“Mon’n vwar Senyer!”

ZISTWAR Mari Magdalenn i konmans avek lafreyer e i fini avek lazwa. Labib i dir ki “set demon ti’n sorti dan li.” San dout, Kris Zezi ki ti liber li avek sa kosmar. Alor, avek kouraz, i ti deside pour li servi son liberte pour swiv Zezi e donn li sipor dan nenport ki fason ki i ti kapab.

I ti apel son Senyer ki i ti vreman kontan Rabouni, en mo ki demontre en gran respe, ki vedir “Ansenyan.” Sa zonm ansanm avek son 12 zapot ti pe vwayaz partou dan sa rezyon pour ansenny dimoun konsernan Rwayonm Bondye. Mari ti vwar ki zot ti’n kit zot travay pour ki zot donn tou pour tou dan sa travay vreman enportan. Ki mannyer i ti pou kapab ed zot?

Mari ti parmi plizyer madanm “ki ti servi zot keksoz pour ed Zezi ek son bann disip.” Sa bann madanm ti ed Zezi ek son bann zapot finansyerman. An tou, i ti kapab annan apepre 20 disip, msye ek madanm, ki “ti al dan bann lavil ek vilaz, enn apre lot.” Dapre kiltir, sirman i ti drol pour vwar bann madanm pe akonpanny en ansenyan relizye e petet menm zot ti ganny kritike akoz zot ti diferan. Me pour Mari ek lezot madanm, i ti vo lapenn fer sakrifis pour ed Zezi ek son bann disip. Zot ti annan kouraz pour siport Zezi malgre sa ki lezot ti pe mazin lo zot.

Sirman, Mari ti vreman tris ler Zezi ti ganny arete sa zour swar Lapak Zerizalenm, ler i ti ganny akize pour koz kont Bondye e ganny kondannen amor lo en poto matir. Me Mari pa ti bes lebra. I ti al avek lezot madanm fidel, enkli manman Zezi, dan sa landrwa kot Zezi ti pe al ganny touye e ansanm zot ti montre Zezi ki zot kontan li, siport li e ki zot fidel avek li. Menm dan son soufrans, Zezi ti kapab vwar sa bann madanm fidel. Zot ti vwar ki Zezi ti reste fidel ziska lanmor e i ti fer tou sa ki son Papa ti’n anvoy li pour fer. Mari ti la ler Zezi ti rann son dernyen souf.

Sa bann madanm pa ti per pour plere devan lotorite bann Romen ek Zwif ki ti’n fek touy Zezi. Mari Magdalenn ti determinen pour fer ankor en keksoz pour son Senyer ki i ti byen kontan e sa ti pour okip lekor Zezi. Dan sa gro lasaler Zide, i ti fasil pour en lekor konmans dekonpoze vitman. Alor, pour anpes en lekor anvoy loder, dimoun ti abitye met delwil ek zepis lo lekor avan i ganny antere. Mari ti anvi fer lezot keksoz menm si Zezi ti’n fini ganny antere. Dek ki Saba ti’n fini, Mari ek lezot madanm ti al aste bann keksoz ki zot ti bezwen e byen granmaten zot ti al kot latonm Zezi pour okip son lekor.

Petet Mari ti ariv kot latonm premye e i ti sirprann pour vwar ki sa ros ti’n fini ganny tire lo latonm e latonm ti vid! I ti taye pour al dir Pyer ek Zan me ler i ti retourn kot latonm, lezot madanm ti’n fini ale. Mari ti bese e get dan latonm, “i ti vwar de lanz dan lenz blan pe asize kot lekor Zezi ti ete.” Apre ki i ti’n koz avek sa de lanz, i ti vire e vwar en zonm ki i ti krwar i en zardinyen. I ti demann li “Madanm, akoz ou pe plere?” Mari ti demann li kote lekor Zezi ti ete e i ti osi dir: “Msye, si ou’n tir son lekor, dir mwan kote ou’n met li e mon pou pran li.” Mari pa ti pe reflesir pour gete si i ti pou kapab lev e anmenn lekor en zonm. I ti zis konnen ki i ti bezwen fer sa ki i ti kapab fer.

Ler Mari ti pe vire pour ale byen tris, sa zonm ti dir zis en mo: “Mari!” I ti rekonnet sa lavwa. I ti kriye: “Rabouni!” e i ti may li. Zezi pa ti les Mari kontinyen tyonbo li. I ti demann Mari pour fer en keksoz enportan pour li: “Al kot mon bann frer.” Zezi ti konfye li en mesaz enportan pour li al dir son bann zapot ki zot Senyer ti’n resisite! Deswit Mari ti ale. Premye kou, sa bann zonm pa ti oule krwar li. Labib i dir: “Sa ki [i] ti pe dir pa ti paret fer sans pour zot.” Me sa pa ti anpes Mari Magdalenn pour kontinyen koze. Anfet, napa nanryen ki ti anpes li. Sirman depi sa, i ti kontinyen anons sa bon nouvel avek bokou kouraz.

Lir sa resi dan Labib:

• Matye 27:55, 56

• Mark 16:1, 2

• Lik 8:1-3; 24:1-11

• Zan 19:25; 20:1, 2, 11-18

Pour diskit lo la:

Ki mannyer Mari Magdalenn ti demontre kouraz?

Al pli o profon

1. 1. Dan ki fason Mari Magdalenn ek lezot madanm ti ed Zezi ek son bann zapot? (ijwia lartik 6 ¶5-6) A

   Ou larepons

   

2. 2. Akoz premye kou Mari pa ti rekonnet Zezi ki ti’n resisite? (ijwia lartik 6 ¶16)

   Ou larepons

3. 3. Akoz Zezi ti demann Mari Magdalenn pour larg li? (w08 1/4 10 ¶6)

   Ou larepons

4. 4. Pour bann zapot, sa ki Mari Magdalenn ti dir zot konsernan rezireksyon Zezi “pa ti paret fer sans.” Petet ki pwennvi zot ti annan lo bann madanm ki ti fer zot reazir koumsa? (Lik 24:11; w12 1/10 9 ¶6-10 ¶1)

   Ou larepons

Reflesir lo sa bann leson

• Mari Magdalenn ti pare pour fer nenport ki keksoz pour ed lezot. Ki mannyer nou kapab imit son legzanp? B

  Ou larepons

  

• Ki mannyer nou kapab imit Mari Magdalenn ler lezot pa oule krwar oubyen apresye sa mesaz Labib ki nou anonse? (Lik 24:10, 11)

  Ou larepons

• Ki mannyer ou kapab imit kouraz Mari Magdalenn?

  Ou larepons

Reflesir lo Zeova ek son plan

• Ki sa resi i ansenny mwan lo Zeova?

  Ou larepons

• Ki mannyer sa resi i relye avek plan Zeova?

  Ou larepons

• Akoz ou rekonesan ki tre probab Mari Magdalenn in ganny swazir pour al dirize ansanm avek Zezi dan lesyel?

  Ou larepons

Aprann plis

Konpar serten zistwar lo Mari Magdalenn avek sa ki Labib i dir.

“Who Was Mary Magdalene?” (ijwbq-E lartik 172)

Ki mannyer lafason ki Zezi ti tret Mari Magdalenn ek lezot madanm in kit en legzanp lo ki mannyer pour tret bann madanm?

“Christian Women Deserve Honor and Respect” (w95-E 15/7 15-18 ¶3-8)