Kafo ka jamalajɛ kalan bolodalen kura

An bɛ “nin waati gɛlɛn” min na, an mago bɛ hakilitigiya la min bɛ bɔ Jehowa yɔrɔ walisa ka a ka mandiya sɔrɔ, ani o mandiya ka to an kan. (2 Tim. 3:1) Ala-ka-marako san 2005 la, kafo ka jamalajɛ kalan bolodalen bɛna dusu don an kɔnɔ, ka laadilikan ɲuman di an ma. A kumakun ye ko “ ‘Hakilitigiya min bɛ bɔ san fɛ,’ o ka sira jira an na.”​—Yak. 3:17.

Sɛnposium fɔlɔ ye ko: “ ‘Hakilitigiya min bɛ bɔ san fɛ,’ an ka o jira an ka ɲɛnamaya kɔnɔ.” O bɛna an dɛmɛ k’a faamu a kɔrɔ ye min ye ka kɛ mɔgɔ sabalilen ye, ka kɛ mɔgɔ ye min jogo saniyalen don, ani ka kɛ mɔgɔ ye min labɛnnen bɛ ka Ala kanminɛ. O kɔ fɛ, kafo lakɔlɔsibaga bɛna fɛn saba wɛrɛ ɲɛfɔ hakilitigiya kan min bɛ bɔ Ala yɔrɔ. Kafoba lakɔlɔsibaga bɛna don fɔlɔ kalan kuncɛ, a kɛtɔ k’a jira Kerecɛn cidenyabaarakɛlaw labɛnnen don cogo min na ka kuma Ala ka hakilitigiya kan, hali ni dɔw bɛ u filɛ ‘mɔgɔ gansanw ye minnu ma lakɔli kalan kɛ.’​—Kɛw. 4:​13.

Don filanan sɛnposium tɔgɔ ye ko: “An ka tugu fɛn kɔ minnu bɛ dɔ fara an barika kan.” O bɛna an dɛmɛ ka fɛnw dɔn minnu bɛ se ka an dusu tiɲɛ Ala sira la, ani ka an yɛrɛ tanga olu ma. O bɛna a jira an na fana, an bɛ se cogo min na ka dusu don mɔgɔ wɛrɛw kɔnɔ jɛkulu ka lajɛw la ani forobaara la, ani denbaya kɔnɔ. Foroba jɛmu tɔgɔ ye ko: “Hakilitigiya min bɛ bɔ san fɛ, o bɛ an nafa cogo min na.” Ikomi an bɛ tugu Ala ka sariyakolow la an ka ɲɛnamaya kɔnɔ, an bɛ nafa caman sɔrɔ o la. Foroba jɛmu bɛna an ka waleɲumandɔn bonya ka ɲɛsin o ko ma. Jɛmu laban tɔgɔ ye ko: “Ni an bɛ jateminɛ kɛ ka kɛnyɛ ni hakilitigiya ye min bɛ bɔ Ala yɔrɔ, o bɛ an lakana.” O jɛmu bɛna an bila kosɛbɛ ka hakilitigiya ɲini min bɛ bɔ Jehowa yɔrɔ nin don labanw kɔnɔna na.

Jamalajɛ kelen-kelen bɛɛ waatiba ye kalanden kuraw ka batɛmu ye. Ala-ka-Marako kalan ani La Tour de Garde kalan minnu ka kan ka kɛ o dɔgɔkun na, olu fana sen bɛna kɛ kalan bolodalen na. Jehowa bɛ hakilitigiya min di, a b’a fɛ an kelen-kelen bɛɛ ka nafa sɔrɔ o la. Laadilikan ni dusu-don-kɔnɔ minnu bɛ an ɲɛ an ka kafo ka jamalajɛ la, o kow bɛna dɔ fara an ka alako kan.​—Nt. 3:13-18.