Kafo ka jamalajɛ nata kalanbolodalen

“Aw ka Ala ka ciw mara ka balo”. O ye kafo ka tile fila jamalajɛ kalanbolodalen kumakun ye, kafo ka jamalajɛ min bɛ daminɛ Sɛtanburukalo la. (Ntal. 4:⁠4) Mun na ka Ala ka ci mara o tɛ doniba ye, sinsi bɛna kɛ o kan. Ka fara o kan, Ala sago kɛli bɛ na ni nɛɛma ani ni hɛrɛ lakika, ni jigiya fana ye cogo min na ka ɲɛsin sini ma, o bɛna jira.—Mat. 11:28-30; Yuh. 13:17.

Walisa ka kanminɛli kɛ ka ɲɛsin Krista ka ci ma, mɔgɔ minnu b’a fɛ ka batise o jamalajɛ la, u ka kan k’o fɔ ɲɛmɔgɔya lakɔlɔsibaga ye. A bɛna mabɛnw kɛ minnu ka kan.—Mat. 28:19, 20.

Bɔɲɔgɔnkɔrɔ baro bɛn’a bɛna jira cogo nafama minnu na an bɛ se k’an ka kanuya jira ka ɲɛsin Ala ani an balimaw ma. (Yuh. 13:34, 35; 1 Yuh. 5:⁠3) Zaburu 19nan ani 119nan ka laadilikan minnu bɛ dusukun yuguyugu, olu sen bɛ kalanboladalen na. Hali k’a sɔrɔ o laadilikan fiyɛlen minnu bɛ bɔ Zaburu kɔnɔ, u sɛbɛnna a san waa caman de filɛ nin ye, o b’an kelen-kelen bɛɛ nafa cogo min na bi, an bɛna o ye.

Foroba jɛmu min bɛna kɛ kafoba lakɔlɔsibaga fɛ, o kumakun ye ko: “I ka siran Ala ɲɛ ka a ka ci fɔlenw mara.” (Waaj. 12:15) Jɛmu laban min bɛna kɛ kafo lakɔlɔsibaga fɛ, o bɛn’a jira funankɛw la cogo min na u bɛ se ka nafa bɛɛ la fisaman sɔrɔ u ka ɲɛnamaya kɔnɔ, ani mun na u bɛ se ka dannaya sɔrɔ sini banbali ko la. Kafoba lakɔlɔsibaga bɛna kalan ban a kɛtɔ ka koduman caman fɔ ka tugu ɲɔgɔn na, koduman minnu bɛ bɔ ɲɛnamaya la min bɛ kɛ ka bɛn kanuya, “tɔn masama” ma. (Yak. 2:⁠8) Tiɲɛ na, nin ye jamalajɛ kalanbolodalen dɔ ye min man kan ka fɔ mɔgɔ si kɔ!