Imihlangano Yokusisiza Ekwenzeni Abafundi
ISONTO ELIQALA NGONOVEMBER 5
INgoma 180
10 imiz: Izaziso zebandla neZaziso ezikhethiwe ezikuNkonzo Yethu YoMbuso. Qokomisa izihloko ezithile ezivela komagazini bamuva ezingaqokonyiswa kulelisonto. Khumbuza abazalwane ukuba beze nencwajana engangomagazini ethi OFakazi Benza Intando KaNkulunkulu eMhlanganweni Wenkonzo ngesonto elizayo.
20 imiz: “Ukutusa IZwi LikaNkulunkulu.” Ukucatshangelwa kwesihloko ngemibuzo nezimpendulo. Lapho uxoxa ngezigaba 3 no-4, yiba nommemezeli ofanelekayo ebonisa ukusetshenziswa kweSihloko esisha Sengxoxo.
15 imiz: “Ngingahlala Kanjani Ngingathathi-hlangothi Phakathi Neziyaluyalu Ezingokombangazwe?” Umdala ofanelekayo uxoxa ngobuhlakani nabasha ababili abayisibonelo ngamaphuzu avela encwadini kaMarch 20, 1990, eyayiya kuwo wonke amabandla asensimini yabaNsundu. Vuma kafushane ukucindezela okungokombangazwe abasha abaningi ababhekana nakho. Ngisho nasebekhulile baye bathintwa ukucindezela okunjalo. Ingabe kuye kwaba lula ukuhlala bengathathi-hlangothi? Baye baphumelela kanjani ekumelaneni nezenzo ezithatha uhlangothi? Xoxa ngezigaba 3 no-4 zencwadi. UJesu ungumholi wethu futhi ngenxa yalokho kumelwe silandele yena. Xoxa ngezAga 13:20; 29:25. Futhi ungase usebenzise amaphuzu asencwadini Ukubonisana amakhasi 308-14. Isivikelo sethu esingcono kakhulu siwukuhlanganyela ngokugcwele enkonzweni yasensimini futhi sizihlanganise ngokusobala nenhlangano kaJehova. Bonisa ukwazisa ngesibonelo esihle esibekwa yintsha ebandleni. UJehova uthokoza kakhulu ngenkambo yayo enhle futhi uyadunyiswa ngayo.—IzAga 27:11.
INgoma 46 nomthandazo wokuphetha.
ISONTO ELIQALA NGONOVEMBER 12
INgoma 6
8 imiz: Izaziso zebandla nombiko wezimali. Funda izincwadi zokubonga ezivela eNhlanganweni ngeminikelo eyathunyelwa emsebenzini weNhlangano womhlaba wonke naseSikhwameni SeNhlangano SamaHholo OMbuso. Futhi, bonisa ukwazisa ngokusekela ngezinto ezibonakalayo kwebandla lasendaweni.
22 imiz: “Ukuqondisa Abafundi BeBhayibheli Enhlanganweni KaJehova.” Ukucatshangelwa kwesihloko ngemibuzo nezimpendulo. Lapho uhlanganisa isigaba 3, yiba nommemezeli ofanelekayo ebonisa indlela umfundi angakhuthazwa ngayo ukuba abe khona emihlanganweni yebandla, kusetshenziswa ukwaziswa okuthile okuvela encwajaneni engangomagazini ethi OFakazi Benza Intando KaNkulunkulu, amakhasi 14 no-15.
15 imiz: IBhokisi Lemibuzo. Umdala onokuhlangenwe nakho kumelwe asingathe lengxenye ngendlela yengxoxo nokuhlanganyela okuthile kwezilaleli. Lapho kudingeka khona yenze isebenze ebandleni, usiza bonke ukuba baqonde isizathu nokubaluleka kwalokhu kwaziswa.
INgoma 36 nomthandazo wokuphetha.
ISONTO ELIQALA NGONOVEMBER 19
INgoma 101
15 imiz: Izaziso zebandla neZindaba EzingokwaseZulwini. Xoxa ngomsebenzi owenziwe ibandla phakathi nomkhankaso wensimu engabelwe. Sebenzisa izibalo ezivela embikweni webandla owathunyelwa eNhlanganweni ngoNovember 15.
20 imiz: “Siza Abanye Ukuba Babe Nekhono Ekusebenziseni IZwi LikaNkulunkulu.” Ukucatshangelwa kwesihloko ngemibuzo nezimpendulo. Qokomisa isidingo sokusizana ukuba sibe ngabaphumelela ngokwengeziwe ezicini ezihlukahlukene zenkonzo. Bonisa indlela abamemezeli abangasiza ngayo abafundi beBhayibheli abafanelekayo noma indlela umzali asiza ngayo ingane yakhe encane ukuba ilungiselele inkonzo.
10 imiz: IKomiti Yenkonzo ixoxa ngokuphuma njalo kwebandla enkonzweni yasensimini. Sebenzisani amaphuzu afanelekayo avela encwadini kaMay 31, 1990, eyayiya kuzo zonke izindikimba zabadala. Nikezani izibalo zebandla, nikhuthaza bonke ukuba bahlanganyele enkonzweni masonto onke futhi babike umsebenzi wabo ngokushesha ekupheleni kwenyanga ngayinye. Gcinani ingxoxo ingekhuthazayo neshukumisayo.
INgoma 183 nomthandazo wokuphetha.
ISONTO ELIQALA NGONOVEMBER 26
INgoma 161
5 imiz: Izaziso zebandla.
13 imiz: “Ukushumayela Izindaba Ezinhle—Ngesimo Sokuthandaza.” Inkulumo efudumele, ehehayo. Qokomisa isidingo sokuthandazela isiqondiso sikaNkulunkulu nesibusiso enkonzweni yethu.
15 imiz: Unobhala ubukeza nebandla izikhumbuzo zomhlangano wesigodi. Bhekisela esenezelweni seNkonzo Yethu YoMbuso kaOctober 1990. Hlanganisa izikhumbuzo ezilandelayo: Ingabe bonke sebewenzile amalungiselelo okuba khona emhlanganweni kusukela ekuqaleni kwawo? Ingabe usucelile ukuphutha emsebenzini wakho wokuziphilisa? Ingabe wonke umkhaya uhlonyiselwe ukuba uthathe amaphuzu ukuze kuqinisekiswe ukuthi bonke bazuza ngokugcwele esimisweni? Ingabe uyonikela ngokuzithandela ngezinkonzo zakho emhlanganweni? Ingabe usuwenzile amalungiselelo okuba izifundo zakho zeBhayibheli zibe khona? Futhi khumbuza abazalwane ukuba bangahambahambi phakathi nesimiso, kanye nangesidingo sokuba abazali balawule abantwana babo ngokufanele ngazo zonke izikhathi.
12 imiz: Hambisa ethi INcwadi Yami Yezindaba ZeBhayibheli phakathi noDecember. Inkulumo nomboniso. Bonisa ukubaluleka kwalencwadi, uqokomisa amaphuzu athile nemifanekiso engasetshenziswa. Ummemezeli onekhono ubonisa indlela lencwadi engahanjiswa ngayo kumzali emsebenzini wendlu ngendlu.
INgoma 188 nomthandazo wokuphetha.