IFax Yekhulu Lamashumi Amabili Leminyaka
UKUSUKA eNew York kuya eToronto ngaphansi komzuzu owodwa, Leso-ke isivinini sefax. lyini? Kalula nje. iwukuthwebula okubhaliwe ebangeni elikude—ukukhulumisana ngaphandle kwezwi. EUnited States kuphela, kuthengwa imishini yokuthumela okubhaliwe (facsimile) engaphezu kwezinkulungwane eziyikhulu inyanga ngayinye.
Odokotela bathumela imibiko yezokwelapha, abameli badlulisela amakhophi asemthethweni, abathengi bagcwalisa ama-oda okudla, neziteshi zemisakazo zemukela izicelo zezingoma ezivela kubalaleli konke lokhu ngefax. Lingakapheli nehora ngemva kokuzalwa kosana lwakhe, umama waseCalifornia wathumela ngisho nombhalo wonyawo lwalengane ngefax kugogo nomkhulu wayo abahlala kwelinye izwe.
Isebenza Kanjani?
Kulula kakhulu. Okudingayo nje kuphela uthelefoni, indawo yokuxhuma ugesi yasodongeni, nomshinii wefax. Iphepha elibhaliwe lifakwa kulomshini, lapho umshinyana ocingayo ufunda zonke izithunzana ezimnyama ezikulelophepha, uziguqulele emazeni kagesi, bese uzithumela ngocingo. Omunye umshini wefax omukelayo uphinde uwaguqule lamaza abe futi izithuzana ezimnyama futhi unyathelise ikhophi efana ncamashi.
Baqala Kuphi Lobuchwepheshe?
Emuva ngo-1843 umenzi wamawashi nongumsunguli waseScotland okuthiwa uAlexander Bain wakha futhi wamisa ngokusemthethweni umshini wokuqala wefax. Wawungumshinyana wokufunda imibiko engatheni ngokwezindingaiiiso zanamuhla. Inaliti enentambo kagesi exhunywe esihlokweni sensimbi eshwibekayo yayintengezela iye emuva naphambili phezu kogqinsi oluthile olunamagama ensimbi, ithumela amaza kagesi ngezingcingo zikathelefoni. Enye insimbi eshwibekayo yayiguqula ngalinye lalamaza libe ichashaza elimnyama ephepheni eliwazwelayo amaza kagesi.
Ngo-1907 kwakhiwa imishini yefax eyayisebenzisa isigubhu esijikelezayo nebhethri esebenza ngokukhanya eyayikwazi ukufunda amagama avamile ngokuqondiie esiqeshaneni sephepha esisongelwe kulesosigubhu. Nokho, ukuthumela ngemibiko yemisebe kwakuhamba kancane futhi kusenokuphazamiseka.
Ubuchwepheshe bawo-1980, busebenzisa izintanjana ezincane ezikwazi ukuthumela imibiko eminingi ngasikhathi sinye, ukuthumela imibiko ngezinombolo, nokucinanisa imibiko eminingi ethunyelwa ngasikhathi sinye, benza kwaba khona amaFax akwazi ukufunda futhi athumele ngesivinini semizuzwana emithathu ikhasi ngalinye ngaphansi kwezimo ezikhethekile. Njengamanje, iqembu lemishini okuyiyona esetshenziswa kakhulu inesivinini sangempela sokuthumela semizuzwana engu-45 ikhasi ngalinye.
Isetshenziswa Kanjani I“Fax”?
Ukwaziswa okuphuthumayo ngokuvamile obekuthunyelwa ngobusuku obubodwa noma ngeposi manje sekungathunyelwa ngemizuzu embalwa nje kuphela. Ukwaziswa okubhaliwe okubalulekile kungavunyelwa ngefax futhi kube sekusezandleni zalabo okuya kubo empeleni phakathi nesikhathi esifanayo naleso sokubhala ikheli encwadini, uyifake isitembu, bese uyiposa.
ECanada muva nje kwatholakala ukuthi ingane ethile yayinesifo esingathi sina, esisongela ukuphila esidinga ukwelashwa ngegazi. Njengoba bengoFakazi BakaJehova, abazali bayo babeqinile ezinkolweni zabo ezingokwenkolo zokuthi ngaphansi kwanoma yiziphi izimo igazi lalingeke lisetshenziswe. Kwathintwa abacwaningi bezokwelapha, futhi phakathi nemizuzu embalwa imininingwane yathunyelwa kudokotela ophethe ukuze asize iqembu lezokwelapha ekutholeni amanye amasu okungasebenzisi igazi okwakungaphendukela kuwo. Izifiso zabazali zahlonishwa, futhi umntwana welashwa ngokuphumelelayo. Lomkhaya wahlabeka umxhwele ngokuthi amaqembu ezokwelapha asezibhedlela manje asesebenzisa ifax njengemoto yokwabelana ukwaziswa kokwezokwelapha.
Ngisho nezezindaba ziye zayisebenzisa ngokuphumelelayo ifax. Ngo-1989, ngenkathi amabutho aseChina eqeda ukubhikisha kwabafundi eTianan-men Square eBeijing. eChina, uhulumeni wenqabela ukusakazwa kwakho lwethelevishini, umsakazo, namaphephandaba. Izingcingo zikathelefoni zasala zivulekile ukuze kulondolozwe uhwebo namanye amazwe, ngakho abacosheli bezindaba bathumela lezindaba nezithombe ngefax kubantu abangaphakathi eChina nakuwo wonke umhlaba.
Ezokukhangisa nazo ziye zazuza kulobuchwepheshe. Omunye umphathi wezokuthengisa wathi lapho kuthunyelwa izimemezelo zokukhangisa zefax, “leyomibiko iba inomqondo wokushesha nokuphuthuma. Ivele ifundwe ngaso lesosikhathi.” Kodwa ngokwabanikazi bamafax abaningi, lemibiko yefax engabalulekile imane ivale imishini yabo, iphazamisa ukwamukela kwabo ukwaziswa okubalulekile ebhizinisini labo.
Njengoba kuboniswe ngenhla. ukusetshenziswa kwefax kungavinjelwa ukucabanga kwakho kuphela. Nokho, njengoba kunjalo nangobunye ubuchwepheshe, ukhona othile oyoyisebenzisa kabi.
Ikusasa Liyiphatheleni I“Fax”?
Omunye unjiniyela wamacomputer ubona kusengaphambili ukuthi amafax azoshesha kakhudlwana futhi abe mahle kakhudlwana. Njengoba imishini ekwazi ukuhlala phezu kwetafula iba ingevamile emabhizinisini, ukuthumela ngefax kwangaphakathi kuzothatha indawo yokuthumela ngeposi kwangaphakathi. Imishini yokuthumela okubhaliwe ekhipha imibala ephelele, kanye nemishini yefax ephathekayo, isathuthukiselwa ukukhiqizwa. Umshini okopishayo, unyathelise ube yifax oqondiswa yicomputer yomuntu siqu nawo uyithemba lakusasa. Omunye umkhiqizi wayo omkhulu uze abikezele ngisho nokuthi kuzoba nemishini yefax yomuntu siqu engangebhuku lokubhala amaphuzu ebiza amaRandi angu-260.
Nakuba ucingo lusanikeza indlela yokuxhumana ngamazwi esheshayo, imibiko enjalo ngezinye izikhathi izwakala kabi noma iqondwe ngokungeyikho. Ifax ingathumela umbiko wangempela ubhaliwe—futhi ngokushesha. Manje isiyinto yokuxhumana ebalulekile ekuphileni kwethu. Ifax isithuthuke ngokugcweie futhi isiyohlala njalo.