Kafo ka lajɛba kalannyɛ kura

Kafo ka tile fila lajɛba kalannyɛ min bɛ daminɛ setanburukalo la, o kumakun ye: “A’ y’aw hakili to tuma bɛɛ la Jehowa ka don na.” (2 Pi. 3:​12, NW). A labɛnna walisa ka ko lateliya dusu lawuli an na. Dugukolo kan sigibagaw bɛna Jehowa ka kiriw sidɔn sɔɔni. Jɔn de bɛna kisi “Ala Sebaaya Bɛɛ-tigi ka donba” la? Minnu nyɛmajɔlen bɛ to, Alako ta fan fɛ, ani minnu balocogo ye “taama senuma kɛwalew ani Ala la nɔrɔli walew” ye, olu dama de bɛna kisi.​—⁠Jir. 16:14; 2 Pi. 3:11, NW.

Batɛmu wajibiyalen don mɔgɔ ma, a kisili kama Jehowa ka don na (1 Pi. 3:21). Weleweledala minnu b’a fɛ ka batize lajɛba sen fɛ, u k’a fɔ lakɔlɔsibaa nyɛmɔgɔ ye min bɛna fɛɛrɛw ta o kama.

“An ka kan ka kɛ mɔgɔ sifa minnu ye”; o ye kɔrɔfɔ ye min tilalen don naani ye; wale minnu bɛ na ni mɔgɔ hakili toli ye Jehowa ka don na, o kɔrɔfɔ bɛna olu jira ka jɛya. Fɛn min ye ka “Jehowa ni tilennenya ni majigilenya ɲini” walisa an ka kisi, jamalabaro bɛna o kɔrɔ fɔ an ye. O jamalabaro ye: “An ka hakilimaya walew kɛ, katuguni Jehowa ka don surunyara.”​—⁠Sof. 2:⁠3.

Kafo ka lajɛba bɛna kuncɛ ni dusu lamin kɔrɔfɔ fila ye minnu bɛna di lakɔlɔsibaa taamakɛlaw fɛ. U kumakunw ye: “Yali tiɲɛ bɛ aw ka ɲɛnamaya cɛma wa?” ani “Nyɛbila labɛn, ka Jehowa ka don to aw hakili la.” Nin kɔrɔfɔw bɛna an su k’an ka ɲɛnamaya sɛgɛsɛgɛ, ani mago bɛ dakɛnyɛli minnu na, ka olu kɛ. Bibulu kiraya ni diɲɛ kɔnɔ kow b’a jira k’a jɛya ko Jehowa ka don ka surun an na. Kafo ka lajɛba kalannyɛ bɛna an dusu lamin walisa an k’an “hakili sigi ka to an nyɛna”. (1 Pi. 5:⁠8.) A’ ye labɛn kɛrɛnkɛrɛnnenw kɛ ka taa o don fila lajɛba la.