Ongakusho Ngomagazini

INqabayokulinda July 1

“Iningi lethu aliqiniseki ukuthi kufanele lithini kumngane ogula kakhulu noma ogulela ukufa. Ucabangani ngalesi seluleko? [Funda uJakobe 1:19 bese ulindela impendulo.] Lesi sihloko sinikeza ukusikisela okuningana okusekelwe ezimisweni zeBhayibheli.” Khulumela isihloko esiqala ekhasini 10.

Phaphama! July

“Ingabe abesifazane kufanele bagcotshwe njengezikhonzi? [Lindela impendulo.] Nakhu okushiwo iBhayibheli ngowesifazane othile. [Funda eyabaseRoma 16:1.] Kodwa-ke, elinye ivesi lithi abesifazane kufanele bathule ebandleni. Ngakho-ke, uyini umbono weBhayibheli? Lesi sihloko siyachaza.” Khulumela isihloko esiqala ekhasini 28.

INqabayokulinda August 1

“Abantu abaningi banovalo lokuthi umhlaba uyokonakaliswa noma ubhujiswe impi yenuzi noma ukushintsha kwesimo sezulu. Ucabanga ukuthi kuyoke kwenzeke lokho? [Lindela impendulo.] Phawula lokho okushiwo iBhayibheli ngale ndaba. [Funda isAmbulo 11:18.] Lo magazini uphendula imibuzo emine evame ukubuzwa mayelana nokuphela kwezwe.”

Phaphama! August

“Kungenzeka wake waxoxa noFakazi BakaJehova ngaphambili. Wake wazibuza yini ukuthi kungani singena indlu ngendlu, ikakhulukazi ngoba abantu abaningi abanasithakazelo? [Lindela impendulo bese ufunda uMathewu 24:14.] Sithole ukuthi abaningi banemibono eyiphutha ngathi. Lo magazini uyachaza ukuthi bangobani oFakazi BakaJehova.”