“Mon en dimoun ki fer pese”

PYER ti en peser ki ti travay dir e ki ti annan en biznes avek son fanmir. I ti ardyese e i ti annan kouraz. Pyer ti fasilman dir sa ki i pe mazinen e i ti azir vitman ler neseser. Avek bokou leksitasyon, en zour son frer Andre ti vin dir li: “Nou’n trouv Mesi.” Apre sa Pyer ti vin en disip Zezi.

Detrwa mwan pli tar, Zezi ti al Kapernaoum kot Pyer ti reste. Pyer ti’n fek pas en gran lannwit pe lapes, me i pa ti’n ganny nanryen. Zezi ti demann Pyer pour avans son kannot dan kre e pour pas son lasenn ankor. Pyer pa ti krwar ki sa ti en bon nide, parski lizour ti’n fer e i pa ti sa bon moman pour lapes. Alor i ti dir: “Nou’n rente lannwit antye e nou pa’n ganny nanryen.” Me i ti obeir. En sel kou, de kannot ti telman plen avek pwason ki zot ti pros pour koule! Pyer ti per, alor i ti tonm azenou devan Zezi e dir: “Senyer, sorti o bor mwan akoz mon en dimoun ki fer pese.” Pyer ti santi ki i ti fer tro bokou pese e alor i pa ti merit la o bor Zezi, Garson Bondye, sa enn ki ti pe fer sa bann mirak. Zezi ti reasir Pyer: “Pa bezwen per. Konmansman ozordi ou pou lapes dimoun.”

Zezi ti vwar sa ki bon dan Pyer e pli tar i ti fer li vin enn parmi son 12 zapot. Pyer ti demontre kouraz dan en kantite fason. Ler Zezi ti dir en keksoz ki bann dimoun pa ti tro konpran e ki lezot disip ti per pour demann li kestyon, souvan Pyer ki ti koze e demann kestyon pour ki i kapab konpran pli byen. Ler Zezi ti mars lo delo, Pyer ti annan kouraz pour demann Zezi si li osi i kapab mars lo delo pour vin kot li.

Pyer ti osi demontre en lot kalite kouraz. Ler en dimoun i ganny korize, i bezwen kouraz pour li egzamin son lekor onnetman, avek limilite aksepte son defo e apre fer bann sanzman neseser. Pyer ti demontre sa kalite kouraz plizyer fwa. Ler Zezi ti dir i ti pe al mor, Pyer ti reprimann li e dir: “Pa bezwen dir sa Senyer.” Zezi ti koriz li severman akoz i ti pe koz parey Satan, kont lavolonte Bondye. Avek limilite, Pyer ti aksepte ganny korize.

Sa zour swar avan son lanmor, Zezi ti anvi ansenny son bann zapot en leson lo limilite, alor i ti konmans lav zot lipye parey en serviter ti pou fer. Me Pyer ti sot anler e dir: “Mon pa pou zanmen les ou lav mon lipye.” Zezi ti koriz li. Apre sa, Pyer ti dir en keksoz ki ti lekontrer avek sa ki i ti’n fek dir. I ti demann Zezi pour pa lav zis son lipye me pour lav son lanmen ek latet osi. Ankor en fwa, Zezi ti koriz li. Pli tar, Zezi ti predir ki tou son bann zapot ti pou abandonn li. Me Pyer ti ensiste ki menm si tou lezot i abandonn Zezi, li i pa ti pou zanmen fer sa! Zezi ti dir Pyer ki trwa fwa i ti pou dir ki i pa konn li, sa zour swar.

Zis detrwa erdtan pli tar, Zezi ti ganny arete. Avek kouraz Pyer ti swiv Zezi dan lwen. Pyer ti dan lakour kot lakaz granpret ler Zezi ki ti dan lakaz ti pe ganny maltrete e zize pour en keksoz ki i pa ti’n fer. Par kont, serten dimoun ki ti pe debout la o bor ti rekonnet Pyer konman en disip Zezi. Me trwa fwa, Pyer ti dir ki i pa konn sa zonm, zis parey Zezi ti’n predir.

