Kafo ka jamalajɛ kalan bolodalen kura

Ka taama Jehowa fɛ, i bɛ koduman jumɛnw sɔrɔ sisan o la? I bɛ se ka kɔnɔnasuli kɛlɛ cogo di walisa i kana tugu kuntilennaw nɔfɛ minnu bɛna digi kɛ Masaya kow la k’u bɔ jɔyɔrɔ fɔlɔ la i ka ɲɛnamaya kɔnɔ? (Mat. 6:33) Ikomi an bɛ diɲɛ min kɔnɔ, ko jugu jiralen bɛ i n’a fɔ ko ɲuman, yali a ka gɛlɛn i bolo ka ko ɲuman faranfasi k’a bɔ ko jugu la wa? (Heb. 5:14) Olu ye barokunw ye minnu bɛna ɲɛfɔ kafo ka jamalajɛ la. O kumakun ye ko: “Nafa sɔrɔ sisan i taamatɔ Ala ka siraw kan.” O jamalajɛ bɛ daminɛ san 1999 Sɛtanburukalo la.—Zab. 128:1.

Kafo ka jamalajɛ in na, ko kura min bɛna kɛ Sibiridon na, o ye ɲɛjiralan dɔ ye Baara ka Lajɛ kɛcogo kan. Walisa bɛɛ labɛnnen ka se ka na ka kalan bolodalen diyabɔ cogo dafalen na, ko min bolodala, kafo lakɔlɔsibaga bɛna jɛkuluw ladɔnniya o la.

“Tutigɛbagaw, aw k’aw kɔlɔsi aw taamacogo la kosɛbɛ.” O ye kalan yɔrɔ dɔ ye min bɛna jira an na, hakilitigiya ni cogo bɛrɛ bɛnnen bɛ waleya cogo min walisa ka waati nafama kunmabɔ tutigɛbagaya baara kama. (Efe. 5:15-17) A barokun dɔ ye ko: “Aw k’aw kɔlɔsi siraw la minnu bɔlen bɛ ɲuman fɛ.” An bɛ se ka jɛya a la cogo min na ni Ala bɛ sɔn fɛn dɔ la an ka ɲɛnamaya ko kelen-kelen bɛɛ la, a bɛna an kalan o la. Jɛmu min ye ko: “Kiraya kumaw timɛli bɛ nɔ bila an na cogo min na”, o bɛna an dɛmɛ k’an hakiliw n’an dusukunw fa ni kanuya ye ka ɲɛsin Ala ka Kuma ma. “Nafa bɛ Ala ka siraw la cogo min na!”, o foroba jɛmu bɛna sinsi kodumanw kan, an bɛ koduman minnu sɔrɔ sisan n’an bɛ taama ka taa’ fɛ ka kɛɲɛ ni Ala ka wajibi tilennenw ye.

Yali i ŋaniya ye k’a jira kɛnɛ kan batɛmu ji fɛ k’i b’a fɛ ka taama Ala ka siraw kan i n’a fɔ a ka maganna yɛrɛlatɛmɛlen dɔ la kelen wa? N’o don, kuma ni ɲɛmɔgɔya lakɔlɔsibaga ye walisa labɛn wajibiyalenw ka se ka kɛ.

I jɔlen ka to a kan, k’i tɛna kafo ka jamalajɛ nafama in jɛ. I ka kɛ tile fila kalan bolodalen in kuuru bɛɛ la, bawo “Mɔgɔ minnu bɛ siran Jehowa ɲɛ, k’a ka siraw taama, olu ye duba denw ye.”—Zab. 128:1.