e Déborah sobre a confianza, a modestia e a obediencia?
“Grazas á súa fe fixo recuar un exército poderoso” (w03 15/11 páxs. 28-31)