Zezi ti fek sorti dan lakaz granpret e i ti get Pyer. Pyer ti telman tris ki i ti kit lakour, “al deor e plere asodlarm.” En pti pe pli tar, apre ki son Senyer ki i ti byen kontan ti’n ganny touye dan en fason kriyel, i bezwen ki Pyer ti santi li pli mal ankor. Me i pa ti les sa dekouraz li konpletman. I ti determinen pour andire. Ki i ti fer apre sa? I ti zwenn ansanm avek lezot zapot. Pli tar, i ti rakont zot en keksoz pli eksitan: Zezi ti’n aparet avek li! Labib pa dir sa ki Kris apre ki i ti’n resisite ti dir Pyer, me Pyer ti ganny rekonforte e i ti reganny son lafors.

Detrwa semen pli tar, ler Zezi ti zwenn son bann zapot kot Lanmer Galile, i ti donn Pyer en zoli kado. Zis parey Pyer ti’n dir ki i pa konn Zezi trwa fwa, Zezi ti donn li trwa loportinite pour dir ki i kontan son Met. Apre sa, Zezi ti konfye Pyer en travay vreman enportan: “Donn manze mon bann pti mouton.” Parey nou pou vwar dan Sapit 49, avek bokou plis kouraz Pyer ti fer sanmenm.

Lir sa resi dan Labib:

• Matye 14:23-29; 15:15; 16:21-23; 18:21; 19:27-29; 26:69-75

• Mark 14:27-31, 53, 54; 16:7

• Lik 5:1-11; 12:41; 22:61, 62; 24:33, 34

• Zan 1:40-42; 13:3-10, 36-38; 21:15-17

Pour diskit lo la:

Ki mannyer Pyer ti demontre kouraz dan sa resi?

Al pli o profon

1. 1. Ki Pyer ti fer konman en peser? (it-E “Hunting and Fishing” ¶6-7) A

   Ou larepons

   

2. 2. Akoz Zezi ti apel Simon, Sefas (Pyer)? (Not letid dan Zan 1:42, nwtsty-E “You are Simon”)

   Ou larepons

3. 3. Ki Zezi ti pe sey dir ler i ti envit Pyer ek Andre pour “lapes dimoun”? (Mat. 4:18-20; w16.05 10 ¶3-4) B

   Ou larepons

   

4. 4. Avan ki Zezi ti mont dan lesyel i ti demann Pyer: “Eski ou kontan mwan plis ki sa ki la?” Petet akoz Zezi ti demann Pyer sa kestyon? (Not letid dan Zan 21:15, nwtsty-E “do you love me more than these?”)

   Ou larepons

Reflesir lo sa bann leson

• Ki ou kapab aprann avek Pyer lo konman pour kontinyen servi Zeova, menm si ou pe lalit avek en febles? C

  Ou larepons

  

• Ler ou reflesir lo lafason ki Zeova ek Zezi ti pare pour pardonn Pyer, ki mannyer sa i kapab ed ou?

  Ou larepons

• Ki mannyer ou kapab imit kouraz ki Pyer ti demontre dan sa resi?

  Ou larepons

Reflesir lo Zeova ek son plan

• Ki sa resi i ansenny mwan lo Zeova?

  Ou larepons

• Ki mannyer sa resi i relye avek plan Zeova?

  Ou larepons

• Ki ou’n aprann lo Pyer dan sa resi ki fer ou kontan ki i’n ganny swazir pour al dirize ansanm avek Kris dan lesyel?

  Ou larepons

Aprann plis

Ki mannyer bann paran i kapab servi legzanp Pyer pour ansenny zot zanfan lo konpasyon Zeova?

Zeova i pardonnen (9:40)

Reflesir lo ki mannyer Pyer ti reste fidel, menm si lezot ti abandonn Zezi.

“I ti fidel menm dan leprev” (ia 188-195)