An ka kɛ baarakɛbaga nisɔndiw ye
1 Yesu tun y’a fɔ ko a ka bɛ-yan waati la, mɔgɔ fanba ‘hakili tɛna kɛ fosi la,’ i n’a fɔ Nuhun ka waati mɔgɔw cogo la. (Mat. 24:37-39) O la sa, an bɛ se ka sigi n’a ye ko mɔgɔ caman tɛna Masaya kibaru duman lamɛn. Mun bɛ se k’an dɛmɛ walasa an ka nisɔndiya ka to an na tuma min na an b’an ka cidenyabaara kɛ?—Zab. 100:2.
2 A fɔlɔ ye ko an ka kan k’a to an hakili la ko kuma min ka kan ka fɔ, ani ci min b’an kan ka wajuli kɛ, k’o fɛn fila bɛɛ bɔra Ala de yɔrɔ. An n’an ka cɛsiri bɛɛ, ni mɔgɔ ma sɔn tuma o tuma an ka cidenyabaara la, o kɔrɔ ye tiɲɛ na k’u banna Jehowa de la. An kana ɲinɛ ko n’an tora kantigiya la wajuli la, k’o ka di Jehowa ye, wa, k’o de fana b’an dɛmɛ an k’an ka nisɔndiya n’an ka hɛrɛ to an na Ala ka baara kɛli la—Yak. 1:25.
3 A filanan ye ko hali bi mɔgɔw bɛ yen minnu bɛna sɔn Jehowa ka fɛɛrɛ tigɛlenw na kisili kama. Hali n’a bɛ iko mɔgɔw fanba ma magojira kɛ, ko an surunyara kosɛbɛ laban tuma na, o bɛɛ n’a ta, mɔgɔw bɛ yen hali bi minnu bɛ iko sagaw, n’u ka kan ka lajɛ. An ka kan ka to wajuli la, ka don duguw kɔnɔ, a kɛra ‘duguba o duguba wala dugu misɛn o dugu misɛn’ ye, ka mɔgɔw ‘ɲini minnu ka kan n’a ye.’—Mat. 10:11-13.
4 Hakili ɲuman to i la: Nimisa kojuguba minnu bɛ kɛ nkalon diinɛw fɛ, o ye caman jigi tigɛ. Diɲɛ ye dɔw ‘bololankolonya, k’u jɛnsɛn.’ (Mat. 9:36) Caman bɛ se ka kɔnɔnafili u ka baarasɔrɔbaliya, furakɛli sɔngɔ, ni lasagonnenya ko la. K’o kow faamuya, o bɛ se k’an dɛmɛ k’an timinandiya an ka baara la. An ka wajulikɛyɔrɔ mɔgɔw haminakobaw ye fɛn minnu ye, an k’an cɛsiri k’an ka barow daminɛ n’o kow ye. An k’u dɛmɛ u k’a faamu ko Ala ka Masaya kelenpe de bɛna o kow ɲɛnabɔ. Baara kɛ ni Bibulu ani sɛbɛnw yɔrɔ kɛrɛnkɛrɛnnenw ye walasa k’u dusukun sɔrɔ ni kibaru duman ye.—Heb. 4:12.
5 Ala ka baara kɛbaga nisɔndiw b’u hakili to a la tuma bɛɛ ko: ‘Jehowa ka ɲagali y’an barika ye.’ (Neh. 8:10) Kun si t’an bolo an ka nisɔndiya ka tila an na. “Ni o so ka kan n’a ye, aw ka hɛrɛ ka da a kan. Ni a man kan n’a ye, aw ka hɛrɛ ka kɔsegin aw ma.” (Mat. 10:13) N’an bɛ muɲu baara senuma na, Jehowa b’an ka nisɔndiya n’an barika kuraya, ka duba an ye an ka kantigiya ko la.