“An ka baara kɛ Jehowa ye ni nisɔndiya ye”
1 Ciden Paul y’a sɛbɛn ko: ‘Tuma bɛɛ aw ka nisɔndiya Matigi ko la. Ne b’a fɔ tugun aw ye, k’aw ka nisɔndiya!’ (Fil. 4:4) Jogo ta fan fɛ, mɔgɔ dɔw bɔlen bɛ saga fɛ. Ka kibaru duman weleweleda, ani ka o mɔgɔw dɛmɛ u ka Jehowa bato, o bonya min dira an ma, o bɛ nisɔndiyaba lase an ma. (Luka 10:17; Kɛw. 15:3; 1 Tes. 2:19) Nka ni o bɛɛ la an tɛ nisɔndiya sɔrɔ an ka cidenyabaara kɔnɔ tuma dɔw la, an ka kan ka mun kɛ?
2 Ala ka baara dilen: An k’a to an hakili la ko Jehowa de ye an ci ka waajuli baara kɛ. Tiɲɛ na, ka kɛ “Ala ka baarakɛɲɔgɔnw ye” Masaya kibaru weleweledali la ani ka mɔgɔw kɛ Yesu ka kalandenw ye, o ye an ka kunnawolo ye! (1 Kɔr. 3:9) Krista Yesu ni an bɛ ɲɔgɔn fɛ o baara in na, segin tɛna kɛ min kan tun. (Mat. 28:18-20) Mɛlɛkɛw fana bɛ ka u sɛbɛkɔrɔ sen don ka baara kɛ ni an ye bi sumantigɛba in na alako ta fan fɛ. (Kɛw. 8:26; Jir. 14:6) Ala ka jama bɛ fɛn caman ɲɛdɔn. Ni o farala Bibulu ka kuma kan, o bɛɛ bɛ a jira kɛnɛ kan ko Jehowa de bɛ ka baara in kɔkɔrɔdon, wa siga tɛ se ka don o la. O la sa, an waajulikɛtɔ an ka taa ɲɛ ‘i ko maa cilenw ka bɔ Ala yɔrɔ, Ala bɛ ka minnu kɔlɔsi, minnu ni Krista bɛ ɲɔgɔn fɛ.’ (2 Kɔr. 2:17) O ye mɔgɔ nisɔndiyakun barikama ye!
3 Ni an tɛ delili kɛ, an ka nisɔndiya tɛ se ka to an na Ala ka baara la. (Gal. 5:22) An bɛ se ka Ala ka baara kɛ ka an to Ala ka fanga dɔrɔn de kɔnɔ; o la sa, an ka kan ka a sɛbɛkɔrɔ deli a k’a ka hakili senu di an ma, a b’o min di ni dusumandiya ye a delilibagaw ma. (Luka 11:13; 2 Kor. 4:1, 7; Efɛ. 6:18-20) N’an bɛ delili kɛ an ka cidenyabaara ko la, o b’an dɛmɛ ka hakilina ɲuman ta ni jaabi jugu kɛra ka an kunbɛn. A bɛna an dɛmɛ ka waajuli kɛ ka taa a fɛ ni jagɛlɛya ni nisɔndiya ye.—Kɛw. 4:29-31; 5:40-42; 13:50-52.
4 An k’an labɛn koɲuman: N’an b’a fɛ ka dɔ fara an ka nisɔndiya kan waajuli kɔnɔ, an ka kan ka an labɛn koɲuman. (1 Pi. 3:15) O labɛn-koɲuman tɛ waati caman ta. A bɛ miniti damadɔ dɔrɔn de ta walisa ka segin sɔn-ni-sɔn gafenin bɔlen kura jiracogo kan, walima i b’a fɛ ka sɛbɛn min jira, ka o jiracogo ɲuman dɔ lajɛ. N’i mago bɛ kuma daminɛcogo ɲuman na, i bɛ se ka Comment Raisonner gafe lajɛ walima An ka Masaya Cidenyabaara kɔrɔlen dɔ lajɛ. Masaya weleweledala dɔw ye jiracogow sɛbɛn sɛbɛnfura kunkurunni kan walisa k’u yɛrɛ dɛmɛ ni o ye. U bɛ to ka o lajɛ tuma ni tuma walisa k’u hakili jigin a la. O b’u dɛmɛ ka u ka basigibaliya kɛlɛ, u ka se ka da u yɛrɛ la, ka waajuli kɛ ni jagɛlɛya ye.
5 Nisɔndiya bɛ nafa caman lase mɔgɔ ma. Ni an kɛra mɔgɔ ye min nisɔn ka di, o bɛ dɔ fara kibaru duman mandiya kan. Nisɔndiya bɛ fanga don an na walisa an ka kow kun. (Neh. 8:10; Heb. 12:2) Ka tɛmɛ o bɛɛ kan, ka baara kɛ nisɔndiya kɔnɔ o bɛ nɔɔrɔ da Jehowa kan. O kosɔn an ka “baara kɛ Jehowa ye ni nisɔndiya ye.”—Zab. 100:2
[Study Questions]
1. Mun bɛ se k’a kɛ Jehowa ka baarakɛla ka nisɔndiyaba sɔrɔ?
2. An bɛ ci min na, ni an y’an hakili to o bɔyɔrɔ la, o bɛ nisɔndiya lase an ma cogo di?
3. Jɔyɔrɔ jumɛn bɛ delili la, walisa an ka nisɔndiya ka to an na Ala ka baara la?
4. Cogo jumɛn na labɛn koɲuman bɛ an dɛmɛ ka dɔ fara an ka nisɔndiya kan waajuli kɔnɔ ani an bɛ se ka an labɛn ka ɲɛ cogo jumɛnw na?
5. Nisɔndiya bɛ an ni tɔw nafa cogo jumɛn na?