Ana Ali Ŵakusachilila Kwinjila mu Sukulu ja Ŵakulalichila ya Uchimwene?

Ana akwete yaka yapasikati pa 23 mpaka 65, soni akutenda utumiki wandaŵi syosope? Soni ana ngakusalwalalwala? Ana ali ŵakusachilila kuja kulalichila kwakukusosechela ŵakulalichila ŵajinji? Naga ajanjile kuti elo pa yiwusyo yeleyi, ana pakwete paganichisye yakuwuchisya Sukulu ja Ŵakulalichila ya Uchimwene? Kutandila pijatandile sukuluji, maŵasa gejinji, soni abale ni alongo ŵanganaŵa peŵasa ajinjile sukuluji. Nambo tukusaka abale ŵajinji kuti awuchisye sukuluji. Amŵende Yehofa kuti ŵakamuchisye kusya mtima wakusachilila kumsangalasya jwalakwe soni kuya chisyasyo cha Yesu. (Sal. 40:8; Mat. 20:28; Aheb. 10:7) Kaneko akusosekwa kulolasoni mwayiŵelele yindu pa umi wawo, nikuchenga yine kuti aŵajilwe.

Ana ŵandu ŵaŵajinjile Sukuluji ŵakwete upile wakutumichila m’ma utumiki gapi? Ŵane ŵatumisye ku madela ga yiŵecheto yine, kapena kuja kulalichila mwapajika m’malo mwakusasimanikwa ŵandu ŵajinji. Ŵane akusatumichila mpela ŵakulolela dela ŵakamuchisya, ŵakulolela dela, kapena amishonale. Pakuganichisya yakutenda yejinji pakumtumichila Yehofa, akusosekwa kumbuchilaga maloŵe ga jwakulochesya Yesaya gakuti, “Une ndili apano, andume.”—Yes. 6:8.

ALOLELE FIDIYO JAKUTI, AMISHONALE AKUSAKAMULA MASENGO GAGOWOLA, KANEKO AJANJE YIWUSYO AYI:

• 

  Ana amishonale akusasagulidwa chamtuli?

• 

  Ana amishonale akusakamula masengo gambone gapi?

• 

  Ana ni ma upile gane gapi gakusapata amishonale?